اقترح ان يتغير اسم البرلمان من مجلس الشعب المصري الى مجلس الحزب الوطني .
و ان تنتقل الأمانه العامه للحزب الوطني الى مقر المجلس ,
و يتم خصخصة موقع الأمانه الحالي بما فيه المجلس الأعلى للصحافه الموجود في الامانه العامه للحزب الوطني ,,,
(موقع حلو و حتة حلوه تجيب قرشين كويسين ينفعوا البلد برده )...... .
و اهو قيادات الحزب الوطني يوفروا الوقت اللي بيضيعوه في الواصلات بين الامانه الحاليه و المجلس ,,, و يشوفوا شغلهم و يخلصوا ,,,, و اهو زيتنا في دقيقنا

طيب يا تري الحزب هيوافق بالتغيير ده
هههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههه
ههههههههههههههههههههههههههههههه

اقتراح بناء وجى فى وقته
كمان برده على رايك يوفر وقت وجهد رجالة الحزب الوطنى اصل همه ياحرام بيتعبوا قوى
وكمان نوفرلهم فلوس المواصلات علشلن معندهمش عربيات
طب هتيجى منين العربيات وهمه مضيعين كل وقتهم فى خدمة مصالح الناس

وانا اقترح تغير اسم البرلمان الي البرطمان لان الاعضاء جميعا تم تعبئتم في برطمان من لجنة السياسات في مجلس الحزن الوطني

شوفوا وركزوا فى الصور علشان تشوفوا ثقافة اعضاء المجلس الموقر

(اللهم افتح بيننا وبين قومنا بالحق وأنت خير الفاتحين) دى ممكن تعدى يا أبو حبيبة . الغلطة فى كلمة واحدة . مش مشكلة ربنا بقت اللهم ممكن تعدى .
انما (بسم الله الرحمن الرحيم .إن لله عبادا اختصهم لقضاء حوائج الناس . صدق الله العظيم) دى فى سورة ايه ؟؟

ونعم الجهلاء
بالروح بالدم نفديك يا جهل

السلام عليكم
وأنا بأقترح على الحزب الوطني إنه يغير رمز الجمل ده علشان قدم شوية ويشوف رمز أخر بفكر جديد
طيب ندور فين ؟ هو الجمل بيكون فين ؟ في الزريبة .
ماشي نخش الزريبة ونختار رمز جديد .
الحمار ؟ ما أظنش يوافق
الجاموسة ؟ دي كانت تنتحر وترمي نفسها في بير الكباس وتندبح على ذمة صاحبها .
المعزة ؟ دي عندها كرامة ومش حترضي
بااااااااااااااس وجدتها
قرص الجلة ، قرص الجلة هو أحسن رمز وكمان مش حيقدر يقول لأ ولا يعترض
علم علي قرص الجلة ،
قرص جلة لكل مواطن
طرح مائة الف قرص جلة على بطاقات التموين .
تخلص من مطبخك القديم واطبخ علي قرص جلة .
توفير نصف مليون فرصة عمل جديدة في مدينة ستة اكتوبر في مشروعات جمع اقراص الجلة من ورا البهايم .

قشطة يا كبير

بس كده البلد هتبقى ريحتها وحشة

أنا أقترح إن رئيس الحزب الوطنى اللى هو بسم الله الرحمن الرحيم اللى بالى بالكم يعين نواب المجلس ويعين كمان نواب المعارضة . اللى هو شايفه صح يعمله .