ارجو توضيح هذه الحالة هل هى حج من النوع المفرد ام من النوع المتمتع ؟

شخص دخل السعودية فى منتصف رمضان وعمل عمرة واحرم من ميقات اهل مصر .... ولا يعرف ما اذا كان سيجلس مدة طويلة ام لا ....وكانت نيته اذا جلس وجاء ميعاد الحج سيحج
ثم رجع الى جدة
ثم جاء شهر شوال فاحرم من جدة وعمل عمرة اخرى
وكانت نيته نفس النية السابقة

ثم جاء ميعاد الحج هل الحج فى هذه الحالة مفرد ام متمتع ؟؟

وياريت يا جماعة اللى يرد يبقى فاهم ومستند على راى شيخ كبير او دليل فقهى

راحوا فين شيوخ المنتدى ؟؟؟

معلشى يا ابو اكرم يارب يكون جاوبك على سؤالك البسيط بس اكيد ال جاوبك مش شيخ من شيوخ المنتدى ياريت يا جماعة اى حد من شيوخنا الافاضل ال ملين مواضيع فى المنتدى وفى جميع الردود والمساهمات يرد على سؤال الاخ ابو اكرم عشان السنة ال جاية مش السنة دى ومعلشى يا ابو اكرم ممكن حد يستفيد السنة ال جاية منه
وعلى فكرة الراجل كاتب الموضوع من يوم 18/10/201 قبل بداية الحج بفترة وشكراااااااااا

ياعم احمد .. شيوخ ايه وبتاع ايه !!!
ماخلاص الكل انكشف

كل واحد اخره .. شوية قص ولزق من اى منتدى دينى

لاهو فاهم ايه المنقول ولا احنا فاهمين هو ناقل ايه

ولو كان فيه شيخ واحد كان على الاقل سؤال بسيط فى الدين زى ده اتجاوب فى لحظة

عموما الحج خلص .. والراجل سافر والحمد لله
وابقى سلملى على الشيوخ

.. على فكرة انا حاسسس ان انا بالرد بتاعى ده
هاكون دخلت عش الدبابير برجليا
ويطلع واحد يقولك
ان انا باغلط فى الأئمة

.. عموما انت قلت الحرام بين والحلال بين وده كلام ميتقلشى حاجة بعده




قشطة

ايوة والله ياابو اكرم حاجة تزعل الكلام واحد نسخ ولزق بس يا جماعة عاوز اسأل سؤال للناس الشيوخ هل انت شيخ واحد ومتعدد فى التسجيل ام انك اكثر من شخص انا اشك ياريت لو تكتب دروس دينية عن الحج والزكاة والفروض الخمسة والاخطاء الشائعة فى الصلاة واشياء يستفيد منها الاعضاء بدل من ان تحرم اى شئ وتشكك الناس فى امور دينهم رجااااء من انسان مسلم وبسيط ويتبع دين الله وياريت يا شيخونا تعرفونا بانفسكم وماههى طرية التفكير لان من الواضح ان طريقة التفكير عبارة عن التشكيك فى اى شئ ربنا يثبتنا عن الايمان وان يرحمنا ويغفر لنا ذنوبنا ان شاء الله .

ياشباب الدين فروعه كثيره وبعد اذن حضراتكم احب اذكركم ان بعض الصحابه كان يسأل عن سبعين مسأله فلا يجيب الا عن مسأله او اثنين فهذا ليس بقصور من الصحابه ولا جهل بهم ومن قال لا اعلم فقد افتي وان كنت لا اعلم من هم شيوخ المنتدي وان كنت اشعر بعد التحامل عليهم ولكن ما اعلمه انه يجب علينا جميعا سواء شيوخ او تلاميذ ان نتعلم اصل الدين الذي لا يقبل دونه شئ وان كنت اارجو من اخي صاحب الموضوع ان يجيب علي سؤاله حتي تعم الفائده هذا وجزاكم الله خير الجزاء

هذا ما كنا نتمناه ان يجيب احد على موضوع ابو اكرم بدل التشكيك فى كل شئ .

