تحدي للمتر محمود حشله

شوقتنا يا استاذ حمدى نرجو الاعلان باسرع وقت منتظرين المفأجأة

حبيبي ابو احمد شكلك حتسخن المنتدي ، اديها تسخين يا باشا بس لي ملاحظة :
أولا مفيش تحدي بين الأخ واخواته كل واحد بيكمل التاني ومن زمان ماسمعتش كلمة المتر دي وبالمناسبة دي أحكي لك حكاية :
ثانيا والله والله والله يا أخ حمدي أنا احب كل أهل شباس عمير بلا استثناء وقسما بالله أنا بقعد لوحدي احيانا أحلم بالبلد واننا بنعمل فيها مشاريع خيرية ورصف وطرق واكتشاف للمواهب واكتر حاجة بتشغلني من ناحية شباس هى اكتشاف المواهب مش في الكتابة بس أنما في القرآن والعلم والعلوم والفن والرياضة لان موهبة واحدة فقط سوف تدفع البلد مائة سنة للأمام وانا مقتنع بذلك .
أنا فاكر لما ابني الدكتور الكبير عبد الستار السحماوي الذي يدين لي بولاء كبير لمجرد لمسة تشجيع زمان وهو في الإعدادي عندما أصريت وكنتم جميعا معي على ان يؤمنا في الصلاة في رمضان وفي اليوم ده تعرضت انا وانتم جميعا لإنتقادات وحتي محاولات اشتباك بالأيدي ولما الناس شافته في المسابقة العالمية بدبي عرفوا مدي القيمة التي يمثلها شاب يحفظ القرآن على السبعة أحرف الرئيسية وعلي حوالي عشرة قراءات اخري .
فأرجوا أن أصحاب الفطرة الصافية اللي مثلك ومثل اخواننا جميعا في المنتدي يولوا المواهب في البلد جل اهتمامهم لوجه الله الكريم . وجزاكم الله خيرا

والله يا متر كلامك عظيم وطيب ياريت بس 10 افراد من البلد يكون عندها الاحساس الجميل لكن تعمل ايه للنفس البشريه لما تكبر وتنكر فضل بلدها عليها وتقول كما قال قارون انما اوتيته علي علم عندي .
نعم فاكر هذا اليوم جيدا رغم اننا لاتربطنا صله قرابه بالاستاذ / عبد الستار لكن كنا نفعل ذلك من باب تشيجع لولده .
وعموما مفيش تحدي ولا حاجه هي مسأله تشويق للموضوع القادمه .
ام الحكايه اللي انت طلبتها مني .
فاكر لما كنا واقفين عند منزل سيدي الحاج علي داود وجاء احمد ولدي وصغير ونحن نعتقد انه لا يعرفك بسبب بعده عن البلده وسألته عن اليافطه المعلقة علي منزل جدي ونطق بأسمك كامل وهو في المهد . فضحكنا جميعا
احمد الان بالصف الثاني الثانوي وهو بيمتحن هذه الايام ادعو له .

حأقولك على حاجة بعد اذن اخواننا في المنتدي : في كل مرة بأكتب رد على تعليق من تعليقاتك بأتذكر المسألة دي وأهم بأن أذكرها ولكن يمنعني الحياء من ذكر اسمي بصفة شخصية لكن لا يمكن انسي هذا الموقف أبدا وكان احمد لسة بيتعلم الكلام وعمي الحاج ابراهيم الغريب بيهزر معاه قاله اسكت احسن اجيب لك محمود حشله ، وكانت مفاجأة كبيرة جدا جدا للجميع لأنه كان بيتكلم كلمات بسيطة جدا يعني بابا وماما وبعض كلمات بسيطة خالص ، أحمد في تانية ثانوي ماشاء الله لا قوة الا بالله ربنا يحميه ويحفظه انا مستبشر له بمستقبل كبير ان شاء الله وياريت تخليه يهتم بالقرآن وباللغات الأجنبية ولما أنزل مصر لازم اشوفه طبعا لانه حبيبي وابن حبيبي وابن ابن حبيبي ،

بارك الله فيك وفعلا انت اخ فاضل وعموما هو مهتم جدا باللغة الانجليزية والفرنسية .
وبالنسبة للمفأجاة يعني شغال فيها بس هي عايزه وقت وعموما الفكرة اني عايز اكتب موضوع عن
قريتنا والبرلمان
مش عارف ايه رآيك