بعد الفرحه(الفوضى) لبدء المرحله الاولى لمشروع الصرف الصحى وعدم الوعى بين الاهالى
وبعد البيان الهام الذى اعلنه سياده العضو(الخارق)عمت الفوضى وبدء الاهالى التشغيل
ونشبت الخلافات بين المستخدمين بسبب التسرع(ازاى فلان يوصل مجارى قبلى)وهذا يرجع
لعدم الثقه فى المسئولين عن المشروع وعدم الثقه فى المشروع نفسه وعدم ثقه الاهالى فى بعضهم البعض
وبينما الاهالى يتكالبون على التوصيل حدثت الماساة(طبعا حصل عطل )فذهب اثنان من عمال الصرف
الصحى(الصعايده)لتصليح العطل من (البياره)وبينما هم يعملون زاد ضغط المياة وهم بالاسفل مما ادى
وفاه احدهم اما الاخر فيرقد فى احد المستشفيات بين الحياة والموت
فمن اجل اقتراب الانتخابات تم تشغيل المشروع وراح ضحيه الحمله الدعائيه للانتخابات هذه المره اثنان من العمال(الغلابه)
ويعلم الله من التالى يا خساره ياشباس

هي دي حقيقه العضو المحترم دئما ينجح على دم الغلابة

لا حول ولا قوة الا بالله

ربنا يكملها علي خير والله يستر علي اللي جاي ومشكور يابوانس علي الطرح

لا حول ولا قوة إلا بالله
اللهم ألهم ذويهم الصبر و السلوان

بغض النظر عن سبب الوفاه سواء غاز الميثان اوالمياه نفسها فالسبب هنا واحد وهو التسرع فى قرار البدءفسيادة النائب اراد ان يكون اول من يخبر عن بدء المشروع حتى تكون بدايه جيده للحمله الانتخابيه دون النظر للعواقب فلم ينتظر حتى ينتهى العمال من كل الاستعدادت اللازمه للبدء(بالبلدى البنده دى كان لازم تتفتح قبل ما المجارى تشتغل بس خلاص بقوا قدام الامر الواقع)ومين اللى هيكون مسئول عن كل ده اكيد مش سياده النائب الخارق

والله يا ابو انس انك صادق

والله يا ابو انس انت جبت المفيد
الناس امبارح كانت هتموت بعض علشان التوصيل كل واحد عايز يوصل الاول
وكل واحد بيشتكى التانى مش مصدقين اصلا انها اشتغلت
وسياده النائب باعت ناس تنادى فى الجوامع ان المجارى اشتغلت
وشويه يقولك ان فيه عمال ماتو ومحدش عارف ده ذنب مين
ولا مين السبب فى ده كله
بعد 40سنه من وعضويه المجلس فى البلد الجارى لسه مشتغلتش
يبقى عايزيين كام سنه علشان البلد تترصف؟؟؟؟؟؟؟؟؟؟؟؟؟؟؟؟؟؟؟؟

والله يا ابو انس انت جبت المفيد
الناس امبارح كانت هتموت بعض علشان التوصيل كل واحد عايز يوصل الاول
وكل واحد بيشتكى التانى مش مصدقين اصلا انها اشتغلت
وسياده النائب باعت ناس تنادى فى الجوامع ان المجارى اشتغلت
وشويه يقولك ان فيه عمال ماتو ومحدش عارف ده ذنب مين
ولا مين السبب فى ده كله
بعد 40سنه من وعضويه المجلس فى البلد الجارى لسه مشتغلتش
يبقى عايزيين كام سنه علشان البلد تترصف؟؟؟؟؟؟؟؟؟؟؟؟؟؟؟؟؟؟؟؟

الناس مش عجبها اى حاجه لا عجبها المجارى تشتغل و لا متشتغلش
والله احنا بلد شهادات صحيح....

يعنى ماينفعش تعدى سليمه
لازم ضحايا
مره فى الانتخابات
ومره فى المجارى
وبكره لو جه اسفلت برده يندفن تحته 2او 3
وهلم جر
ويعالم بعد بكره ايه تانى
وكل دا ليه عشان كرسى فى مجلس الشعب
الكراسى والمناصب ليست باقيه والاموال فانيه
عارفين كل ده ليه ؟؟
تكالب الناس على الدنيا ونسوا الاخره

