إلى كل جاسوس فى المنتدى بينقل كلامى وبيحرفه:
إلى جميع الجواسيس والى الاخ ( ....) اللى عارف نفسه تحديدا ونقل كلام عنى مش مظبوط:
الى جميع الناس اللى داخله المنتدى بس علشان توقع مابين الناس وأهلها :
من غير


مضطر اسفاً انى ادافع عن نفسى بسبب أن بعض الناس استخدمت نفس الاسلوب القذر ووصلت عنى كلام متحرف
وياريت بعض ماتقرأ يا أخ ( ....) مشاركاتى كويس ... تنكسف على دمك شويتين وتبطل تجيب سيرتى بالباطل
وطبعا إنت عارف نفسك كويس قوى ...
لأنه بصراحة ... ( ريحتك فايحة ) قوى


دى كل مشاركاتى وارائى بالنسبة لموضوع الانتخابات :
1-
:امير الكاشف كتب سجن جوان تنموا سجن ابوا غريب زمن التعذيب
أحب أقول اللى كتب الكلام ده :
إن التشرد الأطفالى مش موجود فى شباس وبس أبــــــســـــــونــــتـــــلـى
التشرد موجود فى كل حتة فى العالم امريكا وفرنسا والجيزة وميدان عابدين وعزبة الحجر كمان
الألفاظ اللى انت كتبتها دى بتقول ان احنا داخلين على حرب مش انتخابات
وعلى كل حال
قـــــــشــــــــــــطــــــــــــة

2-
DARK كتب
الي أخي أمير الي كل امراء شباس الي كل امراءقلين الي كل امراء كفرالشيخ الي كل امراء مصر حبيبتي
وانا احب اقول فى هذا الموضوع
انا لا اعلم لماذا قمنا بالثورة ... انا كنت فى الحمام ساعتها
قشطة

3-
الاخ حاتم الكاشف .....
من ضمن كلامك :جناح عسكرى ،،، ما تنساش والله فى اول اجتماع لكم الليلة ،،،ومن قبل كده اخوك امير كتب سجن جوان تنموا سجن ابوا غريب زمن التعذيب.............على فكرة احنا مش داخلين حرب بس بكده فعلا النوايا بدات تبان وواضح جدا ان الايام الجايةهتبقى ايام مايعلم بيها الا ربنا ... ده فى حالة ان كل الناس بيفكروا بنفس الطريقة الى انت واخوك بتتكلموا بيها دى ....
واخير قبل ما اختم كلامى انا كان لى سؤال واحد
بما ان انااحد افراد الاجتماع الاخير بتاع الجناح العسكرى بتاع اللوبى ده
احب استفسر هوه مين باقى الافراد دول اللى انا كنت مجتمع معاهم......!!!!!!!!!
يا حاتم بيه
انا مااعرفش فى المنتدى غير ماتريكس وشريف وماو وطبعا احمد بقوش .... يعنى احنا لانعرف بعض ولا حاجة
الحق هو اللى جمعنا والحق هو اللى هيخلينا من غير حتى ما نعرف بعض بنحترم بعض ....
والمبادى ياعم الحاج مبتتجزأش ..انا ايدى وجعتنى من الكتابة بس واخيرا قــــــشـــــطــــــة

4-
ياعم حاتم
انت بالاسلوب اللى انت متبعه فى ردودك ده ..... يقول انها مش مجرد اختلاف فى الراى
.... بجد حاول تلاقى اسلوب احسن من كده انت راجل مثقف وطول عمرك مؤدب لانى اعرفك كويس.... وخدها نصيحة من اخ :: حاول متخسرش كل الناس فى كل الوقت وبعدين ياعم الحاج انت ملقتش غير كلمة الجناح العسكرى .. تعلق عليها طيب ياريت تفهمنى باقى الالفاظ التانية بقى بالمرة ،،،،،،،،،،،،،،،،،،، كفاية كده بقى ومن غير قـــــشــــطـــة كمان ... منمنمنامنمنمنمنا

5-
لا حول ولا قوة الا بالله العلى العظيم
وده من ايه يا ابنى دى حساسية لا باين عليها كرشة نفس
انا لى كلمة واحدة بس لو كل الناس اللى هتنتخب نفس المرشح بتفكر بالاسلوب ده
يبقى .........حسبى الله ونعم الوكيل .. ياله ومن غير قشطة كمان

