بسم الله الرحمن الرحيم
محاوره تمت بين ثلاثه اشخاص
عوضين:ايه رايكم ياجماعه في حكايه الانتخابات في بلدنا السنه دي
صميده:والله ياعوضين يااخويه انا الحكايه محيراني ومش عارف انام الليل
عوضين : ليه ياصميده يااخويه.
صميده :خايف تكون الدوره دي زي اللي فاتت واللي راح فيها ارواح ناس من بلدنا
عوضين:بس انت ماقلتليش انت العضو الموجود هيستني في الدوره دي ولا هيرحل
صميده: والله يااخويه انا مش عارف بس ياريت يستني اهو وظف لنا الولد في الدوره الجايه يوظف البت.
عوضين: شايفك ساكت يامحمدين مالك.
محمدين : اصل كلامكم مش عاجبني وهقوم امسك في خناقكم دلوقتي.
صميده: ليه ياوله مالك شايف نفسك كده ليه قوم خش في عبي خش.
محمدين : قاعد انت وهو تختاروا وتقسموا في البلد علي كيفكم عشان مصلحه شخصيه ياجماعه الحكايه مش بالسهوله دي الحكايه مسئوليه كبيره احنا كلنا هنشيل وزرها لو مااخترناش الرجل الصح.
عوضين : اسكت ياد يامحمدين ياله انا عارف انك هتولع عشان انت ماجتلكش وظيفه من الكابتن .
محمدين:انت هتسكت ولا اقوملك.
عوضين:تقوملي دي انت قليت في ادبك قوي ياله استني بقي وانا هاوريك.
صميده: اسكت ياد انت وهو جاتك خابط منك له.
في النهايه انا احببت ان اصف حال المنتدي من خلال المحادثه فانا اعرف ان معظم الاعضاء غير مؤيدين لعضو مجلس الشعب الحالي ولكن لم اجد عضو واحد رشح شخص مناسب اوقال انه كفيل بهزه المهمه فالكل يقول انا لست موافق علي العضو الحالي ولكن لم يقل احدا علي من هو موافق .في النهايه اخواني العضاء ان الاختلاف في الراي لا يفسد للود قضيه . فان المنتدي قد تم انشاءه للنهوض بالبلد ليس لاعطاء اراء دون اقتراحات . ارجو ان تكون فكرتي قد وصلت اليكم
وشكرا
