نادية عمير معلومات اضافية الجنس :  العمل :  الاقامة :  العمر : 57 عدد المشاركات : 295 تاريخ الانضمام : 26/03/2011 | | آبو اسلام والخصخصة 16/5/2011, 11:51 pm |
| السلام عليكم
اية رآيكم نتذكر معا انجازات
النظام السابق اولا / الخصخصة...
كلمات & نادية عمير......
كنت زمان زى الدادابان
اجرى وألف فى كل مكان
اصحى اصلى فى الفجرية
وألبس وأخرج م البدرية
وآروح شغلى اعمل وردية
وآرجع تانى فى العصرية
القى مراتى فى وسط ولادى مستنية
ونقعد ناكل لقمة هنية
وآنام حبة وآقوم تانى
ما نا شغال مع عم رومانى
اصل احنا جران بقلنا زمان
من قبل ما يجى الواد اسلام
وهى كات ماشية وحالى تمام
قرشين منة ويا ماهيتى
بقدر ادبر بهم بيتى
كنت بقلب واللة فى عيشى
وآرجع بيتى ونافش ريشى
لكن دلوقتى الريش اتقصقص
بعد الشغل بتاعى ما اتخصخص
وباع دكانة عم رومانى
وداير ادور على باب تانى
لكن الحال ما باقاش هوة
بعد ما ضاعت منى القوة
انحنى ظهرى اتهد الحيل
وبقيت مادد ايدى للغير
وبنتى امينة يا قلبى عليها
جم خطاب وطلبوا اديها
بس حجيب جهزها منين
وانا معاشى يادوب قرشين
وبيخلص منى بعد يومين
والواد اسلام نام مقموص
ماهو كان طالب منى فلوس
اصل ياعينى عندة دروس
والست بتاعتى صابرة معايا
باعت حلقها جابتلى دوايا
اصل السكر زاد ويايا
وقلت اروح لجارنا سعيد
اخد دكان بعقد جديد
وآجيب بضاعة بالتقسيط
واجوز بنتى واشيل احفادى
واعلم ابنى وباقى ولادى
وع الطبلية تانى نتجمع
وآشوف نفسى بقى واتقمع
وفى دكانى قاعد سهران
والحال نايم وانا حيران
واهى الآسعار بتولع نار
شوية وجة استاذ مندور
ماهو كشاف عداد النور
وهل عليا بتاع المية
والتلفون بعدها بشوية
الفواتير خالتنى الف
بعد ما كنت خلاص راح اخف
دنيا ودايرة عليا تضيق
ماشية تسد فى اى طريق
وما فيش حاجة تبل الريق
عدل سابقا من قبل نادية عمير في 17/5/2011, 12:03 am عدل 1 مرات |
|
محمود زعلوك معلومات اضافية الجنس :  العمل :  الاقامة :  العمر : 54 عدد المشاركات : 143 تاريخ الانضمام : 15/04/2011 | | رد: آبو اسلام والخصخصة 17/5/2011, 12:02 am |
| قصيدة رائعة يااخت نادية
وان شاء الله الحال هيتعدل فى مصر ومش هيبقة
فية تقصيط والحالة هتبقى عال ان شاء الله
وذيدى من القصائد الرائعة وفى انتظار المزيد |
|
أحمد بقوش معلومات اضافية الجنس : العمل :  الاقامة : العمر : 39 عدد المشاركات : 434 تاريخ الانضمام : 13/06/2009  شباس عمير الام والوطن | | رد: آبو اسلام والخصخصة 17/5/2011, 12:19 am |
| كلمات بس بسم الله ماشاء الله استاذة نادية شعر عامى جميل جزاك الله خيرا على هذه الكلمات  |
|
نادية عمير معلومات اضافية الجنس : العمل : الاقامة : العمر : 57 عدد المشاركات : 295 تاريخ الانضمام : 26/03/2011 | | رد: آبو اسلام والخصخصة 17/5/2011, 12:59 am |
| ا  شكرا محمود آخجلتنى كلماتك الرقيقة |
|
نادية عمير معلومات اضافية الجنس : العمل : الاقامة : العمر : 57 عدد المشاركات : 295 تاريخ الانضمام : 26/03/2011 | | رد: آبو اسلام والخصخصة 17/5/2011, 1:03 am |
|  باقة ورود الى ابنى آحمد
شكرا لمرورك
|
|
