برأيك : لماذا أراد الحزب الوطني الحاكم للمحروسه برلمان 2010 له وحده بدون معارضه ? ?
لماذا يريد الرئيس هذه الدوره جلسه مغلقه للحزب الوطني فقط و مقتصره عليه و على اعضائه و منسوبيه و رجاله ?
لماذا يحتفظ الرئيس ب سرور و شريف و غالي و هلال و عزمي و كل الوجوه القديمه التي تشبه قدماء المصريين حتى بعد خراب مالطه ? ?

عشان ج
م
ا
ل

صباح الفل عليك ,, والله بتوحشني

صباح العسل والفل والياسمين والله انت اكتر

ج
م
ا
ل
مش محتاج ده كله وبعدين هو إحنا يعني لو صحينا من النوم لقينا جيمي ماسك بدون انتخابات ولا حاجه ها تحصل
يمكن ده كله عشان سرور كبر في السن شوية ومبقاش فاضي لي وجع الدماغ والمعارضه كل شويه
مع إن الداده ام عطيات الشغاله قالتها زمان

خلقنا لنعترض

احنا يا جماعة لو صحينا من النوم مالقيناش واحد من الناس دى هنزعل خالص
أصل احنا اتعودنا عليهم خلاص . أنا شخصيا مش بأعرف أنام غير على صوت سرور. وصورة البلبل (شريف) متعلقة فى أوضة الأولا ومش بيعرفوا يناموا وهى مش موجودة . يعنى انتو يرضيكم الولاد مايعرفوش يناموا ؟
وطبعا انتو عارفين ان صورة (اللا) مبارك موجودة فى كل حتة حتى فى الحمامات العمومية.
يا جماعة احنا أخدنا على الذل لدرجة اننا حبيناه
بس أنا عندى كام سؤال كده خارج الموضوع محيرنى معلش يعنى:
هو ليه رئيس الحكومة اسمه نظيف ومفيش حاجة فى مصر أو.......من الحكومة؟
ورئيس البرلمان اسمه سرور رغم ان النكد راكبنا؟
ورئيس الشورى اسمه شريف ومفيش ادنى من كده؟
ولا وزير المالية اسمه غالى والشعب أرخص حاجة فى الدنيا؟؟؟؟؟

قشطة بالهبل

هز يا وز قصدي يا عز

سيبك م الهز يا عز
البلد كلها هتهز مش انته لوحدك ...
و اجباري مش اختياري و بكره أفكرك

هزيت يا عز ? ولا لسه ?

عز العرب :
فاكر الكلام اللي اتقال في الصفحه دي ?!

شفت اللي جرى في الدنيا ?!

راااااح جماااااال

و رااااح سرور

و البلد كلها هزت زي انا ما قلتلك
هزت ايه

دي هزت العالم كله
بأعظم ثوره في التاريخ

بس يا حبيبي لازم الحكومة دي تنشال كلها من بواقي النظام الفاسد
وزير البترول الجديد هو المسئول السابق عن تصدير الغاز لاسرائيل

و نقول تاني :
كتر التكرار يعلم الشطار

لما كان في مصر ما كان من زمن الثوران حتى الان ,,,,

فإن ما يهمني الان هو إخماد الثوران المضاد

يعني

إخماد نيران الثورة المضاده و التي إشتعلت في صدور المسفيدين السابقين من النظام السابق الحزين

و التي تتمثل بمحاولة المشعلين للثورة المضاده للنيران بين مختلف طوائف الشعب

فإنني أقرر:

ان الاهتمام بأخبار الاسلاميين و السلفيين و المجاهدين و محاولة تخويف الناس منهم و محاولة تصويرهم كالشياطين أو كأنهم من الجان الشريرين ,,,, اللذين يريدون حرق الشعب المسكين ,,,

كل هذا من أفعال الثورة المضاده ...
كل هذا خيانة للثورة ...........
خيانة للشعب الذي ظلم 30 سنه

الى كل من يحمل ذرة من ضمير
الى كل من يجد في قلبه مثقال ذرة من رحمة و إيمان

اقول:
ابتعد عن إشعال نار الفتنة بين الناس باهتمامك لنقل الأخبار التي تثير الفتن أو بإعطاء هذه الأخبار زخما إعلاميا يمتد أثره الى واقع الحياه فتقوم الحرب بين طوائف الشعب ...

الفتنة أشد من القتل