بعد احداث 25 يناير دى نقدر نقول لمبارك كش ملك حتى وان مكنش فيه اة نتائج ايجابية ظهرت بعد المظاهرات اه هى فعلا لحد دى الوقتى مظاهرات وليست ثورة وان كانت وبشكل كبير هددت عرش مبارك وولاده المظاهرات اكيد هتهدى بايجابياتها وسلبياتها ولكن دق ناقوس الخطر على دماغ مبارك وولاده بالشكل ده لو فكر مبارك او جمال مبارك انهم يترشحوا فى انتخابات الرئاسة القادمة او يمشوها بنظام انتخابات مجلس الشعب دى فعلا هتكون ثورة بمعنى الكلمه مع انى سعيد جدا وفخور باللى حصل من مظاهرات الا انى ما زلت رافض الهمجية او التكسير او الخراب للاسف احنا لما بنشوف الاخبار بنحس اننا بنتفرج على ارض محتله نفس المشهد اللى بنشوفه بين الفلسطينيين واليهود الناس بتحدف العساكر بالحجاره كانهم عساكر يهود والعساكر بتهاجم الناس بوحشية وحيوانية كانهم مش بشر

!!!!!!!!!!!!!!!!!!!

اتعجب من الصمت الرهيب اللى عايشاه الحكومه يعنى مش فاهم هى مستنيه الناس تهدى ولا مبارك ولا فارق معاه الحكاية ولا هو مش عارف يرد يقول ايه بعد ما تفضح فى جميع وسائل الاعلام العالمية

!!!!!!!!!!!!!!

والغريب ان امريكا واوربا مؤيدين وبشدة الانقلاب اللى حاصل وبداوا يلمحوا بالتدخل وطبعا عن طريق منظمات حقوق الانسان واللجان الدولية واللى دائما ما تنتهى باحتلال البلد المتواجدون فيه او بانقسامة الى طوائف والدليل واضح لجميع العيان بالعراق والسودان تحس ان امريكا والاتحاد الاوربى وجدوا صيد ثمين وجدوا ضالتهم فى الهياج الشعبى اللى حاصل للضغط عالحكومه والتدخل كالعادة من خلال منظمات حقوق الانسا ن وهو ما يجب ان تنتبه له كل القوى المعارضة اللى انا شايف انها لحد دى الوقتى بتتحرك بعشوائية وبدون تنظيم والموضوع زى مظاهرات الجامعة اللى معتاده بعد اى حدث بيحصل

!!!!!!!!

ايضا مما يمى القلب ان الحركات اللى سمت نفسها بحركا تالتغيير والتحضر والقضاء على نظام مستبد فاسد وحكومه فاشلة بيطالبوا الجهات الدولية للتدخل امريكا والاتحاد الاوروبى نسيوا ان فيه مثل قديم عندنا فى مصر بيقول ( الحداية مبتحدفش كتاكيت ) منين عاوز تغيير ومنين عاوز تجيب محتل ينظملك الحكاية وزى مهو واضح للجميع ان منظمات حقوق الانسان الغربية تمهد للغرب التدخل فى شئون الطن العربى الداخلية اجمع والموضوع بالنسبة للغرب ابدا ليس النهوض بحضارة الانسان والتحضر والرقى والكلام اللى ميجبش تمن الحبر المكتوب بيه ده الموضوع اولا واخير ا هو حرب على الاسلام حرب صليبية

على حد تعبير الكلب ابن الكلب بوش فهدفهم هو القضاء على كل من هو مسلم وليس النهوض بالمنطقة كما يزعمون ولنا الله وحسبنا الله ونعم الوكيل فى كل حاكم ظالم وكل مسئول مرتشى وكل من يوكل اليه منصب ولا يؤدى حق الله فى ما اوكل اليه
وبس خلاص


قشدة

طيب يا قائد محمد عرفنا ال ملك ال كش _ عاوز أعرف بقا مين الحصان ال مات
هههههه قشده

ههههههه كده انت عرفت يا معلم
الحصان اللى هو قاعد يظبطله عشان يمسك بعده او عشان يورث خلاص فيركش بقه بعد اللى حصل ده

قشدة