دعوة الى الاخوة الأفاضل بشباس عمير ال انتخبوا شفيق ان يدعموه بكل قوتهم حتى يحافظوا على مكتسبات 30 سنة فساد
وبقول لكل واحد
وحشك مبارك ......................................انتخب شفيق
وحشك الفساد ......................................انتخب شفيق
وحشك الجهل والمرض...............................ما لك الا شفيق
وحشتك الواسطة والمحسوبية ........................شفيق طبعا
ما بتقدرش تنام الليل واحمد عز محبوس .........................حبيبك شفيق
عاوز تشوف سرور وصفوت ................................عليك وشفيق
عاوز ما يبقاش لك قيمة ....................................انتخب شفيق
عاوز تهلل وتبلطج وتمنع الناس يختاروا مرشحهم .......................انتخب شفيق
عاوز تشوف اعضاء مجلس الشعب الفاشلين ال ما لهم الا مصالحهم ومصالح اتباعهم ..................شفيق هيجبهوملك تانى
عاوز تخون دم الشهداء ال ضحوا بدمهم عشانك ............................انتخب شفيق
بتسميع توفيق عكاشة وتفتح بقك ومبسوط بكلامه ...........................انتخب شفيق
عاوز تنضرب على قفاك ...............................................انتخب شفيق
عاوز تدفع رشاوى فى الكماين والمرور ولما تخش على ظابط هتعملها على نفسك ....................انتخب شفيق
عاوز تزوير .........................................................شفيق
عاوز كلب من الكلاب ...............................................انتخب شفيق
ولو انتخبت شفيق وبتحبه قوى اسال الله العظيم ان يجمعك به يوم القيامة

اللة ينور عليك يا ابو الزهراء

شكرا يا باشا
يوجد اضافات منقولة

نفسك ترجع النظام القديم ؟!
نفسك ترجع قانون الطوارىء و ابنك يتاخد تحرى لمجرد انه ماشى فى الشارع متأخر ؟!

نفسك يفضل الدرج يتفتحلك فى كل مصلحة حكومية عشان تحط فيه الرشوة للموظف عشان يمشى مصلحتك؟!

نفسك ترجع الإهانة و الضرب و التعذيب فى أقسام الشرطة ؟!

نفسك خيرك و خير بلدك يبقى مش ليك و ترجع بلدك تتنهب تانى

نفسك تانى أكلك و محاصيل بلدك تبقى مسرطنة و ماء شربك يجيب فشل كلوى ؟!

نفسك تانى الناس تموت فى طابور عيش أو فى عبارة غرقانة أو فى قطر محروق ؟!

نفسك تفضل جامعات مصر و تعليمها فى آخر قائمة الجامعات المحترمة فى العالم ؟!

نفسك تانى يضيق عليك فى رزقك و يحبط ولادك و ينكسر الأمل فى قلوبهم و يبقى كل همهم يهربوا برة بلدهم اللى ما عدتش سايعاهم ؟!

نفسك ولادك يتفرجوا على اعلانات بورتو مارينا والرحاب ومدينتي ويشوفوا ولاد الناس بيلعبوا وبيتفسحوا فيطلبوا منك توديهم هناك فتقول لهم الحاجات دي مش لينا يا حبايبى

نفسك تشوف بنتك قاعدة جنبك لحد ما قربت تعنس ومضطر تأجل جوازها بالزوج الصالح عشان مش معاك تجهزها ولو بأقل شيء ي إما تضطر تقبل أى حد و السلام عشان تسترها ؟!

نفسك تانى تفارق ابنك ويتغرب بره سنين طويلة و يبقى كل أملك تشوفه و لو مرة قبل قضاء الله ما ييجى لأنه ببساطة مش هيعرف يعيش مستور لو رجع بلده؟!

نفسك تشوف اخوك الصغير او ابنك على القهوة يدخن في سجاير وشيشة ومخدرات عشان ينسى ان عمره 35 سنة ومش عارف يشتغل او يتجوز او يلاقي شقة؟!

