ياريت كل واحد مننا يقول هو عاوز يختار مين ويكون الرئيس فى المرحلة القادمة .

احمد زويل
عمرو موسى
البرادعى
ايمن نور
والباقى سلطة

انا عن نفسى عاوز عمرو موسى

لكن لا للبرداعى وايمن نور

بالمنطق اختار
احمد زويل 60%
عمرو موسى 40 %
سلملى دماغك يا عرب هى دى الافكار اطلع يبنى بيها استفتا عالرئيسى

قشدة يا ابو زهرة

مش فكرتى دى فكرة احمد
وشكرا يا محمد طول عمرك ذوق

يا باشا كلنا هنا واحد ولا يهمك تسلم يا حماده بردك اطلع بيها استفتا وسيبك من الاستفت التانى مش جايب همه
ههههه وسيبك من سامح عاشور نزل مكانه عبد الستار عز العرب

قشدة

ياباشا والله يترشح وانا هنتخبه وعلى الاقل هيبقى عندنا مرشح من شباس بس يارب ميطلعشى فيه معارضين والله انا خايف اصل ابو امال هو ال يعارضه ..

عمرو موسى هو الاصلح بجميع الموجودين

أنا عاوز أي حد يكون برنامجه إنه هيطبق الشريعه بكل جوانبها _ دا ع اساس إن إحنا مفروض دوله مسلمه وبصراحه أنا مش شايف حد من المذكور ينفع وده طبعا كان أحد سياسات الحزب الفاسد قصدي الوطني إنه يخلي الشعب مايعرفش أي أحد من الكوادر مانعرفش غير ال هما عيزينا نعرفوه
حسبنا الله ونعم الوكيل

وأنا أيضا يأخي عبد الرحمن من أريده أن يكون رئيسا يكون قدوته الرسول صلي الله عليه وسلم أو أبو بكر أو عمر رضي الله عنهما وللأسف من الواضح أنه لا يوجد أحد فيهم كذلك

والله يا احمد يا بقوش انت بتلعب في عداد عمرك

شوفوا بيتكلم إزاى مع لقنوات الأجنبية براحته غير ما بيتكلم مع قنواتنا الفستك
نفس غباوة مبارك.. واضح إن الغباوة متأصلة فى النظام كله.. لسه فاكرين الناس مابتبصش برة قنواتهم و شكلهم مايعرفوش النت ده بيعمل أيه بالظبط

بيقول المصريين معندهمش ثقافة الديمقراطية

عز العرب كتب:

والله يا احمد يا بقوش انت بتلعب في عداد عمرك

حبيبى يا ابوامال

حمدين صباحى فين

أنا اقترح اسم المستشار طارق البشري لضمان ترسيخ الوضع الدستوري الجديد ووضع فواصل بين السلطات بضم السين وارساء مفهوم الدولة القانونية

ابو الزهراء كتب:

حمدين صباحى فين

عادى يا استاذ سيد لو عاوز نعمل الاستفتاء من الاول نعمله انت تأمر .

تم الغاء التصويت القديم كله علشان خاطرك ابو الزهراء

ولا واحد من هؤلاء يصلح ان يكون رئيسا للبلد اننا نريد رجلا ملتزما يقود البلد بكتاب الله وسنة رسوله صلى الله عليه وسلم ولن تجد ذلك الا اذا كان الشعب كذلك وقابلا لذلك قال الله تعالى (( إن اله لا يغير ما بقوم حتى يغيروا ما بأنفسهم ............الاية)) لا بد ان يأتى رجل يحكم بكتاب الله وسنة رسوله صلى اله عليه وسلم .والسؤال : من هؤلاء يطبق على نفسه سنة النبى صلى الله عليه وسلم فضلا عن ان يحكمها فى الناس من منهم ياتزم حتى ولو بتقصير ثيابه عملا بسنة المصطفى صلى الله عليه وسلم .لهذا السبب وغيره من الاسباب الكثيرارفض هؤلاء الرجال بالإجماع

الرئيس الراحل صدام حسين

هل تعتقدون ان نقل السلطه من الرئيس مبارك الى نائبه عمر سليمان سوف يوثر على التظاهرات الموجوده فى ميدان التحرير او الاعتصامات الموجوده فى اماكن مختلفه فى انحاء الجمهوريه

[هل احمد عز موجود داخل مصر ام هرب الى خارج البلاد]

