مفيش حاجة

مانيش عايز خلاص حاجة ولا محتاج انا لحاجة ولو عايز صحيح حاجة مخليتوليش ولا حاجة

عموماً بصوا فيه حاجة ...... هقولها بس محتاج لعقول تفهم..

ولو حاجة مهيش مفهومة او حاجة ....نفسرها بكام حاجة ..

نوضحها بكام حاجة وأهى حاجة مع حاجة هتظهر وتبان لنا حاجة

وانا ما بخفش من حاجة مانيش مسنودولا حاجة

لكن ما بخفش من حاجة لكن فرضاً لو هقول حاجة هيحصل إيه ... ولا حاجة

هيعملوا إية.... ولا حاجة ولو بعد الشر .. بعد الشر لو واحد من القاعدين من السامعين من الضالين فِهِم حاجة هَيعملوا إيه ؟!

اكيد برضُه ولا حاجة ....فنتوكل على الستار لوجه الله نقول حاجة فيه

ناس بتعيش علشان حاجة وناس بتموت علشان حاجة وناس بتموت على الحاجة

وناس تديلك الحاجه وهى ليها محتاجه وناس تديلك الحاجه و تاخد قصادها ميت حاجه

وناس تكبر تكون حاجه و ناس تصغر علشان حاجه

وناس منظر ومش حاجة وتلقاه كبير حرس ونفير عليه منظر... وهو جبان وشيخ منصر ولا يبنش عليه حاجة

كلامى يا خلق فيه حاجة ... لحد دلوقتى فيه حاجه؟ كلام عادى وبسيط جداً .. ولا فِهشِ ولا حاجة

ما انا ما أقدرش أقول حاجه صحيح نفسى أقول حاجه وميت حاجه لكن مش قادر اقول حاجة

لأنى لو هقول حاجه ..هييجى ناس بتوع حاجه وياخدونى ورا الحاجة وهو لو سمع حاجه هيعملوهالى ميت حاجه

عموما ... بصو لو حد من القاعدين عايزنى أبلغه بحاجة يقول مايخفش من حاجة

نعم ...... فيه إيه؟ ...لالالالالأ مافيش سرقه ولا تهليب ولا تهريب ولا حاجة

وبتقول إيه...مصمصوا إيه.... وخصخصوا إيه....ده كله كلام مفيش حاجه ... قضية إيه ... ياشيخ روح خلاص مافيش حاجه

حرامى إيه ... وقرارات علاج إيه ... وهرّب إيه ...وفشل كلوي ايه.....؟ ومجاري ايه..... ورصف ايه ...... ووظائف لل مش محتاجين ايه ...شفافيه مافيش حاجة

وبتقول إيه ... لالالآلأ عيب لافيه تدليس ولاترقيص ولا تدبيس ولا حاجه

سمع مع هس انا حاسس انه فيه حاجة دقيقة سكات لَتبقى حداد انا حاسس انه فيه حاجه

زمنكوا ياخلق فيه حاجه ولازموا كام وميت حاجه ده لو يعنى إذا كان فيه حاجة انا عن نفسى مش حاسس ولا بحاجة ولا متضايق ولا حاجة

سعادتك برضه مش زَيىِ مافيش حاجة ؟ ..... أهه بيقول مافيش حاجة جنابك برضه مش زَيىِ وعلشان زَيىِ مافيش حاجة .. أهه بيضحك بيقول مافيش حاجة

ما أنا قولتلكو من الأول مافيش حاجة عليا النعمه يا اخوانّا مافيه حاجة ورحمة ابويا ويّا أبوك على إللّى جابوك ما فيه حاجه

وعهد الله . وعهد الله. وعهد الله ما خللولنا ولا حاجه

بقولك إيه خلاص خلّص وفركش يا اخوانا

مفيش حاجة

اسمع يا واد يا شاعر المنتدى
خلى كلامك ورد ونده
ومتخلنيش اقول اشعار
وقت الساعه ههرب زى الفار
وهقول هو الى غوانى
وخلانى اقول اشعار
ونسانى حتى المشوار
دنا طول عمرى يا ناس فى حالى
ومفيش حاجه خالص فى بالى
وبقول انا عايش وخلاص
واهو حالى من حال الناس
انت ياود بتتكلم عن الحاجه
وعارف ان كل الناس محتاجه
طيب اسكت بقى وخلاص
وخليك زيك زى الناس
فين فاس بتقول كفايه
وناس بتقول مش كفايه
احسن حاجه نقول احنا مالنا
ونخلى بالنا من احولنا
ونبعد عن القيل والقال
ولا نهرب ونكون فئران
وارجع اقولك ياواد يا شريف انت كلامك كلام نظيف
بس فى زمن يخساره لازم تلبس فيه نظاره
ومنك لله يالى فى بالى هتغير حالى واحوالى

هوانا بردك حتمن ولابد اقول ان انا كل ما افكر ان انت مفكر ان انا مبفكرش فى الفكرة الى انت بتفكر فيها ده بيخلينى افكر ازاى تفكر انا انا بفكر فى الفكرة اللى انت بتفكر فبها والفكره دى محدش بيفكر فيها غير لمابيفكر فى فكرة ويكون مفكر
ان هو مفكر ان هو مبيفكرش فى الفكرة اللى هو بيفكر فيها
قشطة

رائع جداااااااااا يا ابو امال تسلم والله العظيم كلام طالع من القلب يبقا لازم يدخل القلب على طول

شكــــــــــــــــــراً للأستاذ/ اللى كتب (مافيش حاجة)

بس ياريت يوضح انها قصيدة منقولة ، لأنى بصراحة سمعتها من شاعرة ع التليفزيون... شكـــــــــــــــــــــــراً وياريت تتقبل مرورى؛؛؛؛؛

جميل جداا جدا
ابو آمــــــــــــــال
فالجميل ياتي بالجميل دائما
سلمت وسلمت يداك

شكرا ابوهايدي واستاذ احمد مروركم اضاء صفحتي
وشكرا شاعر المنتدى الجديد ابو احمد محمد الكاشف

انا دماغى لفت

شكرا ليك ياشريف قصيده جميلة

وعلي فكرة امال بكري ليها قصائد اجمل من كدا كمان