بسم الله الرحمن الرحيم .

صلاه وسلاما على أشرف خلق الله اجمعين : سيدنا محمد عليه أفضل الصلوات وأذكى التسليم .

بطبيعه الحال .الطبيعه البشريه تتسم بالفضوليه وحب معرفه مالم يعرفه الأخرين.

بعد مشادات دامت شهور طويله ربح منها من ربح وخسر منها من خسر .وكثر المؤجورون وكثر زوى النفوس الضعيفه وكانت الأغلبيه لأصحاب المصالح .
وفى النهايه : انتهت الدوامه . انتهى اليوم الذى انتظره الجميع ما بين محب وكاره .ما بين مستفيد ومتضرر .

الكل يريد أن يعرف تفاصيل اليوم الذى أسميه للامانه بتسميتى الخاصه اليوم المشئوم .

ترددت شائعات كثيره جدا وكما حال النفس البشريه يزيد كل شخص على الاشاعه كلمه لتصبح فى النهايه مصيبه كبيره .

انتهت وواضح جدا انها حسمت وتم تسويد اللجان .ولا عزاء للمحترمين .

مش مهم ايه اللى حصل .ومش مهم مين انضرب ومين اتأذى .

لكن ياريت كل شخص من محبى محى القطان يجلس مع نفسه ليحاسبها كما هو المفترض من كل مسلم قبل نومه . ليحكم حكمه العدل .

هل ما حدث اليوم يتسم ب أى صفه من صفات البشريه ؟

غابت الرحمه فى جميع القلوب ؟

والله والله والله والله كمان مره . عينى تدمع وأنا أكتب هذه الكلمات لان ما حدث من وحشيه اليوم لايمكن وصفه . فلم استطع النظر بعيينى والتأمل من هول الموقف .

لو ماسكين واحد يهودى وديانته يهودى مكنش هيتعمل فيه كده ولا ربنا يرضى بكده .

أعلنتها من فتره لست مع أو ضد ولعبه الانتخابات بالكامل لاتعنينى فى شئ . ولكن كلمه الحق هى حال لسانى .

شخص على بعد خطوات من مناصب محترمه فى وزاره الصحه . يهان كل هذه الاهانه . يطلب الماء فتمنع عنه .لما كل هذا ياأهل شباس؟

لما نرى الدم ينزف من كل منطقه فى جسده ويتوسل ويطلب الرحمه تغيب الرحمه عن قلوبنا ؟

لمصلحه من؟ هل هذا ديننا ؟ هل هذا ماتربينا عليه ؟

لن أقول سوى حسبى الله ونعم الوكيل.

برغم ان الفرز مازال قائم والنتيجه لن تعلن رسميا اليوم بل ستعلن من القاهره يوم الثلاثاء .لكنها بالفعل محسومه .

كسبت شباس نجاح محى .ولكن خسرت الرحمه فى قلوبها .

كسبت شباس نجاح محى ولكن خسرنا كل معالم الانسانيه .

كسبت شباس نجاح محى ولكننا أصدقائنا وأهلنا وأقاربنا

كسبت شباس نجاح محى ولكننا خسرنا الخوف من الله .

لو كنت أنا عضو مجلس شعب أو مرشح ف والله لن يشرفنى نجاح بنى على دم واحد من أهلى .

بالله عليكم بالله عليكم لاأحد يجادلنى فى كلامى ويرد بردود سب أو خلافه ولا يذكر عدو البلد وقابض وكل هذه الهرطقات والكلام غير معلوم الهويه .

فانى ذكرتها حتى وان كان كذالك . فليس بيهودى .ليفعل به ماحدث اليوم .

يااحمد يابقوش عارف انك صميم محى ومش زعلان من انتمائك بالتأكيد .لكن أتمنى ترد بقلب مسلم وتقول لو اللى حصل يرضيك ك أنسان مسلم .

اليوم أقولها بصراحه :

البقاء لله . أعزى نفسى وحالى .على غياب القلوب .

أعزى نفسى وحالى : على غياب الرحمه .

تخيل أن اخوك أو أبوك أو انت نفسك فى نفس موقف سامى حامد اليوم .

