اعلنت السيدة انس الوجود عليوة عضو اتحاد الكتاب نيتها الترشح لانتخابات الرئاسة المصرية 2011 وهى بهذا تكون اول سيدة تعلن ترشحها للانتخابات فى مصر وقد اشارت انس الوجود انها قررت ترشيح نفسها لمنصب رئيس الجمهورية بعد ان تأكدت من اعجاب عدد كبير من المصريات بهذه الفكرة وتأييدها .

ما شاء الله الرجاله انقرضت خلاص
النسوان هيحكمونا ولا ايه يا رجاله
هههههههههههههه
طيب عندي سؤال لو السيده انس الوجود دي لو كانت متزوجه ووضعت
ايه العمل نقول السيده رئيسة الجمهوريه في اجازة وضع
؟؟؟؟؟؟؟؟؟؟؟؟؟؟؟؟؟؟؟؟؟

والله يا جماعة أنا لى رأى
اننا عايزين ديمقراطية وحرية
خلاص تترشح السيدة/أنس الوجود
لها حريتها فى ذلك وتعرض برنامجها الانتخابى
وأنا أيضا لى حريتى أصوت لها بنعم أو لا
أوافق عليها أو لا أوافق

( الحرية مكفولة للجميع بدون حجر على رأى أو فكر )

حياك الله يا ابو ريماس فعلا حق الترشح مكفول للجميع وايضا حق الاعتراض او القبول مكفول للجميع فلابد ان يقبل الجميع الراى والراى الاخر لكى نبدا عصرا جديد من الحريه والديموقراطية

قشدة

ههههههههههههههههههههههههههههه
حلو قوى تعليق الاخ الغالى محمد السعدنى
طيب هى أجازة الوضع دى بتبقى 3 شهور هنعمل إيه فيهم .
بس يا أ/ محمد شكلها بقى كبير على الخلفه خلاص عموما محنا جربنا حكم الرجالة أكتر من 30 سنه خلينا نجرب الستات دو لو نجحت يعنى جايز يكون فيهم خير . ولو ان حتى كلمة جايز دى بعيده قوى .
عموما ربنا يولى من يصلح.

فيه ايه يا جدعان .. هى الحرية والديمقراطية وصلت ان الريس بتاعى يبقى ست

ولما بسلامتها بقى تقابل رئيس دولة هتسلم بس ولا هتتاخد بالاحضان....
طيب شكلنا ايه كمصرين خارج مصر لما نتقابل مع مواطن عربى ويقولى اللى بتحكم ست .


معنى كده بقى ان الحرية توصلنا ان الست تبقى مأذونة شرعية

وهو خلاص يعنى مابقاش فيه رجالة فى مصر



قشطة

يا ابن خالي الموضوع مش كده
خليك واسع الافق
المستشاره الالمانيه ( ميركل ) فيه حد بيقول للالمان بتحكمكم ست
دي ديمقراطيه
يعن كل واحد حر يترشح زي ما هو عايز
وانت برده حر تنتخبه او لا
افهموها بقي

يعنى هى المستشارة الالمانية دى لو قعدت فى غرفة مغلقة مع رئيس دولة حد من الالمان هيقولها دى خلوة غير شرعية

طيب دى هتسافر من بلد لبلد تانية مؤتمرات .. هل بقى لازم تسافر باذن زوجها و لا إيه ؟

ياابن عمتى ... كل مجتمع وله تقاليده واعرافه ومتطلباته

والحرية فى وجهة نظرى المتواضعة مش ممكن توصلنا للنقطة الى تخلى رئيس الجمهورية واحدة ست ..

أكد الداعية الإسلامي الشهير الشيخ محمد حسان أنه لا يمكن السماح بوجود مسيحي أو سيدة مسلمة في منصب الرئاسة في مصر.

وقال حسان في تصريحات لوفد صحفي مصري وسوداني وسويسري أمس الأول إن الولاية العظمى في دولة إسلامية يجب أن تكون لرجل مسلم، ولا يجوز أن تكون لمسيحي أو حتى سيدة مسلمة، وأكد أن هذا لا يمثل رأيا شخصيا له بل إنه يمثل ما اتفق عليه فقهاء الأمة.

أنا من رأى ان لا تصح ان تكون رئيس جمهوريتنا سيدة رغم اننى ارحب الديمقراطية المشروطة بتعاليم الدين الاسلامى ولا ارحب بالديمقراطية الغربية لاننا لو طبقنها سوف نخالف تعاليم الاسلام ....

