احمد انا باقولك انشاء الله نفضل دائما فى تواصل لان المنتدى لقيت فيه متعه غير عاديه وناس واصدقاء زى الفل من كل الاعمار ممكن نتاخر شويه اه لكن مش هنهجره انشاء الله

وكمان الواحد بيستفيد فيه كتير وكفايه انه مكان للثقافه والتسليه والدين وكل شئ حلو فيه ايه احلى من كده


><><

التوقيع ميدو

لا اعتقد ان المنتدى ده سيهجر يا ابوحميد فى يوم من الايام
لسبب بسيط جدا

الناس اللى متغربة مش هترجع دلوقتى والناس اللى موجودين فى البلد فى أقرب فرصة هتلقيهم كلهم متغربين

ويبقى المنتدى دايما مفتوح يا معلم


قـــــــــشــــطــــــة

اكيد يا احمد هنتواصل طول ما فيه عطاء وحب وود وطول ما فيه عشرة حلوة فى المنتدى اكيد هيكون جزء من حياتنا اليوميه على الاقل بنطمنى على بعض وبنعرف اخبار بعض

معلش الكلام طلع ملخبط شوية بس بجد المنتدي جامد جدا بس ناقصه شوية حاجات[i]

السلام عليكم
تقبل مرور
اكيد المنتدى لسه يعتبر حديث وعدد الاعضاء يعتبر قليل وناقصه حاجات مع الوقت انشاء الله تتعدل ومع زيادة عدد الاعضاء وتبادل الفكار انشاء الله ننهض بالمنتدى ويكون علامه شامخه لابناء شباس عمير للتبادل الفكرى والثقافى والفكر والدينى والاجتماعى والترفيهى ومع ذلك هو فى عيوننا اجمل منتدى فى الدنيا
***
***
***
***
***
***
***
***
***
***
التوقيع ميدوووووووو

اكيد عمرى ما هبطل مشاركة فية
والسبب بسيط
انى بحب بلدى

شكرا استاذ حماده على المشاركة ونتمنى ان تكون فعالا مع باقى الاعضاء ان شاء الله....

فكرة المنتدى جميله واحنا يا أبوحميد
المنتدى ده شئ اساسي عندنا علشان احنا بنحب شباس عمير إن كن في البلد أوخارجها
وربنا يديم المعروف
والناس اللى في النتدى محترمين جداً ويارب مزيد من التقدم لهذا المنتدى الرائع

نتمنا التعاون من جميع الأعضاء في الداخل والخارج


ومزيد من التفوق والإبداع لهذ المنتدى الجميل الذي لاينهض

إلا بأعضائه

المحترمين

مشكورين جميعا لردودكم الجميلة والمشجعة...

لايمكن ابدا ان نهجر هذا البيت الرائع واقول بيت لان عندما ندخله نشعر اننا فى بيتنا ووسط اهلنا فمن الممكن ان نغيب عن بيوتنا ولكننا ابدا لا ننساها اونهجرها والدليل على هذا تزايد عدد الاعضاء المستمر ولكن اتمنى ان تزيد المشاركه من قبل الاخوات عن طريق دعوة الاعضاء لزوجاتهم او اخواتهم للمشاركه فى المنتدى

تحياتى للمجهود الرائع و الأفكار البناءة
الدخول للمنتدى أصبح من العادات اليومية الضروية اللى بتهون على الواحد الغربة
لكن حبيبى إطمن المنتدى إن شاء الله يزيد أعضاؤه :
الناس اللى بره البلد متغربه
و اللى فى البلد برضة عايشين فى غربة
يعنى كلنا محتاجين نحسن ببعض

طبعا عمرنا ما نسيب المنتدى لانه بجد حسسنا ان البلد فيها ناس مثقفه وبتخاف على مصلحه بلدها
والحمد لله الناس كلها فى المنتدى متفاهمين وبيسمعوا الراى والراى الاخر بصدر رحب علشان يعرفو
الحقيقه فين واهم حاجه روح الالفه اللى بنحسها بينا وبين بعض وربنا يديم المعرووووووووووووووف
ومشكووووووووووووور جدااااااااااااااااااااااااااااا على المجهود الرائع يا احمد باشا

اسف في التاخير في الرد
على فكرة المنتدي مش بس رائع ولكن اروع من رائع
وفيه لقيت كل الناس اللي فيه ذي العسل ومن اولهم انت يا احمد باشا ومشكرو على المجهود الرائع ومشكور انت انت خليتنا عايشين في شباس بجد على الرغم من الاف الاميال اللي بينا وبنها وخليتنا نتعرف على ارقام وايمالات اعز الاصدقاء كانوا ومازالو ولكن كادت الغربة انت تبعدنا والمنتدى نجح وجمعنا
فاستحالة حنسيبه هنا او عندما نرجع انشاء الله بعد زمن طويل لشباس على راي ابو اكرم

