ايوه عبد الرحمن بقى مادى اوى عاوز يستغل الظروف ههههه جواله بقه لازم يستغل كل الامكانيات المتاحه

قشطة

كشافه و جواله. بس مش بستغل الظروف يا قائد محمد أنا لا قولت عايز أبقي ضابط شرطة ولا ضابط حربيه و لا مهندس فنيه عسكرية و لا حتي أمين شرطة وطبعا ما قولتش عاوز كام فدان في الصحره مع ان معايا بطاقة ولا قولت عاوز توكيل لأي سلعه ولا عاوز وظيفة أنا كل ال طلبته أبقي طيار ومتخافش مش هطلب بعد كده ان إخويا كمان يبقي طيار

يبقي كده بقيت استغلالي

لا كده انت معلم يا عبده ورسالتك واضحه هههههه كده انت الى قائد يا عبده وبعدين انت لسه مصمم على موضوع الطيار ده

قشطة

طبعا مصمم. وعلي رأي الداده أم عطيات الشغاله ال ثقفت نفسها بنفسها وال أبوها كان عامل وامها كانت عامله وماتوا هم الاتنين في مظاهره ال نظمها الحزب




خلقنا لنعترض







قشطه

أحبابي جميعا السلام عليكم ورحمة الله .
حبيبي الضوء الشارد يا عم والله العظيم ما حأقول على اسمك سواء عرضت الموضوع أم لم تعرضه . أظن كدة ممكن تعرض الموضوع ولو عايز تعرضه بشكل خاص فإيميلي hishla2000@yahoo.com بس واضح انك حبيبي قوي وعموما لو كانت المناقشة اللي بينا من اتناشر سنة سياسية فممكن اوفر عليك المناقشة واقولك اني أصبحت اتفق معاك . ههههههههههه . أظن كدة قشطة على رأي الأخ محمد الجرن . بس انا اعتقد انك لو اهتميت بالكتابة الساخرة دي وركزت فيها شوية حتمتعنا تمام بكتاباتك وانصحك تختار موضوعات من البلد يعني مشاكل البلد بس من غير ما تتعرض لأسماء الناس ما تعملش زي خيري شلبي هههههههه .
ألف شكر على التوضيح يا أدمن وأحمد ايميله ahmedhishla@yahoo.com فحضرتك لو ممكن ترسل له رساله اوفلاين حتي تخبره كيف يدخل بس هو فعلا دايما عنده مشاكل في الكمبيوتر بتاعه .
حبيبي عبد الرحمن . بالنسبة لدراسة الطيران في مصر فهي مكلفة جدا يعني معهد الطيران في مصر مصاريفه حوالي 360 الف جنيه والدراسة لمدة اربعتاشر شهر وبتاخد رخصة طيران تجاري يعني بتكون مؤهل انك تقود طيارة ركاب او شحن وطبعا انا عمري ما حأركب معاك لاني عارف انك بتسوق بسرعة . فسيبك من الموضوع ده واهتم بدراسة اللغات احسن ودي حتساعدك كتير .

ان شاء الله يا متر انت بتقولي ع التكاليف ليه. الكلام ده لو مافيش باشا و طبعا الباشا بيخدم من غير أي حاجه. عشان ده لا بيعرف محسوبيات ولا غيره. زي بالظبط الأستاذ علي لبن بتاع قطور كل سنه بيجيب كام وظيفة للشباب و بيعمل بين كل شباب المركز قرعة لليفوز بالوظيفه قدام أهل المركز كلهم. تفتكر يا متر أنا أصلا مفروض اسأل عن تكاليف الدراسة أو حتي أسأل عن موعد الاختيار. ده حتي تبقي عيبه في حقه 0

أه ... دا على أساس ان انت تبع قلب رجل واحد يا عبده؟
هههههه

دا علي أساس ان ال علي قلب رجل واحد بقي منهم ال أتوظف ومنهم ال بقي وكيل نيابة ومنهم ال بقي ظابط
اسكت ياراجل يا طيب

وعايز تبقى طيار؟
يا عم روح دا انت آخرك (الشوما)

