والله اللي بيحصل دا حاجه تخر لها الجبال صعقا النواب بقوا بيتاجروا بمرض الناس الغلابة والله أنا برأي أن الجريمة دي أفظع من أي جريمة لذا فجادت نفس بهذه الكلمات وارجوا أن تحسوا بها كما أحس مرارتها وتحكموا عقولكم وارجوا رأي كل رجل نزيه حر في الكلام المكتوب دا.
اشكي لمين والله ما أنا عارف
إعزفي يا بلدي علي ربابتك موال
يتحكي لكل جيل هيجي من الأجيال
إن نواب شعبك باعوا المرض بالمال
مرض المسكين والمحتاج وضعيف الحال
طيب إيه بس باقي لينا يا خال
اشكي ليمن والله ما أنا عارف
دا حتى مرض الناس بقوا بيتا جروا فيه
طيب إيه خليتوا للغلبان يا ولاد الإيه
إللي مريض بالكبد وإللي الهرسا بتنهش فيه
وإللي مريض بالفشل الكلوي وحتى النوم ما بيجيه
طيب اشكي لمين والله ما انا عارف
والغلبان يعمل إيه يا ناس
وهو مريض وما قادر يمسك حتى الفاس
ومين إللي هياخد بيده ويسقيه الدوا بالكاس
إذا كان أصحابك مات جواهم كل إحساس
وبينكروا نفسهم وقت الحاجة من الناس
طيب اشكي لمين والله ما أنا عارف
إللي عملك فيها باشا وإللي عملك فيها بيه
وهو داير في ساقيه ومت غميه غنيه
ما بيشوف غير نفسه وأنا مش عارف ليه
يمكن إن الضلمه مليه الدنيا عليه
طيب أشكي لمين والله ما أنا عارف
وبالذمة مش مكسوف يا تاجر انته وهوه
وانتو بتا كلوا قوت الناس من من بره وجوه
طيب راحت فين قلولي النخوة والمروه
هي كمان بعتوها وكل واحد فيكو
صار بنفوذه فتوه
طيب أشكي لمين والله ما أنا عارف
وأنا بجد تعبت ويمكن أموت قبل أواني
مين إللي بيحصل لينا في كل ثواني
تبقي الدنيا ماشيه ومش سمعاني
ووخده معاها كل حرامي وكل أناني
وأنا بجد يمكن أموت بعد ثواني
طيب اشكي لمين والله ما أنا عارف
مع تحيات ابوحمزه
