بعد الصراع على مقعد مجلس الشعب فئات فى مركز قلين بين عدد من الأعضاء و الذين ترشحوا جميعم للحزب الوطنى الديمقراطى وكان منهم على سبيل المثال ( النائب السابق محي الدين القطان - عز الدين جوده - خليفة حامد - د.سامى حامد ) وجميعهم مرة أخرى قدموا أوراق الترشيح للحزب الوطنى الديمقراطى وتم حسم مقعد الفئات للنائب السابق و الحالى محي الدين القطان و الذى أعلنت نتيجة التصويت من مركز الشرطة بقلين وكان جميع أبناء وأهالى قرية شباس عمير يضعون أيديهم على قلوبهم منتظرين النتيجة سواء بالمركز أو بالقرية وكان هناك حدث صغير لا أريد أو أمر عليه بدون إلقاء بعض الضوء وهى الإشاعات السابقة لإعلان النتيجة مباشرة بفوز مرشح الحزب خليفة عباس و الذى من أجله قام بعض الأفراد من أهالى شباس بإطلاق الزغاريد و الطلقات النارية ولا أعرف حتى الأن هل هو فرح بفز خليفة أم شماتة فى سقوط النائب السابق؟ . ما علينا . ثم تم إعلان النتيجة النهائية بفوز النائب السابق المحبوب محي الدين القطان الذى رسم خططه للصلاح و الأخذ بشباس عمير نحو الأفضل و الأفضل الذى يحمل معانى كثيرة ( تطويرو نظافة و ما الى ذلك من كل المواضيع ) وفرح أهل القرية جميعهم وباتت شباس عمير تحمل فوق أعناقها شخصا يرتجون من الله أن يكون هذا الشخص هو الأمل و السبب لتلبية مطالبهم وترى الفرحة فى عيون آلاف الأشخاص وأنا أعلم أن هناك بعض الافراد المعدودين سوف لا يعجبهم كلام ولكن أقول ما رأته عينى فى مقاطع الفيديوهات وما عرفه قلبى . ثم بعد ذلك هدأت الأمور جميعها وإنطلق النائب الى البرلمان ويحمل معه أوراقه التى رسمت عليها أحلام الآلاف إلى أن إشتعلت الثورة قام الجيش بحل مجلس الشعب .و الأسئلة التى تدور بعقلى الآن .
هل شباس عمير ستقف وقفتها مرة أخرى بجانب النائب وتكمل مسيرتها نحو تحقيق أهدافها المرسومة مسبقا ؟
هل هسيقوم بعض المرشحين بالترشح مرة أخرى بعد أن عرف حجم أصواته الإنتخابية؟
هل سيحدث مثل ما حدث سابقا من خلافات وإطلاق نيران وعراكات ومشادات كلامية ؟
هل دور الشباب سيكون فعالا مثل السابق أم كل فرد سيبحث عن نفس؟
وهناك تساؤلات عدة لابد لها من وقفه أرجو المشاركة حتى نستطيع جميعنا الإتفاق بالأخير على مايجب أن نفعله جميعنا. وحرية الرأي والرد والتعليق مكفوله للجميع .

اعتقد ان الشباب اصبح واعي لما يدور حوله
واكيد هيعرف يقرر مين اللي هيقدر يمثله

وشباب شباس ليسوا اقل من شهداء ثورة 25 يناير

بمعنى نموت من اجل التغير والحرية والكرامة
بمعنى مش الجوع بس هو السبب
فيه حاجات كتير ااهم من الاكل والشرب
بمعنى شباب شباس اعتقد محدش هيضحك عليه تاني بالشعارات الزائفة
لان بابا حسني مات وبابا صفوت انتحر وبابا يوسف والي وقع في بلاعة مجاري
وعمو احمدعز اتحرق بيه الكبارية
يعني العصابة تم القبض عليها وانتهى امرها
فاللهم ولي الاصلح لبلدنا

