نفى محى الدين فتح الله القطان النائب السابق امتلاكه هو واسرته اى اراضى للخريجين اشارة لما نشر فى 7 مارس الحالى وقال انه بصفته النيابية زكى ما يزيد عن 20 طلبا لخريجين وافق وزير الزراعة على 3 منها انطبقت عليها الشروط .

وهذا نقلا للخبر من جريدة الجمهورية .

فلننتظر التخقيقات ونشوف ومن حقة الدفاع عن نفسة لحين يتبين غيرة

اثبت ياباشا في المحكمة وليس على الجرايد
احنا مصدقينك حتى تثبت الحقيقة

ياشريف يا خوية ثورة 25 يناير 2011 اسقطت البشوية والبهوية معا وانتهت الالقاب فعلا

صحح

اؤكد للجميع مرة اخرى فى حالة ثبوت اى شيئ نحن اول من ندين النائب السابق
فالى ان تظهر الحقيقه نحن منتظرون

وانا اؤيد كلام العمدة شريف وكلام اخى حسام

محي الدين القطان احترف النصب الدولي لدرجة وصلت به الى الكلام بطريقة النصب العالمية

اتق الله يا عبدالرحمن
ميصحش كده
كان نصب عليك فى ايه
كده مينفعش

وايه دليلك انه بينصب وانا مش فاهم ايه هى طريقه النصب الدوليه وايه طريقه النصب العالميه

الاربعاء 9 مارس 2011 مـ - 04 ربيع الثاني 1432 هـ| القاهرة 17º سياسة رياضة اقتصاد ثقافة فنون ناس وحياة حوادث وقضايامقالات وأعمدة أنت هنا الصفحة الرئيسية > سياسة > مصر دار الشروق للنشروجهات نظربدء إجراءات فسخ عقود آلاف الأفدنة التى خصصها أباظة لـ 160 مسئولا
آخر تحديث: الاثنين 7 مارس 2011 2:10 م بتوقيت القاهرةتعليقات: 9
شارك بتعليقك
أحمد حسنى -


علي المصيلحي واحمد فتحي سرور وزكريا عزمي

Share23 اطبع الصفحة يبدأ المستشار أحمد إدريس مستشار التحقيق المنتدب من وزارة العدل للتحقيق فى وقائع الاستيلاء على أراضى الدولة، خلال الأيام المقبلة فى اتخاذ إجراءات فسخ العقود التى أبرمتها هيئة التنمية الزراعية لتحويل مساحات شاسعة من الأراضى الزراعية إلى أراض للبناء لصالح 160 شخصية من كبار المسئولين ورجال الأعمال وأعضاء مجلسى الشعب والشورى.


وكشفت التحقيقات التى يجريها المستشار أحمد إدريس عن قيام أمين أباظة وزير الزراعة السابق بتخصيص مساحة 6465 فدانا من الأراضى المخصصة فى مشروع مبارك لشباب الخريجين، لصالح 160 شخصية من كبار المسئولين بالدولة والوزراء وأعضاء مجلسى الشعب والشورى وأقاربهم.

وأوضحت التحقيقات أنه فى مقدمة من حصلوا على تلك الأراضى دون وجه حق، أحمد فتحى سرور، رئيس مجلس الشعب السابق، وأولاده وأحفاده، وزكريا عزمى رئيس ديوان رئاسة الجمهورية، وعلى المصيلحى وزير التضامن الاجتماعى السابق، وعاطف أباظة، ابن عم أمين أباظة.

وأيضا أعضاء مجلس الشعب السابق منهم: عبد الرحيم الغول، وأحمد منسى، وبهاء أبوالحمد، وأحمد عبد العزيز بركات، ويحيى المسارع، وإبراهيم محروس أبو شادى، ونصر شحاتة، ورجل الأعمال سليمان عامر، والحسينى أبو قمر، ومحمد مصطفى شردى، وعبد الله مسعود، ومحيى الدين فتح الله قطان.

وأكدت التحقيقات التى يباشرها المستشار أحمد إدريس مستشار التحقيق بوزارة العدل أن قرارات أمين أباظة تمثل مخالفة صريحة للقانون 143 لسنة 1981 بشأن الأراضى الصحراوية المملوكة للدولة ولائحته التنفيذية.