نفسك تروح محكمة و متعرفش تجيب حقك غير بعد عشرين سنة ؟؟

نفسك نفضل من اقل الدول فى معدلات الشفافية و من اعلى الدول فى معدلات البطالة؟؟

نفسك تانى كل حاجة فى بلدك تبقى بالواسطة و لا تعرف تشتغل أو تتعين إلا بالكوسة و المحسوبية ؟!

نفسك تانى صوتك ما يبقاش ليه قيمة و إرادتك تتزور و تبقى عايش فى بلدك كأنك غريب بل كأنك ما فيش ؟!

نفسك يبقى صفوة المجتمع و المبرزين و المتمتعين بخير بلدك الراقصين و الراقصات و الفنانين و الفنانات و فى نفس الوقت العلماء و النابغين فى كل مجال مدفونين بالحياة جوة بلدهم و مستقرين فى آخر الصف ؟؟

نفسك تشوف بلدك بتكسب كاس الام الافريقية ثلاث أربع مرات وبتخسر جنودها على الحدود ببلاش وبتركع لأعدائها وتبيع لهم خيراتها و خير أرضها بأبخس الأثمان ؟؟!

نفسك تانى تبقى إرادة بلدك دايما تابعة لأمريكا و إسرائيل و بعد ما كانت دولة علمت الدنيا الحضارة تفضل دولة فى ذيل الأمم ؟!

نفسك كل اللى ماتوا و اتصابوا عشان تعيش أنت وولادك و أحفادك بكرامة دمهم يروح هدر و تجيب نفس الناس اللى ثاروا على فسادهم؟!

نفسك ترجع تعيش بمذلة و تكون جوة بلدك مواطن درجة تانية ؟!

نفسك فى كل اللى فات ده ؟

اشتقت له أوى ؟؟

الحل سهل

إدى صوتك لرجالة مبارك

ادى صوتك لتلاميذه

ادى صوتك للى اتربوا فى مدرسته و اتعلموا من طغيانه

ادى صوتك لوزير خارجيته و منفذ سياساته و اللى قال بلسانه إنه كان هيديله صوته

أو ادى صوتك لرئيس وزرائه اللى مبارك استأمنه على البلد أيام الثورة و اللى ماتكسفش أنه يقول إن قدوته و مثله الأعلى حسنى مبارك

إدى صوتك للفلول بس بعدها أنا مش مسئول

إنت لوحدك اللى مسئول

الثورة ستنتصر

حياك الله يا ابو الزهراء
مع كل الاحترام لراى الناس اللى انتخبت شفيق وبتقول انه مش محسوب عالنظام
سؤاااااااااااااااااااال
ليه النهارده اول مرة نسمع صوت سوزان مبارك فى تصريح يا رب يكون اخر تصريح ليها ويجيلها جلطة فى ؟؟؟؟؟ يلا فى لسانها وخلاص
سوزان مبارك بتقول اثبتت الانتخابات ان من كان فى ميدان التحرير هو البلطجية وان الشعب كان مؤيدا لنظام مبارك ولسه يا ام جيمى ويا ام عيلاء وبكره هنقلك يا حرم الفريق خدى راحتك يا حجة فمن عمل الشعوب يسلط عليهم الملوك والامراء
وربنا مبيحابيش حد ربنا بيدى لكل شعب اللى يستاهله
يا خسارة يا ام الدنيا
وصدق صديقى الاستاذ مدحت زعلول لما قال مصر طلعت مرات ابونا مش امنا

قشدة من غير بذر

اللهم يا رب العالمين استجب لدعائنا :
كل من انتخب احمد شفيق احرق قلبه على أولاده ويشوفهم امامه متقطعين زي ما قطع اولاد الناس
كل من انتخب أحمد شفيق تطمس على ماله وتطبع على قلبه فلا يؤمن ولا يتوب حتي يري العداب الأليم
كل من انتخب احمد شفيق تجعله مع فرعون وهامان وجنودهما خالدا مخلدا في جهنم
آمين