صوتك امانه

ان صنته صانك وان خنته خانك

اولا السلام عليكم ورحمتة الله

طبعا برحيل النظام القديم وحزبة وقائمتة لايوجد مكان لاى فرد كان ينتمى الى الحزب واظن انة ان الاوان لوجوة جديدة تمثل الدائرة من الشباب واظن ان زمن احتكار البرلمان قد ولى وهذا راى الخاص طبعا قامت الثورة وطالبت بالتغيير اظن ان مفهوم الثورة ليس حكرا على تغيير مجموعة ولكن لتغيير كل او جميع من انتموا للحزب اللى كان حاكم


وتقبلوا مرورى

تذكير

طبعا كلامى ليس ضد او مع ولكنى مع التغيير

موضوع رائع يا كيمو
وربنا يولى من يصلح ولابد اخوانى الاعضاء ان يوجد مساحه من الحريه والديمقراطيه التى نادت بها الثورة بمعنى
اى شخص يرى فى نفسه كفء لهذه المهمه الصعبه فليتقدم وسيكون صندوق الانتخابات هو الفيصل الاول والاوحد
والله ولى التوفيق

مشكور جدا ياحسم على التعليق

اعتقد من وجهه نظري بأن المرشحين الذين سبق ترشيحهم سوف يترشحون مرة ثانية بل من الممكن ان يزيد العدد وتظهر عناصر اخري وما هوالداعي للمشاكل والخلافات لماذا لا نتفق مع بعضنا شباب البلد بما فيه الخير لمصلحة البلد ونختار النائب الذي يمثلنا لان بلدنا لاتستغني عن عضوية مجلس الشعب لان البلد كبيرة ومشاكلها كتير
والله ولي التوفيق

يا عنى بذمتك يا حمادة بلدنا عمرها هتتفق على واحد
طيب المصالح الشخصية نعمل فيه ايه
تتبخر يعنى
صبح صبح
واحشنى يا حمو

والله يا بومحمد هي دي المشكله في بلدنا فيه ناس كتير عايزة مصلحتها الشخصية ولا يهمها مصلحة بلد ولا مصلحة عامة
وربنا يقدم مافيه الخير

شكرا يا حمادة ياعسل على مرورك الكريم
بس برده ياحمادة خلينا نقول اللى لينا و اللى علينا
برده فيه ناس كتييييييييييير يهمها إن بلدنا يكون فيها عضو مجلس شعب ودا بعيد خالص عن المصالح الشخصية لان بينفع فى الشدائد حتى لو مش هيعمل حاجة وساعات فيه حاجات إنسانية تستدعى وجوده.
بالرجوع للمصالح الشخصية أنا عارف ياحماده إنك من أشد المؤيدين لوجود عضو فى بلدنا وأنا مبحددش حد طبعا أيا يكن العضو لكن عضو مجلس الشعب عمل إيه ( سفرك--بنالك بيتك --جوزك ) لا طبعا إنت إعتمدت على نفسك فى كده . يبقى المصلحة الشخصية عملتلك إيه .
يبقى مسألة المصلحة الشخصية مش صحيحة.وقيس على كده ناس كتيير ما أفادتهم المصلحة الشخصية بشئ لكنهم وقفوا وإنتخبوا ونجحوا عضو وده طبعا عشان البلد و وفكر كده ياحمو كام واحد إتعمله خدمة شخصية 1000 ولا 2000 وباقى اللى إنتخبوا . لا و الله ما هى مسألة مصالح شخصية المسألة مسألة بلد بتقف وقت الجد وبتعمل اللى هي عاوزاه. كفاية كده مش عاوز أصدعلك دماغك.

كلام جميل
ولكن يا أخى سيادة الكابتن محى لغاية دلوقت لم يعلن انضمامه لشباب الثوره وتبرأه من الطغيان حتى لو هو كان شخص منهم بس لازم كان يعجل بهذا الاعلان
بستغرب كتير لما أشوف ناس مازالت تتباكى ع الماضى ولا تريد ان تعيش المستقبل

احنا فعلا محتاجين عضو في شباس ، ضروري ياجماعه ، علي الأقل عشان المصالح العامة الموجودة في البلد محدش يطمع فيها ويسحبها تاني من بلدنا ، يعني مثلا بقول مثلا يخدوا مننا ال 35 شيكارة دقيق اللي بتتخبز في شباس كل يوم ويزودوا بيهم قلين عشان قلين اللي من غير عضو بتاخد 300 شيكارة يوميا ومش مكفينهم ( لازم يبقي عندنا عضو عشان يحافظ عليهم !!!!!!!!!!!! أمال بتوع المجلس ياخدوا العيش ازاي من غير عضو )
ولا مثلا بقول مثلا النافورة بتاعت ميدان الرحبة ياخدوها لأ وألف لأ لازم يكون فيه عضو من شباس
ولا مثلا ياخدوا الوحدة الصحية كمان مننا ( زي المستشفي ) لأ وألف لأ لازم يبقي عندنا عضو يحافظ
ولا مثلا قرارات العلاج ( لا دي بلاشها عشان القضاء بيحقق فيها تاني )
ولا مثلا أراضي الخرجين الغلابه دول مين هيستولي عليها
ولا المرصوف ومياه الشرب النقية جداً ولا المجاري ولاأقواس النصر يخدوها مننا
ولا أقولك يا كيمو كفايه الفرحه اللي انت حضرتك شفتها في العيون بعد الضرب والبلطجية والشباب( ال 300 ) اللي أخد 200 جنيه يوم الانتخاب عشان يشيل النبوت
بقولك أيه متيجي يا كيمو تترشح انت عشان نتفرجوا عليك وانت بتنضرب وبتلبس طرحه وبتتصور وانت بتعلم علي الكابتن بنفسك المهم عايزينك لما تحب تشوف بص كويس في الصورة شوف الناس اللي انسلب حقها في التعيين وفي الشغل وفي الحرية وفي الحق في الاختيار لمن يمثلهم ابقي بص في العيون كويس عشان تعرف تحكم صح ( ومن يكتمها فإنه آثم قلبه ) المهم اسأل يا كيمو عن شباس عمير بلدنا بعد 45 سنه تتمتع بعضو مجلي شعب استفادت ايه من وجودة هقولك استفدت ايه في ال 15 سنه الأخيرة بس انتقسمنا 600 حته لدرجه يصعب معها التوحد مرة أخري ، انضرب عائلات كتير ( حامد وعبادة وسليم وخطاب وزغلول وسعيد والقطان ) دا كله عشان حضرتك تشوف الفرحه في عيون الناس بقينا برضه المعازي مقسومه والافراح مقسومه وحتي اختيار الزوجه مقسوم دا كله عشان الفرحه بتاعتك وعشان العضو بتاعنا في آخر دوره بس يروح المجلس الموقر سيد قراره شايل أحلام الشباب عشان هو قبل كده مكنش بقدر يشيل احلامهم وطبعا الحاج والده قبل منه ده مكنش بيقدر يشيل حاجه اقولك يا كيمو كلمه واحده ربنا يكرمك

مشكور استاذ جمال للرد الجميل وبأيدك فى بعضه واختلف معك فى البعض الاخر
اولا هناك 80 شيكارة بتتخبز فى شباس مقابل 300 فى قلين
يعنى بلدنا بتخبز كل يوم تقريبا 45000 رغيف ينوب كل واحد من شباس حسب التوزيع تقريبا نصف رغيف
انت بتقول بتوع المجلس بيخدوهم طيب هيخدوا ايه يا حسرة مع ان والدى هو اللى ماسك موضوع العيش ده وانا اعرف كل صغيرة وكبيرة عنه وانا بدعيك لكى تأتى ضيفا عندنا وتعرف انت الاخر الوضع على ارض الواقع وتطرح رأيك ومقترحاتك وحلولك . وماهى مقارنتك بين وضع العيش فى الفرن قديما وما كان يحدث من مشاجرات ووضعه الان
ثانيا موضوع ال300 اللى خدوا 200 جنيه يعنى 60000 جنيه اعتقد خانك التوفيق فى هذا الكلام فأين هم واذكر لى واحد فقط اخذ اموال مقابل البلطجه واذكر ماذا فعل تحديدا هؤلاء البلطجيه
ثالثا العائلات اللى انضربت يوم الانتخابات
انا كنت داخل اللجان وكنت مشرف على بعضها وانت تعلم ان الانتخابات كانت تمر بسلام حتى الساعه الواحدة تحديدا عندما اخرج ابناء احد المرشحين مسدس امام عينى وكان يريد الاشتباك فهاج الجميع وذهب هذا الشخص الى سطح عيسوى حامد امام المدرسه واخذ انصار المرشح الذى ينتمى له صاحب هذا البيت فى اطلاق الاعيرة الناريه والقاء قنابل الملوتوف وارهاب الناس
واقسم بالله ولست بكاذب ان انصار محيى القطان لم يطلقوا عيارا واحد وهذه شهادة امام الله