ف فعلا البقاء لله .والعزاء منتهى .

انتهت المأساه. وحسمت القضيه . انتهت الانتخابات بحلوها ومرها حتى وان كان هناك اعاده ف انتهت بالتأكيد والكل يعلم ذالك .

ولكن أتمنى أن نبقى ونتمسك بما بقى فينا من أدميه .وشتات أخلاق .

ويتراضى الجميع ونعود كما كنا قبل 6شهور.

وأبدأ بنفسى : ف أعتذر لكل من أساء فهم كلمه من كلماتى . أعتذر أدمن المنتدى أخى وحبيبى أحمد. أعتذر لكل شخص داخل مصر وخارجها .

وأخيرا :أعتذر لنفسى لانى سمحت لنفسى من البدايه أن ادخل فى نقاش عن لعبه لها أهلها . وأهل الانتخابات . من يحمل السلاح فى يده . وأنا لست أهلا لذالك .

الساعه الأن:الواحده والربع وأخر ما وردنى من الفرز .انتهاء فرز شباس عمير. وحصل محى القطان من شباس على 18الف صوت .

وحصل خليفه حامد من قلين على 12الف صوت.

هذا كل ما وردنى الى الأن .

دمتم فى حفظ الله

جزاك الله اخى على تعاطفك الجميل المنتظر من رجل فاهم وواعى والله هذا ماقلتة بالنسبة للدكتور وعالعموم اذاكانت الغلبة للشيطان فان اخرتة النار
وكل لاسى للدكتور سامى وجزاك الله خيرا على الموضوع

عفوا ,,,
برغم اني اشعر بانك انسان محترم صادق الحس و المشاعر و القول ,, رغم اني لا اعرفك و انت كذلك ,,,,
و برغم اني لا استبعد ان يحدث ما تكرمت بوصفه على جهابذة و خبراء الانتخابات في بلدنا ,,, فتاريخنا في الانتخابات طويل و معروف ,,, الا ,
الا انك تتحدث عن مشهد حدث لشخص من عائله كبيره و لها من النفوذ الكثير ,,
انا لا أكذبك لا سمح الله ولكن كيف يعقل هذا الحدث ? على حد وصفك يبدو و كأنك تتحدث عن عابر سبيل قرر اليوم الترشح في بلد حل ضيفا علها بالامس ,,,
بالله عليك ,, كيف اتصور ذلك حدث بالفعل ? !

بسم الله الرحمن الرحيم
الاخوة جميعا اعضاء المنتدي الكرام
السلام عليكم ورحمة الله وبركاته
بداية اعتدر منكم جميعا لانني والله ماكنت اود ان ارد علي اى شخص بهدا الاسلوب لانه ليس من طباعي
ولكن
المدعو خالد القطان والدي قلت لكم قبل دلك انه ليس بخالد ولا بقطان
لانه لا يوجد في عائلة القطان جميعها الا
1\خالد محمد عبد الجواد القطان
2\خالد محمود عبدالعزيز القطان
وهو ليس بواحد نهما هده واحدة
الثاني\الرجل جعل من نفسه القاضي والجلاد فاطلق لنفسه العنان في تزيف الحقائق
التي ما غابت عن حتي الاطفال في شباس في اليوم الدى سماه حسب زعمه مشؤم
يا رجل اتقي الله في نفسك واياك وقول الزور الدي نهانا الرسول صلي الله عليه وسلم عنه وشدد في دلك ايما تشديد
اما علمت يا رجل بل ربما قد رايت بام عينيك ان المرشح الدي تباكيت عليه قد نصب اهله سرادقا للعزاء امام دار احدهم عند المقر الانتخابي والامر والادهي من دلك جاءوا بنعشين ممن نحمل فيهم امواتنا ووضعاهما امام هدا السرادق وتم تغطية
دلك كله برجال منهم يحملون الرشاشات الاليه فوق منزلهم هدا وموجه لمن لاخى
واخيك لابي وابيك لابني وابنك بل لامى وامك واختي واختك
ثالثا\علي الجانب الاخر مادا قال وفعل بشهادة الجميع الا انت وامثالك الدين لا يرون الاشياء علي حقيقتها
قال لهم مرشح البلد اريده يوما للحب واريد انتخابات نظيفة وشريفه
وفعل بان سمح لكل المناديب للجميع بالدخول اليس دلك بادرة حب وسلام
فمادا حدث
انقلب السحر علي الساحر بعد ان صوبوا رشاشاتهم نحو الاباء والامهات والاخوة
والاخوات والابناء
اليس كدلك
انت رجل اعزل وخصمك يوجه لك رشاشا اليا مادا ستفعل انطق الحق ولو مرة واحدة لانك ستحاسب امام من لا يغفل ولا ينام
ثم مادا فعل من تتباكي وتدمع عيناك عليه بعد ان قام مجموعة من كبار رجال شباس المحترمين لاثناؤه عما هو مقدم عليه لم يحرك ساكنا وضرب بهم وبكلامهم عرض الحائط اليس كدلك
هدا غيض من فيض هداك الله
عدرا احبائي اعضاء المنتدي
ولكن
الساكت عن الحق شيطان اخرس والله شاهد علي ما اقول
والسلام عليكم ورحمة الله وبركاته

