بسم الله الرحمن الرحيم
دعوه الى جميع شباب شباس عمير الشرفاء
ادعوكم الى صلاه الجمعه فى استاد شباس عمير .
لنرسم لشباس مستقبلها المشرق
ونلفظ كل من هو ملوث من العهد القديم .
وكفانا فساد وظلم ورشوه

مع تحياتى الى كل من شارك فى تنظيف البلد من رؤس الفساد فى المجلس
من حراميه ومرتشين وخلافه
هيا بنا لكى نقف امام كل من يحاول ان يقف فى مصلحه شباس

جزاكم الله كل خير
مشكورررين

فعلا لازم شباس عمير تنضف من الرمم ال فيها ياأخ رضا !!!!!!!!!!!!!!!!!!
ياترى من هما الشباب الجديد دول ..

ياعم رضا كده محدش رايح غير اللون ده ياعم ولا انتوا عاوزينها بمبى يعنى
وبعدين يا بقوش هى المظاهرة دى هتبقى بعد ماتش الزمالك و ايه

قشدة

والله يا محمد ال رايحين معروفين للكل ..

ونيتها ايه ويتضح ان الراجل ال بيقولوا عليه حرامى بيزيد قوة يوم عن يوم عند الناس ...

على فكرة الخبر غير صحيح

اولا احنا الجيل الجديد. احن كل شاب من ابناء شباس عمير وجد نفسه بيتعرض للظلم مثال على ده
شويه الرمم بتوع المجلس او اصح نقولو شويه الحرميه المرتشين . علشان اى شاب قبل 25 يناير
يحب يبنى شقه لازم يدلهم رشوه علشان يسبوه
وكمان علشان يدخل ميه ونورلازم يدفعلهم اقل حاجه5000جنيه
كفايه بقا بلا ارف . الدنيا كلهتا عارفه كل بتوع المجلس بيعملو ايه فى الناس
كفايه بقا كده.
بعدين احنا نتكلم باللون الى يعجبنا
محدش يقلنا نتكلم ازاى
علشان كل واحد عارف اصله ايه

والله كويس يارضا بس على فكرة الخبر ال انت منزله غير صحيح وياريت تقولنا مين الشيخ ال هيخطب فى الاستاد ..

ياريت والله يا اخ رضا تقولنا موقف حصل ليك او لحد تعرفه من بتوع المجلس ويا ريت تذكرنا اسم الموظف ال خد منك او من غيرك فلوس ...

صحيح يا رضا كل واحد عارف اصله ايه عندك حق فعلا

وبعدين يا رضا ان اقصد لون الخط كل الحكايه ان الخلفيه زرقاء وانت كاتب بلون ازرق عشان كده قلتلك غير اللون
لكن انا لااقصد ابدا انى اقلك غير لون الكلام او طريقتك او تتكلم ازاى ياريت تكون وجهة نظرى وضحت ولك تحياتى


قشدة

ايه يا جماعة؟
ايه يا حمو ؟
احنا كلنا متفقين ان لازم يحصل تغيير لأن فيه اجماع ان كان فيه فساد
بس التغيير عمره مايكون بالطريقة دى
لازم نجتمع يا جماعة
ولا ايه يا حمو؟

اكيد طبعا يا دكتور وانا اول واحد مع التغيير وضد اى فاسد
كل الحكايه انى بوضح بس كلامى مش اكتر يا ابو صهيب يااخويه والله
ثورة

ياريت ياحمد تفكر بهدووء شويه ايه اللى يمنع انك تكون اول واحد فى الاستاد وتقول رايك والكل يشارك ونختار حد يمثلنا المشكله الناس اللى كانت مع محيى اللى يقول نغير بياخده عدوه مع ان اصحاب الورقه اللى كتبوها واللى وزعوها وصورها كانوا من اشد انصار محى وبالنسبه للمجلس انا اعرف حالات رشوه علنيه منهم وبالاسامى بس مش عايز اقول عليها والله وانا والله مش مع اى حد من اللى اترشحوا قبل كده وهما لو عندهم دم فعلا محدش فيهم يترشح وياريت حد يمثلنا لايكون حامد ولا قطان و بالمناسبه انت عجبك ان انصار محيى النهارده يروحوا المضيفه بشوم وسنج ومتقوليش بفترى عليهم لان ده حصل ايه المانع ان الشباب كبه يتجمع ليه نفكر بعقليه انا مع محى وانت مع سامى وانت مع خليفه ايه عايزين البلد تنضف والله وبالمناسبه اما عرفت منك انبارح ان الموقف طلع فوق لو انت رحت تقف تطالب برجوعه كنت هتلاقينى اول واحد واقف معاك ياجماعه عايزين البلد تنضف والله وبمناسبه الفساد والمحسوبيه اظن انك تعرف نظام توزيع العيش فى البلد عايز اسالك سؤال هل هو عادل والله انا اعرف ناس بتاخد مايقرب من 500 للبط والبهائم ياريت ياحمد ياحبيبى تفكر بعقلك شويه ربنا يكرمك يارب وننسى العصبيه بقى والله نفسى البلد تنضف

الاول كلنا عارفين ان فيه ظلم فى حاجات كتير ..