ثالثا يا استاذى الفاضل ما اجتمعت الناس على باطل فلو اهل شباس يعلمون ان فيمن ذكرتهم خير لوقفوا بجانبهم ودعموهم ولكن الجميع يعلم انهم مشتاقون

والى ان يظهر الشخص المنتظر انى هنا قاعدون
وعذرا استاذى فى المدرسه ووالد صديقى على الاطاله
ملحوظه انا هنا الان لا انتمى لاحد بل وجهه نظر تحتمل الصواب

أمين اباظة
كشفت التحقيقات التي يجريها المستشار أحمد إدريس، مستشار التحقيق بوزارة العدل، الذي يباشر تحقيقات موسعة في جرائم الاعتداء على أراضي الدولة في عدد من المحافظات، في ضوء فساد داخل قطاعات وزارة الزراعة عن قيام وزير الزراعة الأسبق الدكتور أمين أباظة بتخصيص مساحة 6465 فدانًا من الأراضي المخصصة في مشروع مبارك لشباب الخريجين، لصالح 160 شخصًا من كبار المسئولين بالدولة والوزراء وأعضاء مجلسي الشعب والشورى وأقاربهم.
وأوضحت التحقيقات أنه في مقدمة من حصلوا على تلك الأراضي دون وجه حق رئيس مجلس الشعب السابق الدكتور أحمد فتحي سرور وأولاده وأحفاده، ورئيس ديوان رئاسة الجمهوريةالدكتور زكريا عزمي، ووزير التضامن الاجتماعي السابق الدكتور علي المصيلحي، وعاطف أباظة ابن عم وزير الزراعة السابق أباظة، وحسين وجيه أباظة صاحب توكيل سيارات بيجو في مصر.
كما جاء من بين من حصلوا على تلك الأراضي من أعضاء مجلس الشعب السابق: عبد الرحيم الغول، وأحمد منسي، وبهاء أبو الحمد، وأحمد عبد العزيز بركات، ويحيى المسارع، وإبراهيم محروس أبو شادي، ونصر شحاتة، ورجل الأعمال سليمان عامر، والحسيني أبو قمر، ومحمد مصطفى شردي، وعبد الله مسعود، ومحيى الدين فتح الله قطان، وغنيوه محمود رجب، وأيمن ماهر عبد الخالق، ورمضان محمد راضي.
وجاء من بين أعضاء مجلس الشورى من الذين حصلوا على تلك الأراضي: أحمد الطويل، وفريد محمد صالح، وعبد السلام موسى، وفؤاد يحيى عبد المجيد.
وأكدت التحقيقات التي يباشرها المستشار أحمد إدريس مستشار التحقيق بوزارة العدل أن تلك التصرفات من جانب أمين أباظة تمثل مخالفة صريحة للقانون 143 لسنة 1981 بشأن الأراضي الصحراوية المملوكة للدولة ولائحته التنفيذية،والتي أجازت التصرف بغير المزاد العلني في الأراضي المستصلحة طبقا للأسس والتيسيرات وأوجه الرعاية والقواعد التي نظمها مجلس إدارة الهيئة العامة لمشروعات التعمير والتنمية الزراعية.
وتضمنت القواعد أن تكون تلك الأولويات لأبناء المحافظة من المسرحين من القوات المسلحة، وخريجي الكليات والمعاهد والعاملين بالدولة عند تركهم الخدمة، وصغار المزارعين وأسر الشهداء ومصابي العمليات الحربية بالقوات المسلحة.
وأشارت التحقيقات إلى أن وزير الزراعة الأسبق أحمد الليثي كان قد قرر حصر مساحات للأراضي المستبعدة من التخصيص للشباب على أساس أن بها بعض العيوب البسيطة.. حيث قرر تشكيل لجنة لتحديد أسلوب التصرف فيها والتي انتهت لأن يكون أساس البيع لتلك المساحات هو المزاد العلني فقط، والذي قام الليثي بتنفيذه بالفعل وبيع جزء كبير من تلك الأراضي بأسعار ترواحت ما بين 67 ألف جنيه في حده الأدنى، و155 ألف جنيه للفدان وفقا لأسعار المزاد.
