قلوب الناس عرفنا *** اشكال على الوان
ابيض واسود شوفنا *** واخضر كغصن البان
ابيض ده قلب النبى *** المصطفى العدنــــان
يعتب ويغفر يسامح *** ماهو رحمه للانسـان
بعثه اله الكـــــــون *** رسول لكل زمــــــــان
حامل رساله عظيمة *** فيها خير وفيها امـان
واخضر ده قلب الصبى *** لسه ماداقش هوان
الدنيا تضرب تقلب **** وهو ولا دريـــــان
تقابله يضحك فى وشك *** وكأن شئ مكــان
واسود ده قلب الحاقد *** منزوع منه الايمان
يضحك فى وشك اه *** لكن آهين يا زمــــان
من جوه قلبه حجر *** تقدر تقول صـــــوان
شال خير وحط الشر *** تقولش كان قرصان
حكمه قالوها الناس *** من سالف الازمــــان
مين من الناس تعرفه *** اعرف فلان وفلان
عاشرته؟ لا ماعاشرته *** يبقى مافيش عرفان
وقلب غير القلوب *** معروف فى كل مكـــان
قلب الحبيبه الام *** مليــــان حب وحنــــــان
ومهما قولت انا فيه ** هاكتب ديوان وديـــــوان
مهما سافرت وبعدت *** معاك فى كل مكــان
تدعى وتقول يارب *** ابعد عنه الشيطــــان
و إهديله نفسه وروحه ** ويعيش سعيد فرحان
ساعة صلاة الفجر **** وفى كل وقت اذان
شوفت القلوب ازاى *** ياحضرة الانســــان
قلوب الناس ياناس *** اشكال على الــــوان
كلمات محمد ابوبكر :queen:
