بسم الله الرحمن الرحيم
تعرضنا فى هذه الفتره لمجموعه من الاحداث و الاخبار منها ما هو حقيقى ومنها
ما هو اشاعات ومنها ما لا نعلم اهو حقيقى ام اشاعه
ونبدابما هو حقيقى تعدد انقطاع الكهرباء خصوصا فى اوقات مباريات الاهلى(مهزله)
بدا المرحله الجديه (الساخنه)للدعايا الانتخابيه(والبلدا اتملت صور)
ظهور مرشحين جدد ونسيتو تنزلوهم فى الاستفتاء(ضبو والشحات)الدوره القاديمه باذن الله
نرشح بسيونى والشيخ فتحى وفهمى العبد على الاقل مش هيضحكو علينا
نسيان مشروع الرصف زى ما توقعنا سابقا
وتتمثل الشائعات فى
رفض الحزب الوطنى تبرعات من النائب الحالى
ارسال الحزب الوطنى للدكتور سامى حامد
بما انه كان امين صندوق شباب الحزب الوطنى فى فتره من الفترات
اما مالا ندرى ان كان حقيقه ام اشاعه
حدوث مهاترات وخلافات قويه بين العضو الحالى واحدى العائلات
مما دفعهم لاقامه مؤتمر للمرشح الاخر الخميس القادم
نزول النائب الحالى ضمن قائمه حزب الوفد
ترى ان صح هذا الخبر ستتغير وجهات النظر فى النائب الحالى؟
ام يبقى الوضع كما هو عليه؟
واسف على الاطاله وكل عام وانتم بخير

والله يا ابو نس لو فيه مصادر موثوق منها ياريت تذكرها حتى نكون جميعا على دراية بجميع الامور ومشكور على الخبر

يا اخى لا تسخر باناس مثلك او حتى اقل منك فى المستوى

(يا ايها الذين امنوا لا يسخر قوم من قوم )

مشكورين على الردود
بس يا اخى انا مش باسخر بحد معاذ الله
ولكن لازم تكون هناك صفات للى هيترشح
مش اى حد يعنى يدخل والا هتكون مهزله
ودا اللى حاصل وبيتسبب فى مشاكل كتير
ودا اللى اقصده وعلى سبيل المثال
المرشح المعو جمال(ضبو)انتى عايز تفهمنى انه داخل الانتخابات
علشان ينجح او داخل من نفسه طبعا لا
والنهارده عمل خناقه مع مرشح اخر وهو الحج جمال سعيد(اوباما)
وامبارح خناقه بين ابناء المرشح الحاج عبد الحميد القطان
وانصار النائب الحالى الكابتن محى القطان
ولسه احنا على البر وربنا يستر على اللى هيحصل النهارده فى مؤتمر
المرشح الدكتور سامى حامد
ياريت يكون وصلك المعنى

يا خبر النهاردة بفلوس بكرة يبقى ببلاش
والاخ المهدي دي مش سخريه
ارجو ان تفهم ما بين السطور
والمقصود من الكلام والاخ ابو انس معروف وراجل كبير وذو فكر مستنير ومش هو الشخصية اللي يسخر من احد
واذا كنت شايف دي سخرية روح انتخب ضبوا وشكرا

مشكوووور جدا حبيبى شريف
وربنا يكتر فى المنتدى من امثالك
الناس المحترمين اللى زيك
وان شاء الله امدكم النهارده بتفاصيل المؤتمر الخاص بالدكتور سامى
وتفاصيل ما بعد المؤتمر من شغب

قبل امس بعد الجلسه التى
عقدها المرشح سامى حامد مع انصاره
امام منزل عائله مرسال خرج الحشد متجها لبيته
وقد توقف امام بيته وقد قام العاقلون بادخال الناس للبيت
وقد دخلو الا عدد قليل من الشباب تقدمو حتى امام منزل الشيخ طلب
وهم يهتفون لمرشحهم فقامت ايضا قلهم من اتباع النائب الحالى
برميهم بالحجاره (الطوب)فما كان من الحزب الاخر الا ان يبادلهم
وفجاه تحول الامر الى معركه حربيه
فسرعان ما كثر انصار النائب الحالى وتعالت الصيحات والسباب
فصعد انصار المرشحين الى الاسطح وقامو بقذف بعضهم البعض
وتقدم انصار النائب الحالى فى قذف الحجاره والسباب وزجاجات(الكاكولا)الفارغه
المرشحين الجدد(جمال والشحات ومجدى عزام)وبعض من زوى المصالح الشخصيه
واصحاب النفوس الضعيفه الذين لايريدون الا فتنه
وقد نسى الطرفين انهم ابناء بلد واحده واصدقاء وجيران وتعالى صوت الاعيره الناريه
وصوت الواح الزجاج واستمر الوضع على هذا الحال اكثر من ساعه
حتى جاء سيارات الشرطه(البوكس)وتمت تهدئه الاوضاع
فلماذا حدث ذلك وهل يستحق الوضع كل هذا؟
ام هناك ايدى خفيه تحرك العرائس من خلف الستار؟
ام ان كل هذا من الثقافه الخاطئه والتعصب الاعمى؟
وهل يستمر الوضع على هذا السوء ام انه سيسوء اكثر؟
ومن المسئول عن كل هذا اهما المرشحان امن خلفهم ممن يريدون الفتنه
وكيف يحاسبون؟
فلندعو الله ان يجعل من يريد الفتنه كيده فى نحره
ابو انس