وأشارت التحقيقات إلى أن وزير الزراعة الأسبق أحمد الليثى كان قد قرر حصر مساحات للأراضى المستبعدة من التخصيص للشباب على أساس أن بها بعض العيوب البسيطة، حيث قرر تشكيل لجنة لتحديد أسلوب التصرف فيها والتى انتهت لأن يكون أساس البيع لتلك المساحات هو المزاد العلنى فقط، والذى قام الليثى بتنفيذه بالفعل وبيع جزء كبير من تلك الأراضى بأسعار ترواحت ما بين 67 ألف جنيه فى حده الأدنى، و155 ألف جنيه للفدان وفقا لأسعار المزاد.

وعندما تولى أمين أباظة منصب وزير الزراعة، قرر إيقاف بيع ما لم يتم تخصيصه من تلك المساحات بطريقة المزاد العلنى، وقام خلال تلك الفترة من 2006 وحتى 2010 بتخصيص بعض هذه المساحات لأشخاص بعينهم بالمخالفة للقوانين والقرارات المنظمة.

وبحسب مصدر قضائى مسئول فإن أمين أباظة ومعاونوه يواجهون تهم الإضرار العمدى بالمال العام، وتسهيل الاستيلاء عليه، فيما يواجه الذين حصلوا على تلك الأراضى من المسئولين بالدولة وأعضاء مجلسى الشعب والشورى تهمة التربح.

دعونا ننتظر الحقيقة والمتهم بريئ حتي تثبت ادانته

بالذمه محي بيعرف يتكلم علشان يقول الكلام ده

بالذمه محي بيعرف يتكلم علشان يقول الكلام ده

يا اخ عبدالرحمن الخبر موجود فى المنتدى من قبل ومينفعشى نقول كده من غير ما نتأكد ومن غير ما نشوفه فى السجن حتى لو فى السجن مينفعشى نقول كده برده لان المتهم برئ حتى يثبت ادانته .

يا أحمد الخبر بتاع عبد الرحمن لسه جديد النهارده اقراه كويس
( تهمة جديدة ) ( التربح )

ارى العجب فى شباس عمير وليس شباس عمير فقط بل فى مصر كلها ارى المسلم يعتدى على المسيحى والمسيحى يعتدى على المسلم وارى الكبير يعتدى على الصغير وارى الاقلام تتكلم بدون ان تكون لديها اوراق واثباتات وارى تصفية الحساب شغالة وكأن مصر كلها فاسدة ففى هذه الاوقات اختلط الحابل بالنابل وارى الشكاوى فى بعضنا كالمطر كاننا اصبحنا فى غابة البقاء للأقوى .
فلابد ان نغير من انفسنا اولا قبل ان نغير من غيرنا .
" ان الله لا يغير ما بقوم حتى يغيروا ما بأنفسهم "
والخبر نفس الكلام ال فات انا قريه برده فى المصرى اليوم من كام يوم مش معنى انه اتكتب اسمه يبقى نقول عليه حرامى ونصاب دا برده المتهم برئ حتى تثبت ادانته

إييييييييييييييييييييييه ياشباب حلو قوى اللى بينقال ده .
أنا الحين مش هنتقد رأي حد. زى ما قولت حلو قوى التعليقات و الردود بجد بتنم بصراحة على عقول مفتحة أنا مش بتريق ألا حد يفكر كده.
بس فيه ملاحظه صغيرة ساعات كنت بتكلم شويه عن محي و الناس تطلع وتقول بدافع عنه ومع إنى كنت دايما بقول اللى بيمليه عليا ضميرى . وكان فيه ناس بتطلع وتعلق وتقول كلام كتير قوى يعنى مثلا ( سايبين ميدان التحرير و الثورة و الشباب وقاعدين تتكلموا فى محي وغيره ) دا مثلا يعنى . هى فين الناس دى دلوقتى مش ظاهرة فى الكلام يعنى عموما هما بس وقت لما نتكلم عن محي يقولا بندافع ولما الناس تتكلم ضدة يسكتوا .
كل واحد حر بتعليقه بس بأدب وإحترام وهى دى ميزة المنتدى وخلوا راسخ فى عقولنا دايما ( الاختلاف فى الرأي لا يفسد للود قضيه ).