6-
قــشــطــة يا أبو أنس
الحتة بتاعة ابو فراس ده فى الجون يا معلم
وعلى فكرة انا باكد كلامك ان فيه ناس كتيرة جدا من انصار نفس المرشح بس مثقفين ومحترمين
وعارفين النقاش بيكون ازاى وازاى احترم راى الغير حتى لو كان معارض مع رايى الشخصى
والاختلاف فى الراى لايفسد للود قضية...بس هوه الموضوع شكله خدوهم بالصوت ليغلبوكم
.........وبردك فيه ناس كتيرة هتنتخب نفس المرشح لانها مش لاقية حد تانى تنتخبه
يعنى من الاخر قاعدة احسن الوحشين
.......وفيه ناس كتير قوى فى البلد لا هتنتخب لا ده ولا ده لانها يئست ومن الاخر واخده قاعدة سعد زغلول : مفيش فايدة ...وفيه ناس تانية بتقول ::: يعنى فيه افل ان الفرح مبظش
..... وعلى كل الالوان يا معلم ،،،،،،،، وفى الاخر بردك نقول قــــــشـــــطــــة

7-
بس ما يضرش لما يبقى شوية عيال مش فاهمين لازم نصبروا عليهم
لان مبدأنا الكلاب تنبح والقافلة تسير ده كلام حاتم الكاشف
(( شوية عيال )) ... يعنى كل الناس اللى هنافى المنتدى ومختلفة معاك فى الراى .... وصفهم عندك كده.......... بصراحة انا مش لاقى اى تعليق ممكن اقوله ليك
....غـــيــر كلمة ( شـــكراً يا محترم)

8-

فيه ايه يا جدعان الدنيا مولعة هنا كده ليه هو الواحد يغيب يومين ويرجع يلاقى الناس هتقع فى بعضها كده ارجو من جميع الناس الـــترقــى بستوى الحوار احنا ناس متعلمة يا جماعة وعارفه هى بتقول ايه واكيد كل واحد مسؤول عن كلامه
لان فعلا لو كده هيكون اسلوب الحوار يبقى اكيد هيكون فيه مشكلة
وفى الاخر لازم نقول قشطة

9-
جماعه انتوا لو فى البلد هتعرفوا ان الكلام ال على المنتدى بتنقل بصورة تانية وكان هيحصل مشاكل كتيرة جداااااا ..ده كان كلام احمد بقوش ياريت ياابو حميد توضحلنا الصورة اكتر شوية
وتفهمنا ايه اللى بيحصل وبيتقال علينا من وراناااااا. وبرده فى الاخر لازم نقول قــــــــــشـــــــطـــــــة

10-
أعتقد يا جماعة إن إحنا أصلا ماعندناش اى حاجة علشان نقول احنا نقصنا ايه وايه اللى محتاجاه شباس لانه ببساطة احنا ناقصنا كل حاجة كل حاجة علشان تعيش عيشة بنى ادمين
ناقصنى أشرب مياه نظيفة ناقصنى مشوفشى المجارى ضربة فى كل شارع فى شباس
ناقصنى اشوفها متسفلتة ولو حتى شهر واحد ناقصنى لما اجى اركب من الموقف الصبح متعذبشى
ناقصنى لما يجيلى ضيف فى الشتاء مبقاش مكسوف من كمية الترمبات اللى ناس لابساها
ناقصنى ان اخويا لما يروح الكلية فى الشتاء مايبقاش معرووف انه من شباس والدليل طبعا معروف كمية الطينة اللى فى جزمته
ناقصنى انى لما ابنى يتعب بالليل الاقى مستشفى اوديه فيها مش اطلع على كفر الشيخ ولا دسوق
ناقصنى ان المصلحة تبقى للكل مش لناس معينة فالمسرح يتسع للجميع
كفاية كده وزى كل مرة لازم نقول مهما حصل على راى محمد الجرن قــــــــــشــــــــطـــــــة

