أناشد كل مسلم وكل مسلمة ينتمى الى دولة الاسلام الى كل أخ وكل حبيب الى كل عزيز وغالى .لانى فعلا خايف على شكل الاسلام والمسلمين جميعا .
أنا عارف طبعا وراسخ فى ذهنى كلام حبيبنا المصطفى صلوا عليه لما قال ( الدين المعاملة ) و( المسلم للمسلم كالبنيان يشد بعضه بعضا ) وأخيرا الحديث الجميل اللى بحبه قوى ( عجبا لأمر المؤمن أمره كله خير إذا أصابته سراء شكر وإذا أصابته ضراء صبر فكان خيرا له ) صدق رسول الله صلى الله عليه وسلم . يا أحبائى المحترمين أنا طبعا مش شيخ ولا أفقه كثيرا فى دينى وهذا الامر يؤخد علي طبعا وعلى كثيير من المسلمين أمثالى . ولكن ما أريد معرفته ماذا حل بنا ماذا حدث لتعاليم إسلامنا. كم مر على دوله الاسلام من حكام طاغين ؟ كثيرون و الله العظيم. فمنهم من خسف به الله الارض ومنهم من عاقبه الله فى جسده ومنهم فى ولده وكثيرون إبتلاهم الله فى أموالهم وأهليهم . فمن هنا الله يحاسب العباد على أفعالهم وليس نحن فمن نحن حتى نحاسب الافراد على أفعالهم من نحن حتى نحاسب مبارك على ما فعله بنا وطبعا جميعنا يعلم قول حبيبنا أيضا كلكم راع وكلكم مسئول عن رعيته . فأكيد هو كان مسئول أمام الله عنا . وهناك آيات كثيرة تحسنا بالصبر والغفران لمن آذانا . فمبارك آذانا نعم آذانا ولكن حثنا الاسلام على التسامح والصبر وعلى الرضا بالقضاء .حثنا الاسلام على مقابلة السيئة بالحسنة وليس بالسيئة . يإخوانى لو أن هناك جار لنا يهودى أو نصرانى فديننا يحثنا على حسن التعامل معهم وكان قدوتنا صلى الله عليه وسلم خير مثال مع جاره اليهودى الذى كان يلقى القاذورات فى بيت المصطفى صلى الله عليه وسلم .
ما أريد أن أقوله لكم يا إخوانى كفانا سب ولعن فى مبارك وآبائه ودعونا ننظر اليه بعين الرحمه الرحمة التى هى من أسماء الله الرحمن الرحيم ألا نعلم جميعنا أنه فى حالة الدعاء على المسلم تقول الملائكة ولك مثله بالطبع نعلم . لماذا لا ندعه يعالج أهو الكره مما فعله فماذا يكسبنا الكرة غير فساد القلوب. لماذا كلما دخلت مواضيع فى المنتدى أرى أناسا أنعم الله عليهم بالقول السديد و الرأي الرشيد ولكنى أراهم يسبون ويلعنون ويقولون الاقاويل فى حق مبارك طبعا هو فى الأخير إنسان بشر مثلنا خلق من تراب وسيرجع الى التراب مهما كانت سلطته . لماذا ننظر الى الرئيس السابق وها قد قلت الســــــــــابـــــق على أنه مازال رئيسا لماذا لا ننسى هذا ونتذكر فقط أنه الآن فرد مسلم ندعوا له بالشفاء على أنه مسلم أليست هذه تكون دعوه بظهر الغيب وتؤمن عليها الملائكة أيضا .فهيا بنا يا أحبائى أرجوكم دعونا نرجع الى تعاليم ديننا الحنيف الى التسامح والمغفرة و الرحمة فإن الله غفور رحيم.
أوضح أخيرا أنا لست مع عودة النظام السابق لا وألف لا ولكن مع الحب والاخوة والتسامح والمغفره ونسيان الماضى الاليم الذى بالفعل إنطوت صفحته فأرجوكم يا إخوانى فقط دعوا الرحمة هى ما تتحكم فى قلوبنا وليس الغلظة والكره .
جزاكم الله كل خير وأرجو من كل إخوانى فى الله التمعن جيدا بكلامى عسى الله أن يغير به القلوب.

