بسم الله الرحمن الرحيم
دي ياجماعه اول موضوع لي في المنتدي ومن واقع قراتي لاراءالاخوه الاغضاء وجدت مابين مؤيد ومعارض لمجلس الشعب الحالي بالنسبه لوجوده في الدوره القادمه فوجدت ان الموضوع جرد كلام وبس فهناك بعض الاعضاء في المنتدي مع احترامي لهم جميعا يستهزء بعضو مجلس الشعب الحالي وانه لم يفعل شيئ للبلد غيرانه وظف اقاربه واهله واعطاهم الاراضي والفدادين كما في مخيله معظم اهالي القريه لكن راودني سؤال لم اجد اجابه له هل كل شخص لا يعجبه عضو مجلس الشعب الحالي لوقام بترشيح نفسه ونجح في الالتحاق بمجلس الشعب سوف يجعل من قريتنا مدينه الاحلام ؟ لا اظنه يستطيع ان يفعل غير مايفعله العضو الحالي انا لا ادافع عن العضو الحالي فالحمد لله لم اطلب من احد خدمه الا الله سبحانه وتعالي فهو القادر علي كل شيئ وفي النهايه اعطي راي المتواضع جدا لا اظن ان العضو الحالي سيئ جدا فانه ان كان قد قام بتوظيف اي شخص فيتلك الدوره فانه سوف يوظف شخص اخر في الدوره القادمه اويقوم باي خدمات اخري واعتزر لجميع الاعضاء ان لم يلق موضوعي الاول القبول منكم

NO COMMENT
abuot what u say.

but >>>>>>>>>

على رأى المثل المشهور...

اصبر على جار السو .................. يايرحل ياتيجي له ازاله من الحي

وكما قال الشاعر ...

الباب اللى يجيجلك منه الريح شيله وركب قبنورى

سلاموز ياغالى . وقشــــــــــــــــــــــــــــطه

الاخ خالد علقت على احدى الموا ضيع ووصحت لنا الفرق بين انشاء الله وان شاء الله وكانت لمحه قويه من سيادتكمواسلوب راقى
وهنا تغير الحال باسلوب استهزاء وتريقه على القاء السلام فهل من المعقول ان يتغير حال السلام من السلام عليكم الى سلاموزا ياغالى
ممكن توضح لنا ما معنا كلمة سلاموزا يا غالى هل هو استهتار بالسلام او استهتار بكاتب الموضوع وعلى رايك المثل ابو بالين كذاب وابو ثلا ثه منافق وشكرا

طبعا الرد الاول كان تعليق على اسلوب الاخ خالد وله منى احترامى وتقديرى ويقبل تعليقى واعلق على موضوع الاخ ابو نوره اقوله كلامك عين العقل وربنا يهدى جميع اهل القريه الى ما فيه الخير والصواب واشكر الجميع
والسلام عليكم ورحمة الله وبركاته

اوافقك الرأي
ابو مصــــــــطفى
ومشكور ابو نوره
واهلا وسهلا في منتداك

اهلا وسهلا ابو نوره ونورت المنتدى وتحياتى لحضرتك ومشكور ابو مصطفى وربنا يولى الاصلح للبلد

قشطة

الأخ محمد الكاشف ..

ليه أخدت كلامى بهذا المحمل؟؟؟ أولا ولله الحمد أنا لست منافق ولا أخشى فى الحق لومه لائم .ولو محتاج أوصل رساله ل أبو نوره له منى كامل الاحترام . هوصلهاله مباشره .
ليه لم تنظر الى الناحيه الايجابيه من ردى برغم تعمدى كتابه الرد بهذا الاسلوب
بقالنا فتره فضينا سيره الانتخابات . دخل أبو نوره يعيد الكتابه . حبيت أقلب الموضوع لمزحه . وبما انك لم تتقبلها فلك كامل الحريه .
وبغض النظر عن ردى .... أعتقد ومع كامل احترامى مثلما ذكرت انت ..
لا يحق لك مهما عظم أمرك او كبر عمرك .أن تصفنى بالمنافق .لمجرد رد .