11-
بصراحة يا جماعة الموضوع ده مهم جدا
اولا
زى ما قال حسام ان موضوع المواصلات ده موضوع مهم جدا وساة الزنقة بردك مش هتدور هتركب بقى 4 ولا 5 فى الكرسى
وتتفرهد يا معلم قبل ما تروح الكلية توصل الكلية اصلا عاوز تنام تاخد نفسك وتتطلع على قهوة دهب تضربلك حجرين وترجع البلد تانى يبقى استفدت ايه فى اليوم كله ولا حاجة والسبب مواصلة شباس
ثانيا
موضوع المجارى ده الكلام فيه مش هيجيب نتيجة لان النتيجة هى هى
شباس من غير مجارى متبقاش شباس
ثالثا
خد عندك بقى موضوع الرصف بقالها 100 سنة مش مرصوفة ياعم دى عزبة الحجر اترصفت واحنا لسه
ياراجل دى شوية شتاء لو نزلو كلنا بنلبس ( الترمبات ). وعلى راى اهل قلين شباس بلد الترمبات
رابعا
عندنا عادات فى البلد تخنق الواحد بجد يعنى مثلا ليه لما الواحد بيقرر يتجوز يروح يجيب ب 20 و 30 الف جنيه دهب
ده كده بجد يبقى حرام اذا كان اهل اسكندرية والقاهرة نفسهم ب 2 ولا 3 الاف جنيه دهب
ياعم لو جيت تتكلم على سلبيات البلد مش هتعرف تعد بس فى الاول وفى الاخر دى بلدك يعنى الحاجة الوحيدة اللى بتخليك تستحمل ده كله اصحابك واهلك وحبايبك

12-

اللى فات مات يا حاتم بيه.....
احنا ولاد النهاردة .... جيل الشباب ده لو هيفكر بعقلية الناس بتاعة زمان ... يبقى ملوش فايدة لا القعدة ولا الكلام حتى فى المنتدى... خلينا نبص لقدام ونشوف سلبياتنا ايه وايجابياتنا ايه ...
والانتقدادات اللى وجهت المرة اللى فاتت اعتقد انها مش هتكرر تانى لسبب بسيط جدا ... ان عقول الناس اتغيرت كتير قوى عن 5 سنين فاتت
.. الناس دلوقتى يا عم حاتم محدش يعرف يضحك عليها..
وبعدين القعدة دى لو اتعملت واتنفذت صح هتكون فى مصلحة الكابتن محيى كتير قوى ... لانه على الاقل هيعرفه مين معاه ومين مش معاه .. هيعرفه هو مقصر فى ايه ومش مقصر فى ايه ...
هيعرفه الناس بتفكر ازاى دلوقتى .. هيعرفه على الاقل ازاى يدير المرحلة اللى جاية......
وفى نفس الوقت الناس هى كمان هتستفيد على الاقل بعد القعدة انا لو هنتخب محيى هاكون مقتنع بيه انه يصلح للبلد..
ولو مش هنتخبه هاكون فى قرارة نفسى رضيت ضميرى انى ممشتش عكس التيار اللى بيقول مصلحة البلد وكده...
فى اى مكان فى العالم بيدير عملية انتخابات محترمة.. بيكون فيه اختراع اسمه مناظرة
احنا مش طالبين مناظرة ما بين الاعضاء وبعضهم احنا طالبن مناظرة بين الكابتن محيى والناس نفسها اعتقد انها مش صعبة على محيى بيه ... وفى نفس الوقت دى ابسط حقوق الناس اللى هتنتخبه
ولك منى تحية قــــشــطــة

13-
انا بقى اقولك ياعم ياسر
العيب فين:: العيب إننا
ضحية مجتمع فاشى.......
ومنك لله يا جمال يا مروان

.................................

قشطة
على كل الناس المحترمة وبس

ايه الحكايه يا ابو اكرم هى بقت حرب جواسيس ولا ايه بس انا عرفته لانك زى نمابتقول رحته فايحه ده طلع واد حقود بشكل يا حمد بيه يا خويه ويا خى بايع دمه يعنى مش مكسوف من نفسه لما كان قاعد بخليفه عباس وقعد يوزع منشورات زى ميكون الثورة قامت وطبع ورق من المنتدى وعاوز يرفع سب وقذف وعامل فيها شيخ البلد وهو اول واحد يبيع فى ثانيه عشان مصلحته انا بقله يا ريت يتلم بقه لانه اكيد عارف نفسه وعمل نفس الموقف معانا وبلاش الاساليب الرخيصة دى والحمد لله احنا ردودنا موجودة ووضحنا وجهة نظرنا اكتر من مره ولا يهمك يا ابو اكرم ولكن وكالمعتاد رغم كل الظروف لازم نقول

وياريت يا محمد بيه يا أخويا
الكلام بيوصل كما انه مكتوب
......
أبسونتلى
ده بيوصل متحرف قوى قوى قوى
وعامل فيها حامى الحمى
والمتحمس الرسمى
.....