السلا م عليكم و رحمة الله و بركاته
تحية طيبه لكل القلوب الطيبه و اخص بالذكر الاستاذ محمود حشله و اقول ,,, صدقني احنا حبايب و مادمت انته حلفت فانا هاحاول افكرك ,,,كنا في مواضيع كتير و فوجئت انك بتقول : لا مافيش قانون طوارئ بيحكم مصر ,,, و اتصدمت جدا من كلمتك دي ,,,
و بما انك بقيت متفق معايا ,,, يا ترى برده اتأكدت ان مصر في حكم قانون طوارئ منذ مقتل السادات حتى الان ? ولا لسه معترض ? و ياترى تذكرت الحوار ? و ياترى اتأكدت انك حبيبي ?
و تحياتي لك و لأحبتي عبد الرحمن اللي اتأكدت انه مش هيقول الا لما واسطه تدخله الطيران ,,,
و لابو صهيب و عز العرب و محمد عز و لكل المحترمين في الموقع ,,,,
و مساء الفل

ليه التحبيط ده بس

تحبيط ليه ,,, الحقيقه دايما مره ,,,
اهم حاجه ما يكونش تخخخخبيط

ياعم بالعند فيك مش هركبك طيارتي

اوعدك انك مش هتقدر تمنعني ,,
‏ و برده مافيش مستر سي في تاني

مسا الفل عالناس اللى زى الورد ايه يا عبده هو الباشا لسه مش عاوز يتوسطلك ولا ايه خلا ص يا عم ولا يهمك احنا هنرشح عز العرب هههههه عشان موضوع الطيران ده وبردك عشان التوك توك بتاع ابو صهيب ومسا الفل للضوء الشاردوكده ان شاء الله فيه افل فى الطيران يا عبده وبردك لازم نقول
؟؟؟؟؟

قشطه

كنت هزعل اوى لو مكنتش كملتها هههههههههه

قشطة يا ابو ماضى

ما نقدرش علي زعلك.
أهو برضه يمكن مرشحكم ينجح و نحتاجك في الطيران
هههههههههههههههههههههههههههه

ايوه بس المرشح بتاعنا بناكد موضح البرنامج بتاعه عشان محدش يقول انه ضحك علينا يعنى مش هيخدم حد الا فى اخر الدوره عشان الدورة اللى بعدها بس احنا نخليه يشوف موضوع الطيران عشان خاطرك يا عبود ولا يهمك هى كيميا ولا كيما

ده قشطة

بروح بالسم يقتلوك يا اخوه

وطبعا لازم نقول قشطه


بس ياريت يبقي تقوله يخفض سعر ال قشطه. هههههههههههههههههههههههههههه

لع
ما تقولوش يا محمد خليها كده واللى مش عاجبه ياكل زبادى

ههههههههههههههههههه

قشطة

حلوة لع دى؟

هههههههه عسل والله يا دينتاست
نحنوح منحنح بالنحانيح قول لع
منييييييييح
وبردك هنقول قشطة

ايه يا بقوش فين اخبارك وايه الجديد احنا مش قلنا دى صحيفة اخبار يومية فين بقه الاخبار يا ريس يعنى قولنا مين مع شباس ومين ضدها