طب ممكن حد يقولنا الأسماء دى مين علشان نعرف
عاوزين شفافية

ياريت ال عنده معلومات عن العشرين اسم ال قدموا يذكرهم وكمان يذكر الثلاث اسماء ال حصلوا على الأراضى وليه لم يعلن عن التقدم لها فى البلد ولم نسمع عنها ما احنا خريجين احنا كمان


عاوزين شفافية

اعتقد ان التقديم كان لخريجى كليه الزراعه

دعونا ننتظر حتى النهايه والراجل قال الى عنه ما يدل ان انا اخذت اراضى يقدمها

بسم الله الرحمن الرجيم
الاخوة الاعزاء اعضاء المنتدي الكريم
تحبة لكم جميعا
وبعد
اولا انا عن نفسي اعشق الرأي والرأي الاخ عندما يثري المناقشة ويحمل بين الادب في الطرح والموضوعية الهادفة
ثانيا لماذا يريد البعض منا ان يصدق ما يريده هو فقط ويغض الطرف تماما عماسواه
ثالثا طرح بعض الاخوة فكرة التفويض المخولة للاخ الفاضل احمد بقوش لالغاء عضوية المتجاوز في هذا المنتدي المحترم والذي وصفه بعض الاقزام ممن ليس لهم
هوية بالفاشل
رابعا المنتدي به نخبة من ذوي الفكر والعلم والحيادية المطلقة وانا افخر بهم جميعا
خامسا بالنسبة لمحيي فهو المعني بما كتب عنه ولم يفته الرد علي ماكتب
ونترك الامر للقضاءاو لاهل الاختصاص في مثل هذه اشياء
يقول الحق تبارك وتعالي (ما يلفظ من قول الا لديه رقيب عتيد)
والسلام عليكم جميعا ورحمة الله وبركاته

يا بقوش


كان الاولى انك تحذف العضو اللى بيتهم محى القطان بتهمة النصب وليس معه دليل


ولا تحذفشى العضو ابراهيم خطاب

ولا ايه رايك


ثانيا

هناك اشخاص كثيرون يريدون اجابة على هذا السؤال

من هم الثلاثة اشخاص الذى تم الموافقة لهم

ياريت تجاوب مش ليه
انا عارف الاجابة بس ياريت ترد عليهم

معذرة لك يا اخ توحه ال بيتهم غير ال بيخرج عن اداب الحوار وانا عن نفسى لااعرف من هم الثلاثة لو كنت عارف ياريت تقول بس تكون متأكد من كلامك لان زى ماقال ربنا فى القرأن الكريم " ما يلفظ من قول الا لديه رقيب عتيد "

دعونا ننتظر حتي تظهر الحقيقة وربنا يظهر الحق

معلش يا أبو حميد هطلعكم من الموضوع بتاع الاراضى بتاع محيى شويه .
بخصوص اللى حصل مع الاخ إبراهيم خطاب و أنا ليا رأي فى الكلام ده ووجهة نظر يارب توصل لكل حبايبى اللى فى المنتدى .
تعرف إن الحاجة الوحيدة اللى المفروض نتعصب لها هى نصرة الاسلام ونصرة حبيبنا المصطفى صلوا عليه ( اللهم صلى وسلم وزد وبارك عليه )وأظن الدنيا قامت وإنقلب لما الرسام الكافر الدنيماركى رسم ومتقبلناش الوضع و الدنيا قامت طبعا لأنة رسولنا و قدوتنا وحياتنا ودينا و إنقلبت لما الزنديق الشيعى خاسر الخبيث قصدى ياسر الحبيب إتكلم عن أم المؤمنين أمنا عائشة بالسوء . والداعية عمرو خالد لما إتكلم ووصف أحد رحلات حبيبنا المصطفى بالفشل وأكيد مايقصدتش المعنى الحقيقى للكلمة و الله أعلم بالنوايا طبعا وقام الشيخ محمد حسان بالرد تعصبا لنصرة حبيبنا وكمان لعدم مس أي نقطة من سيرة المصطفى صلى الله عليه وسلم فأعتقد إن دى الحاجة الوحيدة اللى المفروض نتعصب لها وتحذف أي حد يتكلم بالسوء عن الاسلام .
وفيه ناس كتيير إتكلمت عن قنوات دينيه بالسوء حد رد عليهم طبعا لا لأن دا رأيهم وكل واحد يعبر عن رأية بالشكل اللى هو شايفة يعنى إنتوا عمالين تنادوا بحرية الرأي ويجي واحد يقول رأية بصراحة ينحذف عمرها ما كانت طريقة لكسب الاحترام من الجميع . مفكرتوش مثلا لو كنتوا رديتوا على الاخ إبراهيم بكل بساطة وقولتوا ( مشكور يأخ إبراهيم على رأيك الصريح فى المنتدى لكن نتمنى منك تعرض الاسباب اللى دفعتك لأنك تقول كده ) مش جايز يا أحمد تفكيره فيه سبب قوى ممكن النتدى يستفاد منه ممكن طبعا ليه لا. مش ممكن يكون فيه فعلا حاجة غلط فى المنتدى بكل بساطة تقدروا تغيروها ويكون للأحسن ممكن طبعا ليه لأ.
عموما يا الراجل ما أحمد الرجل ما أخطا شخصيا بأحد الافراد ولا قال كلام يمس الحياء و الادب . كل اللى قال كلمة وكان ممكن لو أي حد رد عليه بالطيب حل الموضوع لكنة قال كلمة فاشل من هنا وإنقلبت الدنيا عليه من هنا مش جايز لو أعطيتموه فرصة يومين يحس إنه أخطأويرجع لصوابه ويعتذر لجميع المنتدى.
و الله ياأحمد دا كله كان رأي .وكان لازم تفكروا شويه قبل ما تخدوا أي قرارات لأن دايما القرارات اللى بتصدر وقت الغضب بتكون عاقبتها وخيمة
ويا عم دايما خلى قدوتنا الحسنة هى حبيبنا المصطفى كان دايما يقابل السيئة بالاحسان .
وسبحان الله عاملين تنادوا بالديمقراطية ويجي واحد يتكلم بحرية يتحزف يبقى مبارك كان ليه حق فى اللى كان بيعملة فى الناس. صح ولا أيه يأأبو حميد.
للمرة الاخيرة أنا معرف إبراهيم خطاب ولا بدافع عنة أنا بتكلم عن مبدأ