سؤال واحد فقط هل هذه الفترة فترة انتخابات حتى نعمل اجتماعات فى الاستاد ؟وطبعا الاعمار بيدى الله وللعلم الفكرة انطرحت النهاردة فى المضيفة والشيوخ هما ال رافضينها لان الغرض منها حاجة تانية ثانيا قالوا ان كل واحد حر ومحدش يجبر حد على حاجة .

اما بالنسبة لانصار محى القطان ال انت بتقول راحوا المضيفة بالسنج والشوم هل كنت هناك علشان تقول كده يعنى مثلا الناس ال كانت قاعده كلها ناس محترمة ومؤدبة وناس كبار وشيوخ وشباب يعنى مشفناش سنجة ولاشومة من ال انت بتقول عليها لان انا واحد من الناس كنت هناك ولكن القعدة كان فيه ناس من ال عندهم مشاكل هناك فعلا وكانت هناك ناس متعلمة ومثقفة وكان فيه شيوخ زى الشيخ الحسينى حجاج الشيخ عادل الجرن والشيخ محمد رشاد وهما ال كانوا بيدروا الحوار يعنى ناس ملهمشى فى الانتخابات خالص نيتهم خالصة لوجه الله تعالى يعنى اظن انهم هيرضوا يقعدوا فى قاعدة فيها شوم وسجن انت فاضل شوية تقولى كانوا جابيين بانجو حشيش وللعلم انا مصورها فيديو بس للاسف الاضاءة ضعيفة ..
فارجو منك يا اخى قبل ما تكتب كلمة ان تتأكد منها لانها تحسب عليك ...
ثانيا تم تكوين لجنة من هؤلاء الناس المحترمين للتحدث فى اى شئ غلط فى البلد فى هذا الوضع الذى تنتشر فيه الفوضى وتصفية الحسابات .
اما بالنسبة للموقف فالموقف لم ينزل تحت تانى ال لما اهل البلد وقفوا صح لان الموقف وقف فوق بالعافية لو عاوز ..
ولو عاوز تشوف بالفيديو الحاجات ال حصلت فى القعدة التاينة الخاصة بالمظاهرات ممكن اسمعك فيديو ناس كانت قاعدة وبتحكى ال حصل واحكم بعقلك مين ال عاوز خراب وفوضى فى البلد ..
فياريت متقولشى كلمة غير لما تتأكد منها رجاء من مسلم لمسلم ..

الاخ احمد بقوش بيدافع عن شخص بعينه مش عن قضيه وده واضح اوى من تعصبه الشديد لاى كلمة تتقال على الشخص ده ويتنرفز بسرعه وبيغلط كمان مع انه اكتر واحد عارف ان الشخص ده بيبلطج فى الانتخابات وبيخودها بالتزوير والبلطجيه وقلة الادب والبلد كلها عارفه ده حتى انصاره
انا بجد مش عارف ليه كده وكمان يا جماعه هو حرام يعنى اننا نتغير ونغير ولا احنا طالبنا ببعض حقوقنا نبقى ولاد ........... لازم نفضل ساكتين ومكتومين عشان اصحاب المصالح مش عاجبهم كده وخلاص

البلد وشبابها هقرروا مين يكون النائب القادم واظن ان البلد كلها واعية ومثقفة بخلاف الماضى ودة هنعرفة ببساطة بالايام الجاية

والعضوية ليست احتكار
ولكنها راىء الناس جميعا
واكيدالناس هتحسن اختيارها المرة دى

اللهم ولى الاصلح ومن فية خير للبلاد والعباد

ياريت نخرج خارج ايطار الاتهامات
والعنصرية العائلية ونحترم اى راىء يقال مهما كان وكما قلت الناس كلها بالبلد هى اللى هتقرر مين هيكون النائب القادم

ابو عمر كتب:

الاخ احمد بقوش بيدافع عن شخص بعينه مش عن قضيه وده واضح اوى من تعصبه الشديد لاى كلمة تتقال على الشخص ده ويتنرفز بسرعه وبيغلط كمان مع انه اكتر واحد عارف ان الشخص ده بيبلطج فى الانتخابات وبيخودها بالتزوير والبلطجيه وقلة الادب والبلد كلها عارفه ده حتى انصاره
انا بجد مش عارف ليه كده وكمان يا جماعه هو حرام يعنى اننا نتغير ونغير ولا احنا طالبنا ببعض حقوقنا نبقى ولاد ........... لازم نفضل ساكتين ومكتومين عشان اصحاب المصالح مش عاجبهم كده وخلاص

اولا يا اخ ابوعمر انا لو بدافع عن شخص بعينه كنت شكرت فى هذا الشخص مباشر انا كنت برد على كلام الاخ محمد احمد ال بيقول ناس رايحة بسنج وشوم انا لو بدافع عنه فعلا مكنتش انتقدته فى موضوعات موجودة قبل كده ..