سبحانك اللهم وبحمدك أشهد أن لا إله إلا أنت أستغفرك وأتوب إليك

يا أخي الفاضل اذا استطعت ان تنسى ما فعله مبارك بنا فلا شك انك انسان قوي جدا ولكن انا لن استطيع ان انسى ما آلت اليه حالتنا الآن من سيعوضني عن عشرون عاما من الغربة بسببه من سيعوضني وانا خريج 1991م ولم اتعين حتى الآن وهناك من تخرج بعدي بسنوات كثيرة وتم تعيينه ...
ربما تقول انه ليس السبب اقول لك بل هو السبب الم يكن يدري بالوساطة والمحسوبية في الوظائف الم يكن يعلم بالرشاوى التي تدفع للمحافظين واللواءات لدخول الكليات العسكرية اعتقد ان لا احد في مصر لا يعلم ........ كل واحد يعلم ولا مجال للتسامح ...

أستاذ محمد حبيبى فى الله أنا قلت تذكروا أن الله هو فقط من يحاسب العبد على أخطاؤه ولو جلست ألف عام تكرهه والله لن يقدم هذا ولن يأخر . وتذكر فقط قول الله تعالى ( قل لن يصيبنا إلا ماكتب الله لنا ) صدق الله العظيم وكان رسول الله صلى الله عليه وسلم يدعو كثيرا بهذا الدعاء ( اللهم إرزقنى الرضا بعد القضاء ) وصدق رسوله صلى الله عليه وسلم أنا فقط أدعو بالرجوع إلى تعاليم الأسلام والى السماحة و المسامحة.لعل الله يغير مابنا إذا غيرنا مافى أنفسنا .

بسم الله الرحمن الرحيم
أخي وصديقى كمال أولاً السلام عليكم ورحمة الله وبركاته . ثانياً ليس غريباً
أن يدعوا إنسان مثلك للتسامح فأنت أهل له وللخير . أما بالنسبة لموضوعك فأنا
أوافقك الرأي ف مبارك رمز لمصر لمدة 30 عاماً . ومهما حدث فهو رمز لمصر
وهناك حقيقة واحدة الأب لا يستطيع أن يعدل بين أبنائه . والزوج مهما فعل لا يستطيع أن يعدل بين زوجاته . ومهما كان فمبارك له حسنات .وفى الوقت نفسه ليس معصوم من الخطأ . ندعو الله سبحانه وتعالى أن يولى من يصلح ويحقق
قدر مايستطيع من العدل والحكمة .. ورحم الله عزيز قوم أذل ..

حماده حبيبى مشكور جدا لمرورك الكريم وكلماتك الفياضة التى يعجز الكثيرين عن رؤيتها .
ياااااااااااااااااااااااااااااااه انت فين يابنى واحشنى و الله.

ابسط ما اقوله لك يا كيمو كلام متزن وعاقل من انسان اكن له كل حب واحترام وتقدير وسلامى لابومحمد غلمش ...

يا اخواني الم يسرق هذا الرجل شعبه ام هذه الثروة الطائلة التي لديه هو وابناؤه وحاشيته جاءته بالميراث مثلا او هبطت عليه بالبراشوت الم يهدر كرامة المصريين خارج الوطن وداخله ؟ الم يطلق زبانيته بعلمه لتعذيب الناس وانتهاك حقوقهم ؟ الم يكن على علم بكل كبيرة وصغيرة تحدث في البلد ؟
ان كان يعلم فتلك مصيبة وان كان لا يعلم فالمصيبة اعظم
ارجو يا اخوان ان تقولوا لي ما هي انجازاته خلال الثلاثين عاما الماضية وانا سأذكر لكم مساوئه خلال عام واحد وقارن بين النتيجتين .......
ان استطعت ان تسامحه فسارفع القبعه احتراما لقوتك ورباطة جأشك
اما انا فلن اسامحه حتى اخاصمه يوم القيامة يوم لا ينفع مال ولا بنون .....
اللهم لاتذر على الارض من الكافرين ديارا..........
وشكرا لكم جميعا....
وسامحوني لاني استطيع مسامحته .

