|
| كاتب الموضوع | رسالة |
|---|
الضوء الشارد معلومات اضافية الجنس :  العمل :  العمر : 54 عدد المشاركات : 290 تاريخ الانضمام : 23/11/2010 | | ايه رأيك ? 14/12/2010, 6:34 am |
| ايه رأيك في ما قاله الرئيس مبارك من أنه يأسف لما حققته المعارضه من نتائج سيئه في انتخابات مجلس الشعب الأخيره ? ?
يأسف .....
يعني المعارضه الفاشله صعبانه عليه ياحرااام ....
و ما رأيك في فوز فتحي سرور برئاسة مجلس الشعب للمره ال 21 على التوالي بأغلبية ماحقه ساحقه لا ترد و لا تصد ,, والتي حصل فيها منافسه على رئاسة البرلمان , رئيس حزب العداله الاجتماعيه ( اللي ما حدش يسمع عنه ) حصل فيها على صوته فقط .....? ? !
ايه السياسه الجميله اللي في بلدنا مصر دي .....
هيه دي الديمقراطيه ولا بلاش ....
ولا ايه رأيك عزيري القارئ ? |
|
|
abo_akram2410 معلومات اضافية الجنس : العمل : العمر : 43 عدد المشاركات : 348 تاريخ الانضمام : 30/06/2009 | | رد: ايه رأيك ? 14/12/2010, 7:59 am |
| طيب ايه رايك انت يا عم :: فيما قاله الرئيس مبارك فى مؤتمر الحزب الوطنى الاخير فى بداية شهر نوفمبر قبل الانتخابات..قال باللفظ فى الفيديو المرفق (( ياراجل إنت عاوزنى أنا أقرأ كل ورقة تجينى ... ياعم كبر مخك ))... رحم الله سيدنا عمر . رضى الله عنه .. يقول لو عثرت بغلة فى الشام لسئلت عنها لماذا لم تسو لها الطريق ياعمر فكم واحد فى مصر لقى حتفه على أيدى نظامك ياكبير المخ طويل الأجل غير المنصور على من يعاديه هاى هى https://www.youtube.com/watch?v=TmnyoiJcSmo أشوفكم فى ابوزعبل قريب بقى بعد الرد ده  قشطة |
|
|
الضوء الشارد معلومات اضافية الجنس : العمل : العمر : 54 عدد المشاركات : 290 تاريخ الانضمام : 23/11/2010 | | رد: ايه رأيك ? 14/12/2010, 9:36 am |
| يا راجل .....!!!
غير المنصور ليه ? !
ما هو محقق احلى نصر على 80 مليون اهوه .....
أغلب الشعب مش بيحبه و بيهتفوا باسمه .
مش طايقينه ولا طايقين سيرته ولا هوه ولا ابنه و بيموتو في بعض عشان خاطر يستنى للابد هوه و احفاده في حكم البلد .
جوع الشعب و سكنه في مقابر و راضيين بحكمه و بحكمته ..
شرد 8 مليون زهره مصريه بره البلد مطرودين من رحمته و مسك الحراميه زمام أمور باقي الشعب .
حاكم البلد 30 سنه بقانون الطوارئ و الشعب بيحمد ربه ع الحريه .
دوله بوليسيه 100 % و الشعب مقتنع ان دي الديمقراطيه .
مش منصور ازاي بقاااااه ....
صاحب الضربه الجويه الارضيه الشماليه الغربيه العكسيه الاتيه من وراء المحيط الاطلنطي ....
واحيانا من تل أبيب ,,,,
|
|
|
abo_akram2410 معلومات اضافية الجنس : العمل : العمر : 43 عدد المشاركات : 348 تاريخ الانضمام : 30/06/2009 | | رد: ايه رأيك ? 14/12/2010, 10:20 am |
| بعد كل التعريفات دى .. خلاص يا باشا نقول طويل العمر كبير المخ أبو علاء شريكى فى القهوة المنصور على من يعاديه هاى هى قشطة |
|
|
محمد عزالعرب معلومات اضافية الجنس : العمل : الاقامة :  العمر : 43 عدد المشاركات : 1775 تاريخ الانضمام : 11/04/2010  سبحان الله وبحمده سبحان الله العطيم | | رد: ايه رأيك ? 14/12/2010, 11:16 am |
| - abo_akram2410 كتب:
- بعد كل التعريفات دى ..
خلاص يا باشا
نقول
طويل العمر كبير المخ أبو علاء شريكى فى القهوة
المنصور على من يعاديه هاى هى
قشطة قشطة يا كينج طاايب وصلنا بقه على اتنين شاى فى الخمسينه وحجريين شيشه تفاح مع واحد بن محوج للضوء الشارد عشان دماغه العاليه وطبعا ده على حساب ابو ِعلاء شريكك فى القهوه بتاعة ابو زعبل اصله عاملها مخصوص عشان الناس اللى دماغها متكيفه ده راجل مخه كبير وفاهم وطويل العمر يطول عمره وينصره علة من يعاديه هاى هى قشطة |
|
|
أبو مارية معلومات اضافية الجنس : العمل :  الاقامة :  العمر : 43 عدد المشاركات : 934 تاريخ الانضمام : 29/08/2010 بدأ الاسلام غريبا وسيعود غريبا كما بدأ. فطوبى | | رد: ايه رأيك ? 14/12/2010, 1:15 pm |
| أنا رأيى فى اللى قاله بسم الله الرحمن الرحيم الريس
كتر ألف خيره زى ما قال السادات
يا عم شارد
عاشت مصر حرة مستقلة |
|
|
Nour Elsaid معلومات اضافية الجنس : العمل :  الاقامة : العمر : 35 عدد المشاركات : 212 تاريخ الانضمام : 20/07/2010 | | رد: ايه رأيك ? 14/12/2010, 9:42 pm |
|
قلبي علي بلدي انفطر
وقلب بلدي عليا حجر
|
|
|
الضوء الشارد معلومات اضافية الجنس : العمل : العمر : 54 عدد المشاركات : 290 تاريخ الانضمام : 23/11/2010 | | رد: ايه رأيك ? 31/12/2010, 3:39 am |
| الحقوا : الراجل الطيب بتاع حزب العداله الاجتماعيه ( وعلى فكره ده اسم كتاب عظيم لرجل كتب تفسير كامل للقران .. الكتاب اسمه . . العداله الاجتماعيه في الاسلام ...) .. من اسم الكتاب تفهم ان الكاتب شرح معنى العداله الاجتماعيه فب الاسلام ... لكنه لم يقصد ذلك .. هو يتكلم عن ان العداله الاجتماعيه موجوده فقط في الاسلام ... و قيل ان هذا الكتاب قتل صاحبه .... حزر فزر مين كاتبه.........
