الشعب المصري يريد طرد السفير الاسرائيلي والحكومه تحافظ علي وجوده
التطبيع مع اسرائيل يرفضه الشعب المصري ولكن الحكومه تستمر في تطبيقه
تصدير الغاز المصري الشعب يرفضه والحكومه تنفذه
الحكومه المصريه لا تهتم بالشعب المصري المطحون مثلما تهتم بعلاقتها مع اسرائيل وامريكا
كل ما يريده الشعب المصري تتجاهله الحكومه المصريه والحزب الوطني في مجلس الشعب والشوري لان اغلب اعضاء مجلس الشعب والشوري هم تابعين للحزب الوطني

اعتقال المعارضون وحتي المدونين علي النت ثم تكذب الحكومه وتقول نحن نحترم الحريات والديموقراطيه
وهل من الديموقراطيه ان ياتي الرئيس بابنه ليجعله رئيس السياسات مع رفض الشعب لهذا

لماذا ولمتي هذا الظلم ضد الشعب المصري؟

أنا عندى فكرة يا عبده

ولع فى نفسك قدام سفارة مصر
يمكن حد يسمعك .

هههههههههه وبعدين يا عبده ابو صهيب باين بيحبك اوى وواضح اوى المعزه عاوزلك المصلحه اهه عاوز يخليك تمشى عالموضه هههههه كمان شويه لو الواحد زهق من مراته هيقوم مولعلها فى نفسه عشان يعلمها الادب وعجبى

يا حبيبى يا هاشم
ولا نقول قشطة عشان خاطر عبده

هههههههههههه
وأنا والله مش عارف يا محمد يا خويا الناس بتاعت المنتدى راحت فين؟
الناس نامت ولا ماتت ولا راحت فين ؟
ولا هو يعنى علشان مفيش انتخابات ؟
أروح أولع فى نفسى قدام مجلس الشعب علشان يعملوا الانتخابات كل شهر؟ يمكن الناس ترجع؟
ولا أولع فى نفسى فى المنتدى وخلاص ؟ يمكن الناس ترجع !!!

خلاص يلا نعمل انتخابات بقه للمنتدى ولو منفعتش نولعوا فى اى حد ههههههههه

الدور الدور الدور الدور
موعوده ياللى عليك الدور

الغريب فعلا يا ابو صهيب بيه يا اخويه ان فيه ناس متواجده باستمرار ولفتره طويله جدا بس ملهمش اى مداخله او اى دورفى المناقشه وده طبعا لان المواضيع برده بالنسبالهم مش شيقه او مفيهاش ولعه دايما تلاقى ناس متواجدون فى المنتدى ودايما تلاقى ناس داخله زائر او مخفى فيه ناس مشاركتش فى المنتدى من شهور و يوميا متواجده فى المنتدى ولكن وبرغم كل الظروف لازم نقول

قشدة

بلاش يا محمد حكاية الانتخابات فى المنتدى دى أحسن كده بقوش يزعل (قشطة يا بقوش بأنكش معاك) مع انى عارف اننا حتى لو عملنا انتخابات بقوش يفوز
على العموم لو عايز حد نولع فيه .أنا عارف واحد ههههههه

وبالنسبة لحكاية ان المواضيع مش شيقة بالنسبه لناس طيب يجيبولنا يا عم مواضيع شيقة

ولعو في أي حد أو أي حاجه بس بلاش تولعو في المنتدى لأن المنتدى منور بيكم و ربنا ,,

أجمل تحيه لكم ,,
و مرحبا بعودة أبو ماضي بتاع ال 2000 و هوه برده لسه بشومه ,,, البكروه كلهم كده

هههههههههههه
ايه يا شارد ؟
هو لازم نولعوا فى نفسنا علشان ترجع لنا ؟
و أبو ماضى طل علينا طلة الأسد وخلع

وحشتني يا قائد محمد _ اما بالنسبه ل أبوصهيب فنحن أسود وما نعرف عن الأسود الإنسحاب او رفع الراية _ اما بالنسبه ل الضوء الشارد وما أدراك ما الضوء الشارد فاحذر حذر شديدا لأن البكروة تحوطك من كل إتجاه وساعة الصفر قد إقتربت _

قشطه

أسد على نفسك ...
و
بكروه على نفسكم ....
و
احنا ما بنتهددش .......
و
و عيش انته و همه ,,,,

ربوا عيالكم....