يا اخ ادمن هل لو ان احدهم او كلهم لا يعرف الاجابه هل هذا يعيبهم






قولي بقي اخبار الكوره معاك ايه واخبارك انت ايه

تمام يا عبدالرحمن كل سنة وانت طيب خلاص الكرة راحت علينا

الاخ العزيز احمد السلام عليكم ورحمة الله وبركاته
بداية منذ فترة عايز احييك على حياديتك فى المنتدى بالرغم من اعلان انتماءاتك الحزبية وعلى فكرة انا مختلف معاك ولكن لكل وجهة نظر ولابد من احترامها وارجو من دوام هذه الحيادية وانت اهل لذلك .
اخى الحبيب بالنسبة لموضوع اظهار هوية المشتركين اعتقد تم طرح هذه النقطة منذ فترة وكانت معظم الاراء انه طالما التزم العضو بشروط المنتدى فلا يوجد مشكلة وخد بالك من حاجة مهمة انا عارف ان اسمك احمد بقوش ولكن لم اتشرف بمعرفة شخصك الكريم مع اننا يعتبر جيران او على الاقل من منطقة واحدة فمثلا انا اسمى سيد رزق ممكن اسجل باسم تانى واسميه سيد مثلا اى لقب تانى واعتقد انه يوجد فى المنتدى من هومتبع نفس الطريقة فى التسجيل فى المنتدى فليس شرط ابدا ان يدخل العضو باسم مستعار انه يريد التخفى واثارة البلبلة فى المنتدى مش يمكن يكون هناك اسباب تمنعه من اعلان هويته واعتقد ان معظمنا عارفينها فلا تحرموا ابناء البلد على اختلاف افكارهم من المشاركة فى منتدى بلدهم وما شاء الله المنتدى امتلأ باناس لا نزكيهم على الله من اخلاق وعلم ومستوى ثقافى واجتماعى مما اغرى اناس اخرين بسرعة المشاركة فى المنتدى وما اكثر هؤلاء الافاضل وياسيدى الفاضل كل يؤخذ منه ويرد الا المعصوم صلى الله عليه وسلم فطالما اتى اى عضو باى موضوع مستندا بالادلة الشرعية ان كان موضوع دينى او بمصدر المعلومة ان كان فى فرع اخر لا يهم ولا يهم ايضا سواء كان قص ولزق مش اتفرق وخلونا موضوعيين لحد ربنا ما يكرمنا بشخص ياتى بمواضيع من بنات افكاره من غير ما يقص ولا يلزق مش عايزيين ان نتحامل على احد واعتقد ان القص والزق فى المواضيع الدينية بالزات لابد فيها من استشهاد بايات واحاديث واقوال علماء كى تدلل على كلام اى عضو .
اما بالنسبة لسؤال الاخ ابو اكرم فالله يعينه على تحمل مشقة السؤال والاجابة عليه اعتقد انا لو عندى مسالة لها اهمية كبيرة عندى خاصة لو مرتبطة بوقت كالحج اسال فى اى مكان على الاجابة وما يهمش الاجابة تكون من شيوخ المنتدى او من اى مصدر اخر وثانيا يا سيدى لا يكلف الله نفسا الا وسعها هو انت عايز اى اجابة وخلاص ولا هو انت لا تدخل على منتديات تانية لو بتدخل اسالهم عن سؤالك ولا جميع شيوخ المنتديات اتفقوا على الا يردوا على الاجابة على سؤالك.
استاذ احمد انا لى اقتراح ارجو دراسته من قبلك وهو انك تنصب مشرفين لكل قسم من اقسام المنتدى وتعطى لهم صلاحيات فى هذا القسم وتكون مسئولية المشرف ذى كل المنتديات متابعة المواضيع والرد عليها واثراء المنتدى بمواضيع جديدة وايضا لا يحجر المشرف على راى اى عضو طالما التزم بشروط المنتدى وادابه .
فى النهاية ارجو ان نتقابل فى البلد مع او زيارة لى للبلد واتشرف بالتعرف عليك
وارجو الا اكون اسأت الى احد والسلام عليكم ورحمة الله وبركاته

فكرة رائعة ايا ابو حبيبه وانا اويدك
وسلملي على الدكتور وقول له
اهدا والله اللي انت فيه خطاء سوف تندم عليه زي عمك شريف

الاخ ابو حبيبة كتب:
هو انت عايز اى اجابة وخلاص ...


