اخوانى الاعزاء اعضاء المنتدى الكرام
كم عزز فينا هذا المنتدى حبنا لشباس عمير
فكم انا فخور بهذا العمل العظيم الذى اذاب المسافات الجغرافية بيننا والذى يعد منبرا حرا لكل الاراء والاتجاهات التى وان اختلفنا فيها لكننا نتفق فى النهاية على الهدف وهو الخير لشباس واهل شباس .
فقد شعرت من خلال تصفحى المستمر لصفحات هذا المنتدى مدى حب كل منا لبلده شباس عمير ومدى امنيات كل منا ان يرى بلده فى الصورة التى يحب ان يراها.
رأيت الحب فى الصفحات وبين السطور
رأيت الحب فينا لشباس عمير وان اختلفت ارائنا واتجاهاتنا.
تلك هى شباس عمير يا سادة
وهذا هوسر شباس عمير
سرها الحب
شباس عمير التى افخر بها فى كل مكان وزمان اننى احد ابنائها اننى احد شبابها.
فكم حسدت شباس عمير لحوزتها هذه النوعية من الرجال والشباب.
حسدت شباس بأبنائها ورجالها حسدت شباس بقوتها واتحادها حسدت شباس بفكرها ورأيها
فشباس عمير ستبقى وستظل قوية بنا بشبابها ورجالها.
فشباس هى الام والوطن والحضن الدافئ
شباس يا سادة التى تربينا وتعلمنا فيها ولعبنا فى شوارعها وحواريها
شباس بلد ابائنا واجدادنا شباس مستقبل ابنائنا
شباس عمير يا سادة احوج ما تكون الينا هذه الفترة وتلك الايام.
اأحوج ما تكون الى ابنائها ورجالها وشبابها.
فضد شباس الان تدور المكائد والمؤمرات وتدفع الملايين هناك اشخاص على استعداد لدفع الملايين مقابل ان تخرج عضوية مجلس الشعب يوم واحد من شباس فبلدنا يا اخوانى مستهدفه مستهدفه لشخصها.
وهناك بعض من ابناء شباس الذين باعوها بالملاليم اقسم بالله انه يوجد اشخاص من شباس يذهبون الى مرشحين بعينهم خارج شباس ويدينون لهم بالولاء مقابل المال.
فالمنافسة يا سادة شديدة بين ( لن لقول ابن شباس) بل بين شباس نفسها وشخص يدفع بجنون مقابل خروج العضوية من شباس وامتلاكها لتسهيل تجارته وادارة شركاته.
فهل يا اخوانى سنترك لهم الفرصة ام سنقف صفا واحدا كعهدنا دائما من اجل بلدنا ونرفع شعار شباس فوق الجميع.
من اجل نظرة رضا رسمت على وجه احد ابناء شباس عمير ساهمت العضوية فى رضاه
من اجل دعوة سيدة عجوز
من اجل شاب مكافح سافر ليعمل وعاد على كرسى متحرك يتم صرف علاج له شهريا.
من اجل شباس ومسقبلها
ا اخوانى
ا اعرف والله ان قلوبكم مليئة بالخير وان عقولكم عقول مستنيرة واعية واننى والله لا اقول ذلك بناءا على قناعة شخصية لمرشح بعينة ولكن بناءا على حبى لبلدى ومستقبلها ومعرفتى لما يدبر لها.
وان والله لو اى مرشح اخر من شباس كان قد وصل لوضع المنافسة هذا كنت والله سأكون على نفس الموقف ونفس اليقين فهدفنا هو شباس عمير فشباس باقية والاشخاص زائلون.
اخوانى تداولنا كثيرا على صفحات هذا المنتدى لكى نخرج برأى معين وكنت احيانا اشعر بالحزن الشديد لاننا تركنا منافسنا الحقيقى منافس شباس .
اخوانى الاعزاء
اعلم انه يوجد لدى بعضنا بعض التحفظات على مرشح شباس ( محى القطان ) لسبب او لاخر وقد يكون لصاحبها الحق فيها ولكن نقول ان هذا ليست نهاية العالم وان كل شئ يمكن بالحب والود والتفاهم علاجه وتداركه.
فهذا الشخص يا اخوانى والله يحمل فى قلبه الحب والخير والوفاء لشباس عمير واهلها هذا الشخص لم اشعر مرة انه يكره احدا او يحمل فى قلبه ضغينه لأحد.
والله يا اخوانى هذا الشخص لم ولن يزرع الا خيرا ويتمنى لو يرضى عنه كل شخص فى شباس
يتمنى ان يرى اصغر طفل فى شباس راض عنه فلما نتركه لماذا لا يأتى كل صاحب رأى او صاحب فكرة ويقول على الملأ ان رأى كذا وانت فعلت كذا لماذا لا نكون مجلسا ونطلق عيه مجلس الشباب مهمته ان يجمع اراء الناس ويجلس مع النائب ( اى نائب ) ويقول له نقترح عمل كذا او انت فعلت كذا وكان يجب عليك فعل كذا
لماذا يا اخوان نتكلم عن بعد فهذا الشخص موجود فى شباس وليس بعيدا عنها تعالوا لنتحاور من اجل بلدنا ورفعتها.
واقولها شهادة امام الله
منذ فترة قرر محى القطان ان يريح ويستريح
يريح اشخاص داخل شباس وخارجها لا يريدون وجوده ويستريح ويتفرغ لبيته وابنائه وعندما اعنها على الملأ
اقسم بالله رأيت رجالا كبارا ومسنين ونساءا يبكون ولم ينفعهم محى بشئ لكن يبكون لحبهم له فمحى يعشق تراب شباس عمير محى لم يسع يوما لايذاء احد
المهم تجمع اهل شباس واجبروه على العدول عن هذا القرار وقبل محى وقال سأواصل وسأظل خادما لشباس واهلها ما حييت.
لم نرى محى يا اخوانى كما نرى فى كافة الدوائر يقول الوظيفة دى تمنها كذا والقرار ده تمنه كذا فقد وهب نفسه لهذه البلد ولاهلها لا يوجد بينهما رابط سوى الحب.
هذا يا اخوانى الموقف كله داخل شباس ومن خلال تأكدى لحبكم لشباس وحرصكم عليها .
اثق انكم ستكونون على قدر المسئوليه الملقاه على عاتقكم وعلى قدر الوفاء لشباس عمير
والله الموفق