انما اهلك الاقوام التي قبلكم اذا سرق الغني تركوه واذا سرق الفقير اقاموا عليه الحد

اخي الحبيب حماده غلمش وابن خالي احمد بقوش (انا اخوالي دار بقوش) الاخ كمال الدين ...
هذا الرجل لم يكن ابي او ابيك او اب لاي مواطن فآباؤنا اشرف منه واطهر منه ولا وجه للمقارنة بينهم وبينه ونحن لسنا بزوجات له ليعدل بيننا ويحتمل الخطأ والصواب وانا لا احجر على ارائكم بل واحترم الرأي الآخر دائما ولكن الم يؤد هذا الرجل اليمين بان يحافظ على مصالح الوطن والمواطنين الم يكن يخطط لتوريث ابنه مكانه الم يترك البلد غارقا في ديون لا حصر لها الم يبيع كل شبر في مصر بارخص الاسعار الخ الخ الخ...........................................
اليس من حق العدالة ان تأخذ مجراها ....
ارجوكم جاوبوني ولو على سؤال واحد ؟
الم يقل في اول خطاب له انه لن يحكم مصر سوى لفترة رئاسية واحده (عندي نص الخطاب مسجل بصوته وصورته)..
الم يكن كاذبا ؟ وحكمنا ثلاثون عاما ........

استاذ محمد عبد المنعم هدأ من روعك الشباب فعلا عندهم حق لان مبارك كان رمز لمصر لمدة 30 سنه

رمز للفساد والجبروت والطغيان والرشوه والمحسوبيه والظلم والجوع والفقر وسرقة ونهب حقوق العباد رمز للتغطرس والفرعنه والغرور يكفى انه جعل من مصر دويلة بلا هوية ولا ماضى ولا حاضر يكفى انه عندما تتحدث مع اى شخص عربى ويعرف انك مصرى فى زمن هذا الطاغيه يشعر بالنفور منك لان الذى يحكمك حسنى مبارك الذى باع كل القضايا العربيه بابخس الاثمان كيف نسامح من شردنا وجعل كرامتنا اوهن من بيوت العنكبوت كيف نسامح من بسببه حرمنا من اهلنا واحبابنا وفلذات اكبادنا ونهيم على وجوهنا فى بلاد الغربة حياة بلا حياة كيف نسامح من انتهكت كل الحريات فى عهده وحقوقنا كبشر كيف نسامح من كان يحكم مصر بقانون كبر مخلك الا يكفى كم الفساد الذى ظهر فى عصره وبعد رحيله ظهر كثيرا من المخفى الذى اثبت ان الذى كان يحكمنا عصابه وشيخ منصر اذا سامحت انت فى حقك فمن يأخذ حق الشهداء الذين اريقت دمائهم ظلما وعدوانا دون ذنب اقترفوه هل جزاء من يقول لا فى وجه الظلم ان يقتل غدرا ؟؟؟!!! فمن يسامح فى جريمة اغتصاب مصر وانتهاك حريتها وتجنى كامل على كل شئ فيها وقطع لسان اى صوت يفكر فى قول كلمة حق طيلة 30 سنه اذا اردت ان اسامح هذا الطاغيه فلابد ان انتزع قلبى من داخلى وابدله بقلب اخر يقبل الاهانه والمهانه والظلم قلب متبلد لايشعر ولا ينبض بحب مصر دولة الاسلام العربيه
والى كل من يقول ان حسنى مبارك لم يكن يعلم ما يحدث فاليك كلمات بسيطه
اذا كان يعلم فتلك مصيبه واذا لم يكن يعلم فالمصيبة اعظم
اللهم ولى علينا الاصلح وانتقم ممن ظلمنا
(( يا ودود يا ودود يا ذا العرش المجيد يا ذا البطش الشديد يا فعال لما تريد يا مغيث اغثنا يا مغيث اغثنا يا مغيث اغثنا ))

الله يرضى عليك قلت كل اللي في نفسي اقوله ..