ألم تلاحظ ياحج محمد غيابى عن المنتدى الفتره الماضيه؟
وتزامن غيابى ...بدايه نشاطك .عارف ليه؟؟؟؟ اللبيب بالاشاره يفهم .
يارب متتحسب كلمه حج محمد اهانه .

عموما انت اسأت لى بالصاق النفاق لى بدون وجهه حق وذكرت فى الخاتمه كل الاحترام والتقدير.
اسمحلى .اسألك سؤال صغير وهقلك بعدها مع كامل الاحترام والتقدير.
انت ليه حطيت صورتك فى الصوره الرمزيه واتحطتت خصيصا بعد فكره التبرعات بتاعتك ؟؟؟؟
السؤال من باب حب الاستطلاع . ولك منى كل الحب والتقدير .ياحج

وسلامووووووووووووووووووووووووووووووووووووووزياحج

نقطه يااستاذ محمد ياغالى. انت قلت انى ذكرت كلامى عن لفظ المشئيه .وعجبك الرد .
أعتقد بما انه كان ردمحترم كان من الواجب ترد عليا بنفس الاسلوب على الاقل لكن للأسف وكأنى جاهل يسأل فى ساحه العلم وحضرتك أكبر العلماء تخشى تسرب المعلومه .
لو الموقف معكوس اعتقد برغم انى اضغر منك سنا لكن كان ردى هيكون غير كده .بشرح للموضوع او على الاقل برابط يبين شرح الموضوع.
لكن كل ماوجدت حملت تبرعات حبيت اعرف الفكره .
واكتر من موضوع بتشيد بيه بتفهنا الاشراف .
فين شرح الفكره؟؟؟؟ ربما خاننى النظر .ام قد تكون الفكره سريه ؟

لك منى كامل الاحترام والتقدير.

بالمناسبه سلامووووووز لازمه معايا حتى فى حياتى العاديه وليس لها تفسيرات أخرى مثلما تفضلت وذكرت .

همسه ::::::::::::::::

الحكومه لما بتحب تشغل الشعب عن قضيه أو موضوع معين .

اما بتلهيه بماتش كوره او بحادثه أكبر.

انت ماشاء الله عليك مدرب قدير.ربما يكون كلامى مفهوم للبعض .

الفكره :::: فيه حاجه فى الدنيا اسمها اولويات .بمعنى:::

هل ينفع الواحد يصلى الأول وبعدين يتوضى؟؟؟؟طبعا لأ.

يبقى كان المفروض الأحداث تسير بتسلسل .

نختار......,ثم,,,فكره ,,,,

أتمنى رسالتى توصل ولا اتهم باانى ضد مصلحه البلد

بسم الله الرحمن الرحيم
العضو المحترم خالد القطان انا مااعرفش ليه الحكايه قلبت جد بينك وبين الاستاز محمد الكاشف وانا هاقولك ليه انت ماعلقتش علي موضوعي في البدايه .لانك وباحترام لم تفهم معني عنوان الموضوع ارجو القراءه مره اخري.ولك مني كل احترام

أستاذى الغالى: انا فاهم مغزى الموضوع و والله وصلانى رسالتك . وعدم ردى فى البدايه بتعليق على الموضوع .
:انى حبيت أغيرنطاق الحديث بلقطه كوميديه.
ولأنى مش من هواه الردود الاسبام .يعنى كان من الممكن أرد واقلك مشكوووور وشكرا . لكن لا أهوى هذه النوعيه من الردود التى تدل على ضعف ووجود لمجرد اثبات الوجود.فكان ردى هيرجعنا لنقاش عقيم مره أخرى للأسف مثلما حدث فى موضوع أخر.وناس حصلها مشاكل فى بيوتها ومع اهلها بسبب كلمه حق اتقالت . فحبيت زى مبنقول بالفلاحى .ألم الدور .
أظن مكنش يصح من الأخ الحاااااج محمد المحترم وصفى بالمنافق .لمجرد انى قلت سلاموووز .
مع انى واثق انى لو نافقت بجد كانت ناس كتير هتسقف .

عموما لك منى كل الاحترام ياأبو نوره .

وسلاموووووووووووووووووووز ياريس

بسم الله الرحمن الرحيم
الاستاز خالد القطان في البدايه شكرا علي تعليقك ولكن لاحظت من خلا قراتي للردود انك سالت الاستاز محمد لمازا وضع صورته بعد فكره التبرعات .لا اريد ان اعتبر السؤال كاهانه له لانه من اقرب الناس لي وانا اعرفه جيدا ولا اظنه وضع الصوره للفشخره فمعظم الاعضاء الموجودين في المنتدي اسمائهم معروفه ووضعين صور شخصيه لهم فهل سالتهم نفس السؤال في النهايه لاتنزعج من تعليقي .وارجو اغلاق الموضوع بخير

لا ياابو نوره :::: سؤالى كان واضح . وعلى ذكرك باقى الاعضاء . ف معدودين اللى حاطين صور وفى نفس الوقت محدش فيهم عمل فكره الصندوق اللى الحاج عاملها .
عموما ما علينا .ربنا يدى كل واحد على أد نيته .

بسم الله الرحمن الرحيم
ارجومنك ان تمحولقب الحاج من تعليقاتك.وشكرا

هو لقب الحاج كمان بقى غلطه؟؟؟ لا حول ولا قوه الا بالله

انا حطيت صورتى لانى لا اقول شى اخشاه ولان الاخوه فى المنتدى طلبو كل عضو يعرف بنفسه
فانا قلت لهم دا اسمى ودى صورتى وده رقمى
وبعدين انت بتقول حاج انا حاجج بيت الله 10 مرات
وانا مش حا طط صورتى عشان الموضوع الى كتبته
انا لى موا ضيع فى البلد انت لا تعلم عنها شى
وطبعالا انت ولا كتير من اعضاء المنتدى ويمكن ما يعلمها غير الله
وعموما فارق السن بينى وبينك يجعلنى ان اعتزر لك اذا كنت اخذت كلامى على انو خطاء فى حقك واقدم اسفى لك بما انك اصغر منى سنن ونا تعودة على احتضان الصغارلانهم هم المستقبل
ومن منا لم يحلم بمستقبل جميل وهادف فلك منى اسفى واعتزارى وشكرا استاذ خالد

على فكره انا لا اعرفك معرفه شخصيه حتى لا يفسر الاعتذار على انه تراجع او خوف ولكنى اعتذر من باب اننااود اننا نكون كلنا واحد ولا يوجد خلاف بنا وتعليقى على اسلوبك لانى شعرت منه بسخريه وانا عن نفسى لا احب هذا الاسلوب( وانما الاعمال بالنيات) وشكرا يا استاذ خالد

ولا يهمك يااستاذ محمد .حصل خير . وعموما هحاول ابعد قدر المستطاع عن مواضيع او رد على ردود تخصك حتى لا يساء فهمى مره أخرى .

لك منى كل الاحترام والتقدير . وبرضه مازلت مصمم اقول ياحج محمد .هاهاهاهاهاهاها.

على فكره استاذ محمد كلمه ياحج لا اقصد بيها الاهانه . انما ذكرى ليها لتأكيد فارق السن لا أكثر .
وعموما اللى حصل كله سوء تقدير منى لردودك عليا فى اكتر من موضوع .وبعتذراذا كان كلامى فيه شئ جارح .
لكن مصادفه الردود مع شويه مشاكل فى البيت . فحصل انى تناقشت مع أخ أكبر بشئ من الحده . أتمناه يسامحنى عليها ان شاء الله .

كامل احترامى لشخصك الكريم استاذ محمد .وأرجو تقبل اعتذارى للمره التانيه.
أخوك الصغير .خالد

الاخ /خالد والله لو تعلم مقدار حب شباس واهل شباس فى قلبى لعرفتنى على حقيقتى فعلا
وانا اغلب موا ضيعى عن اى مساعده لاهل البلد حتى لو ما كان الموضوع موضوع وانت شوف ردى بنفسك على موضوعك وراجع انا قلت ايه
وعموما مفيش اسف بنا الموضوع ما يستاهل الاسف
وانا الى اقدم الاسف لكل من قصرت فى حقه
ولشباس بشكل عام لو ما قدرت اعمل ما يجب على اتجاهها واتاسف لفقراء البلد واتمنى ان اساعدهم من كل قلبى ولا ابغى غير ابتغاء وجه الله
واشكرك على زوقك ولك منى تحياتى
وعلى فكره انا اسمى محمد يعنى مسلم وعايش فى مكه ومستحيل اتضا يق من كلمة حاج لانها شرف لى
وانت لك حريت ما تقول

