---

ابو جهل:اين ابو لهب


ابو عطيه:لا اعرف انتظر سأتصل به فى الموبايل......(الهاتف الذى طلبته ربما يكون مغلقا.....)


ابو جهل:طيب هاتصل على البيت........ السلام عليكم اين ابو لهب


ام لهب:أهلا يا أبو جهل دا راح يودى لهب الحميات اصله بعافيه شويه


ابو جهل: طيب لما ييجى قوليله ان احنا مستنيينه عند أبو عطيه.......


وفجأه يرن جرس الباب ويدخل ابو لهب


أبو لهب:السلام عليكم يا رجال.................. وعليكم السلام


ابو لهب:ايه الأخبار عملتوا ايه فى الناس اللى فى التحرير


ابو جهل:بنفكر فى حل...عندك ليهم حل؟


ابو لهب:انا رأيى ان احنا نقطع عنهم الكهرباء ونعيشهم فى ضلمه وظلام
وفجأه نطلع عليهم ونقولهم (بــخ) فيتخضوا ويموتوا كلهم من الخضه ونخلص منهم


ابو عطيه:هو ده الكلام الجامد


ابو جهل:ليس هذا برأى...انتوا نسيتو انهم معاهم موبايلات وفى كل موبايل كشاف.
لا شوفوا حل تانى


ابو عطيه:طب انا عندى رأى جامد آخر 25 حاجه....احنا نقطع عنهم المياه ولما ميلقوش ميه يعطشوا لحد ما يموتوا من العطش وبكده يبقى قضاء وقدر...


أبو جهل:ده رأى جامد جدا قشطه عليك يا ابو عطيه.....


ابو لهب:ليس هذا برأى.. انتم ناسيين انهم معاهم كولدير لا لا مش هاينفع...
دوروا على حل تانى


ابو لهب:انا بقى عندى الحل الجامد طحن..احنا نوديلهم فيــل كبيرفى الميدان ويمشى
ويمشى عليهم ويدوس ويموتهم كلهم ونخلص منهم..


ابو عطيه وابو جهل:هوده الكلام..


وفى هذه الأثناء يدخل عليهم رجل غريب... ويقول لهم ليس هذا برأى...


ابو جهل:من انت


الرجل الغريب:انا شيخ من المعصره


ابو جهل:اهلا بك.. ما رأيك.. لماذا لا توافق


الرجل الغريب:انسيتم اللجان الشعبيه التى فى الطريق هيوقفوا الفيل وياخدوا الرخص
ويسلموه للجيش..... انا عندى الرأى الصحيح...احنا ناخد من كل سجن مسجون أملح
أملج أهبل أعبط.... وندخلهم عليهم فى ميدان التحرير ويقتلوهم ويتفرق دمهم بين السجون
فلا يستطيعون أخذ الثأر فيهم....


ابو لهب وابو جهل وابو عطيه:الله يفتح عليك هو ده الإجرام ولا بلاش..

__________________

مبدعة يا أخت نادية ، جزاكم الله خيرا