اللي عاينا نسامح حسني مبارك يرجع لنا عشرين مليون مصري ماتوا في عهده بالأورام والفيروسات وحوادث الطرق وعشره مليون في الخارج مشردين بيناموا على الأرض والناس بتخاف منهم علشان أي مصري في الخارج هو رمز للسرقة وخيانة الأمانة
لو قدر يحيي الأموات حنتسامح في المشردين

ابو كمال حبيبى تحياتى ليك على اثارة الموضوع وانا اتفق معاك واختلف معاك
اتفق معاك فى اننامش المفروض نغلط او نشتم او نسب مبارك وعائلته وان كان يستحق
ولكن ما لا اتفق معاك فيه اننا نسامحه يعنى ايه نسامحه اعتقد مينفعشى نقول عفا الله عما سلف فى فلوس مسروقه كده يا ابو كما هندخل تحت قول نبينا محمد صلى الله عليه وسلم (الساكت عن الحق شيطان اخرس ) دى فلوس مسروقه وبلد خيرها كلها فى بطنه يرجع ده الاول وحقنا يرجع وفلوسنا ترجع وبعدين يبقى ممكن نفكر بقه فى حكاية اننا نسامحه او لا
وان كنت على يقين اننا بعد كمية الفساد والسرقه دى هيبقى صعب حتى نفكر فى كده

قشدة

تعرفوا جميع الاخوه الكرام أنا طبعا عارف كل الكلام اللى قولتوه ولو مكنتش عارفه مبقاش مصرى بس أنا عارف ومتغرب عشان موفرليش حسنى مبارك اللى وفرتهولى الغربه .
بس يا أحبائى يا إخوانى فى الله أرجوكم أنا قلت فى موضوعى برجاء اللى يقرأ الموضوع يتمعن فى الكلام كويس لأنى عارف إنك كل اللى هيرد عليا هيرد إنى بتكلم عن حسنى مبارك الريس . يا جماعة الخير أنا بتكلم عن مبارك الانسان اللى هو دلوقتى فرد مثلى ومثلكم والله عيب لما يبقى واحد عاوز يدخل مستشفى وميعرفش. أنا قلت لو أي واحد فينا جاره يهودى هيغيثه لو طلب منه ومش هكرر تانى فين تعاليم الاسلام هو إحنا مش مسلمين ولا إيه وربنا قال ( هل جزاء الاحسان إلا الاحسان ) قولتلكم الكره و البغض الشديد ده والله ما هيرجع اللى فات وربنا ياجماعة هو اللى بيحاسب الناس يعنى خليكم يا أستاذ محمد عبد المنعم و الاستاذ محمود حشله والأستاذ محمد أبو بكر فضلتوا تقولوا لمده سنه لورا بنكره مبارك وعاوزينه يموت دا هيرجع دم الشهداء ولا ده هيرجع العشرين مليون اللى ماتو ولا دا هيرجع فلوسنا اللى منهوبه . أبدا و الله
وبعدين كل واحد يركز فى الكلام اللى هقوله ده .فيه آيات أنا مش متذكرها بالظبط بس تفسيرها إن ربنا سبحانه وتعالى مبيهلكش قريه وأهلها مصلحون وكمان فيه آيات تانيه تفسيرها إن ربنا سبحانه وتعالى لما يريد أن يهلك القرى بيسلط مترفيها يعنى أغنياءها للفساد فيها . وفيه أحاديث وآيات تفسيراتها بتبين إن الشعب هو السبب فى اللى كان بيحصلنا . وبعدين كل الفضايح اللى بدأ الاعلام يوصلها للناس كانت فين من زمان كانوا خايفين يتكلموا ودا نسميه ايه ؟ جبن .ولا هم دول الشياطين الخرس اللى حضراتكم إتكلمتوا عنهم و الله يا جماعة الخير فيه حاجه غلط وكلنا السبب فيها مش الريس السابق لوحده .
برجوكم كل واحد يحاول يفهم الكلام بعقله وقلبه وخلوا المشاعر الطيبه هى اللى تتحكم فينا وزيلوا من قلوبكم الكره كفايه السواد اللى عشناه .
مشكورين كل الشباب على الردود وإعزرونى بجد عاوز نصفى قلوبنا إحنا الاول.