على فكرة أنا إتكلمت بصيغة الجمع لانى حبيت أوصل الكلام لعمدة المنتدى وأخويا محمد عز وكل الاخوة المشرفين لان لازم يكون فيه حكمة شويه فى التصرف وإتخاذ القرارات و النظر اللى الامام وليس النظر تحت أرجلنا ويارب متحذفش عشان الكلام ده.

اخي الحبيب كمال
انا معاك ولكن
انت شوف سيرة العضو في المنتدى واعتقد الدمن ادري بيها لان احنا مش متابعين لكل المواضيع
سوف تجد ان اتهام هذا الشخص ليس وليد هذة اللحظة
ولكن هو داخل المنتدى عشان هدف معين
ليس للمعلومة واو الحب او التعارف لالالالالالالالالالالالالالالالالالا
داخل يعمل نفسة راجل لانة ببساطة لم يجد هذة الصفة (الرجولية ) على ارض الواقع
فحب يثبتها في المنتدى هدفه الوحيد هو سب محي مش يطلع بنتيجة عشان يفيد
احنا اختلافنا مع محي ليس فس شخصيته ولا في سبة اوسب العائلة
احنا هدفنا واضح يخرج برة البرلمان ويترك لنا حرية الختيار نجرب غيرة
نغير الفكر نغير الاشخاص ناس كتير شايفة محي كويس واعتقد انت واحد منهم
طيب ما نجرب غيرة يمكن يكون احسن ويفيد اكتر
ده طبعا بعد ما يقتنع العضو ان الناس هي اللي جيباة وفي ثانية اخرى تقد ر تغيرة
عشان كدة تاكد ان احنا مش متسرعين في اتخاذ القرارات
كتير اتهجمنا في هذا المنتدي ولان الموضوع كان شخصي بيني وبين احد الاشخاص لم نطالب بحذف
ولكن عندما يتهم المنتدى كله بما فية من كوكبة من المثقفين وكبار السن والعلماء والاطباء والشيوخ ومربي الاجيال والمهندسين
ويتهمهم جميعا بالفشل وانهم عملاء لمحي ولا يشرفه ان ينضم لهذا المنتدى
اذا لا يشرف اقل الاعضاء من وجهة نظرة الضيقة جدا ان ينضم لمنتدانا
منتدى الاحبة
منتدى شباس عمير
اسف للاطالة

admin كتب:

معذرة لك يا اخ توحه ال بيتهم غير ال بيخرج عن اداب الحوار وانا عن نفسى لااعرف من هم الثلاثة لو كنت عارف ياريت تقول بس تكون متأكد من كلامك لان زى ماقال ربنا فى القرأن الكريم " ما يلفظ من قول الا لديه رقيب عتيد "

