مع تحفظي الشديد عن الخوض في الانتخابات والتحدث عنها.لكن لاحظت جمل عديدة متكررة مثل مصلحة البلد والتجمع علي عضو واحد. فتخيلت لو ان الجكومه قررت ان نختار عضو من شباس وبدون انتخابات بالله عليكم هل سنتفق علي عضو ؟ مع العلم ان نغمه مصلحة البلد سوف تنتهي لأن العضو سيكون من شباس. هل سنتفق هل سنتفق هل سنتفق هل سنتفق ؟

صدقت أخي الكريم .. والله لن نتفق للأسف الشديد شعارات ومنافسات في
غير مكانها نكسب منها الحقد والكراهية ومعصية الله عز وجل

وأمرهم شورى بينهم

صدقت أخي وأمرهم شوري بينهم. لكن هل تقتنع ان البلد ستأخذ بهذه الشوري وهل تكون الشوري هنا شوري ملزمة.

عندك حق يا اخ عبدالرحمن المشكله اللى كله بيبص للمصلحه الشخصيه ولوحد بيفكر فى مصلحة البلد فعلا انشاء الله نتفق على عضو كوييس باذن الله

طيب ياتري لو اتفقنا علي عضو ايه المواصفات ال هنختاره عشانها. هنختاره عشان راجل ملتزم ومحافظ علي دينه و لا هنختار واحد مخضرم في السياسه وبيعرف يسلك أموره مش مهم ازاي بس المهم انه بيخلص. ياتري بلدنا تختاره ازاي؟

المشكله او المصيبه ان الىمحافظ على دينه لو اخترناه مش هيعمل حاجه أو بمعنى اصح مش هيقدر يعمل حاجه وانتو عارفين ليه

خلاص يا عم اشرف ننقى اصيع واحد فى البلد طالما ال محافظ على دينه مش عاجبك

سبحان الله

هو صحيح لو مصلحة البلد تعارضت مع الدين نعمل ايه ؟؟؟

عبدالرحمن ماضي كتب:

صدقت أخي وأمرهم شوري بينهم. لكن هل تقتنع ان البلد ستأخذ بهذه الشوري وهل تكون الشوري هنا شوري ملزمة.

ستأخذ البلد بهذه الشورى تخيل مثلا لو عملنا انتخابات بين المرشحين بتوع البلد او ممكن نجيب كبار العائلات فى البلد وكل كبير عيلة يقعد الاول مع عيلته ويشوف راى الاغلبية فى عيلته مع مين او هما عاوزين مين ويجى كل كبير عيلة ويعملوا قاعدة ياترا هيختاروا مين وايا كان ال هنختاروا هل سنلتزم بهذا الاختيار بالتأكيد لالالالالالا يعنى لابد من الانتخابات عشان كل واحد يعرف شعبته وحبه عند اهل شباس عمير وارجو ان تتقبل كلامى بصدر رحب ..

أخي الفاضل / عبد الرحمن
السلام عليكم ورحمة الله وبركاته
للأسف الشديد نحن فى زمن يختلف الولد مع أبيه ... الطالب مع المعلم
الأخ مع أخيه ... وكان السبب الرئيسي للأسف الشديد الإنتخابات وذلك منذ
أن أصبح فى البلد( ..... ) وغيره فلا حول ولا قوة إلا بالله ..

دا كل عيله كده ممكن يطلع منها أكثر من مرشح ولا ايه

هيكون عندنا مثلا 10 اشخاص مرشحين ليمثلوا البلد فى الانتخابات وهما دول ال عندهم استعداد لذلك وبناءا عليه هنختاروا مين ال يمثلنا

أخي الفاصل هل انت مقتنع ان فعلا لو مفيش انتخابات و ان احنا ال هنختار واحد مننا هيبقي الموضوع بسيط وسهل كده. احترم وجهة نظرك بس أنا متأكد ان الموضوع هيبقي اصعب من الانتخابات. ودي مجرد وجهة نظر ممكن أكون مخطء فيها

اخى عبدالرحمن لو مفيش انتخابات يبقا الامر هيكون شورى بيننا يعنى مثلا كل كبير عيلة هيقعد مع عيلته كلها ويشوف عيلته عاوزه مين ومين الاصلح وكل العيلة تلتزم بكلام كبير عيلتها يعنى مثلا لو طلع راى الاغلبية فى البلد مخالف مع رأى عيلة كبيرة معينة تلتزم برأى الاغلبية اى كان و العيلة متنشقش عن البلد لان الامر ده هيكون فى اطار الاحترام يعنى الكل هيتاخد رأيه ..