قشطة

أنا مع شريف



هو شريف مع مين بقي ؟




هههههههههههههههههههههههههههه






وبرده لازم نقول



قشطه

حبيبي الغالي الضوء الشارد . السلام عليكم ورحمة الله وبركاته
1- اولا اشكرك علي انك ما زلت فاكرني واشكرك أكتر على ان مناقشة بيني وبينك ما زالت عالقة في ذاكرتك من اتناشر سنة ده دليل على المحبة وإننا خرجنا من المناقشة دي حبايب رغم اني متأكد ان شخص في ثقافتك وعقليتك أكيد دخل من اتناشر سنة في اتناشر الف مناقشة على الأقل والله أنا حاسس فعلا بالإعتزار بك .
2- ثانيا أنا بأعتذر اني لسة مش عارفك بس ده لا يقلل من شأن اهتمامي بالمناقشة بل ربما لانني أكيد اتكلمت في الموضوع ده كتير جدا نظرا لعملي في القانون يعني من اتناشر سنة وانا بأتكلم في الموضوع بتاع القانون ده على طول فأكيد اتكلمت مع كثيرين في هذا الامر وده بصفتي المهنية ولكن أنا متأكد ان المناقشة معك كانت علامة مضيئة في حياتي سواء الفكرية او القانونية . وأكيد لما اعرفك حأفتكر التفصيلات بالظبط وبالمليمتر المربع ههههههههه.
3- بالنسبة لموضوع المناقشة ذاته على رأي أحبائنا السودانيين فأكيد فيه سوء تفاهم لان قانون الطوارئ معلن في مصر مش بس منذ مقتل السادات وانما منذ عام 1956 ولم يتخلل هذا الإعلان اي تعليق سوي سنتين اتنين بس أو أقل يعني من اول سنة تمانين لحد ستة اكتوبر واحد وتمانين ودي مواد رسمية وموثقة سواء انا قلت فيه قانون طوارئ أو لم أقل .
4- هو اللي خلق هذا الإختلاف ربما هو مناقشتي الموضوع بنوع من التخصص وده غلط طبعا لان الأمور لا تؤخذ على اطلاقها يعني مرة واحد صاحبي بيقولي لا تستعن بغير الله لان ده جزء من العقيدة قلت له أنا بأستعين بغير الله أمتثالا لأمر الله طبعا انت عارف هو رد قال ايه ( قال انت .......... ) قلت له امال ربنا بيقول ليه واستعينوا بالصبر والصلاة ؟ . فإقتطاع جزء من النص والمجادلة به ليس في الإطار الصحيح للحوار إنما يجب ان يكون الحوار كله جملة واحدة لان الحوار مثلا مكون من خمس نقاط ما ينفعش اخد اول نقطة واستشهد بيها على الحوار كله وانما لابد من احاطته من جميع جوانبه وتفصيل الأمر تفصيلا .
5- بالنسبة لقانون الطوارئ فهو قانون استثنائي يستعمل في بعض الأوقات وليس كل الأوقات وهو قانون في الأصل انه بيساعد الشعب في الحالات الطارئة زي الكوارث والنكبات علشان يمنع اعمال السطو والنهب وبعد ما تنتهي هذه الحالة بيرجع القانون العادي مرة اخري . اما في مصر فهو موجود باستمرار ولكنه لا يستعمل باستمرار ودي من الحالات النادرة في عالم القانون . يعني مثلا ممدوح اسماعيل لما العبارة غرقت وقتل ما يزيد على الف شخص اتحاكم طبقا للقانون العادي امام محكمة الجنح وحكمت ببراءته ثم استأنفت النيابة الحكم وكان هو في هذه الأثناء قد غادر البلاد ولما المحكمة حكمت عليه في الإستئناف كان هو في لندن عايش حياته ( الدنيوية طبعا ) يبقى ازاي نقول هنا ان مصر محكومة بقانون الطوارئ ؟ اللي يري هذه الحالة فقط يقول مصر ما فيهاش قانون اساسا لا طوارئ ولا غير طوارئ لان الف شخص ماتوا بفعل فاعل ومفيش اي حاجة حصلت خاااااااااااااااالص .
ولعل المثال العكسي مفهوم لسيادتك تماما .
أرجو أن الإلتباس في الحوار يكون قد زال من بيننا ونهارك فل ان شاء الله