اسلوبك جميل يا أ0حاتم بس أنا شايف
انك تجوب الأرض شرقأ وغرباً شمالاً وجنوباً
تنتقي العبارات
تظهر الضالات
وتتغاضي عن اجلِ الفواجع
تلوبٌ تلوبُ ما بين ثنايا الكلمات
وترجع لنفس الشـخـص
وكأن شباس عمير
ستتوقف الحياه فيها
وينتهي منها الرجال
وسيذبح الأطفال
وتشــــرد النساء
ان لم يوفق محي القطان
بسم الله الرحمن الرحيم
[لذين لا يشهدون الزور وإذا مروا باللغو مروا كراماً]
انت اصغرمني في السن يا أ0حاتم
بس طول عمري اكن لك كل احترام وتقدير
رجاء قيم الأمور انا كنت في البلد من شهرين
والمياه بتنزل من الحنفية صفرا والأرض بارت إلخ000000000000000
وتقبل مروري

الاستاذ / عادل بقوش
خالص احترامى وتقديرى لشخصكم الكريم

اقسم بالله ان ما قلته ليس نابعا عن قناعتى الشخصية بمحى القطان او غيره ولكن من منطلق انى شايف ان شباس عمير كشباس عمير مستهدفه من ناس اشخاص كبيره بعينها
هؤلاء الاشخاص قالوا احنا وهبنا مالنا من جنيه لمليون مقابل ان تخرج العضوية من شباس .
والله يا عادل يا اخويا زى ما قلت لو فيه مرشح اخر من شباس كان فى وضع المنافسة دى كنت اول واحد هبقى معاه وايده وكنت هقول نفس الكلام وبعدين محى القطان مش هيقعد العمر مسير الايام هتجيب حد تانى من البلد وهتسبت الايام

وبعدين ليه انت مثلا بتشوف سلبيات فى شباس وتسكت عليها ليه ما نكونش زى ما قلت مجلس للشباب نواجه العضو اى عضو بسلبياته واما يا يقنعنا يا نقنعوه ونقولوا له انت انجزت او انت جانبك الصواب فى كذا ونوصل لحل

واقبل تحياتى

الاخ حاتم ....

