لو شاف المرشح ان مقابل نجاحه سوف يموت أحد في مظاهرة لتأييده أو خلافه هل سيضحي بنجاحه أم سيضحي بالفرد البسيط ؟

يموت الف المهم يحقق هدفه

من أجل نفسى أنا رشحت نفسى
ليه الواحد بيرشح نفسه
ممكن عشان الخمس ملايين التى يحصل عليها من المجلس
أو من السيارة والشقة والشاليه التى يأخذها مكافأة
أو ممكن عشان النفوذ الذى يتمتع به ويسهله مصالحه
أو عشان الواجهة الأجتماعية
أعتقد انه فيه أسباب كتيرة
بس الأكيد أذا جاك الطوفان حط ابنك تحت رجليك
وعشان كده من أجل نفسى أنا رشحت نفسى
والدليل على كده ان فيه ناس كل دورة بترشح نفسها وهى عارفه انها مش هتنجح
بس يبقى عنده حبة امل ولو 1 % انه ينجح ويحقق اى حلم من اللى فوق

سؤال وجيه بس مش جديد ؟
وضع فيه مرشح من قبل وللأسف كانت الإجابة
ضحـــــــــوا بالبلـــــــــــــــــد بس مش متنــــــــازل

سبحان الله للدرجة دي

طب وليه يموت ناس اي المشكله لما كل واحد فينا يدي صوته بحريه من غير اي ضغط واي مشاكل ولا احنا لازم نعمل فيها 10 رجاله ف بعض ونعلي صوتنا ولا يمكن اللي بيعمل كده عشان الناس تعرفه وتقول الراجل اهه ؟صح ولا انا غلطان؟

عشان عندنا عصبية ال الرسول قال عنها دعوها فإنها منتنه

مشمهم هو يختار ايه المهم الي مات ده مات ليه يعني شهيد ولا***********

شهيد ايه بس ياعم زوزو. صباح الفل ياريس

فكرة جديدة بتاعت الشهيد دى
لقينا مخرج جديد

علي كده عندنا في بلدنا شهداء كتير ومش بعيد يسموا المدارس والجوامع بإسمهم

السلام عليكم ورحمة الله

اولا لية اتخانق عشان مرشح او عشان انتخابات اللا اذا كان بلتجى او يدعى رجولة فلا اشهدة الله ولا نذكرة مجرد الذكر الا بالسوء

اما من ليس لة بانتخابات وخلافة ومات خطا لوجودة صدفة فانة لشهيد شهيد لغباء من قتلوة


وربنا يستر على اخواننا

ويارب شبابنا العاقلين يبتعدوا كل البعد عن ما تسمى انتخابات لانها لا تغنى ولا تسمن من جوع وكلنا دلوقتى عارفين كدا فاولى الابتعاد والمقاطعة

