ممتاز ممتاز ممتاز وبرده مش عيب إن التلميذ يقول لأساتذته ممتاز ما هى دي الديمقراطية . والله انا لما دخلت على المنتدي ده وسجلت فيه حسيت فعلا اني قاعد في المدرسة الإعدادي في شهر يناير والأستاذ عيد الحشاش والأستاذ حسني صباح بيمروا على الفصول والأستاذ عيد بيعلن عن رحلة الي القاهرة وطبعا لبس الطلبة الجزمة الطرنبة ودي طبعا كانت فضيحة في الهرم والسياح اتلموا علينا . وحسيت بالأبلة نبيلة والأستاذ توفيق واستعدت مناقشاتي مع الأستاذ بسيوني الحسيني والأستاذ عبد الباعث حامد وافتكرت الأبلة اعتدال والأبلة عزة من قلين والأستاذ طلب الوكيل والأستاذ طلعت كساب اللي طلعوا معانا الثانوي وافتكرت الأستاذ عصام شرف والأستاذ يوسف سلامة وافتكرت الأستاذ سيد بنه والأستاذ محمود العشماوي ناظر المدرسة والأستاذ سيد بدران مدرس الرياضيات من القاهرة وافتكرت زملائي في الإعدادي البروفيسور محمد الحشاش والدكتور محمد ابو المجد والأستاذ محمود حامد والأستاذ هشام سلطان والأستاذ محمد نبيه عمرو وافتكرت أيام الحب البرئ والحب التاني وأيام الدرس اللي بعد المدرسة والواحد مروح يدوبك ياخد سندوتش ويطلع على الدرس .
الله يلعنك يا حسني يا مبارك ( معلش يا جماعة اصلي افتكرت لما كانوا بيلموا مننا من المصروف كل واحد عشرة صاغ علشان سداد ديون مصر وانا كنت بأدفع ) حسني مبارك يشاركنا كل كل ذكرياتنا