شكرا على ردك استاذ محمود ولا تعليق :

النتيجه بعد الفرز كما علمت منذ دقائق :

اعاده على مقعد الفئات بين محى وخليفه حامد

وعلى مقعد العمال بين ايهاب عتمان(حزب وطنى) وياسر منير مستقل.

أرجو التأكيد .....

بقولك ايه يا شجيع السيما ليه محكتيشى على ال حصل وان الحوامد كان مأجرين ناس بلطجية وقاموا باطلاق النيران فى المليان على اهالى شباس عمير التى انت لست منها وقام سامى حامد باحضار نحش امام مقر المدرسة الاعدادى وليه محكتيشى على ان محى القطان هو من قام بادخال مناديب سامى وعبدالحميد القطانوجمال سعيد الى اللجان وليه محكتيشى ان حازم عبدالحميد القطان كان رافع الطنبجة فى وش البلد وليه محكتيشى ان توفيق جابر كان واقف برشاش فوق دار مرسال وليه محكتيشى على ان محى سلم على جميع المرشحين وقال لهم كل واحد يدى صوته وليه محكتيشى ان والدة سامى وخالته كان معاهم صاعق وليه محكتشى على ان ضرب النار شغال فى اهل بلدك امام الاعدادى واصاب هذا الذعر لجان الحريم التى بالازهر وان شاء الله سوف اقوم بانزال الفيديو الذى يدل على ذلك حتى اغلق كلامك المستفز ليس الا فالقضية قضية بلد

ونسيت اقول ليه محكتيشى عن ضرب النار طول الليل من جانب سامى حامد وليه محكتيشى عن الشوم والعصا ال طول الليل بتنقلوا عربية سامى حامد وتمر من امام قهوة اباظة وليه محكتيشى عن الحاجات دى ولا دى مش مهمة فعلا مش مهمة يا رجل الحق .

وليه يا استاذ خالد مقولتش على الشاب ال رايح يدى صوته ولقا ضرب النار شغال فى المليان والرصاص دخل جسمه وبعدين سامى حامد كان داخل الجنة وكل ال هو طلبه لقاه وعلى فكرة هذا المرشح مطلوب لدى امن الدولة لاثارة الشغب ومطلوب التحقيق معه وليه مقولتش يا استاذ خالد ان الطريق ال قدام المدرسة الاعدادى كان عبارة وابل من الرصاص والله العظيم كلام بالفعل ولكن انا ابحث عن احد صور وفيديو هذا المنظر لاننا كنا مشغولين بمكان نختبئ فيه من رصاص المؤجرين على اهل بلدنا وفيه حاجات تانية يا استاذ خالد يلى بتقول كلمة الحق عشان خايف من ربنا يراجل حرام عليك تقلب الموازين وتغير الباطل حق .
كفـــــــــــــــــــــــــــــــــاك استفزاز

معلوماتك غلط محى حصل على 35 الف صوت ..

