السلام عليكم ورحمة الله وبركاته
ما رأيكم ياجماعة اننا ندشن تعلم اللغات الأجنبية كواحد من الموضوعات التي تدور حولها المناقشات بس ده حيحتاج ان الأخ ادمن يشرف بنفسه على هذا الموضوع حتي يمنع أي مناقشات لا تمت لموضوع اللغات وأقترح بداية دروس تعليم الإنجليزية وأقترح موقع البي بي سي ارابيك وعلينا اختيار الموضوع الذي تدور المناقشة حوله في مجال تعلم اللغة الإنجليزية .
1- طالما ان لدي حضراتكم القدرة على الدخول على الإنترنت بسهولة ولديكم بعض الوقت كل يوم ولو ساعتين ممكن البدء فورا .
2- تعلم اللغة الأجنبية سوف يفتح لحضراتكم آفاق جديدة تماما كما سوف يرتقي بأسلوب الحوار والمناقشة .
3- لو استطعنا زيادة عدد متعلمي اللغة الإنجليزية الى 200 شاب وفتاة في العام الواحد حيكون هذا انتقال بالقرية الي مرحلة مختلفة تماما .
4- بالنسبة لي شخصيا فأنا انهيت الحمد لله كل كورسات اللغة الإسبانية واعتقد ان في قريتنا من يجيدون اللغة الإيطالية سواء داخل القرية او في الخارج ونفس الشئ نعمله بالنسبة لها .
5- يمكن الإتصال بالمركز الثقافي الفرنسي في المنيرة او في كفر عبده في اسكندرية للتواصل معه في مجال تعلم اللغة الفرنسية .
6- محاربة عوامل الإحباط يعني ربما واحد يقول ودي حتفيدني في ايه ؟ حأقوله تعالي دبي كدة زيارة وشوف اللي مش بيعرف انجليزي هنا شكله ايه ؟ عامل زي الصم البكم الذين لا يعقلون وواخدها مشاورة وابتسامات وخلاص هههههههههههه
ولعل كل الوظائف الآن بتتطلب هذا الأمر ولغة واحدة كويس ولغتين احسن وثلاث لغات أحسن واحسن
عموما خلينا نبدأ ونشوف مدي الإستجابة والإستفادة

فكرة كويسة جدا بس ياريت الاستمرار فيها

والله ممتازة واحنا معاك يا باشا

http://www.voanews.com/learningenglish/home/

https://www.youtube.com/watch?v=V1ImTvNXyzY

http://www.bbc.co.uk/arabic/learningenglish/
دي بعض المواقع الهامة في مجال تعليم الإنجليزية ولو فيه حد عنده مواقع اخري او افكار اخري يا ريت يعرضها علشان زملاؤه يستفيدوا وجزاكم الله خيرا

معاك يا متر انت عارف انا بحب العانجليزى اوىىىىىىىىى

ممتازة يا متر خدنى معاكم

الرابط الأول ده اسمه اسبيشيال انجلش يعني انجليزي خاص وخصوصيته تأتي من كونه ينطق بإيقاع بطئ وهادئ ويمكن تميير الكلمات ، طبعا بالنسبة للمعني حضراتكم عارفين ان فيه مترجم الكتروني وقواميس وكدة ويمكن تحميل هذه الملفات الصوتية وبالنسبة لملفات الفيديو يمكن تعديلها لتصبح ملفات صوتية لتحميليها على الإم بي ثري وبكدة ممكن كل واحد يستغل وقته كويس اثناء الذهاب للعمل والعودة انه يسمع ملف صوتي ويكرره عدة مرات ، انا شخصييا اتعلمت انجليزي بطريقة بدائية جدا عن طريق التكرار ، كل يوم كنت بأذهب مع صديقي عصام ابو يوسف الغيط وأقعد احفظ كلمات ويوم ورا يوم حبيبي مشي الحال ، الأمر الآن أكثر يسرا وده اللي انا اتبعته في تعلم الإسباني وكانت الأمور ايسر كثيرا لأني كنت بأقعد اسمع الملف الصوتي مائة مرة واكتر لحد ما احفظه

