شهداء محمد محمود
فكك ياصاحبي م الحكاية إرفع علم
الوقفة كانت من سنة وخدنا القلم
قالوا وعادو وطنطنوا واتكلموا
والجرح يكوي ف قلبنا ينزف ألم
فوق الرصيف يهتف لها ما هُو حبها
***
من نيلها كانت شربته
والنومه برضه ف حضنها
واللقمة كانت كسرته
أنفاسه كان بيعدها
راضي بحياته وفقرها
جوة عروقه دمها
حتي النفس حتي الهوا
من صدره رايح صدرها
طلعت رصاصة تسكته
بالدم يكتب قصته
ع الحيطة كانت رسمته
ياام الشهيد ما تعيطي
إبنك خلوده ف جنته
لولاده تحكي قصته
ودع حياته ببسمته
وتعيش بلدنا أمته
سامح لطف الله
http://www.almatraqa.com/showstry.php?toicid=11753