وهذا المقطع الصغير جزء من ضرب البلطجية من على بيت من عائلة حامد واسف لصغر المقطع ولكن استمعوا جيدا لصوت الاعيرة النارية وهى تقذف على اهل بلدنا .

حسبي الله ونعم الوكيل

ولكن خالد القطان الموجود معنا فى المنتدى هو خالد محمود عبدالعزيز القطان يااستاذ محمود

يلا طلع المعلومات المستخبية

انت قصدك على اسم خالد القطان بالكامل ما كل ال فى المنتدى عارفين انه خالد محمود القطان مش خالد محمد القطان

لا تعليق

اما بخصوص الانتخابات فسوف يكون هناك ملف كامل عن احداث الانتخابات وهناك مقاطع فيديو لكل شئ بس انا بدور على اى حد مصور فيديو ساعة ضرب الاعيرة النارية النارية على اهل البلد بس الى الان الفيديو الوحيد هو الفيديو القصير الذى تم تنزيله بس مين ال كان هيصور فى وقت كانت الاعيرة النارية تطلق بكثافة بس الحمد لله ..

نتيجة الانتخابات يا استاذ احمد لو سمحت

سيبك من الصور اللي حصل حصل وخلاص
عايزين النتيجة

الاعادة بين محى القطان وخليفة عباس على مقعد الفئات وعلى مقعد العمال ياسر منير وايهاب عتمان ولكن عدد الاصوات لااعرفه بالتفصيل بس محى القطان كان اعلى الاصوات وزايد عن اقرب واحد له ب 14 الف صوت .

ربنا يستر في الاعادة

حقه سامي كان محبوس حتى التاسعة في اللجنة
امال فين اللواءات وفين والمستشارين وفين اكبر عيلة في البلد
وفين شجيع السيما اللي ضرب نار زي الجبان من فوق الاسطح
اخ خالد ليس العيب على من حبس سامي
ولكن كل العيب على من تركوه
يا استاذ سامي انت مش قد اللعبة لا تدخلها
اهالي شباس الكرام يا من بينكم مصاهرة ونسب اتقوا الله فيما بينكم
كل واحد هنا مثقف ياريت هدوا اللعب
ارجعوا اهل شباس الى بعضهم
اعتقد اللعبة اتحسمت
ونجح الهلال مع الجمل



وكلب البلد ولا سبع برة

هذا للاسف يبدو ان سامى حامد من داخله طيب بدليل انه قامت شباس بحبسه قام هو فى البكاء فما كان من رجال شباس عمير ان قاموا باحضار كل شئ له من طعام وشراب هو ومن كان معه ويدعى القط حامد يبدو ان الاشخاص الذين اغرقوا به فى هذه اللعبة هم اول من باعوه وسامى حامد حاليا موجود لدى امن الدولة للتحقيق معه لاثارته الشغب فى قريته باطلاق عائلته النيران فى المليان على اهل شباس عمير فهل نفع سامى حامد هؤلاء الجبان الذين اغرقوه لانهم على دراية كافية بانهم جبان

بعيدا عن السياسه
لي تساؤل بسيط يا أدمن منتدى أبناء شباس عمير بصفتك أدمن و أرجو ان تجيب اجابه واضحه ,,,
و ياريت ما تكونش اجابتك انا سمعت .
ذكرت مره في مداخلتك ان سامي مطلوب في أمن الدوله .
و قلت مباشرة بعدها : ان سامي في أمن الدوله للتحقيق معه .
سؤالي لك : كيف عرفت ذلك ?
و هل كونك أدمن لمنتدى أبناء شباس يجعلك على علم بما يحدث في أمن الدوله ? من فضلك رد

لان حضرتك امبارح المدرعة الخاصة بأمن الدولة اخذته

شكرا علي كل المعلومات والاخبار اللي كشفت الحقيقهورغم اني من راي ان مافي احد راح ينفع القريه بشي لان كل شخص بيدور علي مصلحته وممكن سوال محي القطان نائب من كام سنه ايه الحاجات اللي عملها في السنين الطويله دي