فكرة :
مجلس للشباب نواجه العضو اى عضو بسلبياته واما يا يقنعنا يا نقنعوه ونقولوا له انت انجزت او انت جانبك الصواب فى كذا ونوصل لحل

من اول يوم لينا واحنا بنتكلم فى الموضوع ده عاوزين كده
ولكن هناك مشكلة
ان 90% من الناس مش موجودة فى البلد وكلهم ناس متغربة....

وبما انك موجود حاليا فى البلد ....هل من الممكن انك تتبنى الفكرة دى .. وتنفذها
وتعرفنا بتطورتها اول باول
وياريت اول حاجة تعملها
انك تسال الكابتن محيى ....
هل ممكن يقعد مع شوية شباب فى مؤتمر علنى قدام جميع الناس ويرد على استفساراتهم..
وهل ممكن انه يتقبل النقد الموجه ليه من خلال كشف حساب باللى عمله خلال الفترة اللى فاتت....
هل ممكن يحصل ده فعلا...؟!
؟؟؟؟؟؟؟؟؟!!!!!


قشطة

ما تنساش يا احمد بيه اننا عملناها الانتخابات اللى فاتت جمعنا الشباب وتركنا كل منهم يقول ويسأل ما يحلو له ووجهت لمحى انتقادات مع انه لم يكن عضو مجلس شعب ساعتها.
المهم موضوع مجلس الشباب لم يستمر لسبب او لاخر وعايزين نفعله ويستمر ويكون له معاد محدد وثابت مثلا الخميس الاول من كل شهر او كل شهرين
وعايزين الكل يقتنع ان شباس كلها فى مركب واحد مهما حاول البعض ان ياخد جنب او موقف كلنا فى مركب واحد ومش عايزين ندى الفرصة لغيرنا ان يقولوا فى النهاية الهتاف اللى بيحبوه بالطول بالعرض جبنا شباس الارض


واقبل تحياتى

اللى فات مات يا حاتم بيه.....
احنا ولاد النهاردة .... جيل الشباب ده لو هيفكر بعقلية الناس بتاعة زمان ... يبقى ملوش فايدة لا القعدة ولا الكلام حتى فى المنتدى...
خلينا نبص لقدام ونشوف سلبياتنا ايه وايجابياتنا ايه ...
والانتقدادات اللى وجهت المرة اللى فاتت اعتقد انها مش هتكرر تانى لسبب بسيط جدا ... ان عقول الناس اتغيرت كتير قوى عن 5 سنين فاتت
.. الناس دلوقتى يا عم حاتم محدش يعرف يضحك عليها..
وبعدين القعدة دى لو اتعملت واتنفذت صح هتكون فى مصلحة الكابتن محيى كتير قوى ... لانه على الاقل هيعرفه مين معاه ومين مش معاه .. هيعرفه هو مقصر فى ايه ومش مقصر فى ايه ...
هيعرفه الناس بتفكر ازاى دلوقتى ..
هيعرفه على الاقل ازاى يدير المرحلة اللى جاية......
وفى نفس الوقت الناس هى كمان هتستفيد
على الاقل بعد القعدة انا لو هنتخب محيى هاكون مقتنع بيه انه يصلح للبلد..
ولو مش هنتخبه هاكون فى قرارة نفسى رضيت ضميرى انى ممشتش عكس التيار اللى بيقول مصلحة البلد وكده

...
فى اى مكان فى العالم بيدير عملية انتخابات محترمة.. بيكون فيه اختراع اسمه مناظرة
احنا مش طالبين مناظرة ما بين الاعضاء وبعضهم

احنا طالبن مناظرة بين الكابتن محيى والناس نفسها
اعتقد انها مش صعبة على محيى بيه ... وفى نفس الوقت دى ابسط حقوق الناس اللى هتنتخبه

ولك منى تحية


قــــشــطــة

وانا رأى معاك وبقول انها مطلوبة فى الوقت ده بالذات علشان اى حد عنده اى استفسار او فكرة
وبعدين الناس بتوع زمان دول يا احمد ما كانوش برده بينضحك عليهم هما صحيح كانوا طيبين بس عندهم حب ونقاء
وبأكد يا احمد تانى مش عايزين ننسى منافسنا خارج شباس

انا قصدى الناس بتوع زمان .. بمعنى
انهم كانوا بياخدوا كل حاجة بالعاطفة
كلمتين حلوين بيطيبوا الخاطر
المهم
انا شايف اننا الاول