لا أسكت الله لك حسا أبا الزهراء.
مش هتجوزنى البت زهراء بقه؟

معا لدعم شفيق
- من أجل الحفاظ على مكتسبات الثورة.
- من أجل الحفاظ على أمن و سلامة اسرائيل و اليهود المساكين.
- من أجل اعادة بناء جدار الخوف الذى هدمه الثوار.
- من أجل توطيد دعائم المشروع الصهيوأمريكى فى المنطقة.
- من أجل عودة لصوص الحزب الوطنى الى مواقع سرقة المال العام حتى لا يبقى هناك مال عام بعد ذلك. فلا تبقى بعد ذلك فرصة لمزيد من اللصوص.
- من أجل اطلاق سراح مبارك الذى تحملناه 30 عاما و هو الان يحتضر فلا أقل من أن نكون كرماء و نكمل الجميل معه بالعفو عنه. و المسامح كريم.
- من أجل سحق فسيلة الأمل التى زرعها الثوار لانها هتاخد شوية عشان تبقى شجرة وارفة الظلال و احنا أصلا عندنا شجرة فساد جاهزة عمرها 30 سنة. و اللى تعرفه أحسن من اللى ما تعرفوش.
- عشان نريح نفسنا من دوشة الانتخابات و الاعادات و الناس اللى سابت اكل عيشها و راحت انتخبت. و ال 20% و ال 15% و النسب التعبانة دى. و نرجع بقه لايام العز و نسب ال 99.999% فما فوق.
- عشان نريح قضاتنا المحترمين من الاشراف على الانتخابات و يركزوا فى حاجة مفيدة.
- عشان نرجع لمجلس شعب كله هدوء و روقان عشان اذا اى نايم فى المجلس حب ينام يعرف ينام.
- عشان نقفل بقه معبر رفح فى وش اعداءنا الفلسطينيين و نعرفهم ان مصر دولة مستقلة ذات سيادة و لا تسمح لاى حد بالاعتداء على اراضيها.
عشان و عشان و عشان

يسقط يسقط يسقط حكم الفلول
ا/محمد عبد المنعم الثورة ستنتصر باذن الله
حبيبى محمد عبد الستار ربنا ياخد سوزان ويريحنا من شكلها ومن عل شاكلتها
استاذى واخى الكبير ابو ابراهيم وحشنى ووحشنى الكلام معاك انت فين
صديقى واخى الدكتور تامر لما تكون نفسك الأول وكمان تجيب طقم الصينى

العبيد هم الذين يهربون من الحرية فاذا طردهم سيد بحثوا عن سيد اخر لان في

نفوسهم حاجة ملحة الى العبودية لان لهم حاسة سادسة او سابعة.. حاسة الذل..

لابد لهم من اروائها فاذا لم يستعبدهم احد احست نفوسهم بالظمأ الى الاستعباد

وتراموا على الاعتاب يتمسحون بها ولاينتظرون حتى الاشارة من اصبع السيد

ليخروا له ساجدين .العبيد هم الذين اذا أُعتقوا وأُطلقوا حسدوا الارقاء الباقين في

الحظيرة لا الاحرار المطلقي السراح لان الحرية تخيفهم والكرامة تثقل كواهلهم

لان حزام الخدمة في اوساطهم هو شارة الفخر التي يعتزون بها ولان القصب

الذي يرصع ثياب الخدمة هو ابهى الازياء التي يتعشقونها .العبيد هم الذين

يحسون النير لافي الاعناق ولكن في الارواح الذي لاتلهب جلودهم سياط الجلد

ولكن تلهب نفوسهم سياط الذل الذين لايقودهم النخاس من حلقات في اذانهم

ولكنهم يقادون بلا نخاس لان النخاس كامن في دمائهم .العبيد هم الذين لايجدون

انفسهم الا في سلاسل الرقيق وفي حضائر النخاسين فاذا انظلقوا تاهوا في خضم

الحياة وضلوا في زحمة المجتمع وفزعوا من مواجهة النور وعادوا طائعين

يدقون ابواب الحظيرة ويتضرعون للحراس ان يفتحوا لهم الابوابوالعبيد – مع

هذا- جبارون في الارض غلاظ على الاحرار شداد يتطوعون للتنكيل بهم

ويتلذذون بأيذائهم وتعذيبهم ويتشفون فيهم تشفي الجلادين العتاة .انهم لايدركون

بواعث الاحرار للتحرر فيحسبون التحرر تمردا والاستعلاء شذوذا والعزة جريمة

ومن ثم يصبون نقمتهم الجامحة على الاحرار المعتزين الذين لايسيرون في قافلة

الرقيق
...............ــــــــــــ الشيخ سيد قطب رحمه الله ـــــــــــ.............