ثانيا انا اسمى معروف للجميع لكن من انت ؟؟؟؟؟؟؟؟؟؟؟؟؟؟

يا شباب شباس عمير فى كل مكان اتحدوا
ده نداء ورساله عاوزينها تكون رسالة لمنتدى ابناء شباس واول من نادى بها الاستاذ محمود حشلة من باب ارجاع الفضل لصاحبه
يا شباب جميل جدا ان يكون فيه لغة حوار ما بينا ولكن لازم يكون الهدف واحد وهو مصلحة البلد وجميل جدا انك تحس بتغيير وان الشباب فعلا عرفوا ان ليهم كيان وليهم تاثير ولكن ارجو ميكونش موجه من قبل اى حد لمصالح شخصيه ونرجع احزاب زى مان وفلان مع فلان يبقى انا ضده طيب ليه منسمع بعض ونتكلم عشان نقدر نوصل للافضل
جميل جدا ان الشباب يتوحدوا على راى او على شخص لكن ده مش معناه ان يكون الامر مختصر عليه او على شخصه والله كل واحد حر وليه حق الترشيح ايا كان توجهه وايا كان انتماءه اقصد اخوان او حزب او مستقل كل واحد ليه كامل حق الترشح وبردك كل واحد ليه حق يعترض
عجبنى جدا اللفته فى كلام الاستاذ محمد احمد ايه المانع ان كل واحد ينتخب اللى هو شايفه اصلح بدون تجريح وبدون غلط فى بعض
ايه المشكله لما يكون الصندوق هو الحكم بدون مشاكل واهانات وعداوات بسبب الانتخابات بين الاخوات والاصحاب

اخيرا نتمنى ان تكون حركة الشباب خالصه لوجه الله وغير موجهه من قبل اى الاطراف لمصالح شخصيه
حفظ الله شباس وشباب شباس والله الموفق


قشدة

أتفق معك يا أخ محمد فى كلامك فالديمقراطيه هى أن نستمع إلى أراء الأخريين ورأى الأغلبيه هو الفيصل .وأرجو الجميع أن يضع الحكمه (رأى خطأ يحتمل الصواب ورأى غيرى صواب يحتمل الخطأ)

انا عبد الله
وايا كان اسمى او صفتى من الواضح ان الشباب فى المنتدى متحمسين اكتر من اللازم وبيخدوا قرارتهم بانفعاليه انا لم اجرح فى احد او اقصد احد بكلامى ولم اذكر اسم احد الا بعد ردودهم واتهامتهم . ؟ وانا لما انتقد فعل معين او كلام معين هل ده معناه انى خرجت على اسلوب اللياقه ومش باحترم الاشخاص وبعدين انا مقولتش حاجه مبتحصلش راجعوا كل الموضوعات اللى فيها كلام عن سيادة النائب وهتعرفوا ان كلامى صح حتى لو كان الاخ احمد بينتقد زى ما بيقول فانتقاده على استحياء وغير مباشر لكنه دفاعه بيكون مباشر ويصيب الهدف مباشرة وبعدين ياشباب وسعوا صدركم شويه وبلاش العنفوانيه فى التخاطب مع الناس والا مفيش حد هيسمعلكم اصلا (( وجادلهم بالتى هى احسن ))

كلنا صدور رحبة . وكلنا آذان واعية
اتفضل قول اللى انت عايزه

اولا مرحبا بك يا استاذ عبدالله ياريت تعرفنا بحضرتك اكتر انت عارف ان شباس فيها الاف باسم عبدالله يمكن تكون معرفة خير ...

بسم لله الرحمن الرحيم
اولا يااحمد كفايه تعصب بقا.انت مش عارف ان كل بتوع المجلس حرميه ومفسدين فى الارض .وكمان عضو مجلس الشعب شرحهمم.بلطجه ووقاحه وسفاله.
من غير ذكر اسامى علشان كل البلد عرفين ان بتوع المجلس كلهم حرميه ومرتشين.انتا بتناقش في ايه
ثانيا: انامش بقولك خبر علشان تقول انه صح و كذب .افهم الكلام من الاول قبل ما ترد و تتعصب
او تتدافع.علشان انا كاتب دعوه وببعتها لكل من
يساهم فى نظافه شباس من احفاد القرده المفسدين
.كل الى انا قلته انى بدعو كل شاب يوم الجمعه
بانجتمع لنتشاور من الاصلح لتولى المجلس .ونطالب به( بالراى . والعداله .والمساواه . والديمقراطيه )
مش بالوسطه ولا البلطجه
ثالثا الدنيا يا اخ احمد كلها مش فى قلين بس .لافى مصر كلها عارفين ان اعضاء مجلس الشعب نجحو ازاى
ليه انتا بقا لسه مقتنع ان عضور مجلس الشعب فاز فى شباس بالديمقراطيه والمساواه؟!!!!!!
وكمان بلاش تعصب بقا احنا دخلين عهد جديد مش حيكون فيه بلطجه
كما اهنا نفسى وكل شاب فى شباس بيوم عزل معظم اعضاء المجلش المفسدين المرتشين منذ 3 ايام ( الشرفاء!!!!!!!!!!!!!!!!)
مش كلتكم يا احمد انك مبرمج على شىء معين . ومش حتتغير مهما تشاورنا فى الامر
ادعو الله ان يرشدك الى الصواب
كلنا عرفين انك بدافع عن مين وليه
انتا مش بيهمك مصلحه شباس علشان انت تنظر الى مصلحتك فقط
فلابد ان تفهم ما الامر قبل ان تقول شىء يبن لنا من انت ولماذا تقول ذلك
عندى سؤال واحد هل اعضاء المجلس فى رايك شرفاء؟؟؟؟؟؟؟؟!!!!
هل عضور مجلس الشعب وصل الى ذلك بالعدل والمساواه؟؟؟؟؟؟؟؟
هل انت حقا من ابناء شباس الذين حريصون على مصلحه البلد
هل انا كتبت لك خبرا نوهت فيه اننا تفقنا على يوم الجمعه كلقاء
ام انا برسل دعوه فى بادىء الامر كى نفكر فى الاجتماع والتشاور
ارجو الى كل فرد ان يفكر لماذا يدافع او يهاجم وا يقف متبرمج على اشياء معين الاستاذ احمد بقوش؟؟؟