شووف بقه
اولا انا مش مبسوط خالص بممارستك للسياسه العاليه في الحوار معايا لعدة أسباب :
تقول حوارنا كان علامه مضيئه ,, و انته لسه مش فاكرني يبقى لا كان علامه ولا كان مضيئه ,,,انته بتقول كده بس عشان انته عارف اني الضوء الشارد ,,
حضرتك في كلامك اعترفت ان القانون فعلا مطبق منذ مقتل السادات حتى الان برغم طوي هذا الدستور و وضع الكتاب تحت رجل الكنبه لما يتعلق الامر بشخصيه تخص البلاط العالي في شرم الشيخ او في العروبه ,,,
و تطبيقه بعد وضع عدسة مكبره بحجم ميدان التحرير مثلا على نصوص القانون اذا تعلق الأمر بحاله زي ايمن نور أو البرادعي مستقبلا ,,
هذا التخبط في تطبيق القانون ,, يرجع الى أننا أصبحنا كما قال صلى الله عليه وسلم : اذا سرق فيهم القوي تركوه و ان سرق الضعيف أقامو عليه الحد ,,
هذا القياس مع الفارق الذي هو واضح جلى في حالات مثل نور و البرادعي ,,فهؤلاء و ان كنت اختلف شخصيا معهم ولا أحبهم ,,الا ان قضيتهم ليست السرقه ,,,
قد تكون العكس ,,,
عموما انا وراك لحد ما نتخانق ...و احنا برده حبايب والله العظيم .. بس بلاش السياسه العاليه
بالراحه شويه
و برده نهارك فل الفل ,, يعني ابيض و شكله حلو و ريحته عطره

شكرا يا بنك معلومات المنتدى واسمحي القبك باللقب ده لام عندنا ابوهايدي واخد لقب كنز معلومات المنتدى
وممكن نلقبك لقب مهنى فنقول وتستحقها المستشار القانونى للمنتدى
فمرحبا يا سيادة المستشار
ولو عايز تعرف هو مين ارش عبدالرحمن بوظيفة ابوكاتو وهو يقول

وانا ممكن افتن

ايه اخر الاخبار يا بقوش انت وينك يا ولدى

قشطة

سيبونا من الانتخابات الموضوع اتحسم خلاص
خلونا في مشروع النهوض بالقرية
فينكم يا اعضاء المنتدى

بص يا متر انت مش هتعرف تاخد من الشارد حق ولا باطل. نصيحتي لك حسبن عليه وأمرك لله
أما بخصوص ان افتن عليه وأقول هو مين
أنا مش هنزل كلام الأخ عز العرب الأرض و هوافق علي الوظيفة دي. مع أني متأكد ان الأخ عز معتقد انه بالوظيفه دي هنسي موضوع الطيران ده بس ده طبعا مستحيل
وسلام مربع علي روح الشارد

ايه يا جماعة اخر الاخبار حد موجود ف ىالبلد يرد الوه يا مصر حووول

قشطة

ياريس مافيش انتخابات كله تقفيل. شباس هتتقفل و قلين هتتقفل وال يلحق

ياريس مافيش انتخابات كله تقفيل. شباس هتتقفل و قلين هتتقفل وال يلحق

عالبركة

قشطة

ايه يا رجالة ؟
هى لسة هتتقفل؟
اقروا موضوع بدون تعليق وانتوا تعرفوا إنها



مــــــــــــــــــــــــــــوافـــــــــــقـــــــــــــــــــــــــة

يا بقوش انت فين حد يقلنا يا جماعة ايه الاخبار

يا قائد محمد انت شاغل نفسك ليه مش هتفرق خالص وعموما مبروك للحزب

حزب ايه الى انت جى تقول عليه طبعا يا عبود دى حاجة مفروغ منها بس اخنا بس عاوزين نتابع الاحداث ولا ايه يا قشطة

وبردك هنقول قشطة

بس اللى انا مستغربله ان امريكا واسرائيل بينتقدوا التزويرههه وقال ايه زعلانين عالمعارضة مع انهم عارفين كويس ان المعارضه فى مصر يعنى اخوان مع كامل الاحترام لكل احزاب المهلبيه وقعدة الشاى دى وسلملى عالبرادعى
يا عبود احنا فى اتخابات الرئاسة مش مجلس الشعب وبعدين اهدى يبنى شوية عاوزين نعرف نروح هههههه

قشطة

قشطه
هههههه

محمد خليك في السلطة وملكش دعوه بالمحشي
احسن لك

انت فين من بدرى يا عم عز سايبنا للصعيدى يبهدل فينا؟