دى رسالة لاى واحد انتخب شفيق.

تحياتى يا مستشار
بس انا مش موافق عالتعليق وانت منفعل
احنا ندعى ربنا يكرمنا ويولى الاصلح للبلاد والعباد

قشدة

محمود حشله كتب:

اللهم يا رب العالمين استجب لدعائنا :
كل من انتخب احمد شفيق احرق قلبه على أولاده ويشوفهم امامه متقطعين زي ما قطع اولاد الناس
كل من انتخب أحمد شفيق تطمس على ماله وتطبع على قلبه فلا يؤمن ولا يتوب حتي يري العداب الأليم
كل من انتخب احمد شفيق تجعله مع فرعون وهامان وجنودهما خالدا مخلدا في جهنم
آمين

لاحول ولاقوة الا بالله .

ليه كده ده مش اسلوب اننا ندعي على بعض كمصريين ..

ولثانى مرة الحمد لله ان كلامي طلع صح وتحليلي للامور دائما عند محلها واعتقد ان الموضوع ده اكبر دليل لتأكيد كلامى ..

ياريت كل واحد بيأيد محمد مرسي يذكر اهم مميزات برنامج محمد مرسي مش يسيب مرشحه ويدور على عيوب الآخرين ..

ليه دايما بدور على عيوب الآخرين وننسي عيوبنا ..

ربنا وتقبل دعاء

رسالتى لكل من انتخب شفيق و من ينوى ان يعيد انتخابه:
قول الشاعر
و نفسك لم و تلم المطايا. و مت كمدا فليس لك اعتذار.

الحقيقة والله يا دكتور انا مش فاهم الناس زعلانة ليه من كلامي ، أولا انا دعيت ربنا وربنا حكم عدل يعني لن يقبل دعائي إلا إذا كنت مظلوم او على حق وما غلطش في حد ،ثانيا اللي انتخبوا شفيق يكفيهم من دعائي عليهم أنهم يقفون مع الكنيسة القبطية في مربع واحد ضد المشروع الإسلامي وضد المرجعية الإسلامية وضد شعار الإسلام هو الحل ويقفون في مربع واحد مع نجيب ساويرس الجاسوس ورامي لكح العميل ضد بلادهم التي يجب عليهم شرعا الوقوف معها ، يقفون في خانة واحدة مع اسرائيل التي أثنت على اختيار المصريين لأحمد شفيق وقالت انه يخدم الشراكة المصرية الإسرائيلية الإستراتيجية ضد المشروع الإسلامي .
لذلك انا دعيت وبأدعي ولا نملك الآن سوي الدعاء ، ربما في المستقبل ان شاء الله تكون هناك ساعة محاسبة حاسمة لكن الآن ادعوكم جميعا للدعاء بأن ينصر المسلمين على الصليبيين في الداخل والخارج وعلى العملاء في الداخل وعلى الجواسيس والمخبرين والصناتين ... آمين

مع ان الدعوات حارقة لكنى اعتقد ان الأستاذ محمود لم يقصد به القابضين والمسيسين والموجهين بل يقصد من يدفعوا او يوجهوا اما الغلابه فلا حول ولا قوة لهم وربنا يهديهم وبصراحة يا استاذ احمد احنا مش شايفين فى مرشحنا عيوب ولو كان فيه شخصيا عيوب فيكفيه عيبا انه يحفظ القرءان ولم يسرق ولم يقتل احدا ومعلش انا مش متابع قوى انت كنت قلت قيه بالظبط وكلامك طلع صح فى ايه

لماذا كل هذا العداء الى الاخوان ؟
كم قتل الاخوان من الشعب حتى نكن لهم هذا العداء... ؟
كم سرق الاخوان من الشعب حتى نكن لهم هذا العداء؟
كم خرب الاخوان فى الشعب حتى نكن لهم هذا العداء؟
كم سنه حكمنا فيها الاخوان حتى نكن لهم هذا العداء؟
حتى نقول انهم هيخربوا البلد .

