السلام عليكم ورحمة الله وبركاته
اخوانى الاعزاء ابناء منتدى شباس عمير
وانا قاعد اتصفح النت خطرت على بالى فكره قولت اعرضها عليكم تناقش فيها ونشوف هل ممكن يحصل الكلام ده وايه مدى الفائده منه
فيه معلومات تؤكد بان الدخل اليومى لقناة السويس يترواح بين 40 مليون الى 55 مليون دولار
عدد محافظات مصر 29 محافظه
تخيل لو تم ضخ ايراد يوم واحد من ايرادات قناة السويس كل يوم فى الشهر لمحافظه من المحافظات
ماهى الدوله عباره عن مجموعة المحافظات يعنى الخدمات اللى بتحصل فى المحافظات هى الخدمات اللى الدوله هتعملها وتعيين محافظين نثق فيهم ويكون عليهم رقابه ونخلى الافكار المدفونه تطفو على السطح فى دعوه للتنميه والاصلاح تخيل لو الرقم ده دخل خرينة محافظه من المحافظات اول كل شهر او حسب الترتيب اعتقد هنقدر نغير ونبدأ نشتغل على انشاء مصانع وشركات وخطوه خطوه نبدأ المشوار ونوفر فرص عمل وننهض ببلدنا
وخلو بالكم انا اتكلمت على قناة السويس بس يعنى ما اتكلمتش على غاز طبيعى ولا بترول ولا زراعه ولا سياحه ولا صناعه ولا حاجات تانية كتير من موراد الدخل وخصوصا يعنى ان بلدنا مليئه بالموارد اللى احنا منعرفش عنها حاجه ارجوكم شاركونى فى الاقتراح ده ونقول رأينا فيه

على فكره يا شباب الرقم بالدولار مش بالجنيه يعنى تقريبا خلينا نقول باقل تقدير لو قولنا الدخل اليومى 40 مليون دولار فى 5 جنيه بس للدولار مش هنقول 6
يطلع الرقم 200000000 يعنى مائتان مليون جنيه شايفين الرقم تخيل الرقم ده ممكن يعمل ايه

ده فعلا يا محمد حقيقي
ده دخل يومي للقناه

اقترح تخصيص 20% لسداد الديون
20% لاقامة مصانع
والباقي على المحافظات حسب النسبة السكانية

مشكور شريف باشا على الاضافات الرائعه وياريت الجميع يشارك برأيه يمكن نقدر نوصل لاقتراح نهائى ونعرضه على الناس فى الفيس بوك والمنتديات يمكن حد يشوفه ويكون له فائده فى خدمة بلدنا الحبيب
واحنا طبعا مش هنسأل الفلوس دى كانت بتروح فين قبل كده الناس اللى مسؤوله عن الحاجات تشوف شغلها المهم احنا نبدأ نشتغل على اللى جاى مستقبلنا
اللهم اجعل بلدنا هذا امنا مطمئنا وسائر بلاد المسلمين اللهم اجعل هذا البلد امنا وارزق اهله من الثمرات من امن منهم بالله واليوم الاخر وولى علينا الاصلح ووفق ولاة امورنا لم تحب وترضى وما فيه خير البلاد والعباد

يا أبو حميد أنا سمعت إن دخل قناة السويس بعد السرقه و النهب بيضيع ع سفاراتنا ف الخارج وبعدين ديون مصر يا عمدتنا تلاته من الحرامية يقدروا يسدوه

حبيب قلبى ابو عمر
انسى
انسى
انسى
طبعا انا أتمنى بس الحجج كتير
بس نقول يارب
يا محمد دا لسه ناس فى شباس ما تسمعش عن الثورة اللى حصلت فى مصر
لسةبيقولوا أكبر مسيرة يا عم كبر

إنت عارف يا أستاذ محمد لو وصل الكلام ده المسئولين هيردوا عليك بإيه .
هيقولوا إن إعتماد ميزانية مصر فى الأساس على دخل قناة السويس وإنت عارف ميزانية مصر يعنى زى مابيقولوا قصدى الحرامية .ياعم المسئولين غلطت . ( كبارى وطرق ومستشفيات ومدارس وجامعات ودعم وفلل وقصور وأموال ببنوك سويسرا وترفيه . ياعم دول نصابين ولاد ...... مبيغلبوش فى الرد .
إلا إنه أنا كنت أسمع إن دخل القناه مليار فى السنة و الله ما أعرف إذا ده كان صح ولا غلط بس تعرف سواء 40 مليون ولا مليار ولا حتى 20جنية و الله العظيم مع التوجيه السليم و التنظيم و الرقابة 20جنية هتعمل فرق ومراعاة ربنا طبعا قبل كل شي .
بس خلينى أقولك فكرة عظيمة فكرتك وياريت تتنفذ.



نسيت أبو(عمر مشكوووووووووووووووووووور ياغالى.)

لما توزع الايرادات على المحافظات هتشيل عبء كبير من على الحكومه ماهى الحاجات اللى هتتنفذ داخل المحافظات من مهام الحكومه برده مش كده ولا اييييييه
وبعدين خليهم بقا يوزعو باقى الموارد على المتطلبات التانيه وبعدين انا وضحت يا ابو كمال من الاول ان انا اتكلمت على قناة السويس بس
فيه سياحه وفيه زراعه وفيه صناعه وفيه غاز طبيعى وفيه بترول وفيه وفيه

يا أستاذي الفاضل الفكره مش في توزيع الإيراد ع ال محافظات لكن هفترض معاك إنهم بالفعل هيوزعوا الإيراد هتواجهنا نفس المشكله إن المحافظين وأصحاب المجالس المحلية والقروية من النظام القديم وعندهم نفس السياسه والمبدأ يعني مافيش فايده إلا إذا غيرنا نفسنا وعاملنا ربنا بعد كده حتي لو الإيراد مش إتوزع هنكون ف حاله أفضل
إن الله لايغير مابقوم حتي يغيرو ما بأنفسهم

يا عبيده ما هو انا باقول انك تختار ناس ثقه وكمان يبقى فيه رقابه على الناس دى وتقارير تتقدم لمركز المحاسبات عن حجم الانفاق العمليه مش هتبقى سبهلله يعنى مش كده ولا ايييييييييييه

مركز المحاسبات ال ولعوا ف الملفات ال فيه ولا ال بدلوا تقرير ال كان بيدين أحمد عز بإدانات رهيبه ؟

ما هو احنا بنقول يا عباده اننا عاوزين ناس ثقه عشان ميحصلش اللى بيحصل ده

طيب نجيب الناس الثقه دول منين والحكومة الظالمة والحزب الوثني خلونا مش شايفين حد غيرهم

ماشاءالله
تفكير رائع
وخطوات ايجابيه
بس والله يا أستاذ محمد شباب مصر
بيعرفو ازاي
يفتحو مشاريع ويعتمدو علي انفسهم
بس الحكومه تبعد عنهم
لان كتير من الشباب ترك البلد علشان موضوع الضرائب ومواضيع أخري معقده

شكرا لمرورك ابو يوسف وحشنا والله
صدقنى يا عبد الرحمن مصر مليانه ناس كويسين مش معقول يعنى 80 مليون مش هيكون فيهم ناس ثقه بس الفساد اللى كان متفشى فى كل مكان هو اللى مصورلك ان مفيش ناس كويسه لكن صدقنى هتلاقى وان شاء الله نتقدم ونطور بلدنا بس بلاش نبرة اليأس دى خليك متفائل

وممكن كمان نبطل شحاته من امريكا ...........