محافظ كفر الشيخ أصدر قراراً بمنع تحفيظ القرآن في البيوت إلا بترخيص!"
أكتب فى محرك البحث (وقعنا فى المحظور) علشان تشوف الخبر

طيب لو ده حصل فعلا ,,
الحكومه هتعرف إن فيه أب أو أم بيعلموا ابنهم او بنتهم القران في البيت إزاي ??

و لو عرفوا هما هيتصنتوا على الشبابيك كمان عشان يظبطوهم متلبسين ??

اعتقد ان الكلام ده حصل من جلالة المحافظ , يبقى مناوره سياسيه بس مش أكتر , بيجامل الاقباط مش أكتر ,,
بس هنا أسأل :
التفجير كان في اسكندريه ,,
أمال محافظ اسكندريه عمل ايه يا ترى ??

يا اخى الحبيب هى مش مستاهله تصنيت على الشبابيك
هو انت ما سمعتش عن العصافير ولا ايه ؟؟

العصافير اللي هيه الطيور ,, بتنام بالليل ,,
و منها أنواع اسمها عصافير الجنه ,, مش ممكن دي تزعل أما تسمع القران الكريم بيتقرأ و يتحفظ ,,,

أما اذا كان قصدك ع العصافير اياها فدول ما بيناموش أساسا ,,, و أكيد هيزعلوا لو سمعوا القران ,,, مش كده ?!
و هيبلغوا في البيت و الحكومه تيجي و يسجنوا الاب و مش بعيد يجلدوه و ياخدوا الابن ع الاحداث عشان يتعلم و يتأهل و يتربى هو و اللي جابوه ,,

سامحني مالهاش غير كده

هى العصافير اياها دى ؟؟

ياريت يا ابوصهيب تجيب مصدر الخبر

يا بقوش اكتب فى محرك البحث ( وقعنا فى المحظور ) وهيطلعلك مصدر الخبر

فتحنا موقع جوجل البحث وكتبنا وقعنا فى المحزور لم نجد لهذا الخبر اى دليل او معنى ياريت يا ابوصهيب تجيب مصدر الخبر0

السيد المهندس / أحمد زكي محمد حسن عابدين محافظ كفر الشيخ لايمكن ينتج عنة هذا التصريح علما بنة بيحب شباس جدا بخلاف باقى المحافظة وانة اعتمد مبلغ 1006400 مليون وستمائة واربعمائة جنيها لاستكمال التحجير بالبلد ورصف مداخل القرية وشوارع داير الناحية وجار اصدار مدينة شباس عمير فى خلال عام 2011 هذا العام ثم استكمال رصف باقى شوارع المدينة الجديدة

http://www.shorouknews.com/Columns/Column.aspx?ID=371000

يا أستاذ / حسن
بيقول وقعنا في المحظور ,
مش
المحزور

إذا صح أن محافظ كفر الشيخ أصدر قرارا بمنع تحفيظ القرآن فى البيوت إلا إذا كان القائم على الحفظ إما مرخصا له من وزارة الأوقاف أو مندوبا عن إحدى الجمعيات الأهلية التابعة لوزارة التضامن الاجتماعى،

فذلك يعد تعبيرا عن حالة التخبط والارتباك التى وقع فيها البعض بعدما وقعت الواقعة فى الإسكندرية ــ ذلك أنه بمقتضى هذا القرار فإن حفظ القرآن أصبح غير مسموح به فى البيوت إلا إذا تم تحت إشراف الحكومة أو من يمثلها.

وليت الأمر وقف عند ذلك الحد، لأن ذلك التخبط عبرت عنه مختلف وسائل الإعلام المصرية، التى امتلأت بكتابات حين حاولت أن تتعاطف مع الأقباط وتنصفهم، فإنها لجأت إلى اتهام المسلمين ومحاولة تحميلهم بالمسئولية عن جرم لم يرتكبوه.
بل ظن البعض أن إضعاف الإسلام فى البلد وطمس هويته الإسلامية مما يقطع الطريق أمام احتمالات الفتنة التى بدأت تلوح فى الأفق. وبدا فى كتابات هؤلاء أنهم اتخذوا موقفا معاكسا تماما لمن قالوا بأن الإسلام هو الحل، فحاولوا إقناع الرأى العام بأن الإسلام هو المشكلة.

اعتقد يا جماعة ممكن يكون هناك سوء فهم لكلام المحافظ ليس الا ..

يا رب يا أحمد يا أخويا يكون اللى احنا فهمناه ده غلط .

اكيد يا ابوصهيب ان شاء الله ممكن يكون قصد المحافظ ان كل من يريد تحفيظ القران الكريم يكون لديه القدرة على نطق الكلامات واجادتها بشكل صحيح ويكون لديه شهادة موثقة من الازهر او نقابة مقرئي القرآن الكريم حتى يقوم المعلم للقران بتحفيظ الناس القراءة الصحيحة والنطق الصحيح ..