كم شهيد من الاخوان فى الثوره؟
كم مصاب من الاخوان فى الثوره ؟
حتى نقول عليهم انهم ركبوا الموجه .

كم منصب تنفيذى فى يد الاخوان؟
كم وزاره فى يد الاخوان؟
كم محافظ من الاخوان ؟
كم مدير عام من الاخوان؟
كم رئيس بنك من الاخوان؟
كم غفير من الاخوان ؟
كم عمده من الاخوان؟
كم رئيس مجلس محلى من الاخوان ؟
كم وكم وكم ؟؟؟؟؟
حتى نقول انهم معملوش حاجه للبلد .

الاخوان هم الحزب الوطنى الجديد .
بالله عليك شفت ايه من الاخوان ؟ غير تشويه من الاعلام الذى ملئ عقول الناس بالغش والخداع والتشويه وفى النهايه انا متفق معك فرضا ان كلام الاعلام صادق ولكن دعنى اسالك سؤلا من هم اصحاب القنوات الفضائيه ؟ وخصوصا التى ظهرت بعد الثوره .
حان الان موعد ترك الخلاف والاتحاد ضد الفلول .

اولا : ربنا يجزيك خير يا استاذ محمود ويزيدك من فضله ويرشدك ويرشدنا كلنا الى طريق الرشد والصلاح ويولي علينا خيارنا ولايولي علينا شرارنا .

ثانيا : المفروض يا ابو الزهراء عنوان الموضوع ده يكون معا لدعم محمد مرسي علشان تبين مميزات محمد مرسي ؛ علشان ممكن واحد زى حالاتى ميكنش عارف مين محمد مرسي .

ثالثا : المفروض ثقافة الحوار بتتطلب من اى حد فينا انه يبين مميزات من يؤيده علشان على الأقل الشباب الصغير ال طالع ده يتعلم من الأكبر منهم ثقافة الحوار .

رابعا : من اسباب قلة شعبية عمرو موسي وابو الفتوح هى المناظرة كل واحد منهم قعد ينشر للتاني غسيله الوحش .

خامسا : انا واحد من الناس تمنيت وصول حمدين الى الرئاسة لأن هذا الرجل محترم ولا يقبل الصفقات السياسية لانه فعلا واحد مننا وبان محترم فى خطابه الذى اصدره اليوم .

ومتنساش يا استاذ محمود انك بتمثل التيار الديني والاسلاميين والآخرين بيمثلوا الكفار والخونة على حد قولك واعتقد ان اسلوبك ده يخسر الاخوان الكثير والكثير ؛ ولكن هناك اشخاص فى شباس عمير يجعلك تحب الاخوان امثال استاذى العزيز الاستاذ محمود محمد الحداد .
ربنا يسترها على مصر والمصريين من الفتنة ..

هذا ليس اسلوب حوار من ناس متعلمه اللهم لاتولي علينا حاكم طامع وجماعه طامعه وان شاء الله شفيق هو الرئيس

يا محمد لو سمحتلى الناس متعلمه وكل حاجة واعتقد ان المستشار يقصد برايه التوضيح اللى وضحه ابو الزهراء وهما الناس اللى متربصين بالبلد ومش عاوزين لها التقدم
وايا كان ارجو يكون عندنا سعة الصدر اننا نتقبل الخلاف ويا ريت منعلقش بانفعال وكل منا يحترم راى الاخر
ماشى يا فل بدل ماجيلك جده اخد الفلوس اللى انت لمتها ههه واحمد بيه اخويه مخدش منك حاجه