كما أبرزت التحقيقات أن أمين أباظة عندما تولى منصب وزير الزراعة، قرر إيقاف بيع ما لم يتم تخصيصه من تلك المساحات بطريقة المزاد العلني، وقام خلال تلك الفترة من 2006 وحتى 2010 بتخصيص بعض هذه المساحات للعديد من الحالات بالمخالفة للقوانين والقرارات المنظمة، ودون طرحها بالمزاد العلني، الأمر الذي ترتب عليه إهدار جزء من القيمة الحقيقية من هذه المساحات علاوة على التخصيص لبعض الفئات غير المستحقة.
وترجع الوقائع المتعلقة بالأراضي إلى قيام الدولة باستصلاح قرابة 40 ألف فدان بتمويل من قروض قدرت بالمليارات من بنك الاستثمار الوطني، حيث تم تزويد تلك الأراضي بالمرافق اللازمة ووحدة سكنية في كل قطعة منها والتي تقدر بخمسة أفدنة للقطعة الواحدة، على أن تخصص في معظمها لشباب الخريجين وذلك بواقع 5 آلاف جنيه للفدان،يسدد المستفيد منها ألف جنيه عن كل فدان والباقي على 30 سنة.
وتم استبعاد مساحات كبيرة من تلك الأراضي على أساس انها ليست بذات الجودة، حيث اقترح الوزير الأسبق الليثي بيعها بالمزاد العلني، وتم بالفعل بيع مساحات كبيرة منها.. فيما خصص أمين أباظة المساحات الأخرى بالأمر المباشر بالمخالفة للقانون وبواقع 10 الاف جنيه مقدم عن كل فدان وبمساحات متفاوتة لكبار المسئولين وأولادهم وأحفادهم وذويهم ترواحت للبعض ما بين 5 أفدنة وحتى 450 فدانا، دونما تحديد للقيمة النهائية لأسعار تلك الأراضي.
وأوضحت التحقيقات أن تلك التصرفات من جانب المسئولين بالدولة وأعضاء مجلسي الشعب والشورى تخالف المادة 95 من الدستور التي تنص على انه يحظر على أعضاء مجلس الشعب وذويهم بالبيع أو الشراء في أملاك الدولة، وحتى أقاربهم من الدرجة الرابعة.
وكشفت التحقيقات عن بطلان كافة القرارات الصادرة عن مجلس إدارة الهيئة العامة لمشروعات التعمير والتنمية الزراعية الخاصة بزيادة المساحة المخصصة بالبناء لغير الأغراض لخدمة الزراعة من 12 إلى 7 $ وذلك لمخالفتها لحكم القانون لذي ينص على انه يحظر استخدام الأراضي الخاضعة لأحكام القانون المتعلق بالتنمية الزراعية في غير الأغراض المخصصة من أجلها.
وأكدت التحقيقات بطلان كافة الإجراءات التي اتخذتها هيئة التعمير والتنمية الزراعية بالموافقة على تغيير مساحات كبيرة من الأراضي في طريق القاهرة/الاسكندرية إلى أغراض السكنى بالمخالفة لأحكام القانون الذي لا يجيز لها ذلك.
وأوضح مصدر قضائي مسئول أن أمين أباظة ومعاونوه تواجههم تهم الإضرار العمدي بالمال العام، وتسهيل الاستيلاء عليه.. فيما يواجه الذين حصلوا على تلك الأراضي من المسئولين بالدولة وأعضاء مجلسي الشعب والشورى تهمة التربح من أعمال الوظيفة.
وسوف يبدأ المستشار أحمد إدريس خلال الأيام القادمة تحقيقات موسعة من رئيس وأعضاء مجلس إدارة هيئة التنمية الزراعية واتخاذ إجراءات فسخ العقود التي أبرمتها هيئة التعمير لتغيير مساحات من الأراضي الزراعية إلى أراضي للبناء.

