ندهة سفر ..

مرويه من دم القلوب الطيبين

المغرمين بيكي أمل ..

المحرومين منك على طول السنين

اتكلمي ..

احكيلي عن غربة عيون اتألمت ..

طال السفر بيهم وضاع الفجر منهم وانسرق ..

واللي اتحرق ..

منهم غنا عيدك .. نشيدك ..

ضحكة الفجر اللي مش لابس جديد

اتكلمي .. قولي حرام .. اتألمي ..

اتأملي صوت الرياح اللي ابتدت ..

تفتح لهم أبواب جهنم .. تسجنك ..

وتلبسك ..

توب الحداد .. التوهه ..

صمت الأضرحه !

الفجر كاره للسكك ..

ليلُه جحيم اسود ..

بلون الحزن من فوق الوشوش

اتكلمي ..

احكيلي عن ناي انكسر ..

كنتي بكاه المر في ليل الشتا

كنتي غناه الحر في أسر الشقا

لمِّي بقايا غربته ..

من فوق ترابك ..

ابدريها جوّه نهرك ..

اصرخي ..

يمكن يفيض النهر ويعود الأمل ..

من بعد نار الغربه ..

يسكن شباس !!

انت بتبدع اليومين دول
قول ياعم وسمعنا

شكرا ابويوسف شكرا ابو امنية
مروركم الطيب