حبيبي كمال أنا لاأتفق معاك علشان مثل واحد من أمثلة كثيرة وهو أنت رجل محاسب لماذا تجلس هنا لمـــــــــــــــــــــــــــــــــــــــــــــــــــــــــــــــــــــــــــاذاقل علشان سرقوافولسنا ولية باعوا حقنا في كل شي ونقول لهم يكمال حسبنا الله ونعم الوكيل ماشي يأبو نوسة ويريت تشارك معي في المواضيع واخبارك وكل الأهل بلغ سلامي

يا استاذ كمال انا فيه موضوع كتبته اسمه اغتصاب مصر وكتبت فيه اننا شركاء فى الل حصل بتهاونا وضعفنا وخوفنا وبعدنا عن ربنا بس خلاص ربنا اراد وجه الوقت اللى قدرنا فيه نتكلم ونطلب حقنا عاوزينا نسيبه يضيع ؟؟
انت بنفسك قولت الايه (( هل جزاء الاحسان الا الاحسان )) فأين الاحسان الذى فعله حسنى مبارك حتى يقابل بالمثل وبعدين انت بتقول هو انتوا لو فضلتوا تكرهو حسنى مبارك ده هيرجع دم الشهداء وانا باقولك يعنى احنا لو سمحناه هيرجع دم الشهداء ولا هيرجع الفلوس اللى سرقها هو وعصابته يا استاذ كمال انا كتبت مقاله تانيه اسمها رساله الى الرئيس المخلوع حسنى مبارك كتبت فى اخر الرساله ياريت يا ريس لو كنت كويس او حتى يعنى مش كويس وعاوز تبقى كويس وتعمل حاجه تقابل بيها ربنا انك تعترف بحق الناس دى وتقدم اى ادله تدين اى حرامى وتطلب محاكمتك على كل حاجه وترجع فلوسنا يمكن لما تموت نقول ربنا يرحمك متنساش يا استاذ كمال ان من السبعه الذين يظلهم الله فى ظله يوم لا ظل الا ظله امام عادل فأين العدل انت بتقول انا باتكلم عن مبارك الانسان اللى فى يوم واحد بسأله عن حاجه فى بلده اللى هو بيحكمها وولى امرها بيقولى هو انا هاعرف كل حاجه ياعم كبر مخك يا كيمو والله الراجل ده لو ما اتحاكم واتهضمت حقوق الناس بكره هتلاقى اللى بعده واللى بعده بيعملو زيه ولما نيجى نحاسبهم هنلاقى ناس برده بتقول نسامحه وبلاش نشوه صورته مهما كان دا كان رئيسنا فى يوم ورمز من رموز البلد وهنفضل فى الدوامه ومش هيتعدل حالنا ابدا اللى اخطأ لازم يتعاقب واحسن له يتعاقب فى الدنيا احسن من الاخره مش كده ولا اييييييييييييييه

أهو انا لو قولت ان فيه ناس هنا تبع الثورة المضادة محدش يلومني
!!!!!!!!!!

يانور مفيش حد تبع الثورة المضادة كلنا مصريين مهما اختلفت ارائنا ومقتراحتنا كلنا فى الاخر نحب مصر ..

أخي في الله كمال الأخوه الأعضاء تحدثوا في هذا الموضوع بإستفاضه فأن لن أكرر هذا الكلام ولكن
لك أن تعلم أخي الفاضل أن الشده في الحق والتمسك به واجب شرعي .
الا تعلم أخي الحبيب أن النبي صلي الله عليه وسلم عندما أسلم وحشي بن حرب قاتل حمزه عم النبي قال له لاترني وجهك فقيل أنه لم يضع وجهة في وجه النبي بعد إسلامه.
وهذا من شدة حزن النبي ع عمه فشدد هو علي قاتله
فبالله عليك ماظنك لو أن أحد أقارب شهداء التحرير أو العباره أو أو أو أو أو أو
كان أخيك أو أبيك أو أو أو
فهل كنا سنطلب له السماح
يا أخي الفاضل سيدنا عبدالله بن عبدالله بن أبي بن سلول طلب من النبي أن يقتل هو أباه وكان أباه رأس المنافقين خوفا من أن يقتله غيره من الصحابه فيغار لوالده فيقتل الصحابي فيكون قد قتل مسلم بكافر
فهذا صاحبي وما أدراك من هم الصحابه في التسامح ولكنه خاف ع نفسه من أن يغار ويتعصب لوالده المنافق
فما بالك أخي الحبيب بنا وما أدراك ما نحن
و نقطه أخيره أخي قد نطلب التسامح لشخص غير قيادي ولا يتبعه أحد فهذا مقبول كأن مثلا نسامح طالب علم ف بدعه ولكن لا نسامح عالم فيها لأن العالم له أتباع ومريدين فذنبه أشد
في النهاية أود أن أقول لك أخي إن كنت تقدر أن تسامحه فسامحه لكن أقول له رساله من مواطن مصري
حسبي الله ونعم الوكيل
فيك يا مبارك يا ابن نعيمه