وشكرا

عفوا

راىء خاص

تحية لك اخي عبد الرحمن ولكل من يقرأ ردي ,, و أرجو ان تتسع صدوركم لقولي , و بعد : فاني اندهش بادئ ذي بدء من التساؤل بهذه الطريقه ,, كيف تسأل انه اذا رأى المرشح ان نجاحه سيكون مقابل موت فرد بسيط , هل سيضحي بنجاحه لانقاذ حياة الفرد البسيط ? ام سيتمادى في نرجسيته و يمضي في طريق البرلمان على حساب الفرد ? ! ! . واندهش و أتعجب من هذا الطرح المتواضع و تسليط الضوء بكل هذه البساطه على اصغر صوره من صور المشهد الدامي المليء بدماء الابرياء ,, و لم لا تفتح نافذة على واقع المشهد الرهيب لنرى طريق المرشح -أيا كان شخصه و في اي مكان في مصر- لنرى طريقه الى البرلمان ,,, ان المرشح و الذي ان كان عضوا حاليا و يريد التجديد لعضويته - و هذا في أغلب الاحيان ,, على اعتبار ان من يحكم و يشرع في مصر منذ عقود هم نفس الوجوه او ابنائهم - ام كان وجه جديد محتمل في البرلمان , يعلم هذا المرشح انه يريد مصلحته الشخصية بالدرجة الاولى و على حساب اي حد و بأي ثمن ,, و يعلم جيدا و بخاصة اذا كان خبيرا بشؤن اللعبة الانتخابيه انه وارد جدا ان يموت فرد او افراد و لكنه لا يبالي ,,, يموت من يموت هذه ليست قضيته ,,, و يعلم تمام العلم انه سوف يكون عضوا في البرلمان الذي يمثل السلطة التشريعيه في مصر ,, بمعنى انه سوف يكون جزءا من المشرعين للناس ,, يشرع لهم شرعا في كل الاحوال هو شرعا مختلفا و في كثير من الاحوال مناقض لشرع الله الذي ارتضى لهم ,,, هو يعلم ذلك ,, و هو يعلم انه سوف يشرع قوانين مثل التي اوصلت الشعب المصري الى اعلى درجات الفقر في العصر الحديث ,, و قوانين ملأت البلد بالسرطان و الفشل الكلوي و الكبدي ,,, و أطعمت الناس السموم و أشربتهم مياه الصرف الصحي ,, و شردت 8 مليون شاب في شتى بلاد الدنيا ,, و اوصلت شعبنا الى قاع الأمم ,, ثلاثون عاما و أعضاء البرلمان يوافقون كل عام على تجديد قانون الطواريء ,, أجيال و أجيال ولدت و عاشت و تربت و لم تر و لم تعش حياة بلا طواريء ,, كل هذا و غيره الكثير بفضل تشريعات اعضاء البرلمان ,,, هل المرشح او المرشحون جميعا لا يعرفون كل ذلك و أكثر ? ? كلا انه يعرف ,, و يعرف جيدا انه يريد ان ينال مقعد البرلمان و سوف يبذل الغالي و الرخيص و يضحي باي شيء و بأي فرد ليكون عضوا في البرلمان و سوف يضحي يكل ابناء دائرته الانتخابيه هناك في تشريعات جديده تقتل ابرياء جدد و تدفع بالبقيه الباقيه من المعارك الانتخابيه على قيد الحياه , تدفعهم الى الانتحار أفضل من الجوع و الفقر و السرطان و مياه الصرف و البطاله و ,, و ,,, , الخ . ان القتلى في طريق المرشح الى ان ينجح و يشرع و يترك البرلمان بوفاته ,, قتلى كثيرون ايها الساده ,,, انها طريق مليء بالدماء و أيدي ملطخة بالدماء الا من هدى الله ,,, رحم الله امريء علم زمانه فاستقامت طريقته

شكرا أبو خالد ,,,

أخي الفاضل الضوء الشارد. صدق رسول الله حين قال لو ان لابن ادم واديا من ذهب لتمني ان يكون له الثاني ولو ان له واديان لتمني ان يكون له الثالث ولا يملأ عين ابن ادم إلا التراب. أخي الفاضل صدقت فيما قولت ولكن أشعر من كلماتك بأسي من داخلك من وطننا الحبيب فدعني أقول لك والله ان مصر أحب البلاد لي ولو ان ما فيها من ظلم وطعيان ماخرجت منها أبدا فوالله ان الواحد يتحسر حين يري حال بلدنا من اقتصاد وغيره فقد حكمنا غير شرع الله ومع ذلك في قاع الأمم خسرنا ديننا ودنيانا قمة الذل والله. فلو كنا في حاله اقتصادية مرتفعة وفي حاله مادية ميسوره لقولنا قد بعنا ديننا بدنيانا لكن نحن أمه تمرض لكنها لاتموت أمه تغفو لكن لاتنام. فبتمسكنا بديننا وتوحيدنا ستعود لنا السيادة والرفعه