سلملي على كفر البطيخ

غريبه يا استاذ أدمن
عمر نا ما سمعنا ان أمن الدوله له مدرعه
ده حتى اسمه جهاز مباحث أمن الدوله ...
مباااااحث
يعني في الكتمتم و أغلبهم مش معروفين ,,,
وعموما اللي تشوفه حضرتك مانته أدمن المنتدى ,,
و شكرا لردك

اسكت اللي يجيوا ياخدوك يا شارد
احنا غلابة يا خويه
هو احنا فين
والله ومانا عارف

يا جماعة ده حال الدنيا وجميع اعضاء مجلس الشعب كده ان وجدت القوة ولم تستخدمها فانت غبى او شريف مثل حمدين صباحى بس احنا عاوزينه يعاهد ربنا انه لو نجح تكون البلد اول اهتماماته

يا عز يا أخي
اعلم ان الأمة لو اجتمعت .......... الى اخر الحديث ,,صدق رسول الله
وقل لن يصيبنا الا ما كتبه الله لنا ,,,
و الله خير حافظا و هو أرحم الراحمين ,,,
و أخيرا لا نامت أعين الجبناء ....
سيبك انته ,, انته راجل زي العسل و روحك حلوه
ربنا يحفظك من كل شر,,
نهارك سعيد انشاء الله

اللهم قوي ايمانك
ونهارك فل
والللي يزعل من الحق يطق

يا سيد ما العهد من 40 سنة هو احنا اللي هنعيدة هنزيده

الضوء الشارد كتب:

غريبه يا استاذ أدمن
عمر نا ما سمعنا ان أمن الدوله له مدرعه
ده حتى اسمه جهاز مباحث أمن الدوله ...
مباااااحث
يعني في الكتمتم و أغلبهم مش معروفين ,,,
وعموما اللي تشوفه حضرتك مانته أدمن المنتدى ,,
و شكرا لردك

ان لم يعجبك ردى فلا تستهزئ بكلامى ومامعنى انى ادمن المنتدى لاحظ ان الكلمة تقيلة شوية وعلى العموم مشكورر على السخرية فى الرد ولاحظ ان احنا مثقفين ومتعلمين زى حضرتك ما متعلم

يا ادمن وسع صدرك

يا أخ أدمن : انا مندهش منك جدا لعدة نقاط و لن اطيل عليك : انا ش
سألتك بصفتك أدمن عن مداخله لك في موقع عام انت تمثل فيه ( أدمن )
كان ينبغي ان تحتفظ بصفتك كأدمن ولا تعلن تحيزك بصفتك أدمن برده مش بصفتك عضو , وأظن ده واضح ليك و للجميع ,,, ,,,
مداخلتك كانت باسم أدمن
ثم اني سألتك عن كلام انته قلته و دعني أعيده عليك و على الحضور عن نقطه واحده : سؤالي كان كيف عرفت بما يجري في أمن الدوله ?
سؤالي هذا جاء بناء على تصريحين متضاربين منك ,كالتالي .
قلت أولا ان سامي مطلوب في أمن الدوله
بعدها مباشرة قلت ان سامي في أمن الدوله للتحقيق معه ,
ولان كلامك يحمل التضارب في معانيه و لغرابة تصريحك كأدمن منتدى ابناء شباس عمير سألتك السؤال فكانت اجابتك ان مدرعة أمن الدوله أخدته امبارح ,,,,,,
و هذا تصريح ثالث متضارب مع التصريحين السابقين ,,, ألا ترى ذلك ? و هل انت لاحظت في ردودي استهزاء بشخصك او بعلمك و ثقافتك ? ! هل في كلماتي لك اي مساس بشخصك او بعلمك او بثقافتك ,,,,?
و لم تستخف بعقلي و عقل الاعضاء بتصريحات متضاربه يا أدمن ? أخيرا أقول لك ابتعد عن علمي و ثقافتي هذا ليس شأنك ...
ولا شخصي يهمك في شيء و لا يهم غيرك ,,,,,,
ناقش كلامي بموضوعيه ...
واترك للساده الاعضاء الحكم في الامر ان ارادو

بالنسبة لامن الدولة كنا زمان ممكن يكون فيه مخبر لامن الدولة عايش وسطنا من غير محد يعرفه دلوقتى المخبر بيعرف الناس كلها انه مخبر فى امن الدولة ثانيا هذه انتخابات يعنى مثلا مينفعشى مرشح فى مكان معين يكون مطلوب التحقيق معه ويقوم امن الدولة باخذ المرشح عينى عينك يبقا امن دولة ازاى يبقا الدنيا مش هتقوم وتقعد .

