دورت في عقلي وراسي **********عشان اوصف كل احساسي
لقيت الكلام علي لساني سيل********وبيطلع من غير تعب ولاحيل
فسبحانه مغير الاحوال*************عملنا في الملعب اهوال
وبأ يد الرجاله الابطال**********رسمنا خطوط العزه والنضال
الي علي اساسها رجع كل فشار********للخلف من رهبة الاحرار
ووقف في الميدان صنم محتار******مش عارف يروح يمين ولايسار
وتشوف الفرحة بين الناس**********هتعرف مين هو الاساس
لان احنا اليوم نجوم************* ومحدش في بحرنا يعوم
واصحي وفوق ياموهوم************واغرق شويه في الهموم
دي كل البلاد ضربت سلام*************لمنخب مصر الهمام
الي اداهم درس تمام*************في اصل الادب والاحترام
والله ينور عليك يامعلم*************خليت الفرق منك تتعلم
وتقوم تقف باحترام وتسلم***********لما تشوفك من بعيد بتتكلم
ويقفوا ويرفعوا الاعلام***********لان مصر لكل محترم امام
وربنا الله الحليم***************** كان معانا جدا كريم
وبدل الواحد كان اربعة*************في عين الحسود مربعة
ولكل مجتهد النصيب************والرد كان في الملعب رهيب
ومسير الجرح يابلدي يطيب*********لان كل لاعب عندك طبيب
كلمات فريج عماره

شكرا لتشجيعك يابوحميد ونرجوا ان ينال رضا الاخوه في المنتدي

مصر يا حرة وأبية
روحى ليكى ونور عنيه
بالعزيمة والتحدى
راح نجيب لك ميت هدية

وانت يا ريس مبارك
جيت تساند جيت تبارك
كرة فن وكل شئ
دا انت قدوة فى يوم مبارك

وانت يا جمهور عظيم
زرعت رعب فى كل تيم
بان لنا حبك رايات
ع الوشوش رسمك سليم

وانت يا شحاتة معلم
كل خططك راح تعلم
ع النسور وعلى الأسود
نفسى إيدى عليك تسلم

وانت يا زيدنا زعيم
كل شوطك فى الصميم
لما تنزل الملاعب
انتصارنا يكون عظيم

وانت يا عصام يا همام
انت حارس ع الدوام
حارس المرمى يا حضرى
فيك تحدى وفيك نظام

وانت يا هانى سعيد
ياللى بيك الدنيا عيد
دا انتا صخرة فى الدفاع
لو هجوم عليك يزيد

وانت يا وائل يا جمعه
ياللى بيك الدنيا سامعه
عن كفاحك عن دفاعك
انت للاعبيه شمعة

يابو الروق والله كلام حلو وجميل مشكور علي المرور والتعليق

ولا أجمل ولا احلة منك يامصر وربنا يخليكي وفريقنا ديما رافع راسنا علي طول وشكر يابو حمزة علي الكلام الجميل والمفرض نسميك شاعر شباس عمير

وانت يا أحمد يا بن فتحى
يا اللى واخد كل فرحى
رغم زعلك م المكان ده
بس خدت كل مدحى

وانت يا معوض حكاية
م البداية للنهاية
لاء وإيه حريف يا واد
راح تكون دايما معايا

وانت يا شوقى صفاتك
الرحولة من سماتك
ع النجيل همه وشجاعة
هيه عادة من عادتك

وانت يا أحمد م الفراعنة
جرئتك كان ليها معنى
مهما قالوا عليك وزادوا
منتخبنا بيك بيعلى

وانت يا شادى ياهادى
القلوب عليك تنادى
ذوق مهارة وطيبة زايدة
وبايديك تنصر بلادى

وانت يا بن عبد ربه
فى الجحور راحوا استخبوا
فيله إيه واسود دا إيه
لسه يا حسنى بيحبوا

وانت يا ابو تريكة قصه
مش عارف لك اى وصفه
فى المهارة والسلوك
نفسى أكتب ألف قصه

وانت يا قناص يا عمرو
يا اللى بتطيع كل أمر
كنت وقت الشدة مدفع
تفدى مصر بكل عمر

وانت يا عماد يا مِتعب
انت فعلا كنت مُتعب
للدفاع فى أى فرقة
فيك عزيمة وسرعة تتعب

ندعى رب الكون يبارك
فى اللى قاعد واللى شارك
بالترابط يد واحدة
والأمل نمحى المهالك

الفراعنه هم اسياد افريقيا

هايل يا فريج كلمات معبره وشكرا على الشعر يا الجميل يا طارق

مشكور علي تعليقك يامحمد وتشجيعك

طاب ما فيش حد يا جماعه بيشجع الزمالك خالص انا نفسى افرح مره فى حياتى بالزمالك
انا وجهة نظرى ان احنا بوظنا الكرة فى مصر لان كل الوسائل فى صف الاهلى من الاعلام والماديات والجماهير وكل شىء والاهلى لازم يغلب اما بتحيز من الحكم او ضربة جزاء بالعافيه وكلنا شفنا الدورى السنه دى وشفنا ظلم النوادى الاخرى
انا مشمتعصب للزمالك بس دى وجهة نظرى
وشفنا امس الحرس عمل فى الاهلى ايه قطعه

فهد