الي كل ابناء شباس عمير المشتركين وغير المشتركين دعوة لكي نجتمع ونتنقاش , دعوة لكي تعود الروح الى المنتدي والله لقد فقد المنتدي موضوعاتكم المفيدة والغنية التي احببتنا جميعا فى المنتدي , دعوة لكي نتواصل مرة اخري , دعوة لكي نطمئن علي بعضنا البعض, دعوة الى دعوة كل الاعضاء الذين هجروا المنتدي فهم كثيرين كنا نستمتع سويا بالمنتدي بمشاكل بلدنا الام الكبيرة مصر والام الصغيرة التي تحتوينا شباس عمير ولا استطيع حصر عددهم حتي لاأنسي احدا منهم فهم من جعلوا المنتدي منتدي فأعلم أن كثيرا من الذين اسسوا هذا المنتدي لدي الكثير من الحزن لما يحدث على صفحاته فأبشركم ألا تقلقوا فسوف يعود المنتدي كما كان منتدي لأبناء شباس عمير وللم شمل أبناء شباس عمير ..


دعوة الى كل من جعلوا ابناء شباس عمير يهجروا المنتدي رجاء لانريدكم بيننا ..

حياك الله يا احمد بيه واحنا معاك بنجدد الدعوه للجميع بالتواصل وبناكد الدعوه للتواصل واالموده بين اهلنا واحبابنا واخواتنا وربنا يرحمنا ويهدينا جميعا الى ما فيه الخير والرشاد

ومن تانى هنقول
قشدة

محتاجين منتدانا يرجع عشان نعرف اخبار البلد ونعيش مع الناس الافراح والاحزان لان دى من اكبر فوايد المنتدى هو التواصل واعتقد ان هنا ليس بمقام دعوه لان من كان شيخه كتابه غلب خطاه صوابه والبلد مليانه مساجد لمن يريد ان يقوم بدور الداعيه الاسلامى

قشدة

بارك الله فيك يابقوش
فعلا تم هجر المنتدي جدا
ولكن ان شاء الله راجعين للمنتدي بكل حب وتآلف وتفكر وموضوعية.
لكي نتناقش فيما هو مفيد لنا ولبلدنا الحبيبة ( شباس )
ان شاء الله .
واحب اقولك يابقوش
راجعين راجعين شايلين في قلوبنا سلام

راجعين راجعين وكلنا اخوان

اشهد الله اني احبكم فيه

تسلم يا بقوش عل المبادرة دي رغم انها اتاخرت بس المهم الناس ترجع زي الاول
ولي رجاء بسيط من كل الاعضاء القدامي والجدد على حد سواء
مهما كانت ارائكم واتجهاتكم وميولكم السياسيه يستطيع كل منا ان يحتفظ بها لنفسه
ولا ننسنا ان لقائنا هنا للمعرفه والنقاش البناء وليس الهدام
وان يحترم الجميع اراء الاخرين ويقدم ما يراه من وجهه نظره بصورة حضاريه لائقه بنا جميعا ويتقبل اراء الاخرين ايضا بصدر رحب
بارك الله فيكم
وجمعنا دائما علي محبته وطاعته

اكيد بعد هذه الفتره التى مرت على مصر ولم نتعلم من قبل ثقافة الحوار لابد ان ندرك اننا جميعا مصريين لاندعو لقبليه او حزبيه لابد من تقبل الاخر ان الله جعل الاختلاف لعدم فساد الارض فمن الاختلافات تموج الافكار

والله وحشنا المنتدا والناس المحترمين ابناء شباس عمير

والله وحشتوني جداً أتمنى العودة قريبا إن شاء الله

طاب نرجع بس بلاش سياسة عشان محدش يزعل من حد تعالو معايا نتخيل الحياة بدون سياسة كم هى جميلة خلى اللى يعيش يعيش واللى يموت يموت وفكونا من الوش ده

  أنا أرى ان التواصل لأزال موجود بس أغلب الناس دلوقتي بتستخدم الفيس بوك على جروب أبناء شباس عمير

السلام عليكم جميعا  احلي منتدي منتدي شباس عمير ايامه كانت جميله وبالناس اللي بيه طبعا ناس زي الفل الواحد كان بيتشوق يشوف موضوع جديد او مشاركه من عضو ايام حلوه لما الواحد قبل ما يروح الشغل لازم يفتح المنتدي ويجي من الشغل يفتح المنتدى في كل وقت متابع وعرفنا باناس حلوه رغم اختلافات الاراء بس حبايب اذا الواحد غاب يوم يلاقي الكل بيسال الواحد كان بيفتخر بالمنتدي منتدي شباس والفضل لاحمد بقوش طبعا البعض ما يفكرش اني باجامله كان في يوم مشاركاتي اعلي من احمد صح يا ابوحميد فيارب يعود المنتدي لعصره بالناس الحلوه

هههههههههه ماشي يابوهايدي ربنا يخليك ياريس وياريت المنتدى يرجع زى الاول وان شاء الله هيجي يوم ويرجع زى الاول واحسن