ولى سؤال ممكن تفسرلى قولك كلمة (وعموما اللي تشوفه حضرتك مانته أدمن المنتدى ,,) ياريت زى ما حللت كلماتى ممكن تحليلى هذه الكلمة

من فضلك خلي كلامك واضح
أولا :انت في تصريحاتك اللي كررتها عليك و على الاعضاء ,,, تصريحاتك كانت متضاربه ولا لأ ?
دي حاجه
ثانيا : انته ليه مش ملتزم بكونك أدمن ? بمعنى انك بتحيز واضح بتكتب مداخلات باسم أدمن .... هوه انت كده صح ?
ثالثا :,, انته لما تستخف بعقل كل الاعضاء بتصريحات متضاربه و في دقائق ,,, كيف تصف ذلك ?
رابعا : لم تجيب حتى الان عن سؤالي ,, كيف عرفت بما يحدث في أمن الدوله ?
خامسا :انا لم أتعرض لشخصك ولا علمك و لا ثقافتك حتى الان ,,, كنت اخاطبك بكونك أدمن ,,,
لم تتعرض انت لشخصي بالمقارنه انك زيي ولا أحسن في العلم و الثقافه و كيف عرفت ? ! انته بتنجم ولا ايه ?
سادسا : ارجو ان يكون حوارك موضوعي و مرتب و على مستوي يليق بك و بوصفك لذاتك ,,,
يعني بلاش ردود مرتجله زي ردك الاخير اللي مش واضح فيه انته عايز تقول ايه .

صبح صبح ياعم الحج
عارف هقولك حاجه غريبه قوى
انا مش بحب أشوف الفرخه وهى بتدبح
بس هقولك حاجه تانيه
أنا كنت واقف ف اللجنه اليفيها سامى حامد وشفته آلاف المرات
بس مش صعب عليه خالص والله مش عارف ليه
ممكن يكون القلب مات خلاص
بس بصراحه هو لسه ميت قبلها بنص ساعه
عارف لما تحس انك محاصر وحد هيخش المدرسه ويضربك بالنار
ومفيش عسكرى واحد
شوف بقه ياصاحبى قلبك هيموت ولا لا
بالله عليك
بالله عليك
تسكت أحسن
لو مشفتش حاجه
اسكت

استاذ اشرف...

بما انك شاهد عيان
ياريت تقولنا اللى حصل بالظبط بمنتهى الحيادية
ولكن
تذكر قول الله (( ما يلفظ من قول الا ولديه رقيب عتيد ))

ياريت تحكيلنا اللى انت شوفته واحنا نحكم ؟



قشطة

يا أخ الصعيدي : اذا كنت بتكلمني فأنا ماليش دعوه باللي انته قلته كله ,,
لا عايز اعرف كان شعورك ايه ساعتها ولا قبلها بنص ساعه و لا دلوقت ,
ولا يعنيني ما حدث من اي حد تجاه اي حد خالص خالص ,,,
مافيش حد اهبل في الدنيا ,,, يعني اللي عملو فاهمين ان ده مش قانوني و مش انساني و اللي اتعمل فيه عارف هوه داخل لعبه قذره زي الانتخابات دي ليه ,,,
‏ و اكرر انا ماليش دعوه باللي انته بتقوله لو كنت بتوجه كلامك ليا ,,,
و مالكش دعوه اسكت ولا ما سكتش ,,,,,,,,
اما اذا كلامك لحد تاني فاعتذر لك

يعنى حضرتك من الكلام بتاعى مش عارف انا باقول ايه والله انا كلامى واضح وصريح وانا مقولتش كلام متضارب يعنى حضرتك علقت على نقطة ان امن الدولة اخذه ومطلوب التحقيق معاه المعنى ياسيدى الفاضل يؤدى الى طريق واحد يعنى الكلام واضح اما طريقة معرفتى لما يحدث فهذه النقطة خاصة بى ومش حابب اعرفها لحضرتك لان دى حرية شخصية لى .

