حوار ابليس مع نفسه
لما ننزل نشوف شغلنا
لا حد عارف هم الابالسه ولا غلبنا
هاتلي يا ابني كوبايه شاي الصبحية
ايه دا مفيش ولا موزة معدية
دي الحالة بقت كرب
الواحد بيفكر يهاجر الغرب
فين ايام ما كنت وسواس وخناس
وكنت بنكد علي كل الناس
دلوقتي الناس مش محتاجة ابليس
دول بقوا غيلان ياكلوني ويعبوني في كيس
فين ايام ما كنت بتطلق الستات بالجمله
واقبض مرتبي من الكبير بأغلي عمله
أوسوس لمين دا هما بالنميمة مشغولين
وبالحقد علي بعضهم قلوبهم مليانين
دول بيرحوا الحج يسرقوا
وفي المياتم بالنواح بيغرقوا
ولا في السرقة مش عايز اقولكم
وفي جرايم القتل بلاش اعددلكم
وفي الرشاوي زيهم مفيش
ويقولك احنا غلابة مش لقين رغيف العيش
بالذمة دا مش حرام
بيتقموا منك يا ابليس انتقام
طب اروح فين
هوا انا بقي ليا عين
عيني عليك يا خناس
بقيت لبانه في بق الناس