الشخصية االتى افضلها لرئاسة الجمهورية كمال الجنزوى رئيس وزراء مصر السابق

بالاضافة إلى ترشيحى عمرو موسى
لانه الشخصية الوحيدة القادرة على مصر فى المرحلة دى
أرشح ( محمد أبوتريكة)
وأضمن بالتأكيد نجاحه لانه على الاقل هياخد اصوات 60 مليون أهلاوى

أبو تريكة مش هينفع يا كينج .
لو انت عايز أبو تريكة خليهم يغيروا الدستور . عشان أبو تريكة دون السن.
رشح أكرم أحسن . أهو احنا نعرفه ونعرف أبوه

الحمدلله احنا مملكه مانحتاج ننتخب

يا بنى وطنى ان مصر تحتاج لشخصية سياسية محنكة تتعامل مع الأزمات لها باع طويل فى تسيير امور السياسة فى الداخل والخارج شخصية تستطيع ان تنأو بمصر عن مطامع اليهود وأحقاد النصارى ومكر وخبث الشيعة مصر تحتاج الى شخص واحد فى نظرى أما عمرو موسى أو كمال الجنزورى مع احترامى لكل المرشحين ولكن المصلحة العامة أهم من المصلحة الشخصية والله اعلم

أنا اقترح اسم المستشار طارق البشري لضمان ترسيخ الوضع الدستوري الجديد ووضع فواصل بين السلطات بضم السين وارساء مفهوم الدولة القانونية
هذا ما قلته من قبل
الآن اختاروه لتعديل الدستور كرئيس للجنة وهو بالطبع ما ربما يحجب ترشيحه كرئيس للجمهورية
الآن ارشح عبد الله الأشعل

يا مهندس / سعيد

صلي ع النبي كده و استهدى بالله
عمرو موسى ده مصيبه كبيره جدا
بلاويه مش شويه ,, بس انته دور و إقرأ ...
و المصيبه الكبيره
ان بنته متجوزه ابن أشرف مرواااااان
و لو ما تعرفش مين أشرف مروان ,,
تبقى كارثه ....

و لو عرفت حقيقة عمرو موسى ,,
و اتأكدت زيي ان وصوله لرئاسة مصر هتكون مصيبه سودا على دماغ مصر ,, و اللي منها و اللي فيها , و كان مافيش ثوره حصلت ,,, لو اتأكدت أمانه عليك تحاول تفهم غيرك و تعرفه يمكن ربنا يستر و ما يبقاش رئيس مصر القادم ....
حملتك امانه و ربنا شاهد عليا و عليك ....

كتر خيرك

يا ريت يا جماعة اللى يختار رئيس يقولنا اشمعنى اختار ده مش يختار بالعاطفة.
علشان احنا كمان نبقى عارفين .
وخاصة ان مفيش حد من دول أعلن برنامج انتخابى علشان نجرى عليهم .
سبحان ربى العظيم
العواطف دى هى اللى بتودينا مع( الراجل اللى ورا عمر سليمان)

أنا متأكد ان اللى بيختار أحمد زويل بيختاره علشان خد نوبل وعشان هو عالم . ايه علاقة ده بالحكم؟
واللى بيختار عمرو موسى : أكيد عشان كان حاطط رجل على رجل قدام مادلين أولبرايت من يجى عشر سنين وزيادة. برده ايه علاقة ده بالحكم؟
واللى بيختار عمر سليمان : أكيد بيشجع الحزب الوثنى
واللى اختار حمدين صباحى اختاره عشان هو من كفرالشيخ.
أكيد طبعا فيه ناس عندها أهداف راقية وأفكار عالية بس احنا عايزين الناس دى تنقلنا أفكارها عشان احنا كمان نفهم

الثورة لم تنتهى بعد

الثورة مستمرة

يااخوانى احنا مش عارفين نرشح مين ولامين وبقينا شاكين فى الجميع وكلهم فى حلقة واحدة وندعو من الله ان ان يلهمنا بالرئيس الصالح

بصراحة اللي جاب مقطع الفيديو ده فنان
بتاع تخصص الباطنة ههههههههههه ::

انا اسفة علي التعليق

بصراحة اللي جاب مقطع الفيديو ده فنان
بتاع تخصص الباطنة ههههههههههه ::

أبوصهيب الغريب كتب:

أبو تريكة مش هينفع يا كينج .
لو انت عايز أبو تريكة خليهم يغيروا الدستور . عشان أبو تريكة دون السن.
رشح أكرم أحسن . أهو احنا نعرفه ونعرف أبوه

يا دكتور الدنيا كلها اتغيرت... مايغيروا الدستور بقى بالمرة علشان نعرف نقول رأينا من غير تقييد ..... وبعدين بقى لو كان ابو تريكة صغير .. يبقى أكرم فوق السن

أقولك أنا ياعم هأرشح شخصية محدش يقدر يختلف عليها

هأرشح ( رابــسـو )
تقدر تقول لأ ؟؟؟؟؟!!!!!



قشطة

ينقطع لسانى لو قلت لأ. انت عايزنا ناخدوا 6 شهور رفد ؟
أما انت يا باشا مخلوق للرئاسة . محدش يقدر يعترض عليك . بس ابقى شوفلى موضوع التوكتوك

ياميزو أنا مش بتاع رئاسة ولا بحب السياسة اصلاً
أنا متنحى ياعم من قبل ما أمسك بس بالله عليك
اللى يشوفلك موضوع التوكتوك يبقى يمسكنى مدير مالى لشركة اسكندرية للبترول ( طمع بقى بعيد عنك) وأنا هابقى اشوفك برده

قشطة

ماشى ياكينج
وهابقى آجى أمون التوكتوك من عندك

اللهم ولى من يصلح [b]

أولا ً: بالنسبة لموضوع اختيار واحد لرئاسة مصر دا اختيار صعب جدا وذلك لقيمة مصر والمفترض ننتظر حتى نقيم برنامج كل واحد من المرشحين ولكن في رأيي استبعد جميع المرشحين السالف ذكرهم .
ثانيا : اتمنى من الدكتور / احمد شفيق أن يرشح نفسه وتعمل معه حكومة تكنوقراط وأن يتم تغيير جميع السياسات السابقة للدولة من تعليم وصناعة وسياسة خارجية وصحه وزراعة وسياحة ايضاوكذلك تغيير سياسات مرشحين مجلس الشعب بإختصار أن يكون دكتور جامعة فقط .
ثالثا: الإهتمام بالبحث العلمي وكذلك التعليم الفني وتشجيع الإستثمار الأجنبي من إلغاء الضرائب وخفض الرسوم الجمركيو وما إلى ذلك .
رابعاً : تطبيق القانون بلا إستثناءات على الكبير والصغير و بشكل رادع .
خامسا وأخيرا : أن يتم عمل دخل خاص لكل محافظة من ضرائب او اي رسوم اخري من تصاريح وما إلى ذلك لتصرف على البنية التحتية للمحافظةمن طرق ومستشفيات .

الاخ / aatfy ‎‏ ‏

انا شخصيا باتمنى ان مصر كلها تبقى حره و كل واحد يقول رأيه ,, لكن :

اما يكون فيه حريه لازم نعرف ان الحريه
إلتزااااام

يعني كل واحد يتقى الله في نفسه و في غيره .. وبلاش يضر غيره ,,,,,

فمثلا :
‏ ‏
اذا حضرتك و الثوره لسه ما حققتش اهدافها بتقول عايز الفريق / أحمد شفيق يبقى رئيس و يشكل حكومه تكنوقراط ,,,

بتقول كده و لسه الطوارئ شغاله و لسه أمن الدوله موجود و حكومة مبارك الاخيره لسه حكومة مصر لحد النهارده , و لسه الحزب الوطني ما اتحلش ....
أمال أما يبقى فيه حريه و ديمقراطيه فعلا و انتخابات حره ,, مش بعيد تقول عايز مبارك يرجع تاني ,,,,,,,,,,,,

هوه ده حقك , بس برأيي حرام عليك .
حرام عليك لان دي خيانه لدم الشهداء , و خيانه ل 20 مليون اتظاهرو في مصر يوم 11 فبراير ,,,,,,,,,,,,,,,,,,,,,

سامحني اني رديت بالرد ده , بس بجد ماعرفتش اسكت , لانك اول واحد يكتب في المنتدى ده انه عايز شفيق يبقى رئيس .....
شفيق ?
شفيق يا راجل ?

والله حرام .....