أيها الاخوة الأحباب
والله ان هذا البرلمان لمنزلق عظيم وخسران مبين . كيف يظن الناس أن النجاة فى الغرق ؟
بل كيف يظن من يدعى أنه يدعوا الناس إلى تحكيم الشريعة بهدمها؟
كيف يهدم الدين ثم هو يقول أنا أدعوا الناس إلى الدين؟
والله هذا هو الخسران المبين (قل هل ننبئكم بالأخسرين أعمالا الذين ضل سعيهم فى الحياة الدنيا وهم يحسبون أنهم يحسنون صنعا)
نعم يحسبون أنهم يحسنون صنعا
غفد جربنا هذا البرلمان مرارا وتكرارا فما أخذنا منه الا الغرق فى مياه الصرف الصحى سنين وسنين وتلوث مياه الشرب حتى أصبنا بما ذكره لنا الأخ (الضوء الشارد) من أمراض. وفى منطق العقل إذا جربت فكرة مرارا وتكرارا لابد للناس أن يغيروها . هذا فى منطق العقل فما بالكم بدين الله الذى وضعه للكون رب الكون . والذى هو ليس محلا للتجربة .
ان من العدل والانصاف الرجوع الى دين الله عز وجل فمن تمسك به نجا ومن تركه فقد ضل ضلالا مبينا بعيدا. ولا نقول إن الطريق ملئ بالورود بل إنه طريق شاق ملئ بالعقبات والابتلاءات لأن نهايته ما لا عين رأت ولا أذن سمعت ولا خطر على قلب بشر الجنة
هذا هو الطريق

عبدالرحمن ماضي كتب:

علي كده عندنا في بلدنا شهداء كتير ومش بعيد يسموا المدارس والجوامع بإسمهم

مش عاوز كلامك يكتر يا بيه
ازيك يا عبد الرحمن عامل ايه كل عام وانت بخير اخبارك واخبار اللي عندك
انا مش عارف ارسل لك ع الخاص اكتب رقم تلفونك ولو عندك ايميل وايميل عبد العزيز

روعة ابوصهيب والاروع الضوء الشارد

طيب وليه نوصل للدرجه دي والمشاكل اصلا
دي حرية راي وكل واحد يدي للي هوه عاوزو وبدون مشاكل

عشان كده لازم نفهم
أن اليمد ايده ع أخوه
يبقى انسان متخلف عقليا"
احنا اخوان قبل أى شئ
لازم نخاف ع بعض ومنخليش حد يزقنا

ههههههههههههههههههههههههه

أخ عز العرب : انا والله العظيم مش قصدي حاجه وحشه ,, بس انا ضحكت مع نفسي لما لقيتك بتضحك ,,, نفسي بجد اعرف طب انته بتضحك على ايه ? ضحكنا معاك ياخي ما تبقاش بخيل ,,,,, على فكره انا محتج جدا و اشجب و استنكر اللي حضرتك كاتبه عن موضوع صوتك امانه فاعطه لمن يستحقه دي ,, بس انا اقر و اعترف ان ده حقك , اكتب اللي انته عايزه ,,, شكرا لك

اخي اعمل ايه الاخ اشرف غلبني فهو بيناقض نفسه بنفسة فلم اجد تعليق غي الضحك

خلاص يا ضوء يا شارد أي رأيك في

صوتك أمانه وهيتاخذ غصب عنك لمن لا يستحقه
استريحت كده ياعم
هههههههههههههههههههههههههههههههههههههه

صوتك معانا ولا مع الناس التانيين ؟

اذا كان معانا فهو معانا وذا كان مع الناس التانيين احنا بقى الناس التانيين



قشطة

الظلم نهايتة قربت بإذن الله

يااااااااااااااااااااااااااااااااااااااااااااا رب

عبدالرحمن ماضي كتب:

خلاص يا ضوء يا شارد أي رأيك في

صوتك أمانه وهيتاخذ غصب عنك لمن لا يستحقه
استريحت كده ياعم
هههههههههههههههههههههههههههههههههههههه