الاقرب الى الصواب وهو الصحيح :


ان محافظ كفر الشيخ أصدر قرارا بمنع تحفيظ القرآن فى البيوت وهى الكتاب إلا إذا كان القائم على الحفظ إما مرخصا له من وزارة الأوقاف أو مندوبا عن إحدى الجمعيات الأهلية التابعة لوزارة التضامن الاجتماعى او القرءات المجودة لتحفيظ وتجويد القران والمعنى فسر خطأ او كل واحد فسرة على هواه وحسب نيتة 0
ملحوظة :
العمل جارى الان فى رصف طريق شباس كوبرى تاج الدين 0 واعتمد المحافظ 260 الف رصف طريق شباس بحر المنايفة شباس الشهداء وتدبيش جوانبة من ناحية المياه وهذا بخلاف المبلغ المعتمد لرصف شوارع مدينة شباس عمير2006400 مليون جنية 0

مشكور استاذ حسن على هذه المعلومات وربنا يعمل ال فيه الخير لاهل البلد شباس ويارب نشوف مدينة شباس عمير طبعا هتبقى احسن مدينة ان شاء الله .

جزاكم الله خيرا
اللهم أصلح لنا نياتنا

في المشمش يا بقوش

والمحافظ معذور يا ابو صهيب عشان عايز يكون اول واحد دخل في بيت العائلة
اعتقد انت فهمت الحين اول شروط بيت العائلة المصرية
1- ان تتخلى عن دينك
2- ان تتحلى بالعلمانية الجميلة وتبعد عن معالم الاسلام البغيضة
3- ان تكون شيوعيا او نازيا او راسماليا او علمانيا اما مسلاما فلا

ننكر بشدة ما حدث في الاسكندرية لانه ضد تعاليم ديننا الحنيف
ولكن ليس بمولاة اليهود والنصارى فمن ولاهم فهو منهم
ومن لم يؤمن بمحمد ورسالته فهو كافر
نوضح هذا حتى لا يسى فهمنا

والله أنا شايف كده يا عم عز
بس كل ما أقول رأى فى حتة عن واحد من الحكومة ألاقى الناس زعلانة منى

اللي يزعل من الحق يطرشق

هي موته ولا اتنين

دول كمان بيتهمونى بسوء النية .
رغم ان مفيش حد يعرف النيات غير الله
انت شوفت موضوع الازهر والكنيسة؟

لالالالالالالالالالالالالالالالالالا

إذا كان المحافظ يخاف على القران و اتخذ هذا القرار بحسن نيه ,,,,

فهل توقيته أيضا بحسن نيه ??

بمعنى

إشمعنا اليومين دول ??

ليه بعد الضجه اللي اتسببت فيها تفجيرات الكنيسه ??

و هل هذا القرار من محافظ لا يحمل في مضمونه تحميل مسؤلية التفجيرات للمسلمين ??

و هل هذا القرار لا يحمل في مضمونه إرضاء للنصارى ??


اللهم اصلح حال المسلمين في كل مكان

بعد أقل من ثلاثة أيام من تفجير الكنيسة قرر محافظ الأقصر هدم مسجد النور التابع لجماعة أنصار السنة السلفية بمنطقة العوامية جنوب المدينة مما أدى إلى تظاهر 500 شخص ضده، حسب موقع "الأزهر اليوم" نقلا عن جريدة "المصري اليوم".

تبرير المحافظ للهدم أن المسجد يلاصق حمام السباحة الأولمبي الذي تجري به تشطيبات غير ضرورية لتطويره، رغم أن المسجد مقام منذ سنوات طويلة.

أكيد المحافظ ده كمان نيته حلوه و اللي نيتهم وحشه هم / عز العرب ,,, و انا و انته , و رقصني يا جدع عشان الناس اللي نيتهم حلوه

ياترى نمرة مين اللى بعد كده ما هو كله عاوز يجمل فى فرح ابن العمده
وعقبال البكاارى

قبل شهر من هدم المسجد لم يجرؤ على هدم كنيسة انجيلية تقف في طريق تطوير طريق الكباش وانشاء أكبر متحف مفتوح في العالم إلا بعد الانتهاء من بناء كنيسة بديلة خلال مدة محددة يتم الاتفاق عليها بعد إعداد الرسومات الهندسية.
وخصص قطعة أرض لذلك على مساحة ٢٠٠٠ متر مربع، يشغل مبنى الكنيسة منها مساحة ٨٥٠ متراً مربعاً، وإلى جوارها مكتب وسكن خاص لراعى الكنيسة، بتمويل كامل من الدولة.

عز العرب كتب:

في المشمش يا بقوش

ان شاء الله هتبقى احسن مدينة وطبعا هيا احسن قرية بناسها الطيبين

ويمكرون ويمكر الله والله خير الماكرين

ليفعلوا مايفعلوا وليقولوا مايقولوا فإن لهذا الدين رب حافظه على مر الأزمان والسنين

وكل مازاد العنف ضد الإسلام والمسلمين كلما زادت الأعداد التي تدخل في الإسلام

فاللهم إنا نجعلك في نحورهم ونعوذ بك من شرورهم

اللهم كل من أراد بالإسلام أو بالمسلمين سوؤا فاشغله في نفسه واجعل تدبيره تدميره يارب العالمين

اللهم آمين