المهم عشان ما نروحش بعيد :
الراجل اللي اترشح لرئاسة مجلس الشغب . حصل على صوت واحد ,, و لم يكن صوته هوه ... كان صوت احد الاعضاء ..
انما هوه صوت لصالح سرور ...
شفتوا الذوق و الانسانيه !!! |
|
|
ahmedisma3el معلومات اضافية الجنس : العمل : العمر : 51 عدد المشاركات : 48 تاريخ الانضمام : 21/10/2010 | | رد: ايه رأيك ? 31/12/2010, 7:31 am |
| أنا مش هأقولك مين صاحب الكتاب . بس هأقولك ان هو كتب :
هبل .. (إله العرب المشهور)
هبل... هبل رمز السخافة و الدجل
من بعد ما اندثرت على أيدي الأباة
عادت إلينا اليوم في ثوب الطغاة
تتنشق البخور تحرقه أساطير النفاق
من قيدت بالأسر في قيد الخنا والارتزاق
وثن يقود جموعهم ... يا للخجل
هبل ...هبل
رمز السخافة والجهالة والدجل
لا تسألن يا صاحبي تلك الجموع
لِمن التعبد والمثوبة والخضوع
دعْها فما هي غير خِرفان ... القطيع
معبودُها صَنَمٌ يراه .. العمُّ سام
وتكفل الدولار كي يُضفي عليه الاحترام
وسعي القطيع غباوة ً... يا للبطل
هُبلٌ ... هُبلْ
رمز الخيانة والجهالة والسخافة والدجل
هُتّافة ُ التهريج ما ملوا الثناء
زعموا له ما ليس ... عند الأنبياء
مَلَكٌ تجلبب بالضياء وجاء من كبد السماء
هو فاتحٌ .. هو عبقريٌ مُلهمُ
هو مُرسَلٌ .. هو علم و معلم
ومن الجهالة ما قَتَل
هُبلٌ ... هُبلْ
رمزُ الخيانة والعمالة والدجل
صيغت له الأمجاد زائفة فصدقها الغبي
واستنكر الكذب الصّراح ورده الحرّ الأبي
لكنما الأحرار في هذا الزمان هُمُ القليل
فليدخلوا السجن الرهيب و يصبروا الصبر الجميل
ولْيَشهدوا أقسى رواية .. فلكل طاغية نهاية
ولكل مخلوق أجل ... هُبلٌ .. هُبلْ
هُبلٌ .. هُبلْ
|
|
|
حسن الجرن معلومات اضافية الجنس : العمل : العمر : 70 عدد المشاركات : 139 تاريخ الانضمام : 10/12/2010 | | رد: ايه رأيك ? 31/12/2010, 10:59 am |
| لا تزعل اذا احدهم فضل شخص آخر عليك لأنه من الصعب إقناع القرد بأن الفراولة أشهى من الموز. حكمة اليـــــــــــوم ارمي حبيبك من السطح.. فان عاش فهو لك.. وان مات فهو ليس لك منذ البدايه |
|
|
أبو مارية معلومات اضافية الجنس : العمل : الاقامة : العمر : 43 عدد المشاركات : 934 تاريخ الانضمام : 29/08/2010 بدأ الاسلام غريبا وسيعود غريبا كما بدأ. فطوبى | | رد: ايه رأيك ? 31/12/2010, 11:16 am |
| ايه اللى انت كاتبه ده يا أستاذ حسن؟
الموضوع اسمه إيه رأيك ؟
هو ده رأيك؟؟ |
|
|
الضوء الشارد معلومات اضافية الجنس : العمل : العمر : 54 عدد المشاركات : 290 تاريخ الانضمام : 23/11/2010 | | رد: ايه رأيك ? 31/12/2010, 1:55 pm |
| طب يا أستاذ حسن خليها : كوز المحبه اتخرم ,, إديله بنطة لحام و خلاص ...
|
|
|
الضوء الشارد معلومات اضافية الجنس : العمل : العمر : 54 عدد المشاركات : 290 تاريخ الانضمام : 23/11/2010 | | رد: ايه رأيك ? 31/12/2010, 2:01 pm |
| والا أقولك : سيب حبيبك على هواه ,,
لحد ديله ما يلزق في قفاه ...
و على رأي المثل : يا مامنه للرجال يا مامنه للقرد في السنغال ... |
|
|
أبو مارية معلومات اضافية الجنس : العمل : الاقامة : العمر : 43 عدد المشاركات : 934 تاريخ الانضمام : 29/08/2010 بدأ الاسلام غريبا وسيعود غريبا كما بدأ. فطوبى | | رد: ايه رأيك ? 31/12/2010, 2:34 pm |
| أو خلوها : خد بختك من حجر اختك |
|
|
|