ياريت لو كان عنده الجرأة يرد ويجاوبنى:
1- انت ليه بتعمل كده عاوز تكسب بنط عندالكابتن محيى ولا ايه ؟

2- انت ليه دايما عامل مشاكل لناس كانت بتاكل معاك فى طبق واحد

3- اللى انت بتعمله ده نسميه ضعف فى شخصيتك واذا كان كده حاول يااابنى تغيره ..ز ولا ده اسلوبك الطبيعى ومفيش فايدة منك

4- إنت ليه روحت قعدت مع خليفة عباس يوم ما الوظيفة اتاخرت ؟

5- ليه طبعت كلامنا على ورق ورايح تنشره فى البلد مع انه كان كلام قديمواتكتب قبل ما نعرف مين اللى هيترشح بالظبط فى البلد ؟

6-من اول يوم دخلت فيه المنتدى ..واسلوب الحوار للناس المحترمة الموجودة بقى مختلف

7- اخر سؤال عاوز اسالهولك:
إنت ليه كده ؟!

لو عندك زرة شجاعة واحدة جاوب على أسئلتى ؟
ياله هه ومن غير

قشطة

الله الله الله ايه ياأبو اكرم بس قلى مين مزعلك ؟

وبعدين هيا حصلت ل برنت لصفحات المنتدى .؟ يالهوى ده يبقى على كده بقى انا الصبح هيجيلى أمر اعتقال .

وعموما حركه زى دى تأكدلى انا شخصيا انى ماشى على طريق حق .

بس سؤال خطير بقى ياابو اكرم مين جمال مروان ؟؟هاهاهاهاهاهاهاها.

وياعم فرفش كده وزقطط وفرفش .

بدام اكده ميت واكده ميت يبقى هتخاف من ايــــــــــــــــه؟

وقـــــــــــــــــشطه ياريس

هههههههههههه كده مفيش افل ان الفخايده مش هيفوظوا الفرح

قشطة وجبنة وبيضطييييييييييييييييييييين

ابو اكرم هم راحوا عندكم الله يشفيهم ويا عم هو من امتى بعمل حساب الى اى حد مهما كلان هوالمهم انت صح ولا ومقتنع بالبتعمله ولا لا
وبعدين الناس زعلانه جدا من الاخ ده ليه لو بصيتوا لبعيد شويه هنلاقيه عنصر فعلا جدا على الاقل بنقل وجهه نظرنا الى الناس اللى معندهاش نت وهيسعدنا جدا فى نشر المنتدى
ولاول مرة بقول قشطه علشان خطرك يا ابو اكرم ولو عاوز انزل اعرفه قميته فى البلد انزل بس انت تأمر وتجيب ثمن التيكت

الى الاخ المحترم المثقف: خالد القطان

بصراحةارائك عجبانى قوى قوى وتدل على شخصية محترمة.
اما بالنسبة للاخ المقصود
فطبعا كلنا عارفينه لانه ريحته( المعفنة ) معروفة قوى
......
أما بالنسبة لك انت فانت اعمل حسابك ياابنى انها كلها يومين وتبقى فى المعتقل رسمى يااما مسجون يااما مجنون....
وسلامى لجمال مروان وبيبرس كمان يامعلم

قشطة عليك

الى اصدقاء الغربة:
رامى ومحمد الجرن

طبعا احنا كده عرفنا العيب فين
واضح جدا ان العيب فينا احنا هههههههه
علشان احنا عايشين (فى مجتمع فاشى)
ومحدش يقولى يعنى ايه فاشى

اما بالنسبة لموضوع ثمن التيكيت ده يا عم رامى
.... فهات انت بس نص تمن التيكت وانا اسكت خالص يا عم.
ههههههههه

قشطة

الى اخويا الصغير/ احمد بقوش
انا لى طلب واحد عندك
بما انك فى متواجد البلد وطبعا انت عارف مين اللى الكلام عليه
وبما انه معندوش الشجاعة انه يدخل يرد علينا
لانه استخدم اسلوب قذر ميصدرشى من واحد مثقف
طلبى بقى يا سيدى
ياريت تسال الاخ اياه ده :

هى الشهادة بتاعته واخدها فى التعليم ولا فى التعريس

؟؟؟؟؟؟؟؟!!!!
وانا اسف لكل شخص محترم موجود فى المنتدى لانى استخدمت الفاظ من النوع ده

معلش كان لازم انزل بمستوى الحوار علشان اعرف اتفاهم معاه باسلوبه هو .