يا عم الحاج
اتقى الله من اللى بدا انت بتقول بتوع محى القطان

وبتقول اصحاب مصالح
ممكن
امال اللى كانوا بيحدفوا من الحوامد دول ايه
دول على فكرة مش من الحوامد دول بلطجية سامى
وهما من دار الطنبارى وكمان انت مشفتش عمود الكهرباء اللى كان بيهتز ولا ايه
ومين اللى ضرب نار فى الهواء
ومين اللى كسر قزاز البيوت اللى هناك
وبعدين انت مشفتش سامى طول مهو قاعد فى الجلسة عمال على بطال يجيب فى سيرة محى القطان
رحم الله رجل عرف قدر نفسه
وبعدين كل واحد فى حاله ومالوش دعوة بالاخر
لكن سامى عايز يعمل بلبلة
وثانيا لو واحد مات من انصار سامى او محى
فيه حد هينفعه هو واهله لا طبعا هيبقى قلب ومات
شغلوا عقلكوا متمشوش وراء واحد بيتكلم يامة وبيسئ للاخرين علشان يكسب اصوات

فكروا مليا قبل ان تحكموا على شخص معين
الصمت زينة العقل
مواطن مخنوق من كلام الاخ ابو انس وابو خيار
وابو برتقالة

مفيش مرشح صالح

كلهم اصحاب مصالح

ومفيش كلب صالح كلهم كلاب مصالح

ومفيش حب صالح كله حب مصالح

يا قلبى لاتبكى على اللبن المسكوب

نرجو من ادمن المنتدى حذف اى شخص لا يعرف نفسه مثل ابو انس

يا جماعة
نرجو الهدوء وعدم التطرق والتعصب

كل من عليها فان
ومايلفظ من قول الا لديه رقيب عتيد

نرجو من صاحب المنتدى او الادمن

ان يحذف تعليقات السابقة
لانها فيها سب وشتائم ونرجو ايقاف عضويتهم
والا كل واحد هيدخل ويقل فى ادبه
والمنتدى الو احد ميدخلوش احسن ميقرا قلة ادب

بسم الله الله الرحمن الرحيم
اخى الكريم المدعو رومه
اولا انا اول مره اشوفك فى المنتدى وواضح من عدد المساهمات
انك عضو جديد اولا اهلا ومرحبا بك بين اخوانك واخواتك من ابناء شباس عمير
ثانيا لكل شخص الحق فى الرد وابداء الراى لكن باسلوب حسن
ودون اهانه اى عشو
وثالثا وهذا هو الاهم انى حكيت ما رايت بالضبط لا اكثر ولا اقل اما بالنسبه
لما حدث بالمؤتمر انا لم احضره فلا ادرى ماقال الا ماسمعت من بعض الافراد
لذلك لم اكتب ما سمعته ولكن كتبت ما رايت
واريدك ان تعلم انى غير متحيز لاى طرف
والله يعلم انى تواجدت فى هذا المكان قدرا لارى ما حدث بالتفيصل
اما حكايه انك مخنوق من كلامى لا ينقص منى شى
لان اغلب من فى هذا المنتدى يعرفونى من مواضيعى وتعليقاتى
ولكن ينقص منك انت لانك جديد بالمنتدى وتتحدث اسلوب غير لائق
اما بالنسبه للاخ عيسوى
فكلنا اخوة ولم ناتى كى نسب ونلعن ولكن للم شملنا
وللحوار البناء فيجب ان تتحدث باسلوب افضل
ونرجو من كل الاعضاء تجنب هذا التعصب الاعمى
ومشكوووووور ابو شوشو واشاركك الراى
فكلنا اخوه وكلنا ابناء شباس عمير

شكرا ابوانس دئما الكبير كبير
وبلاش الانفعال اخ عيسوي
وعرف نفسك يا اخ رومة

مشكور اخ / عز العرب
ومشكور ابو انس

نرجو حذف الموضوعات التى تتضمن شتائم وسب
واتقوا الله واعلموا انه مايلفظ من قول الا لديه رقيب عتيد

الى الاخ رومة / احترم نفسك
الى الاخ عيسوى / بلاش شتائم وخلى المنتدى فيه كلام حلوة احسن

الى ادمن المنتدى
لااقب هذا الموضوع واحذف المساهمات غير اللائقة

تم حذف جميع التعليقات غير الائقة وتحذير اخير لرومة وعيسوى اذا لم تحترموا قوانين المنتدى سوف يتم ايقاف عضويتكم ...

أبو شوشو كتب:

نرجو من صاحب المنتدى او الادمن

ابوشوشو المنتدى ملك لكل عضو معروف للجميع فالمنتدى منتدانا جميعا فلولا وجودكم ما اصبح منتدى ..