انا سمعت كتير عن الثلاثة بس تحقيقا بالقول (( وما يلفظ من قول الا لديه رقيب عتيد))

ولاننى لم اري دليل يذكر الاسماء او لست متاكد بالدرجة الكافية
وبالتالى اعتبرنى معرفشى بس الناس عايزه تعرف مين هما الثلاثة

وانت بجهدك ولو حبيت تعرفهم هتعرفهم بس ياريت لما تعرف تخبرنا

علشان انا مش عايز اعرف مين وميهمنيش اى حاجة
بس المشكلة لو قريت التعليقات للاعضاء كله عايز يتعرف على الثلاثة


شكرا يا صاحبى

العضو كمال الدين


اتفق معك كثيرا انه كان لابد من التفكير قبل ايقاف عضوية ابراهيم خطاب

وكان يجب معرفة الاسباب اولا التى دفعته لهذه الكلمة


شكلك يا احمد بتزعل من كلمة فاشل
طااااايب
يا فاشل

مع احترام لكلام الاخ كمال
بس فيه كيمو حاجه اسمها الخبرة والفطنه يعنى ايه؟
هقولك
يعنى الناس القديمه فى المنتدى ومنهم انا مثلا من المؤسسين للمنتدى .من كتر المواضيع ومن كتر التعليقات ومن كثرة الاعضاء دلوقتى احنا عارفين من داخل هدفه الافادة والاستفادة ومين هدفه الفتنه والتهيج وكده يعنى
انت نيتك سليمه ومنطقك كويس بس فيه حاجات لازم تتبتر بدرى عشان متفسدش اللى حوليها
لان لو حد غلط فى الكلام هتلاقى اللى بيرد وغيرة هيرد وكده يعنى
من هنا انا موافق على الاجراءات الحاسمه فى المواضيع دى

تأكد يا توحه لو كنت عارف من هم الثلاثة هقول عليهم لانى لا اخاف من أحد غير الله ..
ماشى يا توحه فاشل
وبكده لازم نقول

قشدة على رأى حببيبى محمد الجرن

يااخوانى سيبوا التحقيقات تاخذ مجراها ودوروا على الخطوة القادمة محى القطان مهوش طايل بلح الشام ولاعنب اليمن وياريت تفكروا فى من يمثل شباس عمير فى المرحلة القادمة وكفى زل وهوان عمل اية محى القطان كلنا كنا نناشد فى السابق لالمحى القطان وبعض الاخوة الزملاء زعلوا وقالوا محى القطان هو اصلح واحد للبلد بيكفى ان مفيش ظابط بينزل البلد ويلم الشباب الى على القهاوى مهما دولة الشباب بتوع البانجو والحشيش اتباع محى الى مخربين البلد وانا اسف على التعبير وربنا يصلح حال البلد لاننا جزء من هذة البلد انسو محى القطان وتكاتفوا جميعا من اجل هذة البلد والنهوض بها وعلينا ان نتفاءل فى الايام القادمة ودعوكم من المصالح الشخصية ولكم منى التوفيق والاحترام

مع احترامى لرأيك يا أستاذ ماهر اعتب عليك فى بعض الكلمات ان اتباع محى ال بيبظوا البلد ما برده اتباع محى هتلاقى فيهم المحامى والدكتور والمهندس والمحاسب والمدرس وطبعا فى الكويس والوحش ووبعدين كلنا منتظرين التحقيقات ال باين مش هتتعمل فى سنتها .

الاخ حسام الكاشف معذرة انت تعلمى مدى حبى ولك وتقديرى لشخصك بعيدا عن لعبة السياسه والانتخابات ولكن ألست انت صاحب موضوع النائب الخارق وصاحب المعجزات فى شباس عمير لقد احترمت كثيرا وجهة نظرك فى هذا الوقت وخصوصا عندما قولت انك كنت نايم وصحيت وسؤالى الان هو انت كبس عليك النوم تانى ولا الصحوه كانت حلم وانت لسه نايم فعلا
على العموم هى مش هتفرق كتير سواء كنت نايم او صاحى ياخساره

محمود علي شهاب الدين قال
في هذا المنتدي المحترم والذي وصفه بعض الاقزام ممن ليس لهم
هوية بالفاشل