قشدة

مشكور يا أ/ احمد على التوضيح ولكنى غلبتنى يدى فبدلا ان اظهر مميزات مرشحى التى هى ملأ البصر والسمع والكل يعلمها وانما يحاولون طمسها وتشويهها فوجدت اولى ان اذكر من نسى من هو المنافس والى من ينتمى وما هى عيوبه التى هى ملأ السمع والأبصار ايضا ولو كان غيره مثلا ابو الفتوح او حمدين ماحزنت ولكنت اول المباركين المهنيين ولكن كرهى لمبارك واتباعه من امثال احمد شفيق وامثاله هو الذى دفعنى لذلك واحب اطمنك لن يكون لأحمد شفيق مكان بمصر الا السجن مهما حاولوا (الثورة مستمرة بايدى المصريين الأحرار بروح الشهداء الأطهار ) ومع ذلك يا سيدى الفاضل اتحجر على فى ان انتقد هذا اوذاك فانا حر اكتب العنوان كما اشاء ,وشكرا على النصيحة

ايه رايك فى التعليق ده يا عرب والله فعلا شر البلية ما يضحك

بيقلك الشعب يريد اسقاط النظام الشعب يريد اسقاط النظام
ولما سقط اداله فرصه يرجع يعيد السنه
هههههه قشده يا شعب

قشدة

الله اكبر والحمد لله واشهد ان لا اله الا الله وان محمد رسول الله .
الحمد لله الذى مَن علينا بنعمة الاسلام .
ربنا يولي الاصلح للبلاد والعباد .
رأئك وانت حر فيه وهذا حقك وبرده مش حقنا نحجر على الأخرين واننا نوصف الانسان بأفظع الالفاظ .

" ولقد كرمنا بني أدم " صدق الله العظيم

انا سمعت نصيحتك يا احمد وده فيديو يبين مميزات مرشحنا
https://www.youtube.com/watch?feature=player_embedded&v=EHop7z3YL6M#!

البس يا مصرى علشان بكرة هتمشى حافى
https://www.youtube.com/watch?NR=1&feature=endscreen&v=9FTI2LGSP5Y

من أول أمس وانا احاول ان اصل الي هذا الموضوع ولكن لا أجده لا في مناقشات ولا في مكان آخر عموما :
شكرا يا أحمد على النصيحة بس أنا لا أمثل التيار الديني ولا الإخوان وأنا قبل كدة قلت ان اللي بيمثل الإخوان هو الأستاذ محمود الحداد وأعتقد اني قلت ذلك مرارا وتكرارا .
بالنسبة يا أحمد لتوجيهاتك لنا بالطريقة التي نكتب بها بلا شك أنت مشكور على ذلك وهذا يؤكد حاجتنا الي منتدي جديد يستوعب أفكار الجميع وهو ما يجب أن نبدأ فيه فورا لاستيعاب أفكار وتحريك مواهب أبناء شباس عمير كلهم و يجب أن يكون ذلك جزء من التغيير الشامل في البلد ان شاء الله
اللي أنا بأستغرب له أن ناس اتغربت خارج بلدها وتركوا أهلهم وأولادهم بسبب السرقة والنهب والفساد في مصر لا زالوا يدافعون عن عصابة صهيونية اجرامية ويقفوا في نفس الخانة التي وقف فيها البابا شنودة وبيشوي عندما قالوا ان المسلمين ضيوف عندنا .
يا إخواننا المغتربين عموما في لحظة صدق مع النفس أرجو أن تسأل نفسك بعض الأسئلة خصوصا لمن هم في السعودية :
1- هل السعودية أغني من مصر ؟
2- هل الكفيل السعودي أرقي عرقا أو أعلي جنسا أو أكفأ أو أعلم منك .
3- هل السعودية أو دول الخليج عموما منتجة للثروة الحيوانية ؟ طيب ليه اللحمة فيها ارخص من مصر
انا ضربت مثال بالسعودية ومرضتش اضرب مثال جنوب افريقية علشان الفارق حيكون صعب التصور شوية .
حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل

اولا السلام عليكم ورحمة الله وبركاته

يااستاذ محمود وجودك فى المنتدي يزيد المنتدي نورا وبريقا ولكن كلامك يدل على اننى ليس لى رأى وكأنك تريدنى ان لااعبر عن رائى ؛ الحمد لله انا لم استغل المنتدي فى الدعاية لأحد ولن يتم استغلاله لان هذا المنتدي ملك لأبناء شباس عمير جميعا .