يععععنى ايه فاشى يعععععنى ايه فاشى
دانت غريب اوى يا جدع
بس تصدق انت عنك حق فى موضوع الشهاده ده الاخ واخد دوكتوراه فىالتفلحيس والفتنه بس يلا كله من جمال مرون وسلامى انا بقه لمدام ررررششااا

قشطة عربى ام الاجنبى

بس عجبتنى اوى حتة المتحمس الرسمى دى
شباب هناك حكمة تقول
اذا طعنت من الخلف فاعلم انك فى المقدمة
انا قولت قبل كده زبده بس المره دى هاقول قشطه عشان خاطر ابو اكرم

الزبدة والقشطة تتقال للناس المحترمة بس يا محمد باشا
اما المنافقين والكدابين فملهومشى عندى غير حاجة واحدة
عيب ان انا اقولها علشان معانا بنات فى المنتدى


وقشطة بالزبدة عليك يا معلم

الحمد لله انامابقيتش لوحدي
طالوك يا ابونسب
المهم انا لدي الشجاعة وممكن اقول اول حرف في اسمه
ح

عمى وعمى عيالى / شريف باشا

احب اقولك الحرف التانى :

ا

يلا يا رجالة احنا دخلنا المزاد

ألاؤووووووووونا

ألادوى ى ى ى ى ى
ألا ترياااااااااا.

يلا قبل ما المزاد يخلص
جمع إسم الجاسوس وإكسب وظيفةال()
........
ونقول ألووووووو
معانا المتسابق واجابته هى :::::


(( ))




قشطة

بسم الله الرحمن الرحيم
الاخ المحترم / احمد عقل
ان كنت بتقصدنى فسامحك الله على كل هذه الاهانات ولن ارد بمثلها احتراما لنفسى ولجميع اعضاء المنتدى واعتزازا بالاستاذ عبدالجواد عقل ولأخويا اسامة عبدالجواد عقل.
ثانيا فيه بعض الامور عايز اوضحها واعلم يا اخى انى لا اخاف الا من الله .
اقسم بالله ........ اقسم بالله العلى العظيم انى لم اطبع يوما ورقة واحدة لأنشر رأيك او ما تقوله واقسم بالله مرة ثالثة انه لم يحدث مرة واحدة ان قلت لمحى ان فلان يسبك او فلان يمدحك فأنا يا اخى اكبر من ذلك بكثير وان ما تقوله لا يعنينى من قريب او بعيد فهذا رايك وهذا فكرك وانت حر فيه وتلاحظ انى لم ادخل معك قبل ذلك فى مناقشة لاحساسى انك واخد الامور ببساطة ويسر وان كل تدخلاتى فى المنتدى لتصحيح معلومة يعز على ان اراها خطأ زى مياه الشرب او الصرف او الرصف وانا واعوذ بالله من كلمة انا اعرف حقيقتها وبالدليل فأتتدخل واقول رأى واحيانا كثيرة اخرى لا ارد

ثالثا جمعتنى من ثلاثة ايام الصدفة البحته بالستاذ عبد الجواد عقل وللحقيقة فأنا اعتز به كثيرا وبيننا مودة دائمة وحب المهم تطرق الحديث منه ان فيه ناس بتدخل على النت باسم احمد عقل وبتكتب كلام مالوش لازمة فكان ردى والله العظيم ان احمد عقل بالذات لا يخطئ فى احد وكل كلامه قشطة ... وعسل وواخد الامور ببساطة ويسر.
هذا والله ما حدث وان كل ما يدور على المنتدى لا يشغل بالى دقيقة واحدة.
هذا ما قلته ولا اقوله لطلب عفو فأنت اخطات وقلت ما قلت وقل ما تشاء لكنى اقوله توضيحا للحقيقة والله على ما اقول شهيد


ولك وافر احترامى

الأخ حاتم.....