مع احترامي الشديد لشخصك والزمالة والصداقة اللي بينا ــ لا يليق بأحد أن يصف ابن من ابناء شباس عمير بالقزم أو عديم الهوية
فالمهندس ابراهيم خطاب أخطأ ( وهو ليس نبي معصوم من الخطأ ) ولكن لشخصه كل الاحترام
أقترح علي ابني ابراهيم خطاب أن يعتزر لكل أعضاء المنتدي
وأقترح علي أخي محمود شهاب الدين أن يعتزر لكل أبناء شباس عمير في شخص ابراهيم خطاب
ولأحمد بقوش لا يجوز حذف أي عضو مهما كان خطأه ( لأن له حق الخطأ وعليه واجب تصحيح خطاه )
يا ابراهيم خطاب جميعنا أبناء هذا البلد ولنا الحق في ابداء الرأي دون الجور علي حقوق الآخرين
لا تدع فورة الشباب تنأي بك عن طبيعتك وزوقك وأدب الذي نعهده دائما فيك
أملي أن نحقق بيننا قدراً من التسامح حتي نصل لحلول نريدها جميعاً لقريتنا الحبيبه

أنا ليا وجهة نظر ف الموضوع ده يا إخوانا أنا شايف إن سبب شطب الأخ إبراهيم مش ف أسلوبه ف الحوار ولكن الراجل قال إنه لا يشرفه بالإنتساب لهذا المنتدي وده حقه وبكده شطبه نتيجة طبيعيه لرغببته _

استاذى الكريم جمال عباده
اولا كامل التحية والتقدير لاراء حضرتك ولفكر حضرتك المحترم والراقى وانا شخصيا اتعلم الجديد من كل مداخله لحضرتك ولك كامل التحية

اما فيما يخص ابراهيم خطاب فالمنتدى ليه مبادىء ومن اهمها الاحترام المتبادل والمفروض على كل الاعضاء وبخااااصة من شباب المنتدى واجب عليهم احترام سن وقيمة الاعضاء المحترمين فى المنتدى
ولو حضرتك تتبعت مداخلات ابراهيم خطاب سوف تجدها كلها فى اتجاه واحد استهزاء وسخرية من اى موضوع بيكون ليه تعليق فيه

وعلى سبيل المثال اخر تعليقين ليه
كان على موضوع صور الجوالة
ههههههههههههههههههههههههههههههههه
ادى اللى احنا فالحين فيه وللعلم التعليق اتحزف
واخر تعليق ليه زى ما زكر عبدالرحمن
كان تعليقه
حبيبى انا لايشرفنى ان اكون فى منتدى فاشل واسحب عضويتى

وهو لم يحزف ولكن تمت ايقاف عضويته احتراما لكل اعضاء المنتدى


قشدة

مع احترامى لرأيك يا محمد ابوبكر فان حسام قد كتب موضوع النائب الخارق وصانع المعجزات وقد انتقد محى القطان فيه وقد كتب موضوع النائب الخارق وصانع المعجزات وقد ذكر بعض النقاط الايجابية لهذا العضو التى رأها بنفسه على ارض الواقع فليس عيب عليه او علينا ان نتتقد شخصا ونذكر عيوبه وليس عيبا ايضا ان نذكر مميزاته فكلنا بشر العضو له مميزات واخطاء وحسام قال وجه نظره واعتقد انه لم يخطئ فى هذا ....

بسم الله الرحمن الرحيم
أخي العزيز الفاضل الاستاذ جمال عبادة المحترم
السلام عليكم ورحمة الله وبركاته
تعلم انت شخصيا انني لا احب التجاوز واحترم الراي والراي الاخر والدليل علي ذلك معك انت شخصيا فانت تعلم معزتي لشخصك الكريم ولك رايك ولي رايي ولم يؤثر ذلك اطلاقا علي الحب والاحترام بيننا
اما من يكون في اعمار اولادنا ويخطئ هذه الاخطاء المتكررة ويشخصن الاشياء
فهذا عيب لا يليق بنا جميعا لان خلقنا الاسلامي لا يسمح بهذا لقول الرسول الكريم
(ليس منا من لم يرحم صغيرنا ويوقر كبيرنا)
اخي الحبيب ادعو الجميع وانا منهم ان ننظر لجميع ما يعرض علينا من اقتراحات
بعين الحقيقة المجردة التي نبتغي من ورائها رضا الله سبحانه وتعالي
لان الانسان منا يلقي بالكلمة لا يلقي لها بالا تهوي به في النار سبعين خريفا او كما قال صلي الله عليه وسلم
تقبل مروري اخي الحبيب وعذرا للاطالة وتحياتي للاحبة جميعا في منتدانا الحبيب