ونعمل لجنة مكونة من كبار العائلات ويعملوا عقاب للى مش هيلتزم برأى الاغلبية لابد من تنفيذ العقاب .
والامر مش هيكون صعب لان كلنا عارفين بعض رغم كبر بلدنا فالكبير عارف الصغير وكلنا شبكة واحدة ..
وهذا رأى اخى عبدالرحمن فلا افرضه على احد اما ان تتقبله او ترفضه وارجو ان تتقبل مرورى .

أخي الفاضل أرفض رأيك واتقبل مرورك بكل إمتنان

مشكور استاذ عبدالرحمن لتقبل مرورى بس ممكن اسباب لعدم تقبل رأيى

أخي الفاضل هناك أسباب كثيرة منها ان البلد لم ولن تتفق. فمتي اتفقنا من قبل. يا أخي الحبيب اكاد أجزم ان العائلات نفسها لن تتفق مع بعضها كما حدث من قبل من عداء وفرقه وانقسام وانشقاق بين تلك العائلات التي تريد منها ان تجتمع وتتفق علي رأي واحد. وأرجو منك أخي ان لا يترك خلافنا هذا في صدرك مني شيء.

مصيبتنا ياعبد الرحمن فى شباس اننا اتفقنا على أن لا نتفق .

حتي لو اتفقنا فعلي ماذا نتفق

عبدالرحمن ماضي كتب:

أخي الفاضل هناك أسباب كثيرة منها ان البلد لم ولن تتفق. فمتي اتفقنا من قبل. يا أخي الحبيب اكاد أجزم ان العائلات نفسها لن تتفق مع بعضها كما حدث من قبل من عداء وفرقه وانقسام وانشقاق بين تلك العائلات التي تريد منها ان تجتمع وتتفق علي رأي واحد. وأرجو منك أخي ان لا يترك خلافنا هذا في صدرك مني شيء.

استاذ عبدالرحمن فكرتى ليست بالصعبة او المستحيلة يعنى مثلا لو كنت انا معارض مع والدى مثلا صوته هيوصل وصوتى هيوصل ونشوف صوت مين مع الاغلبية ونمشى معاه ..

أخي الحبيب عبد الرحمن ,,, الساده المشاركين : لم أصبحت المشكله كيف نختار و من نختار و من يصلح ليمثل ابناء البلد في البرلمان ? لماذا هذه النظرة المحدودة مع احترامي لكم جميعا لقضية عظيمه تمس كل مواطن في بلدنا و في كل مصر بل في كل الدنيا ? ... تعالو نخرج من هذه النقطة الضيقة (بتاعة) نختار من ? و كيف نختاره ? ومن يصلح ? ,,, واسمحوا لي ان أطرح عليكم عدة نقاط في أصل الموضوع بعيدا عن العصبية و التشرذم و الفرقة و الشقاق .
و أقول ان اصل الامر يرجع الى ان البرلمان في اي دولة في العالم نهج سياسي المقصود منه ان هذه هي السلطة التشريعيه التي تشرع القوانين التي يحكم بها الناس , و بناء عليه فان هؤلاء المشرعين لابد ان يتم اختيارهم من بين مواطني هذه الدوله ,,, من كل اقليم او منطقه يختار الناس من يمثلهم في السلطة التشريعيه ,, ليبدي رغبتهم و ينقل أرائهم و يطالب بتشريعات في صالحهم العام ,,, وارجو ان نكون متفقين حتى الان ,, تعالو اذن نناقش الواقع بشكل عام على مستوى مصر ,,, هل هناك عضو في برلمان مصر كله يرشح نفسه بناء على برنامج انتخابي معلن لاهل دائرته واضح فيه مصلحتهم متفق على بنود سوف يطالب بها في البرلمان لصالحهم العام? ? هل فعلا اعضاء البرلمان يعملون على تشريع قوانين في صالح اهاليهم في دوائرهم الانتخابيه ? هل اعضاء البرلمان يحاربون الظلم و الفساد ? هل أعضاء البرلمان يطالبون بقوانين تنهض بالحاله الاقتصاديه و الاجتماعيه و العلميه و بتقديم خدمات عامه بشكل ادمي تليق بالناس في بلدنا ? هل اعضاء البرلمان لا يوقعون بالموافقه على تجديد قانون الطوارئ كل عام على سبيل المثال? أليست هناك علاقة مباشره بين حال البلد من ارتفاع اسعار بشكل جنوني و انتشار الفقر و الجريمه و المخدرات و البطاله و وضع اكثر من 42 % من سكان مصر تحت خط الفقر, اليس كل هذا و غيره من نتاج تشريع قوانين في تضاد تام مع مصالح البسطاء من ابناء مصر ? ? ,,,, اكتفي بهذا و ااسف للاطاله ,, و لمن يتفق معي أقول كن ايجابيا و لاتنهزم ابحث معي عن حل للوضع الكارثي في مصر و تذكر ان الله لا يغير ما بقوم حتى يغيروا ما بانفسهم ,,, و لمن يختلف معي في الرأى أقول : سامحني هذا رأيي ولك ان تقبله او ترفضه هذا حق مطلق لك , لا أنكره عليك ,,, ولكن اعلم ان السياسة تقاس بالنتائج ,, لا بالشعارات ولا بالعواطف و لا بالاوهام ,,,, السياسه كل السياسه ,, بمعنى : انك اذا اردت ان تقيس نجاح او فشل سياسة فرد او نظام باكمله فعليك بقياس النتائج التي تحققت من اتباع هذه السياسه ,,, استقيموا يرحمكم الله ,