إن شاء الله نستمر حتى لو رجعنا للبلد والموجود بالبلد يغطى أخبارها وصورها

مسافر فين يا شعلة المنتدى

ان شاء الله السعودية بس بعد فرح محمد اخويا فى شهر 7 والدعوة عامة

ان شاء الله سيظل المنتدى في تواصل دائم لانه بني على الاخوه والترابط وليس للمغتربين فقط ابو حميد بل لابناء شباس عمير جميعا وان شاء الله سيظل متواصل حتى الاجيال القادمه وكما قلنا من قبل الدنيا بدون المنتدى حيادة بلا معنى
فقد اصبح المنتدى كالورث ستتوارثه الاجيال القادمه جيل من بعد جيل
اقولها كلمة صادقه سيظل منتدى شباس عمير في قلوبنا مدى الحياه
ان شاء الله

اولا بشكر ابوهايدي على هذة الكلمات الرقيقة التي تعبر فعلا عن ما بدخلنا يا احمد باشا
ثانيا مبروك لمحمد اخوك وعقبال فرحك انشاء الله
ثالثا فين مسافر في السعودية اي مدينة بالضبط

الله يخليك ابو هايدى وانت كمان استاذ شريف بس لسه مش عارف اى مدينة

إن شاء الله يظل مفتوحا لأن المغتربيين بيزيدوا وياريت اللى يعرف حد فى الخارج يقول له علشان يزيد عدد الأعضاء

حد يلاقي الناس الحلوه دول ويسبهم مسسسسسسسسسسسسسستحححححححححححححححححححيل

مشكور دكتور ايمن وحمد الله على السلامة يا عم ياسر فينك من زمان يارب تكون بخير

يا احمد احنا احساسنا واحنا بنتكلم فى المنتدى اننا كلنا اخوات واصدقاء والمنتدى ده بيتنا معتقدش ان فى اى يوم مالايام حد ممكن يهجر بيته المنتدى ده انا كل مره بدخل فيه بتعلم حاجه بعرف معلومه جديده بقرب من حبايبى واخواتى جزاك الله عنا كل خير يا بقوش وبعدين كل الحكايه شهر وهتبقى متغرب زينا ان شاء الله يدوم بينا كل الخير والحب والاخوة

احبكم فى الله

طبعا يا محمد كلنا اخوات والغربة لابد منها وربنا يقويكم ويرجعكم بالسلامة ان شاء الله ...

بسم الله الرحمن الرحيم
المنتدي في منتهي الجمال والروعة الواحد كل يوم قبل الشغل كان بيصفح النت يشوف الأخبار وحالياَ لازم يومياً ادخل المنتدي ولو للتصفح لمعرفة الأخبار ويقراء الكلام الذهبي للأستاذ شريف ومواضيع وردود الأعضاء 0

كلام اخجلنا استاذ عادل
بل نحن زادنا الشرف بمعرفتكم

سألت يا بقوش والناس ردت
طيب السؤال موجه لك فنرجو الاجابة وفكر كويس لان ردك هيكون عهد عليك
سمعنا من مصدارنا الموثوق بها ان بعض شرزمة من الفلاحيس راحوا للباشا محي الدين ووعدوه وعد اكيد انهم سوف يغلقوا المنتدى وسمعنا انه يوجد ناس تذهب الى ابيك كي يضغط عليك بغلق المنتدى جواب وبصراحة ؟؟؟؟؟؟؟

لاتقلق يا استاذ شريف المنتدى ليس ملكى وانما ملكا لنا جميعا

السلام عليكم
اخبارك يا ابوحميد
فعلاً الكلام كتير وبيقولواانهم
احتمال يجيبوا انفار علشان يروحوا يهدوا المنتدي
او يتأجر جرارات كبير ة
اوالشيول الكبير بتاع المجلس

وتقبل مروري يا ا0شريف وا0احمد

مرورك اسعدنا عادل بيه

شكرا لكل اعضاء المنتدى
والله الواحد بيسعد لما بيقرا الكلام ده
اما بالنسبه للناس اللى عايزه تقفل المنتدى فزى ما
قال شريف دوووووووول شرزمه
فلا يستحقوا اننا نشغل بالنا بيهم
حتى لو جابو قرار ازاله للمنتدى
ممضى من رئيس جلس القريه نفسه
واحنا ثقتنا كبيييييييييييييييييييييييييييييييييييره
فيك يا ابوحميد

أولا :- السؤال ده ليه
ثانيا :- ارجو الاجابه
ثالثا :- هل من الممكن اضافه شات على المنتدى بحيث يمكن لاعضاء المنتدى التواصل مباشرة عن طريق الشات بالمنتدى
رابعا :- اظن من الصعب ان يهجر المنتدى او يترك لانه المبداء المبنى عليه ا لمنتدى جميل وواضح ( دعونا نلم الشمل ) صح ولا انا غلط
خامسا :- زى ما قال جميع الاعضاء اتعرفنا على اصدقاء جدد
واصدقاء زمان كان التواصل معهم صعب لبعد المسافات او
عدم وجود وسائل اتصال تجمعنا فبعد وجود وسيله اتصال هل تظن
ان يغلق المنتدى اسف ان يهجر المنتدى
سادسا : - اللى عاوزين يغلقوا المنتدى صعب عليهم اكيد جدا ده لانه فيه فارق
زمنى كبير بين اعضاء المنتدى وبينهم فى كل شئ

(المنتدى ملك للجميع )
ارجو الاجابه على يا احمد ليه السؤال ده دلوقت ضرورى

على رائ ابو اكرم

قشطه وزبدة وعسل وزلابيه