فى أول حديث صوتى له بعد تنحيه فى 11 فبراير الماضى عن منصب رئيس جمهورية مصر العربية، قال حسنى مبارك، فى تسجيل صوتى بثته قناة العربية، أنه تألم كثيراً مما سماه "الحملات الظالمة التى اعتبر أنها تسىء له ولعائلته ولتاريخه العسكرى".

وتابع "لقد آثرت الابتعاد عن الحياة السياسية متمنياً الخير لمصر.. ولكنى لا أملك أن ألتزم الصمت أمام الطعن فى سمعة ونزاهة أسرتى.. ولقد انتظرت على مدار الأسابيع الماضية ليصل النائب العام المصرى إلى الحقيقة التى تفيد بعدم ملكيتى أى أموال أو عقارات أو حسابات بالخارج".

وأضاف "قررت الموافقة على التقدم بأى مكاتبات أو توقيعات تمكِّن النائب العام المصرى بأن يطلب من وزارة الخارجية الاتصال بدول العالم، والتأكد من ذمتى وذمة زوجتى.. ليتأكد الشعب المصرى من أن رئيسه السابق لا يمتلك إلا أرصدة وحسابات فى بنك داخل مصر".

وأوضح حسنى مبارك، الذى تم خلعه إثر ثورة 25 يناير، "موافق على تقديم أى مكاتبات للنائب العام للاتصال بالخارج لاتخاذ الإجراءات المناسبة للكشف عن أننى وزوجتى أو أى من أبنائى لا نملك أى أصول عقارية بشكل مباشر أو غير مباشر".

وتابع "بعد انتهاء التحقيقات التى تجريها النيابة العامة أؤكد أنى سأحتفظ بحقى فى مقاضاة كل من تعمد الإساءة لى ولأسرتى فى وسائل الإعلام العالمية والمحلية".

هو مقلش انه ( بتاريخه العسكري ) لم يأمر الشرطة مرة والجيش مرة أخري بقتل المتظاهرين في ميدان التحرير

عارفين انا اول ما سمعت هذا التسجيل وكأن الشيطان قد ظهر للعلن يريد ان يستعطف الشعب ويقول يا جماعه انا شيطانا طيب غلبان منكسر انا شيطان مستأنس

إهى إهى إهىى انا حزين حزين ايه ده يا جماعه الراجل ده قطع قلبى
يااااااه اتارى الشعب اللى عمل الثوره ده شعب ظالم واغتصب حق الراجل ده ولازم نرجعله املاكه تانى ونعتذر على اللى عملناه معاه انا رايح شرم حد جاى معايا

السلام عليكم هو ايه دا يا جماعة دا لسه مفكر ان الشعب هتأخذه العاطفة ولا ايه يا جماعة لو عاوز فلوس اتبرعوله عادى يعنى. يا اعوذ بالله هو يعنى يسرق وينهب هو واولاده البلد ويقول انا معنديش دا ايه الكلاحة دية وايه البجاحة دية فعلا بجح ظالم مفترى الحمد لله ان ربنا خلصنا من وعلى رأى المثل (( قالوا للحرامى احلف قال جالك الفرج ))

ايه الحلاوة دى يا حمادة انا جاى معاك لو رايح شرم ومين اللى قالك هو فى شرم !!!!! دول بيقولوا فى تبوك عند الملك عبدالله ربنا يذله ويخزيه امين

اهو اى شرم والسلام يا احمد شرم الشيخ شرم تبوك شرم فى دماغه .
بس فيه استفسار اشمعنا قناة العربيه بالذات هى اللى ذاعت الخطاب
احلى حاجه بيقول قررت ههههههههه والله حاجه تضحك المعلم لسه عايش الدور

الراجل قال إنه قدم إقرار زمه ماليه وإنه ما عندوش حسابات غير في مصر
علي كده بقي بنوك سويسرا و كندا وغيرها ال طلعوا قالوا إن في إجراءات لازمه لتجميد حسابات مبارك .ع كده دول بنوك كدابه ورئيسنا ده صادق مش بيكدب وعسول بصراحه

حلوه قررت دية واخد بالك هو مفكر نفسه لسه رئيس ولا ايه يته نيله لو كده يا محمد قوله وفكره ممكن يكون ناسى ولا حاجه ما هو معندوش دم ولا اقولك ممكن يكون طالع يقول الكلمتين دولة علشان الشعب يقوله تعالى يا ريس احنا ماقناش احسن منك واحنا اتفقرنا من ساعة ماسيبتنا ولا ايه بالضبط يته حسرة اكتر ما هو محسور دا المفروض يرحله شرم الشيخ ويعدموه هناك او يعذبوه على البطئ يا اعوذ بالله منه