الاخ الفاضل احمد بقوش تحية طيبة وبعد مع احترامى الشديد لكل اعضاء المنتدى فانا اكن لهم كل احترامى الشديد انا مع التغير للعضو الذى يمثل قريتنا من زمان وكان تعليقى ليس للاساءة الشباب المحترمين من ابناء بلدى وكان تعليقى على بعض الشباب القلة المتواجدة الذى رايتهم فى اجازتى السابقة وهم المنحرفين اتباع البانجوا وغيرهم المويدين لشخصية محى القطان يااخوانى رجاء نفسى افتح على المنتدى الجميل منتدى شباس عمير لايزكر فية من الماضى من شى لامن محى ولاانصار محى والفساد الى حصل فى انحاء جمهوريتنا من انصارالحزب الفاسد وليس الحزب الوطنى لانة مينفعشى نقول حزب وطنى لانة حزب واطى المستوى وهذة وجهة نظرى وسامحونى فى التعبير لاننى فى الفترة السابقة كتبت وقلت راى وفية بعض الناس زعلوا منى والله على ماقول شهيد فرجاء من الاخوة الاعزاء افتحوا صفحة جديدة لكل الاراء الموجودة للنهوض بهذا البلد مهما تكون شحصيتة حتى ولوكان لايملك اى شى الاهم ان يملك قلب خاشع يعرف الله عزوجل وان يكون متواجد فى هذة البلد وان يسكن فى هذة البلد من اجل هذة البلد وان يحاسبة ابناء هذا البلد ومن الان كل يوم ينقص من اجلك وانت لاتحزن وكل يوم تستوفى من رزقك قد اعطيت مايكفيك وانت تطلب مايطغيك لابقليل تقنع ولامن كثير تشبع كيف يعمل للاخرة من لاتقضى من الدنيا شهوتة ولاتنقضى فيها رغبة العجب كل العجب لمصدق بدار الحق وهو يسعى لدار الغرور

على فكره يا احمد انا بكلم حسام

محمد ابوبكر كتب:

على فكره يا احمد انا بكلم حسام

ماشى يا حمو بس رديت من وجه نظرى المتواضعة

وجهة نظرك على عينى وراسى بس انا بعت الرساله لحسام لحاجه خاصه
وبعدين يا احمد انت اكتر واحد عارف موضوع النائب الخارق حصل فيه ايه والكلام اللى اتقال فيه ودلوقتى الاتجاه اتغير وبعدين انا قولت هى مش هتفرق يا ابو حميد على فكره انا حاسس ان مصر مش هتتغير هتفضل زى ما هى كده لاننا مش قابلين فكرة اننا نتغير ونغير عقلنا لسه مش مستوعب يعنى ايه ثوره على نظام فاسد بكل جوانبه

لو الواحد اتغير هيقولوا عليه

منافق ومعندوش مبدأ


لو الواحد ظل على نفس الوتيرة هيقولوا بيدعم الفساد وصايع


طاب الواحد يعمل ايه علشان يرضى الناس



اعتقد انه يولع فى نفسه احسن


بس فيه مشكلة يجيب بنزين 80 ولا 90




طاااااااااااايب فيها مشكلة تانية

البنزين غالى

نعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تتدخل تنام يا توحه

مش قولتلك يا احمد احنا مش هنتغير هنفضل زى ما احنا

يعجبي رايك يا عبدالرحمن لا لعتقد يوجد رد بعد كلامك
يا ريت الرسالة تكون وصلت

أنا آسف طبعا ياشباب اللى علقت تعليق خلاكم تقطعوا الشوط الكبير ده فى الآراء و التعليقات بخصوص اللى حصل مع الاخ إبراهيم وأنا مازلت عندى رأييى إنه كان لازم يتاخد باللين وسعة الصدر ونعرف غرضه ايه من اللى قاله يمكن زي ماقال الاستاذ حسام شوشرة ولفت إنتباه وشهرة مش أكتر وأنا أعتقد ذلك و الله أعلم . اما حكاية إنه هو اللى طلب فكل واحد بيعرف يقرأ ممكن يقرأ التعليقات من البداية ويشوف كم المهاجمات اللى حصلت له بعد كلامه ولازم ولازم ولازم وكمية الملازمات اللى طالبت بإيقاف عضويته .
وبرده هردنا الى الاسلام ونقول( الدين المعاملة ) ومن أهم الصفات فى الاسلام العفو عند المقدرة والتسامح.
وجزاكم الله خير جميعا.

