هل يستمر الزحف على الاراضى الزراعيه بالبناء عليها من قبل المواطنين
لابد وان يوضع حد لهذه المهاذل التى تحدث انهم انتهزو فرصه الاحتجاجات والتظاهرات الموجوده حاليا وقامو بالبناء على اراضيهم الزراعيه فكل هذا يضر بمستقبل مصرنا الغاليه
فهل ستزال هذه المبانى ام ستظل دون هدم

علي فكرة مستقبل مصر في الزراعة بشكل أساسي
والزراعة بالنسبة لمصر أهم من الصناعة . . .

باحى الاخوان واتشرف بالمساهمة معكم الموضوع جميل جدا فعلا الزراعة مهمة جدا وتعقيب على ان الزراعة اهم من الصناعة فان الزراعة هى اساس الصناعة فبتنمية الزراعة تنمو الصناعة فنامل ازلة عوائق التصحر والنظر الى الصحراء النسبة الكبيرة من مصر والقيام بزراعتها ونامل وقوف الحكومة بتنشيط هذا المجال

زجزاكم الله خير

طبعا لازم يبق في حد للموضوع ده
ولازم يتم ازالتهاواكيد ده هيحصل بعد الاوضاع متستقر
لان الاساس في مصر الزراعه......

ا حمد شفيق

أنا في رأيي ان الموضوع ش خطير ولا حاجة لان مصر ليست دولة زراعية وموضوع ان مصر زراعية ده كان لما كان سكان مصر عددهم مليون نسمة ايام محمدعلي أمال مصر ايه ؟
مصر دولة معادن واخوانناالمهندسين الجيولجيين على المنتدي ممكن يبينوا المسألة دي
ومصر دولة تجارة ترانزيت يعني مثلا السويس بس ممكن تستوعب 15 مليون نسمة لو بس عملوا فيه طرق وكهرباء ومياه شرب وصرف صحي والظهير بتاعها ناحية الشرق يعني تمتد داخل سينا دا كفاية ان الواحد يبقى عنده بيت على جبل عتاقة والل مش متخيل يسأل اخواننا اللي كانوا في جنوب غفريقية كمان هى بتمر عليها تجارة العالم وعلى كدة فهي افضل من سنغافورة ودبي وكيب تاون وهونج كونج
ومصر دولة سياحية ثلاثة ارباع أثار العالم وشرم الشيخ والشتا في الصعيد والحياة الريفية وشمال سينا والبحر الأحمر دا حتي العوينات طلعت منطقة سياحية وانا كنت مفكر انها جزء من دارفور
ومصر دولة بشر يعني الخدمات البشرية في العالم مصدر دخل مثلا فيه ف الهند 20 مليون شغالين في شركات اوربية وهما قاعدين في الهند ليه ؟ بيستغلوا فارق التوقيت بينهم وبين أوربا لما تكون اوربا نايمة بيكون عندهم الجولسة نهار فبيديروا البنوك والشركات الأوربية عن طريق الإنترنت
ومصر دولة طيران يعني عشرة مطارات دولية في مصر تستوعب خطوط الطيران العالمية كلها لموقعها المتوسط تستوعب أكثر من خمسة ملايين عامل ومستفيد
ومصر دولة صناعية ومليانة مهندسين وعمال ممكن يشتغلوا اربتاشر ساعة في اليوم يعني أكتر من اليابانيين بس المهم انهم يأخذوا جورهم وده نادرفي العالم كله مثلا جنوب إفرقية الناس بتكون سكرانة ثلاثة ايام في الأسبوع وكل النهضة اللي هناك دي بسبب اربع أيام عمل بس وعلى احسن تقدير خمس ايام .
ومصر دولة تعليم . مثلا جامعة الأزهر لو رفعت عنها القيود الأمنية والجماعة القدام اللي في الجامعة دول راحوا في داهية ممكن جامعة الأزهر بس تستوعب مليون طالب اجنبي من كل انحاء العالم وده مصدر دخل ضخم
ومصر دولة عربية في وسط اخواتها العرب ومصر دولة اسلامية في وسط اخواتها المسلمين ما يتخافش عليها
ومصر بلد الظهير الصحرواوي اللي ممكن يستوعب تمانين مليون آخرين
ومصر جار السودان بكل ثرواته وهو مستعدلتقديمها كلها لمصر بشرط عدم الإستهزاء به وعدم احتلاله وعدم تسخيرة وعدم الإستعلاء عليه في الأفلام ( يا إدريس .......)
ومصر والسوداني جار ثيوبيا هل تعلموا يا إخواننا ان سدود اثيوبيا اللي مخوفانا دي لو مصر هى اللي عملتها عند اثيوبيا أولا تكلفتها ما كنانتش تتعدي اتنين مليار دولار وكانت حتوفر اكتر من ثلاثين مليار متر مكعب لو اثيوبيا خدت منهم خمسة مليار كانوا حمدوا ربنا والسودان خمسة واحنا عشرين
بس الجماعة ما كانوش فاضيين كانوا بيسرقوا وبس

سلامى للجميع وتحيه طيبه لكم جميعامحدش يقلق يا جماعه الموضوع ده من المؤكد مش هيستمر كتير لان كله دول هيجيلهم للاسف قرار ازاله وغرامه وللاسف كلهم ناس غلابه.....وشكرا للجميع