ليه يا جماعه ما نجتمعوش على الصلاه ونتناقش فى كل شىء بما له منفه للبلد
ليه ما نقولوش لكى شخص اخطا انت مخطا
العمليه مش ماتش كوره يا احمد علشان نتعصب او كل واحد لا يقتنع براى الاخر
لماذا لا نلجا الى الحوار والمساواه
لماذا نترك اشخاصا يخطئون ويسرقون ويفسدون فى شباس بغير عقاب
ليه معظم المشتغلين فى المجلس انفصلو عن شغلهم من 3 ايام؟؟؟!! الذين تدعو انت انهم شرفاء كغيرهم
انا بقول راى لكل من له حق فى شباس لكل من له امل فى شباس
هل ياتى عهد الظلم مره اخرى فى شباس؟؟؟
لماذا لا يقف القوى بجوار المظلوم حتى ياخذ حقه ؟؟
لماذا نتعصب للوقوف الى الظامين ؟؟؟
اذا كان هؤلاء ظالمين فالله اعلا منهم ومن رؤسائهم
انى سعيد لما تم فى المجلس القريه وبفضل من : بفضل ابناء شباس عمير الذين لا يرضون بالفساد ولا الظلم
ولكن لماذا لا نجتمعو مره اخرى لكى نولى ونتفق على الاصلح ليكون واليا عليا ؟
انا متاكد ان زمن التزوير والبطجه واخد حق التصويط بالعنف وبالظم انتها منذ حل مجلس الشعب
وقوات الجيش هيا التى تحكمنا . مش انصار الحزب الوطنى الفاسد المرتشين احفاد الخنازير

مشكورين جدا ياريت تشاركونى رايى

انا هجواب على اسالتك علشان متقولشى انى مبرمج زى انت ما بتقول .

س1عندى سؤال واحد هل اعضاء المجلس فى رايك شرفاء؟؟؟؟؟؟؟؟!!!!
ج1 اولا كلنا عارفين ان فيه فساد من فئة معينة فى المجلس يعنى مش كلهم حرامية لان والدى شغال فيه برده يعنى والله ابويا ملوش حساب فى البنك ولا عندنا ارضى ولا حاجة كل ال والدى يملكه مرتبه فقط يعنى احنا عارفين ايه ال فى جيب ابويا يعنى متعمش الكلام على الجميع لانك بتغلط فى ناس ليس لها ذنب فى شئ وليس والدى فقط هناك الكثير ليس لهم ذنب فى شئ .

س2 هل عضور مجلس الشعب وصل الى ذلك بالعدل والمساواه؟؟؟؟؟؟؟؟
اولا يارضا لو دورنا على كل واحد عاوز مين ومش عاوز مين عمرنا ما متفقين علشان كل واحد حر فى رأيه الابن بيختلف مع ابوه .
يعنى مثلا فيه ناس بتحب شخص معين علشان لاقوا الاب بيحب هذا الشخص وبرده فيه ناس بتكره شخص معين علشان الاب بيكره شخص معين .
يعنى لو الناس اجتمعت مع بعض هل الكل سيتفق على شخص واحد اعتقد لالالالالالالالالالا وده كلام اتعمل قبل كده يمكن انت كنت صغير وقتها ومش عارف وبرده ال بيمل لواحد مش هتعرف تغيره مهما كان .
وهل فعلا لو اتفقنا على واحد تقدر تحكم علي اى شخص انه ميدخلشى انتخابات اعتقد برده لالالالالالالالا لان زى ماأنت حر انا كمان حر ...

س3هل انت حقا من ابناء شباس الذين حريصون على مصلحه البلد ؟
هو انت عندك شك فى كده



س4 هل انا كتبت لك خبرا نوهت فيه اننا تفقنا على يوم الجمعه كلقاء
وقبل ما اكتب خبر ان الخبر غير صحيح بتأكد الاول يعنى اتصلت بالشيخ ال هيخطب بالناس فى الاستاد يوم الجمعه قلتله ايه رأيك فى الكلام ده قالى انا عمرى مش رايح لان الناس ال جتلى عرفت نيتها لان ده مش وقت انتخابات ده وقت نصلح بلدنا من تصفية الحسابات ال فيها من مظاهرات وخلافه ومفيش دعى احكى تفاصيل ولو عاوز انزلك فيديو باحد الشيخ ال كانوا موجودين فى القعدة بتاعت تدبير المظاهرات انزله وانه انسحب علشان النوايا انا لما اقول مبقولوش من غير دليل واضح ..
يعنى كمان لما الناس ال كانوا فى المظاهرات كانت معروفة رايحة ليه قبل الناس دى متفكر تعدل من شخص اخر يعدلوا الاول فى نفسهم لان الوجوه باينة قدام المجلس وهما كانوا حوالى 20 رجل وحوالى 20 عيل سنهم من 10 الى 14 سنة ويعنى لما الموقف اتنقل اتنقل عافية ولكن رجع مش عافية علشان البلد وقفوا .
يمكن انت يا رضا بتكتب على الاخبار ال بتوصلك يعنى مثلا امبارح كان فى قعدة فى المندرة مش علشان انتخابات علشان ايه ال بيحصل فى البلد ..