انت ما بتسمعش الكلام ليه بس ما اشوفك
صوتك امانه هيوضع في الصندوق حتى لو انت مش موجود

iiii

كده يا عبد الرحمن ? مبسوط يا عم , الناس كلها عرفت ان صوتي ساقط ,, ماليش الحق ان اتحكم فيه ,,, هيتحط بقدرة قادر في الصندوق لمن لا يستحق ,,, يعني صوتي بقى زي وعد بلفور ,,, يقال عنه ايضا : أعطى من لا يملك من لا يستحق ,, او مالا يستحق ,,, ده صندوق مليان ظلم على كده ,,, مش ده صندوق الدنيا برده ,,,, اكيد هوه ده . صندوق يدي حصانه دبلوماسيه لواحد ,, يخليه فوق القانون ,,, فوق ايه ? ,, ده هوه اللي بيشرع القوانين نفسها ,,, مش مهم بقه الواحد ده متعلم ولا جاهل ,,مثقف ولا بلطجي ,, محترم ولا سفيه ,,, امين ولا لص حرامي ,,, و بعد ده كله الصندوق برده هيخليه بعد ما كان بيتحايل على البسطاء ينتخبوه ,, اما ينجح يتحول لسيد من الساده الكبار ,, رؤيته غاية المنى ,, والسلام على يديه الكريمتين كرم من الله ,, فهو محصن ,, واصل ,, يقدر يقابل وزراء و ساده من الكبار ,, و يكون واسطتنا ,,, و يعين فراش في مدرسه بعد ما يدفع تمن القيراطين اللي حيلته ,,, و يقدر يجيب قرارات علاج على نفقة الدوله ,,, و يحبس ناس و يطلع ناس م السجون ,,, ماهو واصل عقبالك انته وهوه ,,, و يدخل ناس شرطه و حربيه ,,, مش مهم قرايبه ولا نسايبه ولا محاسيبه ,, المهم انه بيخدم ,, و بعد ده كله بيكون وصي على الناس كلها ,,, يعني مثلا رأيه بيكون دايما في صالح افقار كل البسطاء , حفاظا على الاستقرار و استمرارا لمسيرة التنميه ... أمال ايه ? ماهو الشعب بتاعنا شعب فرعون ,, لا يثور الا وقت الرخاء ... فمش لازم نديله فرصه يثور و يبوظ البلد ,,,واذا العضو فتح عينه في حد م الكبار و طلب منه اعتماد مبلغ من الميزانيه لعمل مصلحه عامه هيكون كده بيزعل الكبار اللي همه بالنسبه له عمو و انكل فلان او سيده علان ,, فرجاء تخلو عندكم شيء م الذكاء السياسي و ما تبوظوش الدنيا و تقعدو تطلبو طلبات من دي ,,, انتو مش عارفين مصلحتكو ,,, هوه عضو .... و فاهم عنكم ,,, مش مهم شوية الحاجات التافهه اللي تاعباكو دي ,, ايه يعني مش لاقيين تاكلو ,,,? برده ما حدش بيبات من غير عشا ,,, ايه يعني بتشربو صرف صحي ? طب هوه الصرف ده جاي منين ? مش منكو انتو ? ياخي منكم لله ... اصبرو في الخطه الخمسينيه الجايه هاعمل اللي عليا و هنحلها ,, و اذا ما اتحلتش و ايه يعني ,, مانتو كتير خالص اهوه ,, ها ? عندكو مشاكل تانيه ? انا تعبت منكم خالص ,,, انا كان نفسي ما اترشحش اساسا ,, لكن انا خايف ع البلد ,, اعمل ايه بس ... .. و يقدر حد بعد كل التعب اللي بيتعبه العضو رايح جاي كل يوم ما بينامش من همكم ,, يقدر حد يساله انته ليه وافقت ع التعديلات الدستوريه ? مين عينك وصي علينا ? بتختار الرئيس القادم ليه ? انته كنت فين يوم مناقشة ميزانية الدوله ? ليه ما طالبتش بحقي و حق ولاد دايرتك في المليارات اللي بتتسرق ? مش ده دورك برده ? مش دي وظيفتك ? ولا خايف ع الحصانه ? طبعا اللي يسأل الاسئله دي مجنون او معتوه اكيد ,,, عشان كده الصندوق اياه ده فعلا صندوق الدنيا ,,,