المحترم جدا محمد عز العرب ( علي فكره انا متابع جيد لكل حرف ولكل رأي كتبته ومعجب جدا بفكرك وترتيب أفكارك وأسلوبك البسيط الدقيق اللي قريب قوي من اسلوب طه حسين مع اختلاف ( البلاغة ) بينك وبينه بس عاجبني قوي طريقة عرضك لآفكارك )
بص يا محمد هقولك كلمه واحده بس في موضوه ابراهيم خطاب انا ببساطه لا ألوم علي الشباب كثيرا اسوبهم في طرح الافكار لأن احنا في شباس معندناش فكره عن كيفية احترام الرأي والرأي الآخر متعلمناش ده أو معندناش حد علمنا ندير حوار بناء يصل بنا إلي نقاط اتفاق
لو لاحظت يا ابو حميد هتلاقي أغلب الردود واحد واخد جزء من كلام العضو ورادد عليه وموديه في المكان اللي هو عايزه وهي دي طريقتنا كلنا في الحوار ( وأنا أولهم ) لا نبحث عن نقطه نتفق عليها ولكن نبحث عن نقطة ننتقد بعض من خلالها ، من يتفق معي في الرأي يبقي تبعي ومن يختلف معي يبقي عدوي واصطادله كل شارده ووارده عشان كده مش بزعل من الحده اللي ساعات بلاقيها في بعض الردود رغم ان اصحابها انا متأكد من زوقهم وتربيتهم بس ساعات بيبقي الرد حاد وده باين أكتر في شباس قوي لسبب بسيط ( من وجهه نظري المتواضعه ) ومحدش يزعل يا جماعه
احنا في شباس قبل 1995 كنا مختلفين تماما عن شباس بعد 1995 حتي الآن العجايز اللي زي حلاتي هيوفقوني في كده
احنا كنا في أي انتخابات بننتخب عيال بلدنا بس أي انتخابات حتي النقابات المهنية والشاطر يجيب من بره عشان كده مكنش فيه في شباس عنف وقعد الشيخ فتح الله عضو مجلس شعب 23 سنه والاستاذ عبد الباعث حامد عضو ووكيل ورئيس المجلس الشعبي للمحافظة ثقريبا نفس المده
اما بعد 1995 سيطرت فكرة فرض الراي بالقوة واصبح النبوت بديلا للحوار والاتفاق وشاءت الأقدار أن تحقق هذه اللغه النجاح واصبحنا نحرم ونحلل علي أسنة الرماح من معي يعدي ومن ليس معي ياخد علي دماغه ومش مشكله حتي لو كان في رأي أحسن واحد كبير ينضرب عادي والأغلبيه تهلل عليه شيخ معترفين كلنا انه كويس ميهمش دا بيخرب في البلد دكتور جامعه مفيش مانع دا اخوان ابن سته وستين
معايا يا محمد يعني انحرفت اللغه ومالت ناحية القوة واحس من استخدمت ضدهم القوة بالاهانة
عشان كده لازم نستحملوا بعض يا ابو حميد عشان نعدوا المرحلة دي
ويمكن الحده في الحوار حاليا من الطرف المعتدي عليه باينه قوي في ردودهم ( وانا بلاقيلهم عذر) عشان كده لازم نستحمل بعض .......... ولا ايه رأيك يامحمد

بصراحة انا عن نفسى ضد حذف عضوية اى حد طالما يلتزم بالأدب والأخلاق وعدم التجريح اما الموضوع الذى تطرق له ابراهيم فهو عادى جدا لأنه ذكر شخصية عامة وانتقدها بمنهج شباب ملىء بالحماس ولا غبار فى ذلك اما مسالة ذكره المنتدى بالفاشل فلا مانع ان نتجاوز عن هذه الكلمة
لأن هذا المنتدى منبرنا الذى نقول فيه كل شىء بحرية واما عن اخواننا الذين حرمونا من اراهم وحواراتهم المثمرة مثل
ابو صهيب
الضوء الشارد
ياريت يرجعوا تانى يتشاركو معانا
وشكرا للجميع