انت عاوز تعلمنا انجيزى بالعربى هو ايه اسبيشيال انجلش وبعدين اكتب الرابط

كلمنى ع الياهو يا عم بقى

يا أبا الزهراء انا لا اعلمكم فأنا لست مدرسا ولكن هذه فكرة للتفاعل بشأن الموضوع وانا شخصيا سأحاول جهدي ان استفيد من افكار حضراتكم جميعا واتعلم معكم لكن انا لم أؤت من العلم ما يؤهلني اني اعلم أساتذه واطباء ومهندسين دي مهمة صعبة وانا غير قادر عليها غير راغب فيها لكن نتفاعل جميعا والأهم ان نجعل شباب البلد يتفاعل مع الفكرة ، حتي يمكن خلق كوادر بشرية في البلد طالما ان السياسة قضت على الكوادر ، كذلك الغرض من ذلك رفع المستوي المادي للناس عن طريق محاولة ايجاد فرص عمل لناس مؤهلة بوسائل العصر ، ولعلمك لن يستجيب أكثر من تلاتة في المائة من الشباب وهذه نسبة عالية وكافية .

انت استاذ يا متر ونفسك معانا بس انت مستخبى منى النهارده ليه

اعتبرنى من التلاتة فى المية يا أستاذ
معاك فى كل اللغات حتى لو هتعلمنا أمازيغى

السلام عليكم يا دكتور يا فندم دا شرف كبير لي طبعا . على فكرة احنا قرايب لان جوز عمتي رضوان الغريب

يلا المسلمين كلهم قرايب

السلام عليكم أستاذ محمود
معلش حكاية الحاج رضوان الغريب دى بعيدة شوية
أصل الغريب دى كنية مش لقب
بس انت حبيبى يا أستاذ محمود
حتى اسأل الدكتور طارق. كلمة السر اللى بينى وبينه (الصول مرسى)

ونعم الفكرة والله احنا فعلا محتاجينها خالص وربنا يخليك للغلابة

بعد اذن الأستاذ محمود
ضمن سلسلة تعلم اللغة الإنجليزية
تستطيع أن تشاهد وتسمع التلاوة وكذلك تشاهد وتسمع الترجمة
وتستطيع اختيار المترجم الذي ترغب به إلى أكثر من لغة
قرآن اكسبلورر ... رائع
http://www.quranexplorer.com/quran/

السلام عليكم ، أهو ده تطوير للفكرة ويفيد جدا الجماعة بتوع الأزهر ، بالمناسبة دي حأقولكم علي حكاية ، مرة كنت بأقرأ ترجمة القرآن بالإنجليزي وجيت عند سورة المجادلة وقرأت العنوان لقيته the woman who argues ودي كانت اول مرة اعرف فيها انها سورة المجادلة بكسر الدال ، في حين كنت متوقع انها سورة المجادلة arguement شكراا يا دكتور

السلام عليكم ، أهو ده تطوير للفكرة ويفيد جدا الجماعة بتوع الأزهر ، بالمناسبة دي حأقولكم علي حكاية ، مرة كنت بأقرأ ترجمة القرآن بالإنجليزي وجيت عند سورة المجادلة وقرأت العنوان لقيته the woman who argues ودي كانت اول مرة اعرف فيها انها سورة المجادلة بكسر الدال ، في حين كنت متوقع انها سورة المجادلة arguement شكراا يا دكتور

وعلي فكرة يا جماعة الأزهر بيرسل بعثات الخارج وأغلبهم ما بيعرفوش انجليزي ومرتب الواحد بيوصل خمس آلاف دولار احيانا مع انهم ما بيفهموش اي حاجة في اي حاجة ، إنما السنة دي فضيلة شيخ الأزهر أصدر قرار انه ما يروحش البعثات دي غير اللي بيعرف لغة اجنبية للبلد المبتعث اليها