يا أهل الغرب العيب مش فيكم العيب فى اللى ما قالش إزاى
يبقى شعارنا سلام عليكم وفى شوارعنا نقول باى باى
ده احنا كلامنا العربى أصوله والقرآن زينها بنوره
واللى اتعلم من دستوره عمره لناسه ما قال جود باى
سيد عبده رطن ألمانى مع أهل الريف الجوانى
وقناوى لسانه فرنساوى وكأنه من البر التانى
هو العربى كبرنا عليه ولا حرام نتكلم بيه
ولا المسلم بقى جنتيل من أرض الخوابات الهاى
اتشعبطنا فى موضة جديدة عشنا نقول بنجور وسعيدة
اتشقلبنا ومين يسندنا موتنا وسيبنا لغتنا شهيدة
ع التقليد الأعمى مشينا واتعلمنا حاجات مش لينا
عصرنا غير كل ما فينا ربنا يستر بقى من الجاى
بالاسلام وبضى آياته المسلم صفيت له حياته
واللى سلامه سلام اسلامه كل سلام بتزيد حسناته
كان اسلامنا بيضوى جلاله كنا زمان ماسكين فى حباله
خدنا كلام الغرب بحاله وبنتمنى نعيش فى
مشكور ياسر على الحلاوه دي وانت فين من زمان ياعم