بعد إذن خالى جمال ممكن أرد على أ/ حسام وأقوله بعض الاسماء والاشياء
1/ انت تعرف أنصارى الطنبارى إسأله انت أخذت فلوس ولا لا
2/ إسأل محمد القطان أخوا محى وهو المخطط الاول من ناحية البلطجه وقوله انت قايل لواحد من أتباعك ايه وانت قاعد على الكرسى تانى يوم ما محمى نجح وكان بداية الكلام والله أنا حأقولك حاجه مافيش حد يعرفها أولها ربنا بيحب عيال فتح الله القطان ولو الحوامد ما كانوش عملوا كده كنا احنا الساعه 2 حنعمل كده !!

وبعدين يا استاذ حسام خلاص الماضى انتهى واحنا كلنا عايزين نبدأ صفحه جديده وعفا الله عما سلف 0
وعايزين مصلحة البلد بجد مش كلام وخلاص 0
وأشهد الله على حبى الصالحين ولا أحسبكم إلا هؤلاء الصالحين وسلا أزكى على الله احدا0000

إستنى ياحسم إستنى تصدق أنا أول مرة فى حياتى مع إنى بحترم الأستاذ جمال عبادة جدا وبقدره بس أحب أقولك يا أستاذ جمال إنت غلطان أولا إنقسام العائلات دى حاجة مبتدعة وإنتواللى عملتوها يعنى كان لازم تحاسبوا نفسكم عليها مش تحاسبونا لأنكم إنتو اللى إخترعتوها وأنا مش بخصك لا أنا بخص جيلكم كله .
بس اللى أنا عاوز أوصله لحضرتك أن الانسان عمره ماكان بإنتمائة لحزب أول لمجموعة الانسان بشخصيته وطريقة تفكيرة وإحترامه للناس قبل ما يكون محترم نفسه وهى دى اللى بتحبب الناس فى الشخص سواء كان بنتخب فلان ولا علان المهم إحترامة .
أما بالنسبة لكلام حضرتك بخصوص الجواز فى العائلات اللى معادش بيحصل كان المفروض تختار أي واحد غيرى وتقوله الكلام ده . وبعدين الجواز عمر ماكان فيه حاجة بتوقفة لانه من الاقدار المكتوبه .
أستاذ جمال كلام حضرتك ده هو اللى دايما بيعمل إنقسامات بين الناس وبعدين فيه حاجة مهمه لازم حضرتك تعرفها هات أي طفل صغير تابع لحضرتك وخليه يكلمنى و الله هيقول نفس الكلام اللى حضرتك قولته أعلى . عارف ليه لأنه كلام محفوظ دايما بترددوه لما تخفقوا فى الانتخابات بأنواعها وأنا بسمع الكلام ده من حوالى عشرين سنه بس نفسى حضرتك تركز فى التفكير شويه صغيرين وتسأل نفسك مع كل الكلام اللى إنته قولته ده هو عضو مجلس الشعب ده بتوفيق ربنا بينجح ليه ؟؟؟؟ لازم تسألوا نفسكم ياجماعه.ونفسى مرة أشوف لكم مرشح ناجح ولا له شعبيه حتى . ولا هو الضد وخلاص وبكلامكم دايما تحسسونا إنكم اللى هتصلحوا الكون. المجال مفتوح أهو يا أستاذ جمال ورونا هتودونا فين .
وأخيرا مشكور يا أستاذ جمال لأنك طلعت اللى جواك بكل صراحه ووضوح .

أقولك ليه الاستاذ جمال بيفكر كده يا كمال بيه لان أ/ جمال راجل حر طول عمره وله عقل بيفكر بيه مش زيه زى ناس تانيه بتنساق وراءالاشاعات والتيار العالى والمصلحه الشخصيه تحت اسم (مصلحة البلد) والنجاح سواء كان النجاح ده بالبلطجه ولا بالتزوير ولا من فوق 00
عرفت ليه أ/ جمال بيفكر كده يا باشا !!!!!