صافى يا لبن .............. حليب يا إنجوى ( مصرى )

صافى يا لبن .............. حليب يا مراعى ( سعودى)

خــــ القطان ــــــالد كتب:

NO COMMENT
abuot what u say.

but >>>>>>>>

مفيش حاجة فى الانجليزى اسمها what u say

السؤال الحقيقى اسمه
what do u say ?a
احيانا ترجمة جوجل مبتفهمش كلامك ركز وانت بترجمها فى ترجمة جوجل

هاهاهاهاهاها ابقى اسأل مدرس اللغه الانجليزيه بتاعتك ياأخ توحه . قله اللغه الانجليزيه الامريكيه .اللغه الشعبيه .دى مصطلحات فيها ولا لأ؟ وشوف رده .
اما بخصوص جملتك فهى أولى ابتدائى .معناها ماذا تقول .لكن جملتى المقصود منها . عن ماذا تتحدث.
لو بتعامل أجانب دايركت هتعرف ان الانجليزى بتاع المدارس ما هو الا حشو دماغ فقط لا غير .بالتوفيق ياتوحه

بالمناسبه ياتوحه نسيت أقلك انى الحمد لله مش محتاج اترجم من جوجل لانى حاصل على كورس المعهد الثقافى البريطانى فى اللغه الانجليزيه .الحمد لله.
see u >>>Mr :To 7aaaaaaa

ايه يا خالد /

اعتقد ان سبب انهيار الانجليزى هى ترك القواعد والبعد عنها
انت بتقول what u say
طاب ده تدل على 3 اشياء :
1- ماذا تقول
2- ماذا قلت
3- ماذا سوف تقول
انت محدتتش انت عايز تقول ايه
ثانيا : انت بتقولى اسال مدرس اللغة الانجليزية بتاعك
انا عايز اقولك انه من احسن الناس اللى بتتكلم انجليزى امريكى فى مصر
وهو حاصل على الدكتوراة فى الصوتيات وبيدى محاضرات فى كثير من الكليات
ثالثا : انت بتقول حاصل على كورس من المعهد البريطانى
ياريتك مرحت هناك ده مبيفهموش حاجة
دول مدرسين ثانوية عامة

تحياتى وسلامى لك
سلاموووووووووووووووووووووز
تعنى (سلملى على الموز )ز

خــــ القطان ــــــالد كتب:

هاهاهاهاهاها ابقى اسأل مدرس اللغه الانجليزيه بتاعتك ياأخ توحه . قله اللغه الانجليزيه الامريكيه .اللغه الشعبيه .دى مصطلحات فيها ولا لأ؟ وشوف رده .
اما بخصوص جملتك فهى أولى ابتدائى .معناها ماذا تقول .لكن جملتى المقصود منها . عن ماذا تتحدث.لو بتعامل أجانب دايركت هتعرف ان الانجليزى بتاع المدارس ما هو الا حشو دماغ فقط لا غير .بالتوفيق ياتوحه

يا خالد عن ماذا تتحدث تعنى
what are u talking about ?
وليست what do u say ولا what u say
انا مكنتش فاهم انت عايز تقول ايه

السلام عليكم كيف حالك حاج محمد
وزيك استاذ خالد
اولا الكلام موجه لكل الاعضاء المشاركين
1-المنتدى للتعارف وتبادل الاراء بكل حب واحترام
2-المنتدى ليس مكان لفرد العضلات
3-يوجد شئ اسمة الرسائل الخاصة لما يحب احد الاعضاء العتاب على العضو الاخر او يصحح له معلومة افضل ان تكون على الرسائل ثم يتفقوا سويا ثم تخرج لنا على صفحتها

محدش يزعل مني وتقبلوا مروري والرساله مش للحاج محمد وا/ خالد وبس بل لنا جميعا وخصوصا عباقرة اللغة الانجليزيه