عجبى على طير أنا مربيه على ايدى
شريه صغير وكنت أداديه على ايدى
يا ما جبتله الزاد شايله شيل على ايدى
أنا قلت يمكن يصون الود والعيشة
وجبتله كتير مذوق شهد وسقيته
وكنت بسأل عليه الصبح والعيشة
أحلف بعمرى مزعلتوش ولا سقيته
من بعد تعبى معاه جه ولفه غيرى
أنا قلتله روح مش وقت العتاب يا طير
بكره تجرب زمانى من زمان غيرى
كبرت فى العز وبقالك جناح يا طير
مه أنا برده محدش علمك غيرى
تنسى الجمايل وتنسى عشرتى يا طير
صحيح أنا كنت دايما بعشقك وأغواك
لكن لقيت الشيطان غرك كتير وغواك
ومدام هجيت م البرج السليم ودواك
لم عدت أهواك ولو هتبوس على ايدى