نخلص خلافاتنا الداخلية الأول... ونتحد مع بعض...
علشان مانبقاش مشتتين

وبعدكده بقى نفضى للمنافسين خارج شباس

السلام عليكم
الأخ / حاتم الكاشف
أرجو أن يتسع صدرك للرد على إسفساراتى :-

1- ليه إنت مقتنع إن مركز الكون كله متعلق بوجود شخص واحد ؟؟؟؟؟؟؟؟؟؟؟
2- و ليه إنت ما لكش مشاركات فى المنتدى إلا على نفس الموضوع ؟؟؟؟؟؟؟؟؟؟؟
3- و فكرتك ممتازة : لكن أكيد من العدالة و من منطلق الصالح العام إنك تعطى نفس الفرصة لباقى المرشحين فى البلد ؟؟؟؟؟؟؟؟؟؟؟؟؟ لأنهم أبناء البلد ؟؟؟؟؟؟؟؟؟؟؟ وإحنا هدفنا واحد و مش هدف شخصى زى ما إنت قلت ؟؟؟؟؟؟؟؟؟

و على فكرة أنا لا مع و لا ضد حد بعينه
و شكرا و آسف على الإطالة

يا اخى العزيز انا اكدت اكثر من مرة ان لو فيه مرشح من شباس فى وضع المنافسة كنت هبقى معاه وماكنش كلامى هيتغير

السلام عليكم أ0حاتم
آسف علي التأخير في الرد
انا عندى بعض الإستفسارات اللي انتا قلتها وهي :-
1- انى شايف ان شباس عمير كشباس عمير مستهدفه من ناس اشخاص كبيره بعينها هؤلاء الاشخاص قالوا احنا وهبنا مالنا من جنيه لمليون مقابل ان تخرج العضوية من شباس .
انا بصراحة اخي حاتم زعلان منك لأن الكلام ده لا يصح ان يخرج منك فأنت المثقف الرجل العملي والمعملي الذي يعرف ان نتائج المعادله تختلف فى الضوء عن نتائجها في الظلام0وشباس عمير ليست غزة ولا يستهدفها اليهود !
2- اما بالنسبة لوجود مرشح في وضع المنافسة :-فكان وهناك العديد ولكن كما تعرف طغيان الباطل علي الحق هو الصفة السائدة
3- وكونك منتظر الأيام تجيب حد تاني:
اعتقد ان الموضوع ده ممكن يحصل من الصبح بس لو حصلت طفرة اثرت علي الصفة السائدة
4- نكون مجلس للشباب ونناقش محي القطان :-
كلام غريب انا كنت فاكر ان انتا تعرف محي القطان واوضح لك فلغة الحوار ستكون معدومة فهو لايحتم كبيرنا فكيف سيحترم صغيرنا !!!!!!!!!!!!!!!!
وتقبل مروري استاذ/حاتم

ايه المشكلة بس يا استاذ عادل لما نكون مجلس الشباب ده ونفعله ويكون له مواعيد اجتماعات محددة وثابتة واجندات عمل واضحة ونتكلم بلسان الناس
وبعدين نحكم

ولك تحياتى

اامل من جميع الاخوه الكرام والافا ضل ان مهما كان الحوار بينكم لا يخرج عن نطاق الحوار ويبقى الاحترام والحب والهدف واحد مهما اختلفنا
وهو بلدنا شباس عمير كما اتمنى ان نترك موضوع الانتخا بات ونفعل شى جديد ومفيد لاهل البلد مهما كان الشى بسيط والهدف منه افادة اهل البلد الفقراء بدون الحاجه لشخص واحدفقط فذلك سيكون افصل بكثير من الخوض فى امور ما تاتى غير بالمشاكل والخلا فات بين مؤيد ومعارض

وشكرا للجميع

شكرا على مرورك استاذ محمد وعلى كلامك الطيب
واقبل تحياتى

شكرا الاخ عبدالفتاح المهدى

سبحان الله وحده يعلم ما فى النوايا والقلوب والخبايا والعيوب

لكن بتكلم على الاقل على الظاهر امامى واللى الناس شيفاه

اخى حاتم
انا حذفت الموضوع السابق لانى لا اريد ان اتكلم بهذه اللهجة


وانا اكرر اسفى ولكن اختار موضوع يفيد الناس والمجتمع مش هنتكلم على واحد بعينه او برجله مثلا

الموضوعات يامة ولو انت اقتنعت بمساهمتى السابقة اكيد هتعرف ان موضوع الانتخابات منهى


ولا عزاء لشباس عمير