ارجو من الادمن عمل تقييم للتعليقات بمعنى لو ان التعليق عجبنى اقيمه موجب
ولو معجبنيش اقيمه سالب ولو اكتر من فرد او نسبه معينه مثلا علقت عالتعليق بالسالب يتحزف اوتوماتيكيا وده لان نسبة التعليقات بهدف زياده نسبة المشاركه فى المنتدى بقت كتير جدا ومن ناحية تانية ندى فرصة للموضوعات الجديده تاخد وقتها فى المناقشة واعتقد ان كده لو حد ليه تعليق اتحزف او موضوع اتحزف يبقى متاكد انه لم يلقى قبول الاعضاء جميعا ولا يلقى باللوم عالادمن وحده وبكده هتزيد من موضوعية المشاركه فى المنتدى وكل واحد هيحاول يختار مواضيعه بعنايه اكتر من كده وتحد شوية من مشاركات الاسبام
وبردك ورغم كل الظروف لازم نقول

قشطة

بسم الله الرحمن الرحيم
اخي الحبيب الاستاذ محمد عز العرب
السلام عليكم ورحمة الله وبركاته
تقبل تحياتي لك اولا
ثانيا \فكرة رائعة من شخص يتمتع بعقلية حاضرة ورؤي ثاقبة تنم عن وعي وفهم
كبيرين ما شاء الله
لذا
اتفق معك تماما
والي مزيد

استاذى الكريم يعجز لسانى عن التعبير عن مدى سعادتى بهذه الكلمات من انسان محترم جدا احبه واكن له كل التقدير والاحترام

موضوع فى غاية الاهمية محمد باشا وياريت كل الناس تتقبل كلامك ان شاء الله

مشكوررر محمد على الفكره الاكثر من رائعه
فبعض المواضيع يكتبها صاحبها ويرد عليها في نفس الوقت
نحن لا نتسابق بعدد المواضيع
من الواجب ان نعطي اي موضوع ينشر حق للرد عليه من قبل باقي الاعضاء
اعطائه الفرصه وان ينال كاتبه الشكر على مجهوده وان يشارك الاعضاء بردودهم
ولكن لاحظت ان الموضوع يكتب وبعد عشر دقائق لا تجد له اثر من كثرة المواضيع المنشوره بعده
فبذالك تكون اضعت مجهود بحث وتعب
اين المواضيع العلميه والثقافيه
اين الرياضه وباقي اقسام المنتدى الا يجد احد منكم الكفائه للكتابه في اي من الاقسام
لماذا تقتصر المواضيع على الانتخابات ؟
لماذ تقتصر على الشد والجذب وكل عضو ماسك في عضو اخر وكاننا في حرب وليس منتدى التعارف من المفترض ان نتعارف ولا نتناوش ان نعرف بعضنا فالبعض منا خارج البلد لفترات طويله فيما معناه اجتماعيات صفر ارى في
هذا المنتدى نافذه تعارف وترابط بين الاصدقاء
فارجوا من اخواني واخواتي الاعضاء
ان نسمح لكل موضوع منشورا ان ياخذ حقه في التعليق عليه من قبلكم
وملحوظه اخرى يوجد علبة دردشه بالمنتدى فمن يرد ان يتبادل الحديث مع احد
فليلتحق بها وليس على صفحات الموضوع
يجذبني عنوان موضوع فادخله فاجد تحاور بين اثنين ورد كلمه وكلمتين
والموضوع مقتصر على كلاهما فقط
فلماذا؟
نشر الموضوع اصلا نشر للحديث ام للاستفاده ؟
فارجوا من الجميع تطبيق اقتراح الاستاذ محمد فالفكره جيده
وستعيد للمنتدى رونقه كما من قبل
وتقبلوا مروررري

دي حاجه حلوه
حلوه خالص
يا قائد

سلمت الايادى ابو هايدى
**** هاى دى هو الكلام ***

قشطة يا ابو ماضى

الأستاذ محمد يوسف
جزاك الله خيرا على كلامك الرائع
فأنا أؤيدك فى ما قلت .
وأرى أنا أكثر من نصف التعليقات ( مشكور ؛ جزاك الله خيرا ؛يعطيك العافية ؛ ...)
وفعلا هناك مواضيع تضيع دون ما يراها أحد رغم فائدتها وذلك لكثرة التعليقات المذكورة آنفا
وكلمة أخرى للأدمن لا تعجبنى الصيغة المكتوبة للتصويت عليها (هل توافق على حذف التعليقات الخارجة عن اطار اى موضوع ما ؟) قد يكون التعليق خارج عن إطار الموضوع ولكنه فيه فائدة فلا يجوز أن يحذف . ولكن التعليق الذى لابد أن يحذف هو التعليقات التى تحتوى على ألفاظ خارجة عن حدود الشرع والأدب بالإضافة إلى التعليقات التى لا فائدة فيها كالتعليقات المذكورة آنفا .