ميرسى جدا لذوقك .. لكن انا لما سالت هنا فى المنتدى كنت عاوز اخد رايى شيوخنا الافاضل اللى ماليين الدنيا بالحرام والحلال فى الموضوع ده
مع انى سالت اكتر من شيخ فعليا.. ولكن اختلفت الاجابات .. فحصل عندى بعض الشك فقلت اسال بعض اهل العلم
ولكن لم ارى اى فرد يرد على سؤالى

فهل هذا خطأمنى ان اسل من هم اقدر منى علما فى هذا المجال ..

اذا كنت شايف ان انا المفروض محطش سؤالى هنا وفى القسم الدينى كمان ..
يبقى ده رايك .. وانا احترمه لانه رايك.. كما انه واجب عليك ايضا انك تحترم رايى ان حطيت السؤال هنا

الاخ العزيز ابو اكرم سامحنى مرة تانية ان كنت اسات اليك بدون ما اقصد وانت لك مطلق الحرية تشارك برايك ولك منا كل الاحترام ووعد منى ساسال لك عن الاجابة وانا بالفعل عملت كده واعتقد انه لو لاقى اقتراحى الاخير القبول اعتقد ان مشكلة ذى ديت اتتحل بسرعة لانها ستصبح مسئولية المشرف على القسم ولك منى الاحترام والتقدير

ابو حبيبة لى كلمة واحدة نحن لانختلف مع احد ولكن فى حدود اداب الحوار ولكن هناك بعض الاشخاص مسجلين باسماء وهمية وكل همهم يثيروا البلبلة فى المنتدى يعنى مثلا لو حضرتك معرفتناش بنفسك من قبل هل كنا سنعرف من انت والمنتدى قائم على التواصل والتعارف ليس الا ولكن هناك بعض الاعضاء كل همهم المشاركة فى المواضيع الخاصة بالانتخابات ليس الا والله يا ابو حبيبة الناس دى مسجلة من اول المنتدى مااتعمل يعنى من سنتين او اقل بقليل وتلاقى اى واحد فيهم يدخل المنتدى كل همه ان يشتم فلان ويسب علان ليس الا فانت تعلم ان الاختلاف فى الرأى لايفسد للود قضية ولكن فى حدود اداب الحوار يعنى هل تقبل احد بصورة احد من اقاربك واى شخص اخر ويكتب عليها حرامى فالذى لااقبله على نفسى لااقبله على شخص اخر مهما كان وعلى فكرة هيا شروط المنتدى تعتبر عهد ووعد قبل التسجيل يعنى الشخص ال مسجل هل التزم بهذا العهد الذى وقع عليه عندما قام بالضغط على كلمة اوافق على هذه الشروط ولا العهد والعقد لازم يكون موقع عليه كتابة والله العظيم انا ملتزم الحيادية بدليل اننى قمت بتنزيل مؤتمر محى القطان وسامى حامد لو اننى مش ملتزم الحيادية فى المنتدى هل كنت ساقوم بتزيل مؤتمر المرشح الذى لا اؤيده ..

اما بخصوص الشيوخ المنتدى فتجد شيوخ المنتدى كل مواضيعهم عن التشكيك فى اى شئ مهما كان وكل المواضيع واحدة يعنى مفيش درس مرة عن الصلاة ودرس عن اداب الطعام فى الاسلام والزكاة واشياء اخرى كل المساهمات والردود تنصب فى مكان واحد ولغرض واحد هو التشكيك فى اشياء كثيرة يعنى مثلا شيوخ المنتدى يحرموا الانتخابات يعنى على كده انتخابات النقابات حرام وانتخابات القضاة حرام وانتخابات مراكز الشباب حتى اصبحنا نشك ان اغلب الاشياء حرام وربنا يرحمنا جميعا

اما بالنسبة لموضوع المشرفين فهذا شئ لااحببه لاننا كلنا مشرفين بدليل ان المنتدى من حيث الاقسام كانت باقتراح الاعضاء ..