ان لله وان اليه راجعون
والله يا جماعه دى مهزله ازاى تشتغل المجارى وهى مش جاهزة.اللى ادى قرار البدء لازم يتحاكم بتهمة القتل والله حرام اللى بيحصل ده ياجماعه ايه العشوائيه وعدم المسئوليه ده .
والناس برضه معندهاش صبر .بس هم معزورين طالما النائب الخارق مشى فى البلد والهمجيه اشتغلت اعرف ان دى البدايه
والاخ اللى بيقول الناس مش عجبها حاجه بقوله .الناس كانت عايزه المشروع ينتهى تنفيذه بسرعه من الحكومه ويكون على اكمل وجه مش تنادى فى الميكرفونات والناس تقتل بعضها.ولعلمكم لو المشروع كان انتهى فعلا كان المحافظ جه افتتحه لكن الهمجيه تعمل ايه

شكرا استاذ احمد على الايضاح

قدر الله وما شاء فعل
هى شباس كده مش بتعرف تفرح لازم حاجه تعكنن عليها

قدر الله وماشاء فعل

لازم يكون فيه اخطاء بشريه تؤدى لمثل هذه الحوادث لكن ده ميمنعش ان فيه اساليب تانيه اكثر امان لمثل هذه الاعمال

اولا انا بشكر كل الاعضاء المحترمين اللى ردو على الموضوع
وانا بس عايز اوضح انى مش متحامل على حد ولا متعصب لحد بس بجد الموضوع يزعل ومش انا بس دا كل اللى بيحبو البلد وعايزين مصلحتها واى حد هيكون سعيد ان المشروع بدا تشغيله بس يشتغل صح وكل البلد تكون ايديها فى ايدين بعض علىشان المشروع يتكمل وبعيد عن اى مصلحه شخصيه
وبعيدين الاخ احمد وضح ان البياره مشتغلتش ودى تكون كارثه اكبر يبقى ليه الناس نادو فى المكرفونات انها اشتغلت
بامر من سياده النائب المحترم واظن انت سمعت المكرفونات زى ما البلد كلها سمعت
والمشرف على المشروع انا اعرف انه راجل محترم جدا بس مش كل الامر بايده
وتوضيح اخر انا قلت ان احد العمال توفى والاخر فى احد المستشفيات ولم يتوفى وانت ممكن تقرا اللى انا كتبته مره اخرى
وانا بايد راى الاخ حسام ان كان فيه مليون طريقه غير دى علشان الناس تعرف ان المشروع هيبدا فى التشغيل وكيفيه تلافى الاخطاء وكيفيه اصلاحها ان وجدت واكيد مش كل هذه الاخطاء على سبيل الصدفه والا فانه لم يكن هناك اصلا تخطيط لكيفيه بدء تشغيل المشروع وهذا ما نود كلنا معرفته
ولا حول ولا قوه الا بالله

كلامك صدق ولا ابوهايدي

على فكره ياشريف ابو هايدى ما علقش على الموضوع ده واحد شبهه
يخلق من الشبه اربعين

اعذرني اخ محمد بردة ابو انس صادق وابو هايدي كمان

خلاصة الكلام ومن ردود الاعضاء
ومن التوضيحات الموجودة
اما بالنسبة للتحليل الخاص بالموضوع

من الواضح ان فية ناس متعصبة جداااا لسيادة النائب ودا حقهم
خاصة الشباب الصغير اللي في مقتبل عمرة اللي عاوز يلحق بفرصة افضل في المستقبل

وفية ناس متعصبة جداااا ضد سيادة النائب ودا حقهم
خاصة الشباب الكبير ودا طبعا اكيد عن خبرات سابقة او راي شخصي

فارجو من الشباب الواعد صاحب الخبرات توضيح واستعراض
خبراتهم السابقة للشباب الصغار بعيدا عن التعصب الاعمي
والمطلوب من الشباب الصغير الاستغادة من تلك الخبرات
عن طريق التحليل و التفكير وبعد ذلك لك حرية الختيار

المهم اية الخطوة اللي المفروض تتاخد مباشرة بعد كدا
الموضوع مش سهل دا تقريبا شبة فتنة ما بين الناس
وفية ناس بتموت وناس ماتت وناس تاني ممكن تموت
طبعا دا قضاء وقدر ايوة بس اية السبب
لازم يكون فية رد فعل واحد بس من غير خساير

ارجو النظر من خلال منظور اكبر من المعتاد.....

والله يا ابو هايدى انا معرفش ان الصوره دى بتاعتك ومن عنيه اغيرها ومشكور على الرد

بيقولك قليل البخت يلاقي في الكرشه عضمه ودا نصيبنا وقضاء الله والحمد لله علي كل بلاء

والله يا ابو حمزه احنا مش بختنا قليل بس احنا اللى مش عارفين عايزين ايه واللى عايزينه مبنعرفش ننفذه ازاى والمصالح الشخصيه اكبر سبب فى ده والمفروض كل واحد ياخد اللى يستحقه و بس. ولو ده حصل بلدنا هتكون فى احسن حال
وزى ما ربنا قال فى كتابه الكريم(ان الله لا يغير ما بقوم حتى يغيروا ما بانفسهم)صدق الله العظيم
ونفسى منتدانا ده يكون البدايه علشان نعرف احنا عايزين ايه وهنتصرف ازاى وتكون ادينا فى ايدين بعض وكلمتنا على قلب رجل واحد واكيد ربنا هيفوقنا مادام عملنا فى الخير وفى مصلحه البلد ونقدر نحط رجلينا على اول الطريق الصح