بعد الحمد لله والصلاة والسلام على رسول الله : يا ابو حميد كلامك زين والله بس المشكلة ان العلماء مختلفون فى ذلك : قال الشيخ نصر فريد واصل شيخ الازهر سابقا انا من المعارضين لتولية المرأة منصب رئيس الجمهورية ودلل بذلك انه يعتريها القصور فى فترات معينة وأزمان متعاقبة تكون فيها غير كاملة المزاج والعقل من الحمل والنفاس والحيض الى غير ذلك من الامور الاخرى واستدل ايضا بحديث النبى صلى الله عليه وسلم لمااخبر صلى الله عليه وسلم ان اهل فارس ملكوا عليهم امرأة قال صلى الله عليه وسلم (( لن يفلح قوم ولوا امرهم امرأة )) فقال رحمه الله فى هذا الحديث دلالة واضحة انه لا يجوز تولية المرأة المناصب القيادية ثم قال ولو جاز ذلك لكان امهات المؤمنين اولى بذلك وعلى هذا جمهور العلماء وهو الراجح
::: أما الرأى الثانى وهو على النقيض من الاول وبه قال الدكتور يوسف القرضاوى وبعض العلماء على ان المرأة لها الحق فى تولى منصب رئاسة الدولة شريطة ان تكون صالحة وكفء وهو رأى ضعيف واستدلوا على ذلك بأن مصر حكمها نساء فى فترة من اصعب الفترات وكانت هذه الفترة تحتاج فيها مصر الى رجال اقوياء امثال كليوباترا وشجرة الدر وقادوا البلاد الى الاصلح واستدلوا بحديث لا ادرى اهو ضعيف او منكر ان النبى صلى الله عليه وسلم قال (( خذوا نصف دينكم عن هذه الحميراء )) يقصد النبى بذلك السيدة عائشة رضى الله عنها وعن امهاتنا امهات المسلمين . وجزاكم الله خيرا نسألكم الدعاء بظهر الغيب . يتك خيبة يا عبده مصر اتغلبت وانت فى الجنوب منتش قادر تعمل حاجه ههههههههه

ابو اكرم حبيبى انت مدورتش هى مسلمه ولا لا وقعدت تقول حجرة مغلقة وسفر وغيره مش هتفرق كتير والوحده معندهاش اسلام اصلا (( ليس بعد الشرك بالله ذنب )) ولا ايه يا حبيبى جزاكم الله خيرا

اخى .. ابن الحتة

احترم وجهة نظرك فيما تقول ولكن :

أنا لما جيت اتكلم عن الموضوع من ناحية الدين : فانا جبت كلام الشيخ محمد حسان وأعتقد أن هو اصلح منى ومن اى فرد موجود فى المنتدى يتكلم من ناحية الشرع بالنسبة للموضوع ده .

أما رأى الشخصى فانا قلته لانى واحد من عامة الشعب وباتكلم بلغة الشارع واكيد انا بأقصد المرأة المسلمة

اما بالنسبة بقى لعبده:
انا معرفش تقصد عبده مين بس
هو عبده لوحده ماعملش حاجة..... ياعم ... شباس كلها فى الجنوب ومعملتش حاجة

تقبل رأى المتواضع


قشطة

يا احمد بيه يااخويه هى عمرها ما هتكون ولا هتكون رئيس جمهورية لاننا لا طباعنا ولا تقاليدنا ولا دينا يسمح بكده لكن الست من حقها تعبر وتشارك ههههه عاوزة مانجه تاخد مانجه يعنى هى عاوزة تترشح وماله لكننا من حقنا نعترض وهنعترض ولا ايه يا ابو اكرم يا اخويه

قشدة

السلام عليكم كلامك جميل يا ابو حميد والله نعم لا ديننا ولا تقاليدنا ترضى او تسمح بذلك لكن لها حق الاختيار عايزه مانجه ماشى وكده يعنى وابو اكرم حبيبى نعم الشيخ محمد حسان احسن منى ومنك ومن اى واحد فى المنتدى نحسبه كذلك والله حسيبه وكلامه على الرأس والعين نعم وانا والله اعرف انك تتكلم عن المرأة المسلمه كيف لها ان تتولى امورنا وتسافر وتجلس فى غرفة مغلقة الى غير ذلك من الاشياء الاخرى ديننا الحنيف لا يرضى بذلك ابدا وإن قاس من قاس ان مصر حكمها نساء فى فترة من الفترات وقادوها الى كل خير فى فترة من اصعب الفترات فهذا قياس قال عنه العلماء انه قياس فاسد لحديث النبى صلى الله عليه وسلم (( لن يفلح قوم ولوا امورهم امرأة )) . اما عبده فأنا اقصد عبدالرحمن ماضى انا بهزر معاه جزاكم الله خيرا الله يعينك ويعينه ويسهل لكم الحال اجمعين انتم والمسلمين جميعا جزاكم الله خيرا

ماشى كلامك يا إبن الحتة

أما محمد بيه اخويا :

طيب لو عاوزةمانجة تاخد مانجة
ولو عاوزة بطيخ تاخد بطيخ ولا تلهط على طوووووول ؟؟؟؟؟؟؟؟


قشطة