استاذى الكريم الضوء الشارد حضرتك جاوبت على اسئلتك فى نهاية التعليق فى الاول فى بداية كلامك الراجل العضو لازم يحافظ على علاقاته بالحكومة وبعمو احمد عشان مصالحة تنقضى ونص الاعضاء اساسا بيرفعوا ايديهم قبل ما فتحى سرور يقول موافقه احييك على فكرك وعلى تعليق حضرتك
والله كلام زى الفل

قشطة

شكرا لك اخ محمد عز العرب ,,, كل ما اتمناه ان يصل كلامي الى قلوب من يقرؤه ,, لانه من قلبي خوفا عليهم ,,, ولا اقصد بكلامي شخص ما بعينه ,,, انا اتكلم عن نظام باكمله ,,, خرب الدنيا و رجع مصر 5000 سنه لورا

تسلم يا شارد ويا خوفي لنتشررد معاك

ياريت كان عضونا بيفكر ذي الضوء الشارد واحنا نشردوا معاه

الحبيب / عبد الرحمن ,,, الاخ / عز العرب : حفظكما الله من التشرد ,,, انا مش متشرد ... انا شارد بس ,,, ههههه
شكرا لكما

ياعم هو في حد اليومين دول يطول يتشرد
بكره ندور علي التشرد ده ومش هنطوله
هههههههههههههههههههههههههههه

يارب كله يحافظ علي نفسه يوم الانتخابات وكله لازم يعرف ان نفسه دي مش ملكه دي ملك للخالقها
وياريت كله يبقي يلاحظ قيادات البلد بتستخبي في بيوتها لحد ما يتأكدوا ان الدار أمان. وال بيضيع هم الناس الغلابة

عجبت لك يا زمن ,,,
انته خايف على ناس ما بتخافش على نفسها ?!
ياراجل ...
المهم العضوية ماتضيعش من البلد ,,
المهم مصلحة البلد ....
هوه انته حاقد ? و الا من بتوع خالف تعرف ?
السلبيات ماليه الدنيا ,,, و الراجل بيصحى من نص الليل عشان يجري بالعيانين بتوع البلد ... بيخسر من جيبه عشان الناس اهل بلدنا ... داحنا من غير عضو البرلمان نتذل .....
ايه ? ما سمعتش الكلام ده يا باشا عبد الرحمن ?
ما تعرفش مصلحة البلد ? ولا انته ضد البلد ... ?
يا جماعه ما تسمعوش كلام الراجل ده ,,, هوه مش قصده ..انتو لازم تموتو نفسكم عشان البلد و العضويه ما تضيعش م البلد ,,, لازم تنتخبو الحزب الوطني الديمقراطي اخر 3 حاجات .
اه امال ايه .. ده وطني جدا ,, وطني خالص ... ولازم يستنى الريس المبارك عليكم رئيس الحزب للابد ,, و ابنه من بعده ,,, و لازم العضو يكون من مرشحي الحزب ,, و توصوه لازم يطالب بتجديد قانون الطوارئ كل سنه ,,, و لازم يحارب اعداء الوطن من بتوع الجماعه المحظوره , و كفايه ,, و 6 ابريل , و لازم يحبسو ايمن نور ,, و لازم يحبسو البرادعي اللي عايز يخلي الرئيس يحكم مدتين بس و كمان عايز العالم الصيع اللي هجو و طفشو بره البلد يصوتو في الانتخابات ,,, و كمان البعيد اللي اسمه البرادعي عايز الرقابه القضائيه و المجتمع المدني و الدولي على الانتخابات ,, و المصيبه انه كمان عايز التصويت ببطاقة الرقم القومي , لازم العضو اللي تنتخبوه يسمع كلام الرئيس و امين التنظيم ,,, و يطالب بتصدير كميات كافيه للحبايب في اسرائيل من الغاز المصري , دول برده جيراننا و حبايبنا ,,, و مش مهم احنا ,,, و اللي يشوفه برده العضو مصلحه يعمله ,, مش مهم يرجعلنا ولا يسألنا ولا ياخد رأينا في حاجه خالص ,,, يرفع ايده و يقول موافقه وقت ما الكبار يطلبو ,,, وان كان ع الفقر و الجوع و ارتفاع الاسعار , و البطاله و الجهل و المخدرات و الرشوه و المحسوبيه و الواسطه , و الفوضى و التعذيب في اقسام الشرطه ,, و المبيدات المسرطنه و الاغذيه المسرطنه و شرب مياه الصرف الصحي و تفشي امراض الكبد و الكلى فدي مش مشكلة بتوع البرلمان ,,,دول مساكين مالهومش دعوه بالمصايب دي خالص ,,, دي مصايب جايه من فوق , فوق قوي ,, فوق جدا ,, فوق ولا تحت ,, هما اعضاء البرلمان هيقطعو نفسهم يعني دول غلابه ,,,
اسمعو الكلام و انتخبو الحزب و رجالته .....من اجل مستقبل اولادكو يسود كمان و كمان ,,,
استقيموا يرحمكم الله