وتقبلوا مروى
وقشطة يا محمد بيه

قشطة يا ابو صهيب بيه يا اخويه
عشان كده انا اقترحت الموضوع الهدف من التقييم هو اننا ندى فرصه لكل عضو فى حقه فى التصويت يعنى انا ممكن يعجينى تعليق وفى نفس الوقت ممكن ميعجبكش يبقى راى الاغلبيه هو اللى يتحكم فى حزف التعليق من عدم حزفه يعنى لو التعليق اخد نسبه موجب اعلى يبقى هيتشال ليه الفكره من طرح الموضوع هو(**** تقييم التعليقات ***) بجيد او غير جيد وبناءا على راى الاغلبيه يكون الحزف او التثبيت
اوتوماتيكيا والهدف من التصويت على الصفحة الرئيسيه هو مشاركة جميع الاعضاء ففى التقييم

قشطة

مش فاهمك يا قشطة

لييييييييييييييه هو انا بقول ايييييييييييه

يبنى الفكره كلها ان لو انت شايف التعليق كويس هتصوت عليه موجب
ولو مش كويش هتصوت عليه سالب

ولما يوصل لحد معين من التصويت السالب يبقى اكيد الناس اجمعت انه مش كويش مثلا براى الاغلبيه عند الحد ده يتحزف التعليق يبقى كده كل واحد هيحاول يركز فى تعليقاته انها تكون مفيده او هادفه متبقاش كلها جزاك اللله خيرا
ويعطيك العافيه وشاكر مروركم وكده

قشطة

وانا كممان معاكم

فكرة رائعة يا ابو عبدالستار سلملي دماغك

بسم الله الرحمن الرحيم
هذا الموضوع جميل جدااا وشكرااااا لكم عل هذه المجودات الرائعه
محمد محمود خليفة

فكرة ممتازة تستحق التنفيذ جزاكم الله خير

اخوانى
نجاح المنتدى
يعنى
كثره المشاركين
كثرة الردود
لا بموضوعية الرد
ولاكنى والله ارى هذه الفكره
كمان فكرة لازم اسم المشترك الصحيح
اراهم دعوه لتحزيب المنتدى
واعلم اخى القارئ ان المنتدى ملك لشباب شباس عمير جميعا"
مش لو واحد علق تعليق معين لايعجب فئه معينه يبقوا يشطوبوه لأ طبعا والف لأ طب فين حريه الفكر البنتكلم عليها
وبعدين دى شغلة الادمن والمشرفين
احنا ممكن بعد اذن الاستاذ محمد نقول حاجه تانيه
نقول ان لازم جميع الاقسام
يكون لها مشرفين بانتخابات عامه ف هذا المنتدى بيكون تقريبا موجودين ع مدار اليوم عشان يحذفو اي تعليق خارج
وهو ده قصدك يا استاذ محمد
مش الواحد لو قال مثلا مشكور يبقى نلغى اضافته

يااستاذ اشرف الاستاذ محمد الجرن كل مايقصده هو ان الردود تكون فى اطار الموضوع والا تكون خارجة ويجب ان تكون موضوعية وليست مستفزة .

وأنا مقصدتش كلام الاستاذ محمد وحده يا احمد انا تابعت كل الردود ورديت عليها كرأى مش كامسؤل

تحياتى ليك استاذ اشرف حضرتك بتقول ان انا اقصد اننا نعمل مشرفين للمنتدى ابدا مش ده قصدى انا قصدى ان كل عضو يبقاله الحق فى المشاركه فى ادارة المنتدى ميبقاش مقتصر على الادمن او عدد معين من المشرفين وحق الحزف من عدمه دى هتبقى عملية اوتوماتيكيه عندما لا يلاقى الموضوع او التعليق قبول اغلبة الاعضاء اظن كده مفيهوش اى اعتراض على حرية الفكر زى ما بتقول بالعكس انا اقصد اننا ندى كل الحريه لكل الاعضاء فى المشاركه فى الادارة وعلى فكرة احنا اتناقشنا كتير فى موضوع المشرفين ولكن فضلنا ان المنتدى يكون ملك لجميع اعضاؤه ولا يتحكم فى ادارته عدد معين فقط والدليل ان الادمن مبياخرش عن اى اقتراح للتعديل او اى فكره هادفه ومفيده اسمحلى انت قلت ان نجاح المنتدى فى كثرة الردرد والمشاركات لأ طبعا والف لأ على حد تعبيرك ؟؟؟؟؟؟؟؟؟
نجاح المنتدى يا استاذى الكريم هو انى علأقل لو دخلت المنتدى كل يوم مره واحده فقط اطلع منه بمعلومه جديده ولو اتناقشت فى موضوع انى اضيفله فكره جديده ميبقاش الموضوع مجرد حشو ومواضيييييه كتيييييييير وخلاص وعدد مشاركات كتير
يا استاذ اشرف انا فكرتى ان مثلا لو نزل موضوع جديد مثلا زى صندوق التبرعات اللى بنتناقش فيه لازم ياخد وقته فى المناقشه مش معقول ابدا نبقى بنتكلم فى موضوع وكل ماتيجى تتابعه تعمل عليه بحث وبرده من غير المنطقى ان عضو واحد ينزل عشر مواضيع فى خلال 15 دقيقه
هذا هو مقصدى استاذ اشرف من طرح الفكره واللى فهمه الناس فى كل الردود اللى انت تابعتها ورديت عليها كراى وليس كمسئول ارجو منك توضح الجملة دى لانى عالمستوى الشخصى مش فاهمها