مشكور اوانس واوافق على رايك

هنفضل طول عمرنا نقول احنا غلابه ونصدق الكلام ده طبعا الكلام ده غلط جدا عمرنا ما كنا غلابه احنا بس عاطفين شويه لا نحسب الامور بعقلانيه ديما الاهواء الذاتيه هى من تسيطر على تفكيرنا وامورنا لازم نفكر نشويه بأكثر عقلانيه يعنى العضو القديم اتوفى بمنتهى العاطفه الجياشه ننتخب ابنه انا لا اعترض على السيد العضو بس مجرد مثال لازم نوزن الامور بحكمه شويه ونشوف ايه نتيجه القرارات اللى هنخدها
( المجارى اشتغلت الحمد لله )
عندى اكثر من سؤال ارجو الرد عليهم
1- ليه التأخير ده كله وليه فى الوقت ده اشتغلت المجارى
2- مين المسئول على توصيل المجارى الى المنازل
3- ازاى وبأى يحق يتم المناده على توصيل المجارى فى الميكروفون ايه العشوائيه دى

4 امتى هنبقى منظمين
5- الناس اللى ماتت حقها فين
7- هفترض جدلا لو احنا فى مدينه كان ممكن ينادو فى الميكروفون وصلوا المجارى
على فكرة انا اشك ان توصيل المجارى كله من الالف الى الياء كله كان موضوع فى الخطه اكيد مليون فى الميه لايوجد اى شئ على الاهالى ده الطبيعى على ما اعتقد نفسى اعضاء المجلس المحلى يرجعوا الميزانيه الموضوعه لانهاء المجارى فى شباس عمير ( اعتبروا ده استجواب انا بقترحه )
فين باقى فلوس الميزانيه راحت لجيب مين بالضبط (الله اعلم )
نفسى يا شباس تتغيرى وتكون افضل عيب جدا نكون اكبر بلد فى المحافظه ويكون ده وضعنا
فيه بلاد كتير اصغر منا واحسن منا انزلوا صروة او قونه وشوفوا كميه الضباط او اللواءات فى البلاد دى
على فكرة الانتخبات خلاص على الابواب انا شايف لازم نستفيد جدا من كدة اللى عاوز اى خدمه يطلبها الان هتتنفذ الله اعلم بعد الانتخابات هيحصل ايه ومين اللى هتطلب منه الخدمه

عندى اقتراح يا اعضاء المنتدى
نشوف مين اللى هيترشح للانتخابات ونشوف ايه خطته لنهضه البلد خلال الخمس سنين القادمه ونقف كلنا معاه بمنتهى الاخلاص على شرط ( اذا لم يتم تنفيذ الخطه الموضوعه لا يترشح مرة تانيه ويكون ذلك اما الناس فى مؤتمر على مسمع من الناس جميعا ) مش عاوز اقول نأخذ عليه شيكات لانه عيب المفروض المرشح او عضو مجلس الشعب اعلى وانزه من كده تربطه كلمه
ايه رايكم

ارجو تبنى هذه الفكرة اعلانها على الجميع
ارجو من المثقفين فى البلد تبنى هذه الفكرة او القائمين على المنتدى تبنى هذه الفكرة

لازم نفكر بأكثر عقلانيه ونترك الاهواء الشخصيه والخدمات الخاصه ونبص شويه لمصلحه البلد على وجه عام

نعمل مؤتمر ندعوا فيه الساده المرشحين ويشرحوا لنا خططهم القادمه ويتعهدوا بذلك ونشوف مين الاصلح ونلزمه بالشرط اللى انا اقترحته تقدر والا فلا
ارجو ان اكون لا اثقلت عليكم بس انا بحب شباس جدا وبتنمنى الخير لكل اهلها والسلام عليكم

مشكوررر ابو انس وتسلم عنيك ومعلش طولت بالرد وطبعا احنا اخوه من غير اي شئ وده شعار المنتدي

كلام جميل يا رامى الله ينور بس لازم نسيبنا بقى من الجماعه بتوع زمان والشباب يقف وقفه صح
وانا قلتها قبل كده لو كل شاب متعلم ومثقف بدأ بـ بيته وحاول يعرفهم ثقافة المصلحه العامه اكيد هيكون فيه نظره مختلفه للموضوع والله الموفق
بأيد رأيك جدا رامى