والله ياباشا انا مش شايف قدامى نجيب محفوظ ولا خيرى شلبى ....الخ ...ربنا يرحمنا جميعا ..


ومن ناحية الترتيب خلاص ياباشا بعد كده هعملك راس الموضوع وبعدين المقدمة واعملك احلى موضوع تعبير ومتزعلشى خالص .

وبعد كده ياباشا لما يحصل حاجة فى البلد هنقلى عكسى خالص يعنى لما ينضرب نار فى البلد هقول الدنيا كانت لذيذة وزى العسل ودى غلطتى مش غلطة حد وانا بعترف اهو ياباشا وانا غلطان ان نزلت الفيديو يا جماعة ومحدش يزعل منى وعلى رأى ابواكرم ومحمد عز العرب
لازم نقول

قشطــــــــــــــــــــــــــــــــة

بس عاوز اعرف غلطتى ايه

قشطة

غلطتك انك مش كنت واضح و صريح لما سألتك بصفتك أدمن ,,, لفيت و درت و قلتلي مدرعة امن الدوله كانك بتستخف ,,,,,,ليه ما قلتش و وفرت على نفسك و عليا وجع الدماغ و قلت من الاول دي حريه شخصيه و قلت انا عرفت ان امن الدوله خده او بيحقق معاه من مصادر خاصه مش هاقول علها ?انا كنت عايزك تبقى واضح كده مش تلف و تدور ,,,,
اخيرا لحد دلوقت بكلمك بصفتك أدمن . افهم يا عم .
ما جيتش ناحية شخصيتك ياللي مانتش نجيب محفوظ ولا خيري شلبي ....
انا يا متعلم زيي اللي خيري و نجيب ولا تزعل خالص ,,,
الحمد لله كده خلص الموضوع و اجابتك كانت واضحه المره دي ,,, انك عرفت اللي بيحصل في أمن الدوله من مصادر خاصه مش عايز تقول عليها لان دي حريه شخصيه و ده حقك ,.
اما خدوه ليه و عملو فيه ايه و ايه اللي بيحصل في البلد و انته تقوله ازاي بالعكس ولا بالضهر ولا بشمالك ,,, فانا ما جبتش سيرة الكلام ده خالص و مش عايز اتكلم معاك فيه .
مش عارف انته فهمت ازاي اني بانتقد اسلوبك في الحاجات دي ,,, و ارجوك تفكر قبل ما تتهمني باني عاجبني البلد و الي بيحصل فيها ولا مش عاجبني ,,, ده شيء ما يخصكش ,,,, و دي برده حريه شخصيه

يعنى فى المشاركة ال انا رديت عليك فيها انت مكنتش فاهم هيا بتتكلم عن ايه سبحان الله مع انى كنت برد عليك فى سؤال سالته ياجماعة بعد كده ال عاوز يعرف حاجة عن اخبار البلد يبعتلى على الخاص عشان برده محدش يزعل منى ..

ماحدش يعرف مقعد المرأة حصل فيه ايه
و فاطمة موسي في الاعاده و لا لأ

بس كده هتاكدلك بس هيا فاطمة موسى تخصك فى ايه

حد يعرف دايرة سيدى سالم حصل فيها ايه ؟

ما شاء الله ,,,
و نعم الادمنز ,,,
هوه انته كمان مراسل اخبار ?
مش كفايه انك مندوب لجنه انتخابيه بالامس ,
و ليك مصادر في أمن الدوله ,
و احلى حاجه انك بتشارك باسم أدمن ,,,
ما شاء الله

بعد ما تتأكدلي هقولك تخصني في ايه

خمسة وخميسة عين الحسود فيها عود
كلام فى سرك متقلشى لحد اصل حد يعرف ويزعل منى ولا حاجة
والاسم كمان غريب صح