شكلك مش هتجيبها البر يا ريس شارد

ليه ? هوه انا باتكلم غلط ? قلت حاجه غلط ? طب بزمتك انا افتريت على حد ? و بعدين كل ده حاجه بسيطه ,,,, الموضوع كبير ,,, يصلح حالك يابو ماضي

يا أخ يا شارد نفسي أعرف سبب تشردنا ده ايه ؟

ازاي مش عارف ايه السبب ?
ليه مش عارف ?
هوه انته كنت بايت بره ولا ايه ?

سلمت يداك الضوء الشارد ايويه كدة خلينا مع مصلحة البلد واهو كله فايدة
يعني شويه الفيتامينات والحاجة الحلوة اللي انت قلتها اهي برده حتساهم في حل المشكلة السكانية عرفت ان احنا كنا غلطانيين لما بنقول العضو وامثالة هم السبب في الفشل الكلوي وامراض الكبد اتاري ده علاج مش امراض
وحسبي الله ونعم الوكيل

السبب باختصار : لو حضرتك و كل اللي عايزين يعرفوا سبب تشرد 8 مليون مصري بره البلد , ده غير ان معظم الشباب اللي باقي في البلد نفسه يهج منها بدليل اللي بيسافرو تهريب في الجبال و الغابات اثناء الهجره للجنوب , و اللي بيغرقوا في البحر اثناء الهجره للشمال , واسأل كام شاب واخد لجوء في دول أجنبيه ( لاجئين يعني ),,, ...
الأسباب تكمن في أن الشعب المصري بصفته اكبر شعب عربي و حظه النحس جابله اليهود جيران عزاز من كذا و ستين سنه, ولان الشعب ده بسيط و ذاكرته ضعيفه و قلبه طيب بينسى الأسيه وماحدش بيرحمه طول عمره من ايام ما فرعون استخف بهم فأطاعوه لدرجة انهم قالوله انت ربنا الأعلى لحد النهارده و بكره كمان و هما بيعبدو اي حد يتفرعن عليهم ,, ,,, ,,, مش عايزك تستغرب كلامي ,, ايوه بيعبدوا اللي يحكمهم ,, لو مش مصدق , تعالى شوف مثال بسيط : من أرض الواقع شباس بلدنا بلد السواح بيموتو في بعض كل 5 سنين عشان عضو الرطمان ,, و لما تسأل اى جهبز ليه بتنتخب فلان ? اشمعنا فلان ? يقولك ده اللي جه في الحزب .... ده اللي الحزب اختاره .. من غير ما يفهم ولا يفكر انه بكده بينتخب الحزب و عايزه يستنى حزب الأغلبيه و يفضل هوه الحزب الحاكم , و برده مش بيفكر انه كده عايز رئيس الحزب هوه اللي يستنى حاكم مصر ,,, من غير ما يفكر .. من غير ما يشوف ايه اللي عمله البرلمان بقراراته و تشريعاته ? و ايه اللي عمله الحزب الحاكم من ايام ما أسسه السادات سنة 78 لحد النهارده ,, وايه اللي عمله مبارك في البلد طول فترة حكمه ,,, و قلنا قبل كده ان السياسه تقاس