ما هى وجهة نظرك فى ثورة ميدان التحرير
1- بقاء مبارك حتى نهاية ولايته
2 - انتقال فورى للسلطة
3- استمرار احتجاجات ميدان التحرير
4- فتح باب التفاوض مع المعارضة
5 - وجهة نظر اخرى
يا جماعه انا شايف نعمل مناقشه يعنى كل واحد يوضح وجهة نظرة فى الاختيار اللى هيختاره وايه اسباب اختياره

لك الله يا ام الدنيا

يا جماعه اعتقد ان بعد كل التنازلات دى الافضل للبلد انها تستقر والناس تعيش والحياه ترجع لطبيعتها ويتم تسليم السلطه بشكل منظم لضمان استقرار البلد

يا حمو روق يا حمو
عايز أهمس فى ودنك بكلمتين بس ناس كتير هتسمع معانا
الكلمة الأولى : اذا كانت الحرية تمنها جوع يومين تلاتة مش مشكلة نجوع عشرة وترجع حريتنا . لكن أنا معنديش استعداد أتعلف وأتهان . اللى عنده استعداد يرجع ويرجع حسحس يبعتله كل يوم الصبح الرغيفين السخنين وباقى اليوم يا خد على قفاه يرجع . دا بيقولك هنحقق فى اختفاء الشرطة ومقالش هنحقق فى الدم اللى اريق
الكلمة التانية : هو فيه حد فى ميدان التحرير بيتصل بيك ويقولك انه تبع تشيكوسلوفاكيا اللى اتقسمت ومتآمر على انقسام مصر ولا انت بتسمع كلام سيد وهناء اللى على المحور؟
اوعى يا حمو تكون من اللى بيتسحب بالكلام

لا يا عم انا مش من اللى بيتسحب بالكلام بس انا مش مع الناس المسحوبه من برا من مصر من تشيكوسلوفاكيا والظاهر انهم بيتظاهروا عشان مصر بس همامش كده ولو هما اللى حكموا هتبقى عنب يا عم مش موز هتبقى قشطه للركب يا عم مصراوى ووصيلنا على اتنين بالشطة ههههه انا هبلغ عنك هبلغ عنك بس خلاص هنبلغ لمين الله يعزهم شباب الثوره يا رب بس مش المنافقين الموجودين دى الوقتى

أنا أؤكد لك يا حمو ولكل من يقرأ الكلام ده
من قلب ميدان التحرير بكل صدق . لا تراجع حتى يسقط حسحس وحزبه ونظامه ورزقى على الله . يعنى هيمشى هيمشى . وابقى اشتكينى لشباب الثورة يا حمو

هو من ناحية هيمشى والله هيمشى
لان الكرسى لو كان دام لغيره مكنش هو قعد عليه
متخافش انا بلغت خلاص ههههههههه وبعدين ايه حكاية من قلب الميدان دى انت فى التحرير ولا ايه

لا يا حمو هيمشى دلوقت وبسبب ثورة الشباب اللى الناس مش عايزة تسميها ثورة
وفيه كلمة تالتة يا حمو نسيت أقولك عليها : الاعلام بتاعنا كان بيعد طياراتنا اللى وقعت فى النكسة ويقول عليها طيارات العدو . لسة بتصدقه يا حمو؟

على فكرة يا حمو أنا استعرضت نتائج الاستفتاء لقيته 100% لاستمرار حسحس فى السلطة
وده فكرنى بانتخابات مجلس الشعب اللى فاتت وانتخابات الرئاسة

عجبى على غابة الملك فيها هو الحمار
الوحوش تاكل حواليه وهو حمار

يبنى مين قالك انى بتابع الاعلام بتاعنا ولا موافق عليه اعلام ايه اللى طول عمره مشوه صورة مصر وبعدين الاستفتا ديموقاطى اهه يبنى انت مش ديموقراطى كل واحد حر فى رايه بقه وبعدين انا مش حزب وطنى والله حزب ايه اللى انت جاى تقول عليه انا حزبى الاسلام وشيخى وقرة عينى حبيبى محمد صلى الله عليه وسلم

قشدة

ما شاء الله
باهزر معاك يا حمو
ادخل فى الحزب اللى انت عايزه
بس أوعى تدخل حزب اللات( حسن نصرالله)
أحسن بيقولك حزب الله دلوقت موجود فى ميدان التحرير
وماله ماهو ميدان التحرير واسع ويساع

خليك معايا يا حمو عشان عندى موضوع بخصوص الدستور عايزك تشوفه
بأجهز فيه بس

باشا على راسى يا باشا انت بتتكلم فى ايه
والله ممكن يكون حزب الله موجود مهو دى الوقتى موالى لايران صحيح انت ايه رايك فى خطاب محمد خامنائى اللى عاوز الثورة تستمر وتنجح ونجاحها من وجهة نظره قيام الدولة الشيعيه فى مصر

بص يا حمو أى حد فى الدنيا بيفهم سياسة متأكد ان حسحس هيمشى هيمشى بحول الله
وان الثورة هتنجح هتنجح بعون الله
فلازم كل اللى بيفهم يحاول يكسب الثورة دلوقت علشان بعد كده هيبقى التعامل مع الثورة
والدليل على كده ان كل اللى اتكلم على الثورة المصرية من أى مكان فى العالم شجع الشباب . لأنه متأكد انها هتنجح . أما اللى مؤيد حسحس مالوش حس وعامل ميت . انت سمعت صوت القذافى ولا بوتفليسة بتاع الجزائر ولا حتى الراجل اللى عندك أو اليمن ؟ كله عامل ميت . واللى بيتكلم بيحاول يكسب شباب الثورة .

او تلفيعه مين يا عم ولا قزافى مين مخلاص كله لابس اولويز بالاجنحه عشان لو الطيارة انضربت الاجنحه بتنفع برده والدور الدور الدور موعوده ياللى عليك الدور

ههههههههههههه
جامدة دى يا حمو
وحسحس عنده من ده؟

ا ه عنده طبعا
بس حسحس قدامه شويه على ما يلبسها صدقنى

انسى يا حمو
هو لابس دلوقت
ولو حتى اتأخر شوية هيعيشهم فى ذل وخوف
وأكيد الشوية دول مش كتير
ما هو شين الهاربين بتاع تونس خلع بعد شهر
يعنى هيخلع هيخلع