د
ي
ك
ت
ا
ت
و
ر

استاذ شريف ممكن توضح اكتر يعنى انت شايف ان انا مثلا ديكتاتور ع العموم شكرا لذوقك العالى

لا تغضب يا بقوش
انا احبك في الله
لا تجعل اشياء اخرى تؤثر عليك

يعنى يا ابو امال انا فعلا لو كنت ديكتاتور زى انت ما بتقول كنت هخدها عافية فى كل شئ يعنى حضرتك مثلا يا ابو امال بتغلط فى محى القطان كان لاولى ان احذفك او اوقف عضويتك او اعدل مشاركاتك او مشاركاتك اى شخص اخر ولكن الحمد لله انا عامل ضميرى ولا اعامل الا الله فى كل شئ وانت تعرف ان المنتدى كان هيسببلى اكبر مشاكل بس الحمد لله قادر على حلها واعتقد ان حضرتك يا ابو امال شترك فى منتدى كفرالشيخ انت تعرف ان الدكتور مفيد راجح كلمنى اكتر من مرة عشان امسك مشرف لقسم شباس عمير وكذا عضو من اعضاء منتدى كفر الشيخ وده كله عشان عملت منتدى ابناء شباس عمير والدكتور مفيد راجح راح عمل منتدى مستقل خاص بشباس عمير عشان ابناء شباس عمير يروحوا يسجلوا فيه بس للاسف فكرته لم تنجح لانه كان غرضه هو السيطرة على فكر ابناء شباس عمير عشان انا عارف من زمان انه هينزل انتخابات والله العظيم الكلام ده حصل وعلى فكرة الحمد لله منتدى ابناء شباس عمير له اقبال اكتر من منتدى ابناء كفرالشيخ ...

ياخي لو انت زعلان بلاش منه المنتدى ده خالص
وشكرا
واعتبر دي اخر مشاركة لي فيه

يبقا انت زعلت يا ابو امال
ههههههههههههههههه متزعلشى منى لانك تقدر مدى حبك لك

الأخ ابو اكرم السلام عليكم ورحمة الله وبركاته
رغم ان سؤالك بسيط جدا ولكنه ناقص ارجو ان توضح نيه الحاج وقت التلبية وهل لبى حج وعمرة ام لبى عمرة فقط وكمان عمرة شوال وكمان وقت تلبية الحج
فاذا لبى وقت الحج لبيك عمرة وحج وادى مناسك العمرةثم تحلل ثم احرم فهو متمتع وعليه هدى
اذا لبى لبيك حج فهو مفرد وليس عليه شىء
اذا لبى حج وعمرة فهو مقرن ولا يتحلل من الاحرام وعليه هدى
اذا كان القادم زيارة على سبيل المثال لمدة لا يعلمها فيقع عليه ما يقع على المقيم وما ينطبق عليك انت فى جدة ينطبق عليه وشكرا

وهذا من اطلاعى على بعض شروط الحج والعمرة

الى يا من كنت عضو اقول لك ارجع عن اللى فى دماغك
احنا محتاجينك يا من كنت وستظل حبيبى
دمت ودمنا جميعا فى حب الله

أولاٌ يعنى ايه واحد دخل السعودية مش عارفين تأشيرة عمل أم تأشيرة حج
ثانياٌ لو هو عمل وعمل عمرة من ميقات مصر بنية العمرة والحج
يكون حاج متمتع وعليه هدى
ولو كان مكنش نيته الحج وهو بيعمل العمرة يعنى عمرة بس لحد ما ظروفه تبان يبقى عمرة
وبعدين ظروفه ساعدته انه يحج قام حج مفرد أو مقرن أو متمتع على حسب الأول معلوش هدى
الثانى والثالث عليه هدى
ولو مكنش معاه فلوس الهدى يبقى صيام 3 ايام فى الحج و7 لما يرجع سكنه
أما لو كان سكنه فى مكه نفسها يبقى حجه معلوش هدى ذلك لمن لم يكن أهله حاضرى المسجد الحرام وكل ذلك والله اعلى وأعلم

مش حبيبك وحدك يا أبو حبيبة
دا حبيبنا كلنا
يا ريت يرجع عن اللى فى دماغه

شكرا على كلامك الشيك ياابو حبيبة

لا تترك منتداك يا شريف نحن نحبك فى الله طارق غلمش

احبك الله الذي احببتني فيه
وحشني والله يا طارق