انت سالت الاسئلة دى كلها بس انا ليا سؤال بسيط جداااااا حضرتك كنت مع مين فى دورة 2000 و 2005 و 2010 علشان تعرف مين ال متبرمج ؟؟؟؟؟؟؟؟؟؟
وانا اسف يا جماعة لان طريقة الكلام بسيطة ومليئة بالاخطاء النحوية ....
واوعى تفكر ان ال انا كتبه دفاع عن شخص معين ده ردا على كلام حضرتك يا استاذ رضا

852
ياريت نتغير احنا الاول ووقتها هنقدر نغير البلد ونغير اى حاجة مش عاجبانا

يا أحمد لا تجادل فى أمر مفروغ منه

نعم يوجد فساد فى شباس عمير كلها


فى المجلس وفى النادى وفى الجمعية الزراعية وفى كل شبر من شباس عمير


نعم نحن نعيش فى فساد

نعم كان هناك تزوير فى بعض البلاد فى الانتخابات وليس كلها ( البعض)

نعم هناك فى المجلس شرفاء وغير مرتشين ولكن هناك فاسدين ومرتشين

نعم هناك جيل جديد من الشباب يمثله رضا عبادة ونحن معه ومن هذا الجيل


نحن نريد حياة كريمة ونظيفة فى كل شباس


نحن نحب الخير لكل الناس ولكن لابد من مواجهة الفساد والمحسوبية


نعم رضا تعرض للفساد من القلة التى تعمل فى المجلس

وانا كمان تعرضت لظلم

يا احمد انت تعرف انى احبك جيدا ولا يوجد شك فى ذلك

ولكنى مع العدل ان شاء الله

لست مع رضا ان نصلى فى الاستاد لان الاستاد ليس نظيفا لكى نصلى به
وانا عارف انا هقرأ تعليقات يامة علشان الاستاد مش نظيف

كل انسان بنيته

والله المستعان

( ان الله لايغير ما بقوم حتى يغيروا ما بأنفسهم )

كلامك مظبوط يا توحه وده ال كلنا عاوزينه مش انت ولا رضا لوحده بس ده مش وقت انتخابات بدليل ان النيات مختلفة فيه ناس بتقول رايحين يقعدوا علشان انتخابات وناس تانية بيقولوا علشان مصلحة البلد وكل حسب نيته ومحدش بيجبر حد على حاجة ...
هل انت تقدر تجبرنى على رأيك وكذلك انا لا استطيع اجبارك على شئ معين .
يعنى ال عاوز يترشح يترشح وكل واحد حر فى ال يختاره ...

يا شباب يا ريت نهدى شويه ويا ريت نتحلى جميعا بادب الحوار مش معنى انى معترض على حد او بطالب بالتغيير انى يبقى كلامى كله تجريح والفاظ خارجه
قال تعالى (وما يلفظ من قول الا لديه رقيب عتيد )
اذا كنا فعلا جيل جديد وعاوزين نتغير يبقى احنا لازم نبقى جيل مثقف مهزب على درايه بادب الحوار يعنى لو عاوزين الناس تسمعنا وتتغير؟؟؟ لكن لو احنا فضلنا نشتم ونستخدم الفاظ لا تصح واحنا نفسنا منقبلش حد يكلمنا بالاسلوب ده اكيد محدش هيقبلنا ولا هيسمع لينا !!!
لازم ناخد عبره من شباب 25 يناير بمعنى انهم لما اتصرفوا بحضاره وبفكر وبرقى اجبروا العالم انه يسمعهم ويتغير معاهم لكن تخيل لو كانوا كسروا وخربوا وشتموا كان ايه اللى هيحصل كان الجيش هينهى الثورة فى ساعتين
لكن هما اجبروا الجيش انه يقف فى صفهم عشان اتصرفوا بفكر وحضارة تنم عن شباب فاهم واعى متحضر متعلم جيل جديد بمعنى الكلمه ولكم تحياتى


ولكن برغم كل شى بردك هنقول
قـــــــــــــــــشـــــــــــــــــده

أنا أؤيد أخويا محمد .
واعتصموا بحبل الله جميعا ولا تفرقوا
ولازم ياجماعة نتثبت من الكلام . ممكن أكون قصدى خير وانت تفهم حاجة غير كده . مفيهاش حاجة انك تتثبت من الكلام الأول . ممكن تسألنى عن قصدى . لو أنا قصدى خير هأبينه . ولو أنا قصدى غير كده ممكن أستحى وأسحب كلامى وأعتذر

السلام عليكم يا إخوانى
أنا عايز أسأل سؤال واحد وعايز الاستاذ أحمد بقوش يرد عليه
س/ محى القطان عملك انت ايه وليه بدافع عنه كده مع انك من جواك عارف ان الناس دى كلها صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

