بسم الله الرحمن الرحيم
ارحب بالاخوة الاعضاء وبكل ابناء شباس عمير.واشكر احمد فريج على مجهوده.واتمنى للجميع دوام التوفيق.اليوم اريد ان اكتب عن موضوع مهم يمس عمق المجتمع الشباسى واريد من الجميع مشاركتى المناقشه للوصول الى حلول جوهريه .الجميع يعلم ان قريتنا من اكبر قرى الجمهوريه ولديها ثقل سياسى واجتماعى واقتصادى احيانا.ولكن اذا نظرنا بعمق فسنجد ان هناك علاقه طرديه بين كبر المساحه وكثره السلبيات الموجوده بها ومن المعروف ان القريه بها النائب محى القطان وهو نائب مجتهد ولكن اهل القريه لم يستغلوا ذلك للتخلص من تلك السلبيات التى اخذت القريه للخلف ..فسنتكلم عن السلبيات الموجوده فى القريه من وجهه نظرنا مع اقتراح الحلول واخذها بمحمل من الجديه مع العلم ان وجود ايجابيات داخل القريه يعتبر شيى حدوثه طبيعى وسوف اعطى مثال لبعض السلبيات للتوضيح للاخوة الاعضاء وهذا المثال يخصنى لطبيعه عملى ودراستى
هل تعلم ان هناك قرى صغيرة جدا بالنسبه لقريتنا ومع ذلك يوجد بها ملعب ثلاثى جميل جدا فمثلا الغنيمى والمنشلين لديهم ملعب على اعلى مستوى مع العلم ان الملاعب الثلاثيه لاتستخدم فى الرياضه فقط.فمن المنوط به طلب ملعب ثلاثى لشباب القريه . :farao: وتقبلوا فائق احترامى اخوكم حسام الكاشف
ملاحظه هناك اشياء اخرى اكثر اهميه ولكن هذا مثال فقط للتوضيح للاخوة الاعضاء فهيا نعدد ما تحتاجه قريتنا ونذكر الحلول من وجهه نظرنا

الاخ حسام/
الموضوع ده خطير جدا جدا

ولكنى لى تعليق واحد كيف يكون لنا عضو مجلس شعب وحتى الان
لم توجد اى خطوة فى الفترة اللى فاتت دى

ارجو منك بحكم قربك من الكابتن محيى ان توجه له رسالتك

اهلا بك ابو اكرم .انا دلوقت خارج مصر ولو فى البلد كنت طلبت من الكابتن محيى بس ليه شباب البلد واهل البلد محدش فكر يطالب بمصلحه عامه كل اللى بيطلب حاجه بتبقى حاجه خاصه .وده عيب بلدنا ويمكن دى ثقافه اتربينا عليها.عايز افترض ان معندناش النائب محيى هنقعدو ساكتين مش هنطالب بحقوق بلدناهى دى مشكلتنا اننا بلد الفرد الواحد والحزب الواحد .
والف شكر على تعليقك ولحضرتك وافر الاحترام

اشكرك يا حسام على الموضوع
وعلى الرد
ولكن لو اتكلمنا بصراحة كل واحد فى بلدنا بيدور على مصلحته فقط
يعنى لو جيت تقارن اى حد فى شباس عمير بين انه مثلا يتعمل ملعب ثلاثى ولا ابنه يتوظف
الجواب طبعا معروف
الوظيفة اضمن

وعلى فكرة المنتدى ده جامد جدا وانا كمان خارج مصر وياريت لو تعرف المشرف على المنتدى ده
تبلغه ان يحاول يجيب لينا اخبار البلد اول باول يعنى يعمل موضوع محدث يوميا باستمرار
مين اتجوز مين طلق مين مات مين عايش مين حى
مين فرحه قريب
علشان نقدر نتواصل مع الناس اللى فى البلد
وشكرا يا حسام على الموضوع الجامد بتاعك
وياريت تبقى تسلملى على حامد الكاشف

يوصل انشاء الله بس متشرفناش بحضرتك

ابو اكرم

مش ابو كرم ياعم حسام

انا شايف الموضوع سخن والبركه ف ابو اكرم ولو اني افضل اننا نتعرف علي بعض احسن ونعرف احنا بنتكلم مع مين
ولا ايه يا شباب

باشكر ابو اكرم .انامقولتش ابو كرم خالص وباشكر الاخ/سيد وباشكر ابو مريم على اطراءه
وكمان الادمن على مجهوده وهو طبعا احمد بقوش
والموضوع ياجماعه يستاهل اننا نتكلم فيه اكتر واكتر ونحاول نجرب نكتب طلب بتوقيع جماعى للنائب بتاعنا نطالب فيه ببعض المطالب العامه زى طلب احاطه كده وللاسف ده دور المجلس المحلى
يعنى اى حد من اخواننا المتواجدين فى البلد نكلفه يوصل الطلب ده ونتفق على صيغه الطلب
نبدأ مثلا بسؤال عن المجارى وليه مخلصتش لحد دلوقت
ونشوف رد الفعل
وهل كلمنا هيكون على محمل من الجد ولا هيطنش
وشكرا لكم جميعا

ياريت لو تكرمت ياخ ابو اكرم تعرفنا بنفسك بناءا على طلب الاخ السيد

ياعم حسام هو اصلا الكابتن محيى بتشوفه علشان تقعد معاه ولا تقعد تتشاور معاه
ياعم صلى على النبى