يا نور مفيش حاجة اسمها تبع الثورة المضادة

فى حاجة اسمها فلول النظام السابق ( المنتمون للحزب الوطنى اللاحاكم )

الاخ الفاضل توضيح صغير بس تعقيبا على كلامك أنا قصدت ب(هل جزاء الاحسان الا الاحسان ) الاحسان اللى إحنا هنعمله اللى ربنا إن شاء الله هيرده لنا بإحسان ومقصدتش إطلاقا الاحسان اللى هو عمله لأنه واضح انه معملش إحسان.
أما حبيبى فى الله عبد الرحمن اللى مفتقد ردوده المضاده دايما من زمان فبحب أقولك أنا مقتنع بكلامك 100% إلا إن فيه حاجه مش عارف أوصلهالكم يا جماعه ليه مش عارف . بعيد عن السياسه و الاحداث و الثورة اللى انا متابعتهاش أساسا لأسباب معينه وحتى الثورة المضاده اللى سمعت عنها مؤخرا جدا وحتى والله ماأعرف أيه أهدافها ولا عملوا ايه ولا ايه اللى طالبينه أنا دلوقتى بتكلم عن تعاليم الاسلام و السماحة و التسامح ونفسى أقول لكل إخوانا اللى إنكسر مبيتصلحش واللى إتاخد مبيرجعش هو إنتوا مفكرين إن فيه فلوس من اللى إتسرقت هترجع كلنا ساهمنا فى السرقه بسكاتنا زى ماقال الاخ محمد أبو بكر.
وأخيرا حبيبى أبو كمال الواحد دايما لما يحب يعمل خير دايما بيتفهم غلط ليه مش عارف . سيبك أخبارك انت ومعلش و الله الايام اللى فاتت كنت مشغول شويه ومكنتش بقرأ كل المواضيع . سلامى للجميع .


سبحانك اللهم وبحمدك أشهد أن لا إله إلا أنت أستغفرك وأتوب إليك

ياعم كمال بلاش كلمة المضاده دي ال وصفت بيها ردودي لحد يقول عليا انا الثوره المضاده
هههههه
وبرده لازم نقول
حسبنا الله و نعم الوكيل فيك يا مبارك يا بن نعيمه

هههههههههههههدا أنا اللى طلعت من الثورة المضاده مش انت و الله أما إحنا بنقول كلام ياجدع.
ماشى يا عبده والله كان على بالى فعلا أسألك بست نسيت هى نعيمة دى أمه بجد ؟

والله يا كيمو الجماعه في الميدان كانوا بينادوا علي واحد تايه وبيقولوا يا ولاد الحلال فيه سفاح تايه من تلاتين سنة إسمه حسني مبارك .مبارك بن نعيمه .مواصفاته غبي ما بيفهمش .أعمي ما بيشوفش . بارد ما بيحسش .واللي يلا قيه يحطه في أقرب صفيحة زباله أو يولع فيه . وياريت يولع فيه.