س2/ الاخوه ال بيجادلوا مع الاستاذ أحمد ماتتعبوش بفسكم لأن انتم لو عرفتم محى القطان عمله ايه فى الحزب الوطنى الفاسد قبل كده من المحتمل انكم تدافعوا عن محى معاه؟؟؟؟؟؟؟؟؟؟

أريدك يا أستاذ أحمد ان تشرح لنا ما فعله معك فى الحزب بكل صدق
وأعتقد أن كل الناس تريد أن تعرف ذلك
صح ولا لا ياشباب

يا جماعه حاجة غريبه جدا
منين انتوا بتقولوا احنا جيل جديد وفكر جديد وديموقراطى وحر ومؤمن بحرية الراى وكل واحد فيكوا عاوز يجبر الكل عافيه كده انه يقتنع برايه يعنى انتوا مع الاسف ماشيين بمبدا (you with us or then you against us )

وبعدين انا نفسى اعرف هو ده فعلا فكر جديد وجيل جديد ولا دعايه انتخابيه بالشكل ده الموضوع دعايه للاسف وشكلنا هنوصل زى الانتخابات اللى فاتت اننا نغلط فى بعض وليس الا يعنى الحكايه بالشكل ده لهيبقى فكر جديد ولا جيل جديد يا ريت يا ريت كل منا يقبل الاخر وزى ما قال ابو صهيب اخوية يا ريت كل واحد يتيقن من كلامه ده جارح ولالا فى محله او مش فى محله
واعتقد يا ششيخ عبد الرؤوف اننا لازم فى اثناء الحوار نحترم خصوصيات بعضنا لان ممكن الكلام من وجهة نظرك عادى لكن ممكن يتفهم سخريه او استهزا من وجهة نظر تانيه
يا جماعه نقول راينا ونكون مستعدين لتقبل الراى الاخر مش نفكر ازاى نجبر الاخر على الاقتناع براينا ولازم نحافظ على مبدانا مصلحة شباس فوق الجميع

رجاء اخير *** ارجو من اخوانى مراعاة الالفاظ والاسلوب المهزب من باب احترام سن وقيمة الناس الكبيرة اللى فى المنتدى لكى لا يتعرض اى تعليق او اى مداخله للحزف لان من اهم مبادىء المنتدى فى حالة وجود اى لفظ خارج او تعليق خارج حدود الادب يتم حزفه فورا ولكم تحياتى

قشدة

سلمت يداك ابا عبدالستار

مبدا (you with us or then you against us )

(إنجليزى ده يا مرسى ) ؟؟؟؟؟

أتفق معك يا محمد بيه يا أخويا.. ياريت يا جماعة محدش يقيد رأى حد
كل واحد حر يعبر عن رأيه وعن إنتمائه طالما فى حدود الأدب
والإحترام للغير



قشطة

لا دا فيومى يا كينج
يا ترى انت فين يا أبوسعدة؟

أنا هنام يا حمو ولما الدنيا تهدى ابقى صحينى
وابقى لم الأسلحة اللى فى المنتدى عشان محدش يتعور
وبما أنى مساعد ثانى العمدة أقبض على كل اللى بيكتب بخط وحش

اولا انا بتفق مع كلام اخواتى محمد وابوصهيب وابواكرم..
معلشى يا محمد باشا هضطر انزل الفيديو بتاع الشيخ محمد رشاد ابواليزيد علشان يرد على الاخ عبدالرؤف لانى مليش نفس الفيديو هيشرح النوايا ال جواهم ....

اولا انا بتفق مع كلام اخواتى محمد وابوصهيب وابواكرم..
معلشى يا محمد باشا هضطر انزل الفيديو بتاع الشيخ محمد رشاد ابواليزيد علشان يرد على الاخ عبدالرؤف لانى مليش نفس الفيديو هيشرح النوايا ال جواهم ....

يا استاذ محمد عز العرب اولا احمد بقوش هوه الى بيوصل الحوار الى انتخابات .والدليل على كده اننا كاتب دعوه وليس خبر ولا تاكيد اننا اتفقنا على الاجتماع . ثانيا انا بدعو اننا نجتمع لكى نتشاور فى الذى يحدس فى المجلس والجمعيه وغيرها .مثال على ذلك فيه ناس انا اعرفها كويس بتروح بيتها 500 رغيف عيش وفيه ناس بتاخد 6 ارفه عيش .د يصح يا استاذ محمد ولا .
ثانيا هوه بيقول ان البلد مفيهاش فسا فى اول كلامه وبيقولى قولى اسم موظف او موقف
امال الناس الى بتبنى مثلا بتبنى ازاى
تعالو شوفو السور المنزل بتاع بتنا سيبين نصف متر من كل ناحيه ومعمولنا قضيه على الرغم من
بجوارنا ناس لسه بانيه من شهرين تقريبا تعالا شوفولا سنتى متساب . وده علشان فيه واحد طول السنه من بتوع المجلس داخله لبن وجبنه وكل حاجه كل يوم الى بيته ببلاش . وما اتعملهومش اى قضيه . يعنى وغيره وغيره وغيره........
ثانيا انا مش بقصد مجلس الشعب فى الحوار ده
لان ده مفروغ منه الدنيا كلها عرفه ان الحزب الوطنى فاز ازاى والحمد لله اهو اتحل ومبقاشحزب وطنى تانى واسؤلو احمد بيه عز فى السجن دلوقتى
وغيره من اتباع الحزب ده
ثانيا مش عيب ان الانسان يقول انا تبع فلان ولا علان علشان دى حريه بس العيب ان الواحد يفكر ان اى كلمه تتقال تنوه الى فلا
ثالثا عندك حق يا استاذ عبد الفتاح ازاى حنصلى فى الاستاد وهوه اصلا فيه فساد هوه الاخر
(غير نظيف ) لكى الله يقبل ما دامت النيات خالصه لوجه
وانا بعتزر اذا كتب الى كلمه بها تجريح وا تلميح على شخص بعينه بالخطا من غير قصد و قلت اى حاجه وصلت لحد انى بقصد احد بعينه لكى انا لا اقصد الا ان اساهم كفرد فى تنظيف البلد من كل ذلك
اساهم لكى امنع فرد ان تاخد اكثر من حقه
اساهم لكى نحقق المساواه بين الناس فى شباس
وبصراحه لا يجب ان نقف ساكتين امام افراد اعطت لهم الدنيا سلطه لكى يسرقون ويفسدون بغير حق
السلام عليكم ورحمه الله وبركاته