اسمحلى يا أستاذ عاطفى
انت عاطفى زيادة عن اللزوم

شفيق مين ؟؟؟

المقدم اقصد ، المشير محمد حسين طنطاوي في حرب اكتوبر قائد الكتيبة 16 مشاه ميكانيكي التابعة للواء السادس عشر ، كانت مهمته في الحرب حماية الفاصل بين الجيش الثاني الميداني و الثالث الميداني وبدات الحرب ، ونجح شارون بتدمير هذه الكتيبة عن بكرة ابيها عدا المشير و على ما أتذكر ضابط إستطلاع الكتيبة و فرد الـ ار بي جيه ( يوجد حديث مسجل مع المشير شخصيا يشير الى تأكيد كلامي مع الاعلامي مفيد فوزي " معركة المزرعة الصينية " ) .
وطبعاً نظراً لمهارته هذه عين وزيراً للدفاع من سنة 1991 الى الان .
وتمسك به الرئيس الراحل الغير مبارك بالمرة وذلك بتوجيه من امريكا ،لانه اصلح رجل لتدمير الجيش المصري ، وذلك من خلال نقاط كثيره اهمها :
• تخفيض حجم القوات المصرية طبقاً لإتفاقية كامب ديفيد ( يتم ذلك من خلال إحاله اغلبية الضباط إعتبار من رتبة العقيد .. تقليل حجم ضباط الصف ... تسريح بعض دفع التجنيد ... تجنيد الافراد وتوجيهها الى الامن المركزي ومن الفترض أن ذلك مخالف للقانون انه من المفترض ان المجند يجند للدفاع عن الوطن وليس الدفاع عن الشخاص ، او حماية الامن الداخلي "مكافحة الشغب ".
• تخفيض ميزانية التسليح من خلال محاور كثيرة مثل تخفيض وقود الادارة و الاعاشه ... الذخيرة المخصصة لتمارين الرماية ...التدريب على الاسلحة و المعدات ...الخ .
• محاربة الكفاءات من الضباط و إحالتها الى التقاعد المبكر ، و الاحتفاظ بالكفاءات الاقل خبرة المطيعه للنظام .
• الاهتمام بالمشاريع التنموية و الاستثمارية و التوسع في إنشاء النشاطات الترفيهية مثل دور الادارت ...الخ تحت مسمى انها تدعم الاقتصاد المصري و لكن الحقيقة هو زيادة الدخل له و لمعاونيه وحاشيته .
• كبت الحرية للقوات المسلحة و إزلالهم من خلال افعال كثيرة على سبيل المثال لا الحصر " إطلاق لجان لتسميع نشيد الجيش ، و مايتم الاعلان عنه من التفاهات بجريدة القوات المسلحة في قارعة الطريق ... مطاردة افراد القوات المسلحة في الشوراع تحت مسمى الدوريات الانضباطية ....من زوجات افراد القوات المسلحة المنقبات من دخول النوادي و دور القوات المسلحة بالاضافة الى إحالتهم الى التقاعد اعتباراً من رتبة العقيد ومنعهم من البعثات الخارجية التعليمية او التمثيل الدبلوماثي ... منع الضباط المتقاعدين من إطلاقهم للحية مع انها حرية شخصية ، وذلك من خلال اسقاط حقهم في إستخراج البطاقات العكرية بعد التقاعد ، ومنعهم من التعامل و دخول نوادي ودور القوات المسلحة مع انه من الفترض ان هذا حق الضابط لانه كان يدفع إشراكات هذه الخدمات المقدمه له ..
• عقد لثفقات الفاشلة من الاسلحة مثل الطائرة الهليكوبتر الاباتشي "الجيل الفاشل منها " الذي سقط منها الكثير حتى الان .. الطائرة الاف 16 كذلك ، الدبابة الام وان التي رفضت إسرائيل اخزها على سبيل الهدايا اي خارج المعنونة .... الخ .
هذا اختصار لهذا المشير الذي هو من الفترض انه يقود المجلس العسكري الاعلى للقوات المسلحة .
هل من المعقول انه عندما تجد لصوص في منزلك ، وعندما يشعر اللصوص ان امرهم قد إنتهى وجاري القبض عليهم كلهم يخرج لك احدهم ويقنعك انه سوف يقبض لك عليهم كلهم و سوف يقدمهم للعداله هل يعقل ذلك .....؟؟؟؟!!!!!!!!!!!!!!!!!