إنت زميل دراسة وفصل واحد لمدة 11 سنة
وطول عمرك ماكان فيه مشكلة بيننا وكل اللى بيننا احترام

وإنت بتقول إن انا واخد الموضوع ببساطة وسهولة وقشطة وزبدة والليلة دى كلها وعمرى ماغلطت فى حد نهائى ....
الكلام ده كله كويس بس اللى وصل للاستاذ/ عبدالجواد منك باللفظ
فى نفس القعدة اللى انت بتقول عليهادى
( إبقى خلى أحمد يخف علينا شوية على النت اليومين دول )

بالإضافة بقى للى انت قولته بلسانك
ان الكلام واصل فى البلد ان فيه واحد اسمه احمد عقل على النت بيشتم وكده
تبقى معناها ايه دى ... معناها ان انا نازل شتيمة فى الكابتن محيى .... وانا المعارض الثورجى
وان انا احد اعضاء الجناح العسكرى المضاد للفاشية والسامية
معناها ان انا ماسك دعاية لمرشح تانى
معناها ان انا منضم للبلاك لست المغضوب عليهم
معناها ايه دى ياعم حاتم

.......
اقولك انا معناها ايه .... معناها ان كان فيه شوية نار قايدة ... فميضرش لو كبينا عليها شوية بنزين..

دى تفسيرها عندى....
.....وعلى فكرة انا اصلا لا لى فى الانتخابات ولا فى السياسة من اساسه
الموضوع ماهو الا منتدى بنتكلم فيه مع بعض كمثقفين عن مشاكل فى البلد موجودة بالفعل
الموضوع ماهو الا تواصل بينا كمغتربين واللى بيحصل فى البلد
الموضوع ماهو الا تعارف بينى وبين اهل بلدى وانا مش موجودفيها
الموضوع ماهو الا تنفيس عن النفس مش اكتر
..
انا لغاية اول امبارح الموضوع عندى كله على بعضه كده كلام وهزار وعادى جدا لانها متفرقشى معايا ومش هتفرق معايا انا هاختلف فى رايى مع فلان على انتخاب شخص ولا لا ؟
.....
لكن لما يوصل للراجل المحترم( أ/عبدالجواد ) ان ابنه عامل مشاكل مع الكابتن محيى على النت
يبقى لازم ادافع عن نفسى وافرم وادوس على اى حد ممكن يسببلى مشكلة ويقول عليا كلام مطلعش منى

لانه لوكان طلع منى غلط لاى شخص انا باتحمله
.........لكن انه يتنسبلك حاجة انت معملتهاشى ويتقال كلام على لسانك انت ماقلتوش
فده اظن محدش يقبله ابدا........

لو بصيت فى ردودى ومشاركاتى كويس هتلاقينى اصلا مش بتكلم لا فى مجارى ولا فى صرف ولا فى اى حاجة
قديمة
انا كل كلامى تقريبا عن واقع بلد مش كويس ابدا بشهادة الجميع وبشهادتك انت كمان..

.........
يا حاتم بيه انا انتمائى وصوتى فى الانتخابات معروف جدا جدا ومع الكابتن محيى


ولكن انا عمرى ما هافرض على اى انسان رايى الشخصى لمجرد انتمائى
وعمرى ما هاضغط على حد انه ينتمى لنفس المرشح
اللى انا هاديله صوتى
كله واحد حر فى انتمائه وكل واحد حر فى رايه الشخصى

.....معلش اذا كنت طولت شوية
فأنا لن اخطىء ولم أخطىء فى اى ابشر سواء انت او غيرك
انا وقف لاى حد ممكن يشوه صورتى ويحرف كلامى
....وتقبل


قشطة

يا اخى انا اقسمتلك بالله اكثر من مرة ان لا انت ولا غيرك جبنا سيرتهم فى البلد بخصوص ما يكتب على المنتدى وان موضوع الحوار على المنتدى لا يشغل بالنا لا من قريب ولا من بعيد
دا حتى فيه ناس كتير نفسها والله تشترك وتدخل والله بالمئات وان ردى عليهم مالوش لازمة الدخول فى الوقت ده لان فيه حاجات تانيه اهم بكتير لازم ننجزها
وياعم احمد ايه الضرر اللى عايد علينا من المنتدى نفسى اعرف بس
كل شويه واحد يطلع يقول تهديد بالغلق وانا قولت لاحمد بقوش انا اول واحد ضد الغلق ده
والله ما فيش اصلا الكلام ده لان فيه ناس بتطلع الاشاعة وهم اول ناس بيصدقوها .