انا اشتركت باسمين الاول واعتقد ان حضرتك تعرفه والثاني وهو باسمى ( أحمد بقوش ) الذى ارد به واعبر عن رائى الذى بداخلي الذى قد يكون محل صواب او محل خطأ .
الحمد لله من اول مانشأ المنتدى كنت على الحياد فى كل شئ وهذا ما كان يجعل الكثيرين يغضبون منى لدرجة اننى اتهمت بأنني احدث فتنة بين بعض الفئات فى شباس واسأل سعد.
واخيرا الاختلاف فى الرأي لايفسد للود قضية ..

نعم الاختلاف في الرأي لايفسد للود قضية ...

تحياتى للاستاذ محمد عبدالمنعم حقا الاختلاف لا يفسد للود قضية
اتعودنا نختلف واتعودنا فى منتدانا نتكلم بكل حرية ونحترم راى الاخر
واتعاهدنا يا مستشارنا ان يظل منتدانا حلقة الوصل بينا وان يتعلم صغيرنا من كبيرنا وكبيرنا من صغيرنا وان يحترم الكل راى الاخر

سيبك من الكلام الكبير ده يا ابو نجوى انت وحشنى والله جدا ونشوفك على خير يا رب عن قريب

قشدة

أخي الحبيب الأستاذ أحمد بقوش
وعليكم السلام ورحمة الله وبركاته
أولا وأنا لست محتاجا أن أقسم على ذلك ولكن بس علشان انت واحبائي في المنتدي لا يساورهم الشك ، اقسم بالله العظيم أنني احبك واحب أبوك واخواتك جدا وأنا شخصيا فخور بك جدا وفي كل مكان اتباهي بك وبعملك في المنتدي لست أنت فقط ولكن والله العظيم احب كل الناس في شاباس عمير ولكن خصوصا أعضاء المنتدي الذين أعتبرهم قراء شباس عمير يعني مثقفي شباس عمير وإن لم أحب المتعلمين والمثقفين فمن أحب إذن لو أنا انسان طبيعي ؟
لكن عندما تأتي الأمور في مسألة الإختيار بين المشروع الإسلامي والمشروع الصهيوني ... آسف جدا إختلاف الرأي هنا يدمر الود كله
وأنا هنا أقول وأتكلم عن نفسي أن العداوة والبغضاء بيني وبين كل من يعادي الثورة وأن العداوة والبغضاء إلي يوم القيامة بيني وبين من يحارب الإسلام ويجاهر بحربه الإسلام ، كنا في الماضي نتحمل ذلك ونقول من الناس تبحث عن مصلحتها القريبة أما الآن ففي رأيي أن ما تمر به بلادنا هى أيام الفرقان بين الحق والباطل ، بين الصليببين الخونة وبين ديار الإسلام ، بين القتلة وبين أولياء الدم ، بين اللصوص وبين الضحايا
آسف يا أخواني ... موقفكم سلبي للغاية كنت أتوقع أن الغيرة لدين الله تكون أكبر من ذلك وأن العمل أكبر من ذلك
ماذا أقول لله عندما يسألني ماذا فعلت ؟ ماذا أقول لأولادي عندما يعايروني بهذه الحقبة من تاريخنا في المستقبل ..... سامحوني .. إنني أدعو كل يوم في صلاة الفجر على كل من يؤيد الصلييبيين والصهاينة

