اللى بيحصل ف البلد
دى حاجات بدون معنى
عايزينها حريه
يمكن نعم
لكن حريه
مش للفراعنه
ما احنا الفراعنه
اللى انسرعنا
والموت صرعنا
عايزينها حريه
ثمره صراعنا
ولما بقينا اصحاب قرار
وركبنا السفينه
قمنا اندفعنا
قاعدين بنحفر
كأن السفينه
مش سفينتنا
حتى الشراع
ماهوش شراعنا
عايزينها تغرق
لو باستطاعنا
خطف ونهب
مع بلطجه
وزادت اشمعنا
نقول حقوق لازم ترد
بيطنشونا
وحتى ف قراره نفسهم
عايزين يحرقونا
ملعون ابونا
ويدوخونا
ولما ناس تحرق وتسرق
الكل يسمعنا
اه يا بلد ايش معنا
وماعدش امن
ولاعادش شرطه
عايزينها ليه
دا معدش تورته
ولاعدش شىء
فيها هينفعنا
واللى كان ماسك
بلدنا
واللى قتل بايديه ولادنا
واللى فتن
بصليب ومدنه
واللى للضياع واخدنا
كان زيكم عمال يجوعنا
خلاص بقه
يا ناس ارحمونا
هتموتونا
معدش حد منكم مره تانيه
ينومنا ويخدعنا
ولا رئيس مدينه
ولا محافظ
خد م المحن معنى
وكل صاحب قرار
عمال يصدعنا
وفينك بيوجعنا
لاموفر لنا زاد
ولا قادر يشبعنا
30 سنه فى الجوع
لما خلاص ضعنا
يارب تهدينا
ولديننا رجعنا
يارب من ذله الدنيا
احمينا وارفعنا
بحق جاه المصطفى
احمد شفيعنا
امن لنا مصرنا
واجبر لنا كسرنا
وفرج لنا كربنا
وبخيرنا متعنا