أنا عندى فكرة يا جماعة . وياريت أدمن تنفذها يمكن تهدى وتحل
يتم الاتفاق على موعد ويعلن عنه فى المنتدى . ونجتمع فى الدردشة ويكون هناك منسق للحوار يتم اختياره قبل البدء فى الحوار ليسيطر على الموقف وحتى نقرب وجهات النظر . وتكون نياتنا كلها لله . وعلى أن نلتزم باحترام الدين والغير

هل تتفق معى يا دكتور إن الجميع فى هذا الموضوع صفر فى
.
,

.
/


.






الإملاء
فهناك أخطاء إملائيه قاتله وأعتقد أن الجميع يكتب وهو متعصب والدليل (إسألوا)

حبيبى يا احمد بيه يا اخويه حاجه على ما قسم من ايام حبيبك رابسوا ههههه صباح الفل

شفت بقه يارضااننا لما بنهدى اكيد هنقدر نتناقش ونتكلم وكل واحد يفهم وجهة نظر التانى خاصة ان انت واحمد وكل واحد هنا متفقين على هدف واحد وهو مصلحة شباس ومحاربة كل واحد فاسد او مرتشى وده اولا
بصراحة احنا لما بنسمع الاحداث اللى حصلت والمواقف اللى تغيرت فى شباس تحس ان فيه فعلا شباب عاوز يتغير ونيته خير ويعمل لوجه الله
فى نفس الوقت بتلاقى ناس بتحاول تستغل ده لمصالح شخصية والدليل سمعناه من الشيخ محمد رشاد ان فعلا النوايا مش صافيه ومش واضحه وناس عاوزه تستغل حماس الشباب وتوجهه لتصفية حسابات قديمه خاصة ان شباس معروف كويس جدا اتجاه كل واحد فيها وهيبان اكيد توجه كل واحد ونيته والله اعلم

لكن الاهم يا رضا اننا نتخطى خلافاتنا او اى شىء يدعو للفرقه او للهدم المرحله اللى جايه محتاجه اننا نتجمع على الخير والمصلحة العامه بدون ما ننظر للخلف او للحسابات القديمة المفروض انه جيل جديد بفكر جديد ولا انت مش معايه
كنا نتمنى يا رضا اننا نشوف افكار الشباب وايه اللى بيفكروا فيه كمشروعات خدميه لشباس

يعنى مثلا يا ريت تقترح مثلا مشروع خدمه عامه او اى فكره تقدروا تنفذوها كشباب وتنفعوا بيها شباس ولك كامل تحياتى وتقديرى

ابو صهيب بيه ي ااخويه علبة الدردشه موجوده فعلا ولكن مكنش حد بيدخل فيها لكن اعتقد انه فعلا احنا محتاجين نتناقش بشكل مباشر طبعا عشان نقدر نقرب وجهات النظر ونقدر نستفيد من بعض خاصة ان الكل مجتمع على هدف واحد وهو مصلحة شباس

قشدة

فعلا يا دكتور أيمن الناس منفعلة زيادة عن اللازم

عبدالرؤوف عباده كتب:

السلام عليكم يا إخوانى
أنا عايز أسأل سؤال واحد وعايز الاستاذ أحمد بقوش يرد عليه
س/ محى القطان عملك انت ايه وليه بدافع عنه كده مع انك من جواك عارف ان الناس دى كلها صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

س2/ الاخوه ال بيجادلوا مع الاستاذ أحمد ماتتعبوش بفسكم لأن انتم لو عرفتم محى القطان عمله ايه فى الحزب الوطنى الفاسد قبل كده من المحتمل انكم تدافعوا عن محى معاه؟؟؟؟؟؟؟؟؟؟

أريدك يا أستاذ أحمد ان تشرح لنا ما فعله معك فى الحزب بكل صدق
وأعتقد أن كل الناس تريد أن تعرف ذلك
صح ولا لا ياشباب

اولا : محى القطان معلمشى حاجة بدليل انا مش مدير بنك ولا فى البترول ولا وزير ولا عندى 1200 فدان .