تلك هى المشكلة يا متر وانى ارى عجبا فى المسلمين الذين يخافون من الحكم الاسلامى ويحاربونه وكانهم على دين آخر
والمسيحين حقهم فى ذلك يحاربون ما لايعتقدون به وهم على حق فى ذلك ويتصرفون بما يامرهم به عقيدتهم ولو تقدم مرشح مسيحى من الكنيسة لالتفوا حوله عن بكرة ابيهم
اما المسلمين فدائما تجار خائبون لديهم بضاعة ثمينة لكنهم اول من يعيبون فيها ويرفضونها ولئن سالنى ربى لماذا ايدت محمد مرسى لأقولن له حبا لك ورسولك ودينك اللهم فاشهد

حشرك الله مع من أحببت فيه

حسبي الله ونعم الوكيل

متردد جدا على ان اكتب فى مثل هذا الموضوع ولكن قررت ان اخرج من الصمت

اتمنى من الجميع إحترام عقول الأخرين أتمنى من الجميع تطبيق الديمقراطية

لو د / مرس قرأ ما كتب من الأخ / احمد بقوش مستحيل يرد بطريقة أخى الأكبر أ / محمود حشله

وأنا أأوكد أن مصر لا يوجد بها مشروع صهيونى ولن يكون فيها مشروع صهيونى

وصدقونى بالارقام الثورة هى المنتصرة

د / مرسى ومؤيديه و د / شفيق ومؤيديه هما الخاسران الفرق بينهم أقل من 200.000 صوت

لا شك عندى فى نزاهة الإنتخابات


حمدين واخوانه من الثورين الحقيقين هم من جمعوا اعلى الاصوات

اتمنى على الجميع إحترام الأخر

اعرف ان من يختار مرسى مصرى حتى النخاع
ومن يختار شفيق مصرى حتى النخاع مع حفظ الالقاب

وأوأكد ان أى منهما سيحكم مصر يعرف جيدا انه رئيس مصر بالعافيه وان الأغلبية لا تريده وأنه رئيس مراقب وغير محبوب من عامه الشعب المصرى

يعنى ( الرئيس الملهم ) غير وارد فى خريطة مصر الفترة المقبله

لو إتفق ابو الفتوح حمدين على الاقل كان نجح حمدين مش موضوعنا دلوقتى

اللى انا متأكد منه ان اى رئيس لمصر هيكون محترم حتى لو كان ( ابليس )

وأنا اللى اللحظة دى مقاطع الإنتخابات الرئاسيه وسأحسم قرارى فى وقت قريب

لأنى انتخبت حمدين أول مرة

واخيرا وليس اخرا ( اللهم ولى الأصلح لديننا ومصرنا وأمننا ) ومستقبل مصر

تحياتى لكل من شارك فى الموضوع /ابو الزهراء أ / محمود ولكى لا أنسى احد
أتمنى لكى نكون جميعا متواصلين عل منتدانا ولا نهجره أن لا نكفر أحد ولا نسب أحد وأن نتذكر دائما ديننا الحنيف حيث قال جل فى علاه
(... فمن شاء فليؤمن ومن شاء فليكفر ....)

وأن الحق سينتصر مهما طال الظلم


( ... إن الله لا يغير ما بقوم حتى يغيروا ما بأنفسهم ... ) وكما قال الإمام الغزالى (العمل الصعب هو تغيير الشعوب أما تغيير الحكام فإنه يقع تلقائيا عندما تريد الشعوب ذالك )

تسلم ايدك يا ابو محمد فنحن الان في عصر الحرية فكل واحد له حرية الاختيار ويختار من يريده لان هذه هي الديمقراطية لان كل منا له عقل يستطيع ان يفكر به ويختار الرئيس الذي يريده ويوجد صندوق انتخاب سيعبر عن ما يريده الشعب المصري رغم الاختلاف فنحن في بلد واحد ونحن مسلميين ونشهد ان لا اله الا الله وان محمدا رسول الله لسنا في بلد الاخوان المسلميين او بلد الحزب الوطني المنحل او غيرهم من الاحزاب فلا داعي ان نقوم بالدعاء علي بعضنا لان هذا ليس من صفات الكرام فكما قلت هذه حريه و اللهم ولي علينا من يصلح ويتقي الله فينا وفي هذا الشعب العظيم اللهم امين