انا اسف لجميع الاعضاء والمنتدى ممكن اتعرف بالاخ رومه مين

مشكوووووووووور اخى العزيز شريف
ومشكووور ابو شوشو
وجزيل الشكر لادمن المنتدى احمد باشا
وطبعا المنتدى ملك للجميع بس ربنا بيحبنا انك
تكون انت اللى بتشرف عليه لانك بجد شعله نشاط
وانسان محترم
ام الاخ عيسوى فالاعتراف بالخطا شى جميل
لكن نرجو عدم تكرار الخطا
ولكم جزيل الشكر

عيسوى محمود حامد كتب:

انا اسف لجميع الاعضاء والمنتدى ممكن اتعرف بالاخ رومه مين

اكيد ممكن وخاصة اننا ولاد بلد واحدة

بس اكيد الفكر والثقافة مختلفة

التعارف يكون عن طريق الرسايل الخاصة
ان شاء الله

ايه ياأبو انس مهى قصه المترشحين معروفه ياريس.

للمناديب فقط . ناس بتخطط ليوم الانتخاب وده الأهم.

ك . محى .وأتباعه . 3مرشحين . لكل واحد 2مناديب فى كل لجنه . يبقى المجموع معروف . يبقى أغلبيه المناديب فى اللجان معروف . وبعض اللجان مناديبها هتبقى خالصه مخلصه . لأن القاضى فى اللجنه مش معقول هيدخل عدد كبير بيسمح لناس ويكتفى بالعدد.

أظن وصلت .

ومن ترشيحهم استهزاء من نوع أخر ودى لفته مش كويسه بجد .

يافطه مكتوب عليها أخوكم الحاج فلان . على مبادئ الحزب ....

أخوكم الحاج دى مقصود بيها ايه ؟؟؟

ربنا يجازى كل واحد على اد نيته . وان شاء الله ربنا يولى الأصلح .

ويغنينا عن الجميع بااذن واحد احد .فلم ولن نشتكى لغير الله فى اى شئ .

البلد دى خسرت شخصيه كانت كفيله بتغيير الكتير للأفضل . ربنا يمسيه بالخير بجد ويديله الصحه فين ميكون . كابتن مراد القطان .

ده ايميلى استاذ رومه esawy_hamed

مشكوووور اخ خالد
وكلام مظبوط واللى حاصل ده استخفاف
بعقولنا وافكارنا عايزين يحجموا حتى افكارنا
بس فيه معلومه احب اوضحالك ان مبقاش فيه قضاه
فى اللجان الموضوع ده اتلغى
يعنى وفيها قضاه كانت كوسه اما لما بققاش فيها .........تخيل

كوسة وبامية وملوخية وبسارة وعدس واللي ما يعرفش يقول عدس

احنا مش هنروح اللجان علشان ننتخب
لا هنروح علشان ناكل وكل واحد ورزقه
اللى هياكل ضرب واللى هياكل تهزيئ
ربنا يستر وفى الاخر تحصل حاجه فى مصلحه البلد

هههههههههههههههههه وممكن يا ابو انس ال يروح ياكل فراخ ويكون فيه وجبة من نصيبه وتكون شعار الانتخابات ادى صوتك تاخد وجبة

s7ba kbeeeeera m7dsh 3aref 7aga wallahy

ههههههههههههه طيب لو فيه فراخ
هبيت قدام اللجنه بس يارب ميدوش كل واحد موبايل
علشان يصور وه حط صوته لمين
زى ما بنسمع

شعار الانتخابات


كل وادلع ومتنساش توقع

ههههههههههههههههههه
بس لو نسيت توقع

على فكره يا جمعه فى موضوع مهم جدا انا اقولكم عليه انا كان فى البلد ناس بتخد اراء الناس عن ال نزلين فى الانتخبات فى الدائره كان عددهم 13 وحد وظهرت الاصوات كالاتى
الدكتور سامى حامد153%
والحاج عزالدين جوده98%
والاستتاذ خليفه حامد53%
الحاج جمال خطاب 28%
ومحى القطان 21%
والحاج عبدالحميدالقطان 4%
وبقى المترشحين لا نعلم عنهم شى وانا ما بتكبرش علشان انا من الحوامد هذا حقيقى الاصوات دى له نسبه فى الحزب الوطنى وبعض منك يعلم هذا

بس حابب اقول كلمة هذه الاستطلاعات تبقى سر يعنى محدش يعرف حاجة عن كل واحد واخد كام صوت لان استطلاع الراى بيتعمل على مرحلتين والعضو ال بيجى فى الحزب بيجى بناءا على المجمع الانتخابى واستطلاع الرأى..

انا ما ليش تعليق على كل اللى فات لكن احسن حاجة فى الموضوع هو صورة اخويا وحبيبى شريف الجرن وربنا يهدينا لطريق الحق

والله يا اخ عيسوى انا اول مره اسمع الكلام ده منك
بس نتاكد

شكرا ابوحبية اسعدني مرورك واسرتني كلماتك فكم انا مشتاق لرؤياكم الغالية