السلام عليكم ورحمة الله وبركاته
الاخوه الاعزاء اعضاء المنتدى الكريم
خطرت على بالى فكره بس يلزمها شجاعه كل واحد مننا يقول العيب اللى هو شايفه فى نفسه وبكل صراحه وصدق وعشان اكون ديمقراطى هاكون اول واحد
اولا انا عصبى جدا وعصبيتى احيانا بتخلينى اعمى ومش عارف انا باعمل ايه
بصراحه اوقات باكون انانى بس مش دايما انا عارف انها صفه وحشه بس انا باحاول اعالجها ونجحت لحد كبير وكمان انا بقيت كسول بس انا مكنتش كده بس اكتسبت الصفه دى فى السعوديه

الاخ / محمد ابو بكر
احييك علي هذه الصراحه علي الاعتراف بعيوبك
فنادرا ما يعترف الانسان بعيوبه
واتضامن معك في هذا الموضوع
فانا سريع الغضب سريع الانفعال

تسلم يا محمد على موضوعك الجميل عن نفسى سريع الغضب اصبحت كسولا بعض الشئ لاسباب كثيرة ....

ايه يا بكرمبلاش فضايح بقه فكره ممتازة يا بكر وموضوع جميل
وانا اعترف انى متسرع وقلوق بعض الشىء وضعيف بمعنى ان القوى هو الذى يملك نفسه عند الغضب

قشدة يا بكر

موضوع رائع ابوحميد
وانا بعترف اني الغربه فعلا علمتنا الكسل والاول كان في قوه تحمل في كل الامور
وبعد السفرمفيش تحمل زي الاول والحاجه الا تحزن ان كل ده الا بيتحمله الاهل في الغربه
الله يكون في عونهم الواحد هنا بيتعامل مع اوناس علموه المعمله الجافه.........

اشكر كل الشباب الشجعان الذين شاركوا واطراءهم على فكرة الموضوع
رحم الله امرء عرف قدر نفسه وبمناسبة هذه المقوله احب ان اوضح شيئا بخصوصها لان بعض الناس يعتبرونها حديثا وينسبونه للنبى صلى الله عليه وسلم

هذا الحديث لم يوقف عليه منسوباً للنبي صلى الله عليه وسلم في مصادر السنة المتعددة ، وإنما هو من قول عمر بن عبد العزيز - رحمه الله - حيث قال القرطبي في تفسيره "بلغ عمر بن عبد العزيز أن ابنه اشترى خاتما بألف درهم فكتب إليه: إنه بلغني أنك اشتريت خاتما بألف درهم، فبعه وأطعم منه ألف جائع، واشتر خاتما من حديد بدرهم، واكتب عليه " رحم الله امرأ عرف قدر نفسه ".

كما ذكره منسوباً إلى عمر بن عبد العزيز المناوي في "فيض القدير" .

والله أعلم

الملاحظ ان الجميع لديهم صفه مشتركة وهي سرعة الغضب ...
واعتقد ان للظروف الاجتماعية والسياسية والاقتصادية عامل كبير في ذلك ...
اما بالنسبة لي فانا لست عصبيا ابدا ..
ولكن عيوبي كثيرة اشدها حب التملك والتسرع
وارجو من الجميع تذكر الاحاديث النبوية الشريفه للرسول عليه افضل الصلاة والسلام
ليس الشديد بالصرعه ولكن الشديد الذي يملك نفسه عند الغضب وقوله صلى الله عليه وسلم لا تغضب لا تغضب لا تغضب

استاذ محمد تحيه من قلبى لشخصك الكريم واشكر لك مرورك وصراحتك المتناهيه

يا خبر أبيض إنت جيت يا أخ محمد على حته بتوجع بس انا هقولك على حاجة تعرف دايما بيبقى فيه عيوب فى الواحد غيره بس هو اللى يشوفها لكن اصاحبها مبيشوفهاش ودى والله ماهى فلسلفه دى الحقيقة اللى انا شايفها يعنى مثلا انا كتيير قالولى إنى بزعل بسرعة مع إنى شايف إنى صبور وأقدر أتحملو صدرى واسع . فدا مثل يعنى بس عن اللى أنا شايفه فى نفسى ( نعيب زماننا و العيب فينا وما لزماننا عيب سوانا ).

الله ينور يا أستاذ محمد على الموضوع الجميل . وده فكرني بموضوع حصل لي من خمس سنوات ، كنت في كيب تاون وكنت ساكن عند ناس مسلمين ولفت نظري ان بنتهم محجبة فتكلمت معها المهم اتقدمت لها علشان اتجوزها ، فهي قالت لي انها سوف ترد على خلال أيام ، وبعد يومين تلاتة لقيتها بتنادي عليه هى وأبوها وبيعطوني ورقة مكتوب فيها العيوب بتاعتي وقالت لي لو قدرنا اننا نتغلب على العيوب دي خلال مدة معقولة يبقى ممكن نتجوز . ومن ضمن العيوب دي مثلا :
1- إني مش ملتزم بالقدر الكافي
2- اني غير متمكن من اللغة الإنجليزية
3- إني judgemental مش عارف الترجمة بس تعني اني مولع باصدار احكام على الناس فمثلا بقول ده كويس وده وحش وده مؤدب وده مش مؤدب كدة يعني
المهم كانوا سبع ثمان اسباب حاولت خلال المدة السابقة اني اعالج بعضهم وبعضهم ما زال مزمنا ، المهم انها وافقت على الجوازة لكن اهلها لم يوافقوا وخصوصا كان لها عم هندي جاء من دربن مخصوص الى كيب تاون علشان يبوظ الجوازة ، بس احلي ما في الموصوع انها لم تتزوج الي الآن .
جزاكم الله خيرا يا أخ محمد على الموضوع

يا سعادة المستشار بالتأكيد هي الخسرانه دي ملقيتشي في الورد عيب قالت له يا أحمر الخدين ...
ده كفاية انك محمود ...
الميم محمود عندي مخزون شوق وود
والحاء حاولت جهدي
الا ابوح بحبي
لكن قلبي كذوب لم يرع حقا لحبي

والله يا ابو حميد موضوع كويس جدا بس المشكلة ان الواحد فينا مبيشوفش ان فيه عيب خالص لان هو مفكر ان هذا ليس عيب والا لماذا يفعله ! طبعا ممكن يبقى بدون قصد منه . أما عيبى ان انا انتصر لنفسى نوعا ما حتى لو انى مخطئ وهذا عيب كبير وان انا بشوف عيوب غيرى ومبشوفش عيبى وعلى حد قول سيدنا على رضى الله عنه (( يرى القذاة في عين اخيه ولا يرى الجذع في عينه ))

انا ملاحظ حاجه غريبه كلنا اتكلمنا عن عيوب فينا الا عيب واحد رغم اننا كلنا بنعمله وهو الكدب كلنا بنكدب حتى لو مش بنحب الكدب اوقات الظروف بتحطنا فى مواقف نضطر فيها اننا نكدب المشكله انه اخطر العيوب

كفى بالمرء فخرا أن تعد معايبة
دا لو الواحد يتكلم عن عيوبه مش هنخلص
أول شيىء دفنتم موتاكم ولم تعتبرو
عرفتم المعروف ولم تتبعوه
عرفتم الجنة ولم تعملو لها
عرفتم النار ولم تهربو منها

مشكور مرورك يا هندسه نورت صفحتى