سؤال بسيط ياشباب لماذا عندما أخفق العضو الموقر ونجح عبدالعزيز دومه _ لماذا لم نسمع أن أحد يريد قرارات علاج وكأن قريتنا اصبحت علي أتم صحة وسلامه لماذا تم الإنجاز في مشروع الصرف الصحي بالطريقه التي شاهدناها لماذا كانت العائلات ف القرية كلها تكاد تكون متقاربه وغير متنافره وإنتهت نظرة التكبر والتعالي من بعض الأشخاص
وهناك سؤال أخر هل في هذه الفتره جاء أحد افراد البلدة من الخارج متوفي او ميت ولم يستطيع اهله أن يخرجوه من مطار القاهره مثلا ؟

إضافه بس بسيطه محدش ياخد كلامي ده علي إن أنا بقول مش عاوزين عضو ف البلد !
ياريت أصحاب الألباب والعقول النيره تفهم المقصد من الكلام ده

اولا مشكور يا كيمو على الموضوع .
ثانيا يا جماعة عاوزين نتلكم بدون ذكر اسماء لاشخاص علشان فيه ناس كتير من البلد بتتدخل المنتدى وعارفه اسماء ناس وممكن تقولها وممكن ساعتها يحصل خلافات وحتى اسالوا الاستاذ جمال عبادة على موضوع هو قالى عليه قبل كده وكان الموضوع معاه .
اما موضوع نختار واحد صعب جداااا ان شباس عمير لها تتفق على واحد فالجميع من حقه الترشيح والصندوق هو الفيصل .
اما حكاية البلطجة انا كنت عايش الموضوع من تقطق لسلام عليكم وشفت ال حصل فوق وكان قدامى واتكلمنا قبل كده والناس زعلت مننا وقبل ما اتكلم كلمة بكون متأكد منها عندى فيديوهات للكلام بس احنا مش عاوزين نتكلم عن الماضى عاوزين نشوف القادم ..

حبيى كيمو انتى مش شايف
ان التغيير مطلوب يعنىاللى خلق واحد ما خلقش غيرة
مفيش غير عائلة واحدة فى شباس ولا ايه


ومتفق مع كل كلمة قالها أ/ جمال
مع انى شايف ان فيه حجات كتير لم يتم ذكرها

أخويه فى الله عبد الرحمن أظن إنت عارف أسباب فشل العضو ده إيه ولومكنتش عارف إسأل وشوف الناس اللى هنت بعضها يوم فشله وكأنه كان يوم عيد بالنسبه لهم. ما علينا . اللى نفسى أفهمه يا عبد ومش واضح بالنسبه لى .
ليه دايما فيه ناس بتيجى وقت الإنتخابات بالذات وتقول هو عمل للبلد إيييييييه؟....... طيب ياجماعة الخير نفترض إنه معملش حاجه طيب ما تقدروا تشكلوا لجنة ولا هنسميها مجموعة وتذهبوله وتحاسبوه ودا طبعا بعد سنه و لا إتنين من الأنتخابات ويتاخد عليه مواثيق وشيكات ووصول أمانه إنه لو معملش حاجه للبلد هيتمسح من على وش الارض مش البد هتفشله فى الدورة اللى بعدها لكن زى ما قولت هى صفة ( الضد ) وخلاص . كلنا يهمنا التغيير للأحسن طبعا وأنا مش بقول أن عضونا كان حلو وأنا معمليش حاجه وماإستفدتش منه بأي شئ و الدليل إنى برة البلد . لكن ياشباب لازم نحكم عقولنا شويه وأنا كل اللى طالبت بيه عضو فى بلدنا زى ما قولت لأنه بينفع . هو مين ما حددتش . بس لازم يكون فيه عضو . ويا جماعة و الله العظيم أنا مع التغيير مش ضده لكن هو مين أي واحد عادى هيفشل لو مكنش فيه شعبيه برة إحنا بلادنا مش هى الدايره كلها فيه بلاد تانيه كتيييييير وكلكم عارفين .وزى ماقلت الناس لازم تجتمع على فرد واحد منضحكش على بعض لو فيه فى بلادنا أكتر من واحد يبقى على شباس السلام. يارب الناس تفهم كده ويا رب أكون وصلت وجه نظرى .

