بالامس شهدت منطقتنا مؤتمرا لعائلة ابوبكر ولله الحمد لأول مره تجتمع عائلة ابوبكر على قلب رجل واحد (( محي الدين فتح الله القطان ))
ناجح بإذن الله
وأبوبكر ثلث البلد وكلهم وياه

ربنا يوحد شمل شباس كلها لما فيه الخير والصالح ان شاء الله .

ياعم سليمان طيب كنا عملنا مؤتمر لمل رسولنا اتشم ولا لما الاقصي اتاخد مننا

من غير زعل يا عبد الرحمن : و هما البكروه مالهم و مال الأقصى ? ! ... هوه الأقصى ده بتاع القطان ولا بتاع الحزب الوطني ? اما انته غريب ياخي ,,, و بعدين ده بيقولك اجتمعوا على قلب رجل واحد .... و طبعا دول 4000 صوت ,, يعني كده الحزب ناجح ناجح ,,, مبروك عليكم و علينا و على شباس و مصر كلها الحزب يحكم كمان دوره ,,, بالشفا انشاء الله يا شعب مصر ,,, و ربنا يحيينا و يحييكم و الدوره الجايه بعد خمس سنين يكون العيش اتوفر وو الشعب عايش كله في حريه و الشركات و المصانع بتتحايل على حد يشتغل بمرتب 5000 دولار ,, ولو حتى لسه متخرج م الاعداديه ,,و هتكون مصر اقوى دول الشرق الاوسط و الجيش المصري قوي و بيهدد اسرائيل و عاملهم رعب لدرجة ان اليهود بيتحايلو علينا نجدد معاهدة السلام, و الامريكان بيتمنولنا الرضا نرضى عنهم و نصدرلهم قمح ,, و اللي مش عاجبه اقوله ,,, بعد 5 سنين هاغيظك و هافكرك اني قلتلك بقينا قوه عظمى و عايشين في خير و بيوت المال مليانه فلوس مش لاقيه فقرا و طلعنا القمر و زرعنا هناك قمح و بنصدر لامريكا بدون تكاليف نقل ,, من كتر العلم بقينا بنصدر و نرمي ع البيوت من فوق م القمر ,,,,,, عاوز ايه تاني يا عبد الرحمن ? اقولك : اتصل بيهم عيلتك دول و قلهم :
استقيموا يرحمكم الله ,
يا بكروه

يا اخ سليمان : لا مؤاخذه ,,, بتقول لاول مره في التاريخ يجتمع البكروه على قلب رجل واحد ,,,
معلش وسع صدرك معايا , طب و البكروه كانو منقسمين اساسا ليه ? و لما انتو تلت البلد ,,, و بنسايبكم و قرايبكم ممكن تيجو اكتر كمان ,,, ليه ما رشحتوش حد م البكروه ,,, دانتو تنجحوه بكل سهوله ,,, و يا ترى لما ممكن تعملو كده و ده اكيد معروف للساسه و الجهابذه في المطبخ السياسي بتاع شباس,, تفتكر ده ما كانش سبب الانقسام في البكروه ? قصدي عشان ما يطلعش منهم عضو او حد يترشح ,,, و يوم ما يجتمعوا على قلب رجل واحد يجتمعوا على مرشح الحزب ..... افرح .. افرح كمان يا سليمان

محي القطان واحد بس وربنا يوفقه وان شاء الله هياخد اصوات جامده جدي

اعتقد كلكم في حلم واولكم الاخ سليمان

أحمد عمرو باشا مع كل احترام في المشمش

الحمدلله يا ضوء ياشارد ان مفيش حد من البكروه اترشح عشان مايشيلش ذنب الناس ال ماتت من مياه الصرف الصحي وعشان مش يتسأل عن الشباب ال قاعده علي المصاطب ومش يتسأل عن تصدير البانجو بحجه عندنا عضو لو حد اتمسك هيطلعه يعني جمد قلبك وطبعا وده اساسي ان الصغير قبل الكبير عارف ان نص شباب البلد معاه كليه حقوق بس كله عارف ليه محرم علي حد فيهم انه يبقي وكيل نيابه فالحمدلله يا اخ شارد ان عيلتنا (البكروه) منقسمين واجتماعهم ان دل علي شي فلا يدل الا علي افتراقهم

حتى انا يا عز باحلم ? ? تصدق انته هتزعلني منك كده .... حرام عليك ياراجل بلاش ظلم ....

