معنى الآآآآآه لو فاضى يجيبو قاضى يحكم عليها باللى فيها وبأن الالم مش حقيقه ولو عدت دقيقه من غير وجع نضرب ودع ونضرب معاه قلب اتصدع من الآآآآه... صعبانه عليا تشوف حنيه تعرفها قسوه وتاخدها نسوه تفرق مابين دمع عين نا...زل على الخدود ودمع تانى ع...لى الجبين عامل حدود بين عقل البشر وقلب انفطر زى شلال من اعلى السدود الميه فيه ريحتها نتنه وسمكها دود وماسكه فى ايديها شوك منزوع الورود و رموش عنيها رموش عنيها تشاور عليها بكسره نصره للحصره اللى فيها, القهر نار شادد حاله وعامل عمار وعامل ديار بيها, وحتى مناها هى مناه وشرور قصور العزه والماركه بتزاحم مكانه جواها وبتقتل سلوتها جواه,طيب مين معاها ومين معاه, هو يقول بجنيه طعميه وفول ورغفين عيش او حتى رغيف نقسمه نصين علشان نعيش وهى تقول نلبس بأيه وناكل بأيه. ولو هو عليه يمشى من الدهار للسقاله ولحظه ذكرى جنب سوبرماركت طريق المطار يغنى حياته عن كنوز اكنز كنوز فى الدنيا متشاله للى يلاقيها,برص واقف على الجدار ودمع عينه فى لمح شبشب وقعه بين سنان قط جعان آكل جناح العصفور ومقصقص ريشه ومستعبده, صوت الظلام صوت حمام بيندبح لكن عشان مر دماه بعيده عن ودان سامعيه وفيها ايه روح واندبح, وروح واندبح روح واندبح