طيب ما المجارى بقالها سنين وكل ما الواحد يغيب سنة ويرجع يقول انها هتتظبط
ولا حياة لمن تنادى

بصراحة الواحد بقى مكسوف انه يجيله واحد غريب من الاوضواع اللى فى البلد
وخصوصا فى ايام الشتاء
ياراجل دانا بخاف انزل الاجازة بعربية علشان متتبهدلش منى

عموما احنا مقدمناش غير
الدعاء بس لاغير
ومش نظرة تشاؤمية
لا دى نظرة واقعية مش اكتر

كل الناس عاوزة تعرف انا مين
:lol!:
احمد بقوش يعرفنى
لانى كنت كابتنه :farao: قبل كده
بس خلاص بقى ياعم بطلنا وبقى هوة كابتن على حد من طرفى بردك :bball: :bball:

والله يابواكرم انا معاك بس لازم نحلموا على الاقل ان بلدنا تكون كويسه وافرض ياخى ان معندناش عضو مجلس شعب .وعايزين نعملوا حاجه لبلدنا لوجه الله ايه نقدروا نعملوه .نحاولوا نشوف ونسأل لان لو كل حد قال مليش دخل هنبقى زى محنا.زمانك بتقول علينا الناس دى دماغها فاضيه .لكن اقسم بالله انى نيتنا خالصه ونفس بجد ناخد بايد بلدنا باى شيئ نقدر نعمله
وربنا يساعدناكلنا بس انا معرفتش انت مين برده

انا ياعم حسام اكبر منك بدفعة :joker:

ياجماعه ابو اكرم ال محير كل الناس هو الاستاذ احمد عبد الجواد عقل وهو فعلا كان كابتنى فى الفريق وده يشرفنى وحاليا ال خد مكانه فى الفريق اخوه اسلام عقل وهو من الناس الحريفه فى البلد واخوه احمد والله ده مش كلام مجامله والله ديت حقيقه
وشكرررررررررررررررررررررررررررررررا :lol!:

ياابن اللذينة يا احمد

:affraid: :affraid:

ياعم الف شكر على الكلام الجامد ده
بس خلاص بقى راحت علينا الفلوس بينى وبينى اهم من الكورة بكتير

عموما خلى بالك من الواد اسلام
ده اخوك الصغير

حبيب قلبى احمد باشا عقل
المنتدى نور ونتمنى تستمر معانا على طول

عارف يابو اكرم بمناسبه الاستاذ عبدالجواد كنت قاعد مع ك/محيى مرة وكنا تلاته وبنتناقشوا عن الدوله والحكومه .ولاقيته بيدافع عن الحكومه .فانا اتغظت
فقولت له ياك/محيى قيد الايدى بالاغلال اهون من قيد العقل بالاوهام فبص نحيتى كده وسكت على دخلت ا/عبدالجواد عقل فالكابتن محيى قال اللى جرب القيدين جه وسأله يااستاذ عبدالجواد حسام بيسأل قيد العقل ولا قيد اليد فطبعا والدك قال قيد اليد اهون
وطبعا ك/محيى كان فاهم انا قاصدى ايه بس الموضوع تاه وكان قاعد معانا واحد كمان كان بيدافع عن الحكومه ويقول مبارك ابويا وجمال اخويا واللى يجيب سيرتهم هزعل منه هههههههههههه اقسم بالله حصل

السلام عليكم الموضوع مهم جدا وفيه سلبيات تانيه كتير مش لازم كمان نعتمد على المسئولين فيها ينى ممكن ننظف شوارعنا بنفسنا وننصح الشباب بالبعد عن البانجو والحشيش اللى بقى عامل اكتر من السجاير من حيث الانتشار انشاره واصبح شئ عادى وكمان سلبيات كتيره نتمنى من كل عضو يشارك بالسلبيات اللى شايفها واقتراح لطرق حلها وشكرا للاخ حسام

بجد انا مبقتش عارف العيب عند مين عند النئب ولا عند الناس السلبية ولا عند الحكومةوالعيب في البلد ولا في الزمن واهي دنيا

انا بقى اقولك ياعم ياسر
العيب فين::

العيب إننا
ضحية مجتمع فاشى

ومنك لله يا جمال يا مروان


قشطة

فاشى ولا بيدى العيب يا عم ياسر اننا عايشين فى مجتمع ناس كتير فيه ممكن تتخلى عن مبادئها وبقى قليل الادب هو اللى واخد حقه فيه ويلا نقول

قشطة عالدنيا

والله كلامك صح
وعلى راى ابو اكرم منك لله
يا جمال يامروان
المفروض ميلودى تعمل حمله بعنوان
لا للاحترام ونعم لقله الادب

يا جماعة المشكلة فينا احنا نجحنا عضو مجلس الشعب بالتزوير وقعدنا نصفق له
علشان يعمل خير فى البلد ولكن بعد نجاحه نلاحظ :

#انتشار الخمورجية وبتوع البانجو ولو واحد اتمسك بالليل يطلع بعد ساعة براءة ازاى (الله اعلم) معرفشي
#توظيف من لا يستحق ومحاربة من يستحق
#التوظيف يكون على اساس اللى عائلته تمتلك عدد اصوات اكتر
(سلمللى على الكوسة)
المفروض محدش ينجح من البلد علشان تنضف من بتوع البانجو والفاسدين