وبنقلوها للمرة الالف للمرة المليون فى كل وقت احنا ما بنفرضوش رأينا على حد كل واحد حر وبنحترم كل الاراء وبنستفيد منها وبنتعلم
يا عم والله فيه ناس قرايبى بتكره محى ده زى العما وبالرغم من كده بحترمهم وعلاقتى بيهم جيده فوق الوصف لأنه ما بيغلطش ورأيه هو حر فيه وبالرغم من كده لما يحتاج مصلحة من محى انا اول واحد بروح معاه
غير كده معايا فى الشغل 400 موظف وقيه ناس قرايب مرشحين وبنقعد ناكل مع بعض ونضحك عادى خالص وبشيدوا بينا فى كل مكان.
لكن طلبى اللى بقوله للكل للى بأيده وبعارضه مش عايزين نغلط فى بعض لان الانتخابات شهر ولا اتنين وهتروح لحالها واحنا اللى هنفضل لبعض .
انا معاك يا احمد انى كنت فى الاول متعصب شويه اول ما دخلت على المنتدى بس ده كان بسبب انى رأيت بعض الالفاظ ......وانت اعلم بيها واللى يزعلك اكتر ان الالفاظ دى ناس بتقراها وعادى عندهم خالص وما بيتكلموش لكن ييجى عند اراء تانيه وتقوم الدنيا.
وكان ممكن اقرا اللى بتكتبه واطنش زى ما بعمل مع ناس يامه لكن معزة الاستاذ عبد الجواد واولاده مش عندى بس لكن عند كل اسرتى جعلتنى لا اقبل هذا وارد واوضح

ولك كامل احترامى

تسلم ايدك يا احمد بيه ياا خويه ونحن كلنا كاعضاء المنتدى وقف لاى حد عاوز يشوه صورتنا من خلال تشويهه لصورة المنتدى يا حاتم انتو خليتو الناس فهمو ان المنتدى ده بس معمول عشان الناس تشتم فى الكابتن محى احنا بندخل المنتدى من بابا التواصل مع اصحابنا واخواتنا وعشان نتابع اخبار البلد واظن انا احنا كلامنا كله مؤيدين او مختلفين كان بيصب فى اتجاه واحد وهو مصلحة البلد بغض النظر مين هيبقى عضو مجلس الشعب وتحياتى ليك وبردك لام نقول

قشطة

انا اقسمتلك بالله اكثر من مرة


وانا قدام قسم الله عز وجل
مقدرش اقول غير
عفا الله عما سلف




قشطة

والله يا ابوكرم دي شيم الناس المحترمة ولكن هنقول ايه بقى
حسبي الله ونعم الوكيل

عمى وعم عيالى /شريف باشا

شيم الناس المحترمة بتكون نابعة من اصل وبيت محترم اتربت على كده

قشطة

السلام عليكم
أولا : تحياتى لـ / admin المنتدى .

حبيبى إنت طلبت ان أشترك فى الموضوع .
بصراحة شديدة كنت بأدخل أقرأ بعض المشاركات و لكنى رغبت عدم التعليق على بعض المشاركات لأنها زى ما تفضل الأخ / ابو أكرم و مع إحترامى الشديد للجميع ( إن فيه بعض التعليقات بتكون دون المستوى ) .

ثانياً : الأخ أبو أكرم : لكم منى كل إحترام و تقدير
و إسمح لى بالتعليق من وجهة نظرى المتواضعة جداً على بعض التصرفات التى لم تعجبك من بعض الناس :-

1- من حقك طبعا تدافع بكل الطرق و تصد أى فرد يحاول تعكير صفو العلاقة الشخصية بينك و بين السيد الوالد ( لأنه بإختصار يهمنا جدا رضاهم علينا ) و أكيد إنت مؤيد لى فى النقطة دى تحديداً .

2- من المفترض أن لا تقلق على علاقتك بالوالد و خصوصا إن كل واحد فينا يعرف إزاى يحافظ على علاقته بوالديه ، و أكيد انا عارف والدى إزاى بيفكر و كما هو على علم تام أنا بأفكر إزاى ، فمن الناحية دى إطمن .

3- مسألة إن فيه حد عمل print out من على المنتدى إعتبارها يا أخى دعاية مجانية للمنتدى و بالتالى شعبية و أعضاء المنتدى فى زيادة إن شاء الله .