بالنتائج ,,, واسأل الجهبز ولا اي فرد بسيط : ارتفعت اسعار السلع و الخدمات كام في الميه بسبب الحزب و سياساته ? ولا حال البلد ليه راجع لورا دايما ? ولا ليه البطاله بتزيد دايما ? ولا ليه ليه الشعب مش لاقي ياكل و بقى عايش في عشوائيات و بدون صحه ولا خدمات و عايش في اهمال و واسطه و رشوه و محسوبيه و سرطان و فشل كبدي و كلوي ,, و مياه شرب بطعم و ريحة الصرف الصحي , و غيره و غيره م المصايب اللي عايشين فيها ,,, اسأل هيقولولك انته حاقد و نفسك تبقى عضو و لا انته اهبل عايز تودي نفسك في داهيه ,, و بقى حال الشعب جبن و فقر و هم ما يتلم يا عبد الرحمن ,,, ربنا يرحم مصر و اهلها و اهلنا من جهلهم و قلة حيلتهم ,,,
نرجع نقول المختصر :
لو قريت كتاب زي بروتوكولات حكماء صهيون ولا أساليب الغزو الفكري , ولا أحجار على رقعة الشطرنج ,, ولا قريت كتب تاريخ حقيقي مش المزيف المزور زي اللي كنا بندرسه في المدارس زمان ,, و على فكره : بمناسبة المدارس , تعرف ان فيه 500 خبير أمريكي بيعملو في مصر على تطوير مناهج التعليم , من حساب المعونه الامريكيه ,,, تفتكر دول مش يهود ? نرجع لموضوعنا . لو قريت و عرفت التاريخ هتفهم ان فيه مخططات اترسمت من سنين الهدف منها ان يبقى الحال على ما هو عليه ,, شعب فاقد الزمن ,, لا يعرف للوقت قيمه عشان بعد 30 سنه من معاهدة السلام تتفرج و تقارن ,, مصر شعب فقير و اليهود بيصدروا سلاح ,, مصر شبابها مهاجر و اليهود محاصرين غزه اللي كانت في يوم مصريه ,, و كمان مصر محاصراهم من ناحيتها ,,اللي يقول عليه اليهود يتعمل ,, الرئيس لازم ينفذ من غير نقاش ,,, لحد ما رحنا حاربنا العراق في واحده من اكبر الجرايم التاريخيه في حق الشعب المصري و العربي كله ,,, نسينا ان اغلب مصري اتبنى بفلوس م العراق ,, باختصار أشد ,, ان حاكمنا يسير في الطريق المخطط له تقسيم المقسم و تجزيء المجزء من الوطن العربي ,,, بما في ذلك مصر حتى على أضيق النطق قلين و شباس ,,, اغراق الشعب في نزاعات قبليه و عرقيه و عصبيه منتنه و طائفيه مهلكه ,, كلها خطط مرسومه و مدروسه و لا عزاء للبسطاء و محدودي الدخل و الفكر و الثقافه و معدومي الهويه ,,,,,,...... كفايه كده النهارده و لو لسه مش عارف السبب في تشردنا ,,,نقول كمان .
استقيموا يرحمكم الله