ثانيا :انا ليس لى عضوية فى اى حزب من احزاب مصر كلها فانا لااعترف بالاحزاب اساسا كل ال كنت بفعله كنت شغال شغل عادى على فترات يعنى مش وظفية زى زى شباب كتير والحمد لله الواحد كان بيشتغل وبراعى ربنا .
وبعدين قبل ما تهاجم شخص معين طالما انك تبحث عن هذا الحزب الفاسد فياريت تروح للاستاذ عبدالفتاح عبادة دا راجل من كبار الشخصيات فى الحزب الوطنى فى محافظة كفرالشيخ فاذا كان محى عضو عن الحزب فالحاج عبدالفتاح رجل من رجال الحزب الذى يديرون العملية ولا ايه .

ثالثا : سؤال لك تقدر تقول عليه ما هى ميولك هل ميولك مع شخص معين ولا ميولك ضد وخلاص ولا حاجة تانية ..

رابعا :انا علقت على كلامك علشان متفكرش انه ضعف منى .

خامسا :حابب اقول لك كلمة من تتدخل فيما لايعنية سمع ما لايرضيه .


سادسا : فيديو واحد شيخ كان قاعد فى قعدة محاربة الاصلاح والفساد ياريت لو عاوز تروح للشيخ تسأله برده اسأله وانا اعتقد انك أزهرى وشيخ ..




اعتقد انى جوبتك على اسئلتك كلها ياريت تجوبنى على سؤالى البسيط جداااااااااااااااااااااا ..
وانا اسف يا جماعة مع انى لست مضطر لانى ارد على مثل هذا الكلام بس رديت علشان الاخ الفاضل عبدالرؤف ميفكرشى ان السكوت ضعف منى ...

والله الجماعة دول بيقولو كلام زي الفل


ورضا بيقول كلام زي الفل......



وبقوش بيقول كلام زى الفل..........


بس الاخ عبدالرؤف بيقول كلام بس نصفه فل ونصفه ........


يا ريت ادب الحوار ومنجرحش فى حد ومنذكرشى اسماء الفاسدين لان الناس عارفينهم



المهم
الزمالك هيلعب امتى

يابنى شوف فريق تانى شجعه سيبك من الزمالك

عتاب ل رضا وعبد الرؤف واحمد بقوش
لو كان الاسلوب بتاعكم ده هو اسلوب الحوار في الفترة الجاية مش هينفع انتوا التلاته اسلوبكم غلط لكل انسانالحق في التعبير عن فكره دون المساس بحق الآخر في التعبير الحر عن رأيه وليس لك يارضا ويا عبد الرؤف الحق في مهاجمة احمد بهذا الاسلوب ( عييييييييييييييييب ) وانت يا احمد ردك عليهم مهين هيوصل الحوار بينكم لمستوي لا نرضاه لكم ونحن ننشد لكم مستقبل مشرق يا احمد رضا وعبد الرؤف كانوا في 2000 ، 2005 ، 2010 ضد محي وهذا لايعيبهم كما انه لا يعيبك انك كنت ضد د. سامي حامد في 2010 وضد كابتن مراد والشيخ عبد العزيز خطاب في 2005 مش كده يا احمد وهذا ايضا لايعيبك
وبعدين رجائي بلاش هجوم لكل انسان رايه ولا بد ان يحترم سواء اتفقنا معا ام اختلفنا
وبعدين يا احمد احما في الانتخابات فعلا مش لسه بدري وكل واحد له الحق في انه يشوف الشخص والاسلوب اللي يختار بيه مرشحه مش عيب
ولكل الحق في البحث عن صالح بلدهم كما يشاءوا وكمان ليس من حق فئة ان تحجر علي راي الشباب لمجرد رغبتهم في التغيير لكن من خلال صناديق الانتخاب

شكرا على كلامك الجميل استاذ جمال ولا كلام بعد كلامك لانك تعرف مقدار احترامى وحبى لك ..

يا جماعه أنا اسف جدا لك يا أستاذ احمد لسبب واحد بس مش عشان انت صح او انك رديت على سؤالى ولو كنت عاوز ترد كنت قلت عن عملك العادى ده !!!
ولكن السبب هو ان كل الناس وخاصة خالى جمال شافوا انى تعديد الكلام ولكن السبب الذى جعلنى اقول هذا هو اننى انفعلت لاننى فى كل موضوع اراك تدافع عنه وتنبذ اى واحد ولم تقف مع اى حد ضد محى وحتى لو هو صح !!!!!

ومع شدة احترامى للشيخ محمد رشاد فهو ليس حجه علينا وهو بشر
واريد ان اساله سؤال من هو كبير البلد فى نظره ونظرك هل هو محى ام غيره لاننى حتى الان لم اعرف للبلد كبير

وانا اقسم بالله اننى ماكنت مع ما حصل ولكن كنت مؤيد له بالوسائل المحترمه مثل الشكاوى وغيرها ولكن هؤلاء ليس من الممكن ان نعطوهم فرصه للاصلاح لانهم مفسدين واحنا تعبنا من الفساد وخلاص الثوره قضت على ذللك ومش من الممكن ان نترك لهذا الفساد اى جزور او قاعده

وانا اقرر اسفى لاحمد بك بقوش بس مش معنى كده انى بتراجع عن مبادىء!!!