فأنا دورت ف النت يا أخ كيمو فوجدت الأسم ده بس مش متأكد

علي فكرة أنا بهزر
والدليل علي كدا الوردة

يا كمال
لو سامحنا مبارك الانسان زي ما انت شايف وحاكمنا مبارك الطاغية
لو ان مبارك الانسان كان حكمنا بانسانية كنا سامحنا مبارك الانسان
لو مبارك الطاغية منهبش خيرات مصر كنا سامحنا مبارك الانسان
لو مبارك الطاغية مشوهش صورة مصر في كل بقاع الأرض كنا سامحنا مبارك الانسان
لو مبارك الطاغية مخربش عقول الشعب باعلام مبتور غير كل الحقائق وخلا أغلب الشعب شايف الظلم حق والقهر حق والبلطجة حق والنهب حق والتزوير حق وبيع الذمم وشرائها حق والقتل في سبيله حق كنا سامحنا مبارك الانسان
لومبارك الطاغيه حكم بالعدل كنا سامحنا مبارك الانسان
لو مبارك مخططش لخراب مصر حتي بعد سقوطه كنا سامحنا مبارك الانسان
لو مبارك راع ومسئول عن رعيته لابد ان يحاكم ليكون لمن بعده آية

واول شيء يفترض محاكمته عليه هو جرائمه بحق المسلمين في مصر وفي فلسطين والعراق و....

هو سعد زغلول قال أيه قال ( مفيش فايده )
اللى فى دماغكم فى دماغكم مفيش حاجه هتتغير ومفيش حاجة هتتعدل وإحنا هنفضل طول عمرنا زى ما إحنا و فعلا ( إن الله لا يغير ما بقوم حتى يغيروا مابأنفسهم ) وبرده ( من أعمالكم سلط عليكم )

فعلا يا كمال
مــــــــــــــــــــــــــــن اعمــــــــــــــــــــــــــــــــــــــــــــــــــــــــــــالكم سلــــــــــــــــــــــــــــــــــــــــــــــــــط عليكــــــــــــــــــــــــــــــــــــــــــــــــــــــــــــــــــــــم

بص ياكيمو انا عارف هدفك النبيل وقصدك الطيب وعارف انك بتتكلم بطريقه انسانيه باحته.
لكن
انت زعلان ليه .ربنا سبحانه وتعالى اراد ان مبارك ده يذل فى دنياه. ما ممكن كان مات وهو بيحكم وكان التاريخ المزور هيقول انه كان اعظم رئيس ولكن ارادة الله ابت .الله سبحانه وتعالى اراد له الفضيحه حتى يكون عبرة ومثل لمن يعتبر والدليل انه كل حاجه حصلت دون ترتيب او تخطيط وليس لاحد فضل فيما حدث .وبعدين الراجل قاعد فى افخم القصور ويعالج افضل العلاج .والله خسارة فيه
اما موضوع الثورة المضادة
المشكله الناس بتسمع مصطلحات وكلمات وبترددها دون ان تفهم معناها او المغزى منها
فيا اخوانى اللى بيريد ان يعمل ثورة مضاده مش بيطلع يقول ارحموا حسنى ولا بيطلع يقول الانسانيه والكلام ده
الثورةو المضاده هى تحويل الاحداث من احداث تبدو للعلن انها مع مصلحه البلد ولكن فى باطنها اهداف ومأرب ومصالح شخصيه .زى اللى بيحصل الان من وقيعه بين الجيش والشعب

حبيبى ابو كمال كل التحية والتقدير لارائك طبعا
ولكن انا ليه وجهة نظر فى الموضوع ان اللى حصل واللى بيحصل لمبارك ده دعوة ام لابن مظلوم من ملاييين اتظلموا فى عهد مبارك وربنا سبحانه وتعالى عدل ويمهل ولا يهمل ده ترتيب ربنا يا كيمو وربنا يخلص الظالمين بالظالمين
ويخرجنا منهمم سالمين

قشدة

مين اللى قالك يا عباده ان اسم امه نعيمة ؟ دا احنا مشفناش منه ولا نعمة خالص ربنا يعذبه فى الدنيا على البطئ لحد ما يعترف بكبره هذا ان هو ظلم ثمانين مليون .

الاخ حسام و الاستاذ محمد عز العرب إنتما الاتنين لأول مرة حد يقنعنى بتعليق ماشاء الله عليكم فعلا التعليقين دول كانوا غايبين عن عقلى بالمرة ومفكرتش ولو لحظه واحده فيهم .
جزاكم الله كل خير