لالالا تفهمني غلط يا ضوء
ياشارد
انا قصدي الموضوع كله حلم فاذا الرد عليه حلم

انا اتحدى لو خرج 300 صوت من البكاروة في الانتخابات



والدليل الدوارات السابقة

انا مالي و مال البكروه و الانتخابات ,,, انا بكلمك عن التقدم العلمي اللي هيتحقق في ال 5 سنين الجايه و الرخاء و الأبهه اللي هنكون فيها على ايد الحزب

دا اكيد انت بتحلم حلم يستحيل تحقيقه

انت شوفت فديوهات المؤتمر تعرف ان مفيش فايدة
محدش عايز يفك الرواسة

ذو العقل يسعى في النعيم بعقله
واخو الجهاله في الشقاوة ينعم
اذا رايت نيوب الليث بارزة
فلا تظنن ان الليث يبتسم

ياعم شارد احنا عايشين في التقدم والأبهه دي من ايام اعلان السادات للحزب الوطني مش تبقي زى القطط تاكل وتنكر وتقول لسه هتستني ال خمس سنين الجايه







اوعك تقولي كنت بحلم من ايام السادات

الاخلاق

مناعه ارزاق

جلابة ارزاء

يا سخامه يا لطامه

ياللى اسمك اخلاق

ازيك وايش حالك

ايه اخر الانباء

دجوكى ؟

سلخوكى ؟

خلوكى اشلاء

ما انا قايل وسمعتي

بس انتي اللى طمعتى

فى بلدنا يعوزكي

مسكوكي دقوكي

بدماغ الدقماق

بالقاضيه الفنيه

صرعوكى السجانه

حبوسكى

فى قضيه

مرفوضه وخسرانه

والتهمه الجنائيه

اكمنك انسانه

وخدوكى الشرطيه

وعساكر هجانه

وابولكنه فرنساوي

طبال ومغناوي

بيغنى اشتراكاوى

والعالم طرشانه

وابو عسكر حرميه

بيبرطع فى تكيه

ويقول اشتركيه

والناس

لسه جعانه

يا هبيله يا فضيله

يابتاعه المهابيل

بلا وكسه

بلانيله

بلا هفه مخاليل

دى بلدنا

ولا حولا

ما بقاش فيها علاوله

وعوضنا على المولي

فى ولادنا الشماليل

يادينا ورجلينا

اسسنا وعلينا

وعملنا اللى علينا

جيل يطلع ورا جيل

ويقول ابنوا لبكره

والبنى ادم ذكري

نتحمس للفكرة

من كتر التطبيل

واخيرا ولا اخر

اخلاقنا بتتاجر

ومهازل

ومساخر

وهزيمه

وتضليل

100% تسلم عز

مع كامل احترامى للاخ سليمان بيقول اتوحدوا اومال ليه محى اتعمله استجواب شديد اللهجه فى المؤتمر بتاعكم

سكت الكلام.......؟

يارب


وعلى فكرة فية عائلات كتير عملت زى البكروة يا استاذ سبيمان

يارب النجاح للقطان

انت بتقول ايه ياعم شارد ؟ ايه؟
الرخاوة والأبهة والتقدم العلمى اللى هنبقى فيه بعد 5 سنوات ؟
هو حضرتك مش عاجبك اللى احنا فيه دلوقت ؟ استغفر ياعم ربنا يهدينا ويهديك.
هيقطعوا نفسهم ياخى ؟. اتقى الله حرام عليكم .الزعماء يولعوا فى نفسهم يعنى عشان تستريحوا ؟ هيعملولكم ايه أكتر من اللى بيعملوه فيكم ده يعنى؟ معلش اسمحلى بقى أنا المرة دى ( استقيموا يرحمكم الله)