و فى النهاية لكم منى أطيب الدعوات التوفيق و النجاح

ردي للاستاذ / حاتم
بدون لف ودوران
مامعنى كل شويه واحد يطلع يقول تهديد بالغلقوبمن تقصد وطالما الموضوع لم ينال اعجاب سيادتكم الموقره ليه قرأته
وبلاش تتكلم بالالغاز وخليك دوغري وبلاش تتكلم كلام اكبر من سنك
لوووو سمحت

بسم الله الله الرحمن الرحيم
اولا انا متاسف جدا جدا جدا للتاخر فى الرد على الموضوع
بس انا كنت بصيف
ثانيا لك منى جزيل الشكر والاحترام والتقدير
يا ابو اكرم وكان الله فى عونك
وكذا الوضع مع الاخ الكريم شريف الجرن
والاخ الكريم حسام الكاشف والاخ الكريم احمد بقوش
كلهم تعرضوا لنفس الموقف
وبشكرك جزيل الشكر انك تصديت للموقف بشجاعه
وواجهت من اراد بك السوء
وبشكر اخى العزيز احمد بقوش مع انه ميعرفنيش
وانه فى يوم من الايام فكر انه يحذف عضويتى لانه
ارسل لى رساله ليعرف من انا ولم اجيبه
تجنبا لموقف كما حدث مع الاخوه الافاضل المحترمين
والان اقتنع بوجهه نظرى وان هناك من يريد فقط تدمير سمعه
من يرونه قد يجلب نفعا فى اى مجال
وكما قلت سابقا الشجره المثمره تقذف بالحجاره
ولدى استفسار صغير للاخ حاتم
لماذا اسمك دوما مرتبطا بالاخبار السيئه عن المنتدى؟
فما حدث لشريف اسمك زكر فيه
وما حدث لاحمد اسمك زكر فيه
والتهديدات المتعلقه بغلق المنتدى اسمك زكر فيها
والعجيب انك فى كل مره تقسم انه لم يحدث
والكثر عجبا انه من اخبر شريف واحمد هم اسرتهم
فليس لهم ادنى مصلحه فى خلق شئ فى نفوس ابناءهم تجاهك
الا لو كنت فعلا اخبرتهم بذلك الكلام
واخيرا شكر خاص لكل من ساهم فى الموضوع
واسف للاطاله
وقشطه بالموز والمكسرات يا ابو اكرم

مشكوررر ابو انس
على توضيحك للامورر
ومشكوررر مرورك المتميز
دائما

اول مره ادخل ولا اجد تعليق مناسب للرد لانو ياسفنى ان نوصل الى هذا الحد من تبادل الاهنات
ولكن عن نفسى اتمنى ان يكون المنتدى حوار ونقا شات عن اقتراحات خاصه فقط بضعفاء البلد ولا يوجد اى نقاش خاص بالانتخا بات ولااى شى يجلب لننا المشا كل ويكون المنتدى مثله مثل اهالى شباس منقسمين الى مجموعة اقسام ولكن الاخوه الافاضل اود توضيح ان المنتدى له مدخل واحد اما شباس فلها اكثر من مدخل فارجو منكم جميعا مراعات هذا المدخل الذى ندخل منه جميعا ونجعله بدون انشقاق ولا خلا فات ولكم منى تحياتى وشكرا

الأخ المحترم /
mahmoudsaad68

تحياتى واحترامى ....
بس احب اقولك ان فيه مثل بيقول
(العيار اللى ما يصيبشى يدوش)

طبعا كل واحد فينا يعرف ازاى والده اكتر من اى حد ولكن الصح انك/
تتصدى لاى بشر ممكن يعكر صفو علاقتك بوالدك حتى ولو كانت للحظة واحدة,,,,,


تقبل مرورى


وقشطة يا باشا

الأخ / أبو أنس
اولا/ تحياتى لأنـــس
ثانياٍ/ طبعا المصيف احلى بكتير من المشاكل دى كلها
ثالثاً/
أعتقد إن أسئلتك اللى انت سأللتها مش هتلاقيلها إجابة!!!!!!!
رابعا بقى

قشطة بالهبل يا معلم

مشكور الأخين / محمد السعدنى
والاخ / محمد الكاشف
على مروركم المتميز

قشطة