يصلح حالك ياخويا ...

و نورت المنتدى و الكنج يابو ماضي

ربنا يسترها

ياشارد أنا مش هقولك غير
بكت عيني غداه البين حزنا _ وأخري بالبكا بخلت علينا_ فعاقبت التي بالدمع ضنت_ بأن أغمضتها يوم التقينا

ايه يابو الصهايب
خايف ولا ايه
اللي بيخاف يطلع بره المنتدى

يانا ياهمه عشان زهؤوني خالص الناس دي

الله اكبر
تسلم ياعبده يا حبيبي

ربنا يحفظك
وكده بقه يبقى حلال عليك الباميه اللي بتحبها و حلال عليك تجيلك بالطياره
بس انته تحدد معاد .....
هههههههه

أكيد إنتو يا شارد









ال هتتشردوا
هههههههههههههههههههههههه

لا يا شارد احنا معاك يا ريس
بس انت عارف قلب رجل واحد ممكن يعمل ايه؟
اهجم ارجع

راجع نفسك و اتراجع بسرعه و اسحب ناعم احسنلك و قول انا مش مع البكروه,,,

يله بسرعه احسن ........ تروح عليك

والله حسب الطريقه ال الباميه معموله بيها . هل باميه قرديحي ام باميه من ال قلبك يحبها

مانته عارف
احنا لا نعرف يحي
ولا القرد بتاعه
ولا نعرف ان يحي اساسا عنده قرد

اخلص
اسحب ناعم و انفض

....
ايه رايك يابو الصهااايب ?
سحب اهوه ما تخافش منه ولا من قلب الرجل الواحد ولا حتى من قلب الاسد

جمد قلبك و خليها على الله ,,,

طيب بص بقي يا شارد انت و ابو صهيب مش انا ال حد يشتر سكوتي








بأقل من عزومه علي جبنه حادقه وده اخر كلام عندي

على الله يا شارد
بس عبد الرحمن كتب فى الموضوع ده ان الحكومة مش بتعمل اللى الناس عايزاه
على فكرة هو ظالمهم
يوم 14 يناير(وعلى فكرة دا كان يوم جمعة اللى هر ب فيه شين الهاربين للسعودية) طلع من رئاسة مجلس الوزرا 3قرارات زى الفل
1- أحمد غبى غدر وزير التعليم وفر 43 ألف وظيفة للمدرسين
2- سامح فهمى وفر ما يقرب من 700 مكان ل 700 خريج هندسة بترول
3- وزير الزراعة رخص الاسمدة والمحاصيل الزراعية
مش عارف دى حنية ولا أدب ؟
ولا خايفين علينا من الإنتحار؟

اكيد خايفين عليكم يا ابو صهيب وبلاش سوء الظن ده

هههههههههههههه
حتى انت ياعم الحج بتقول سوء الظن؟؟
يشكروا والله
دول ولاد ...... حلال

واشمعنى دلوقت خايفين علينا
وبقالهم تلت قرن كابسين على مراوحنا

طيب ايه رايك يا عبود فى البيض بالبطاطس بتاعنا بالزمه مش احلى ومن غير ملح والعيال برده مبترحمش وحشنى والله يا عبود يا رب تكون بخير

قشطة

والله يا قائد محمد كانت أيام حلوة ومش هتتعوض

على راى المثل العيار الى مابيصيب بيدوش وكل الوزراء خايفين على الكراسى ومش مستهلة ان نولع فى نفسنا علشان لانرتكب معصية وجزاك الله كل خير الاستاذ عبدة والاخ محمد عز والدكتور ابو صهيب

وجزاك يا أستاذ ماهر _ وأنا معاك إن إحنا مش نحرق نفسنا عشان محدش أصلا هيعبرنا _ بس برده لازم يبقي لنا دور مش نقف سلبين كده
كنتم خير أمة أخرجت للناس

نقلت هذا الموضوع بتاريخ 19 يناير قبل الثوره تقريبا بأسبوع وكنا نستعجب ليه كل حاجه الشعب عايزها تقوم الحكومة تعمل ضدها _ بعد قيام الثورة أيقنت أن هذه حكمة من الله _ان الشعب قد إستحمل كثيرا من هذه الحكومات حتي إنفجر ويبدو أنه ع قدر التحمل كان الإنفجار _ فسبحان مدبر أمور العباد