ربنا يزيدكم كمان وكمان

هههههههههههههههههههههههههههههههههههههههههه

أيها الساده : هذا الموقع يحمل اسم / منتدى أبناء شباس عمير ,,
و كلمة منتدى مشتقه من ندوه ,, و الندوه في معناها العام هي لقاء بين عدة اشخاص للحوار و تبادل الاراء ,,, و كلمة ندوه ليست بالضروره ان تكون في دار الندوه التي سمعنا بها في صدر الاسلام ,,, ولو كانت اى ندوه في منتدى لابد ان تكون على نفس نمط ندوات دار الندوه فأنا منسحب من منتداكم ,, لان دار الندوه كانت تشمل سادة قريش و كان على رأسهم ابي جهل ,,,,وأنا أنأى بنفسي ان احاور جاهل او أبوجهل ,,,
‏ ايها الساده / هناك فارق كبير لمن لا يعرف بين منتدى و شات للدردشه ,,,,
المنتدى : حوار و نقاش و تبادل أفكار ,,, قد يكون حول موضوعات راقيه و لاهداف ساميه و قد يكون العكس ,,, و يحدد طبيعة الموضوعات المطروحه طبيعة الاشخاص المشاركين في المنتدى ,,, فان كانو من ذوي الثقافة العاليه وأشخاص محترمين فستجد الحوارات أغلبها هادف و بأساليب محترمه في العرض و التناول ,, وان كان العكس فسنجد موضوعات تافهه و اساليب بذيئة و وضيعه و بناء عليه فسنقرأ من السخافات و التفاهات ما يعج به قاموس اللغه العاميه باللهجه المصريه من اهانات الكثير ,,,
انا اندهش من عدم تفهم البعض لمعنى كلمة منتدى و انصحهم بالنزول للشارع و الجلوس على المصاطب ,,,, أكرر ( البعض )

ايها الاخوة الأعزاء محمود عبد المجيد والضوء الشارد نرجو الالتزام من الأعضاء وان يسود المنتدى جو من الحب والتفاهم
وانتم جميعا ناس محترمة ومثقفة وهذا يحزن اخوانكم فى المنتدى
وشكرا جميعا

يا اخ عبد الرحمن انت مع المثل اللي يقول خالف تعرف بالنسبة لتجارة البانجو اللي تقول عليها انا اذكر قبل ما اسافر ان محي القطان السبب في سجن اكبر واحد في البلد في تجارة البانجو بسبب ان احد بلغه ان وضع بانجو في قبر ابوه ازاي بيساعد على تجارتها بالنسبة للاجابه على سؤال ليه ما اترشح واحد من البكروه لما ربنا يديني العمر هترشح بإذن الله علشان اسد كل بند المجاري علشان عبدالرحمن يمشي وهو مستريح وبعدين كفايه يا عبدالرحمن بيه على محي يساعد في دفن الجثث اللي بتيجي من عندك البلد دي كفايه اوي وربنا يحميك ويبعد عنك ولاد الحرام ويرجعك بالسلامه ياغالي بالنسبه لنصرة الرسول ربنا عالم مافي القلوب ولما تكون كده ان شاء الله امير للمؤمنين هكون اول المناصرين معاك انا عن نفسي ما بقدر الا على الدعاء اجدعن انت وورينا شطرتك وربنامعاك بالنسبه لعائلة ابوبكر وقت الشده حبايب وغير الشده بس انا اقصد اجتمعوا في الانتخابات بالاخص اما الاشياء الاخرى فهم ولله الحمد حبايب وما يفرقهم اي شيء

محمد احمد كتب:

مع كامل احترامى للاخ سليمان بيقول اتوحدوا اومال ليه محى اتعمله استجواب شديد اللهجه فى المؤتمر بتاعكم

علشان الاخوان اللي بيتكلمون عن الرواسه والسحب وعلشان يعرف اننا بنمشي بدمغنا
وبعدين لازم يكون فيه استجواب وشديد قوي كمان علشان انا اعرف ان كان في المؤتمر كتير كانو ضده من قبل ولازم يكون اخذ وعطا في الكلام علشان زي ما الاخ ضوء الشارد قال انهم 4000 صوت غير اقارب البكروة ودول مش شوية

كله هيبان

وكله بان

الله أكبر