قشطة

شكرا لتحيتك استاذ محمد
انا عارف انتا قصدك ايه وحكاية المشرفين انا البقولك انك تتبناها افضل من حكاية ان الحذف يجى من جميع الاعضاء موضوع المشرفين اكيد هيحقق نتائج افضل ده قصدى يامحمد
يعنى لو خلينا الاستاذ عبده مثلا" مشرف القسم الدينى
اكيد لو نزل موضوع مش منضبط هيمسحه فورا
ولو حصل وحد رد
رد سيئ المشرف هيكون متواجد فورا اي يمنع ان يكون فيه مشرفين
وان المنتدى يبقى لأبناء شباس عمير
يااستاذ محمد تخيل لو انتا كتبت موضوع مثلا بينقد شئ بيحصل ف البلد مثلا يعنى لو قلنا فساد المجالس المحليه ده مثلا ودخل ع الموضوع 20 واحد تبع المجلس المحلى وعملو حذف لموضوعك ده مش يبقى ظلم ولا حضرتك شايف ايه

حكاية رأى انا اقصد ان احمد دخل رد عليه بسرعه كده وكأن فيه خناقه حاصله وكتب رده فأنا بقوله أنا بقول رأى وانتا المسؤل انك تنفذ انا فقط بقول رأى

أنا عارف يااستاذ محمد انك عاوز المنتدى ده احسن منتدى ف الدنيا بس
ساعات ممكن تضر من حيث تريد النفع
الاعضاء الفعاله ف المنتدى كام واحد يا استاذ محمد اظن يتعدو على الصوابع وأكيد وأنا شايف انهم اصحاب فكر واحد طب تخيل لو واحد تانى قال رأى وفكر معين يبقى الاعضاء الفعالين يحذفو الموضوع فورا"
مش دى تبقى نكسه ع المنتدى يا استاذ محمد
ونبقى احنا كمان اصحاب الفكر الواحد والحزب الواحد والرئيس الواحد ........
ارجو انك تتقبل مرورى

مشكور يا اشرف وصلت فكرتك وبالنسبه لاحمد احمد رد بس عشان احنا كنا متكلمين فى الموضوع قبل ماينزل وكنت شارحله وجهة نظرى على فكره احنا كنا نقصد الردود الخارجه او اللى فييها اساءه يعنى لاى حد

قشطة

طيب وضحت الفكره طب ايه رأيك


وبعدين عدى الموضوع ده دلوقت يامحمد احنا عاوزين مصانع ف البلد وعاوزين العضو اللى أهل البلد نجحوه يعمل حاجه بجد عاوزين ع مستوى سياسة البلد نطلب مطالب شباس وأمهات شباس وبنات شباس البيروحو يشتغلو عن عز جوده
يامحمد تخيل انك تشوف بعد صلاة الفجر اكتر من 200 بنت عند الكنيسه قدامنا مستنيين عربيه عز جوده تيجى تاخدهم والله بعدى عليهم بيبخفوا من المعدى
مش هطول عليك أنا هعمل موضوع بالكلام ده وياريت ألاقى رجاله

طيب وضحت الفكره طب ايه رأيك


وبعدين عدى الموضوع ده دلوقت يامحمد احنا عاوزين مصانع ف البلد وعاوزين العضو اللى أهل البلد نجحوه يعمل حاجه بجد عاوزين ع مستوى سياسة البلد نطلب مطالب شباس وأمهات شباس وبنات شباس البيروحو يشتغلو عن عز جوده
يامحمد تخيل انك تشوف بعد صلاة الفجر اكتر من 200 بنت عند الكنيسه قدامنا مستنيين عربيه عز جوده تيجى تاخدهم والله بعدى عليهم بيبخفوا من المعدى
مش هطول عليك أنا هعمل موضوع بالكلام ده وياريت ألاقى رجاله

فيه فكرة تانية
الأدمن يعمل أيكونة جديدة اسمها (الإبلاغ عن تعليق غير لائق)
ومن خلال الايكونة دى ممكن أى عضو يبلغ الأدمن عن تعليق غير لائق من وجهة نظره . وبعد كده يكون القرار للأدمن بعد مشاورة مشرفين أو أعضاء يكون هو حددهم من البداية وإذا استقر التشاور على الحذف يحذف التعليق
وبكده يكون أى عضو مشارك برأيه فى أى تعليق

اقتراح اكثر من رائع

يأخواني أهم شئ مصالح البلد ولن يقوم بها فرد لوحدة بل التعاون لابد أن أن يكون موج

عايزين نكون لجة أهالي شباس من عشرين عضو تقوم بمصالح البلد وتتطالب بمطالب البلد ولا يكون لها أي علاقة بالانتخبات حتى تكون نزيهة وعندي مشروع ممتاز سميتة تطوير شباس بأيدي ابناها فهل نجد أذان واعية