الاخ عبد الرحمن : هوه انته مش عاجبك الكلام ?! .... لو انته مش عاجبك قول وانا مش داخل تاني المنتدى ده و هاسيب الدنيا كلها عشان خاطرك ,,, رد احسن ,,, مش انته اللي عمال تقول العائلات تجتمع و تقرر و الحكومه طلبت عضو من البلد ,,,, عضو ايه و عائلات ايه و حكومة ايه ,,, رد ما تجيبلناش المشاكل ,,, احسنلك

ياضوء ياشارد
لو قولت متخافشي ولو خوفت ماتقولشي
هههههههههههههههههههههههههههه

الضوء الشارد كتب:

الاخ عبد الرحمن : هوه انته مش عاجبك الكلام ?! .... لو انته مش عاجبك قول وانا مش داخل تاني المنتدى ده و هاسيب الدنيا كلها عشان خاطرك ,,, رد احسن ,,, مش انته اللي عمال تقول العائلات تجتمع و تقرر و الحكومه طلبت عضو من البلد ,,,, عضو ايه و عائلات ايه و حكومة ايه ,,, رد ما تجيبلناش المشاكل ,,, احسنلك

يا ضوء ياشارد سيبك من العالم دي
واتكلم زي ما انت عاوز اهم شيء الباشا ينجح عاوزين نقضي مصالحنا
قال مصلحة البلد بخت تولع البلد على اللي فيها اهم حاجه مصلحتي فين ومع مين ودا كله بأمر الله لان عارف المشايخ كتير

عبدالرحمن ماضي كتب:

ياضوء ياشارد
لو قولت متخافشي ولو خوفت ماتقولشي
هههههههههههههههههههههههههههه

كلامك كتر ياعم الشيخ
يا عبدالرحمن انتو كتير عندكم متعملوا انتخابات عندكم وسيبك من البلد ومصلحة البلد الاسطوانه المشروخه

طيب ما تترشح ياد يا سليمان عندك وان عليا أمونك بأي امدادات

أذيك ياد وأخبار شغلك أي. ده رقمي
0027731001399
0027749309348

السلام عليكم
الاستاذ الضوء الشارد لقد قلت(اليس كل هذا و غيره من نتاج تشريع قوانين في تضاد تام مع مصالح البسطاء من ابناء مصر ? )
من الذى يعرف القوانين التى هى فى صالح البسطاء من أبناء مصر والعالم بأسره؟ والأغنياء من أبناء مصر والعالم بأسره ؟ أليس خالقهم؟
فلم نطلب قوانين جديدة وعندنا قانون رب البشر؟

فليس هذا القانون الوضعى فى صالح الا من يصنعه . ولا يراعى هذا المشرع الا نفسه.