يا أخ كمال متفق معاك ألا في نقطه واحده و هي إن عشان نحاسبه ناخد عليه مثلا شيكات أو وصلات أمانة لأن ببساطه لو فيه نزاهة وضمير وأمانة وإخلاص ف العمل ماكناش هنفكر حتي في فكرة وصلات الأمانة دي _
وتحياتي لك كيمو وسلامي ل حسام

اسمحولوا الاول اشكر حسام علي طريقة عرضه الجميله دي انا فعلا يا حسام لما اتكلمت في موضوع العيش ده انه بيتوزع اغلبه علي بتوع المجلس بجد انا اخيرا شفت ده بعيني مش نقلا عن اي حد احنا عندنا حاليا في الجيهه منفذ توزيع بياخد معانا منه حوالي اربعة او خمسه من العاملين في المجلس ( بلاش اسماء ) ولو حبيت هقولك كل واحد منهم معاه كرتتين واحده باسمه وواحده باسم مراته وللأمانه فيهم ناس مش من انصار محي بس في المجلس ، اما عن كمية الدقيق والفرق بينا وبين قلين في الكمية اعتقد ولا اجزم برضه صحيح ( وهي دي يا عم كمال الدين مهمة عضو مجلس الشعب ) مصلحة البلد مش كده برضه ودي مفيش فيها (ضد )و اما عن دعوتك ليا ياحسام دا شرف ليا واشكرك تاني علي اسلوبك المهذب وبعدين يا ( كمال الدين ) انا طلبت منك تتفضل وتترشح انت كشاب من ابناء شباس عشان تعرف الحقيقة ............. يارب تفكر في الموضوع ده الاستاذ / المحترم واللي انا بحترمه احمد بقوش ايه حكاية الفديوهات دي هو انت شغال في التلفزيون يا احمد طيب اتفرج علي الفيديوهات بتاعة الطرحة والضرب بتاع المرشح وحط نفسك مكانه هترضاها لنفسك ولا تخيل ( كمال الدين ) حبيبك ده هو اللي مكانه كده مش هتزعل عليه هي عضوية مجلس الشعب في ظل النظام الفاسد البائد كانت تستاهل اننا كابناء بلد محترمه نضرب بعض بالشكل ده عشان ايه يا عم كمال الدين بالله عليك ينفع امال لو مش كمال الدين عموما بالنسبة للنجاح وان احنا مرشحنا دايما بيسقط واحنا ضد والحكايات دي كلها فخر مش عيب يا كمال الدين ويا رب تجرب عشان تعرف اخيرا انا بقدم دعوه لكل ابناء شباس عمير تعالوا الي اتفاق بينا ان الاختلاف في الراي لايفسد للود قضيه الفتره الجايه فيها انتخابات كتير ياريت نوصل الي اتفاق ان لكل واحد في شباس الحق في عرض نفسه للخدمه العامه بما يعود علي بلدنا بالخير دون تجريح في احد او اجندات العماله وهتخربوا البلد والكلام ده ...............يارب نتفق

اولا انت عارف مقدار حبى واحترامك لك يا استاذ جمال بس انا لو شغال فى التليفزيون كنت خليت الكل يتفرج على القنوات المحلية بدل الجزيرة الحقيرة وانا متأكد من كلامى يا استاذ جمال وفيه فيديوهات لكل حاجة بقولها من ضرب وضرب نار .
اما حكاية انى ارضى انى اكون مكان المرشح ال انضرب لا مرضاش اكون مكانه لان لا يمكن اوصل نفسى للمرحلة دى وكلنا طبعا عارفيين ان الضرب مكنشى مخطط ولا مدبر ولا اى شئ وحتى اسال حسام الكاشف وحمادة مهيا بس للاسف ساعات ممكن الواحد يستفز الناس لدرجة انه ينضرب وطبعا حسام عارف الاستفزاز كان ازاى ..
بس تأكد لو كنت مكانه كنت هدخل انتخابات ومكنتش هوصل نفسى للمرحلة دى .